可能有D長,但麻煩大家有耐性睇一睇佢...
事緣係咁既,我諗自己算係一個PURE掛,你睇我打扮應該唔會覺得我中意女仔
其實到目前為止,我只係中意過2個人,而2個都係女仔
係呢2個女仔之前,我同我一個好朋友我個人比較曖昧既,其實身邊既朋友都好似睇得出一D野,只不過係大家都冇去篤穿果層紙,我亦都冇真係表白過話比我個FRD知我中意佢,我當時都唔知係咪叫中意,只係純粹好想保護佢,而佢同我講野既態度亦比較曖昧,係人地眼中我地係鬥氣冤家
講番果兩個女仔,第一個叫A,而家中意果果叫B啦.
A係TBG,呢層係我中意左佢之後我先發覺既,佢而家同緊一個TB一齊既.我試過同撩A傾計,不過佢總係好冷淡,有時WTSAPP明明收到我MSG,但都唔覆,我都唔知係我D野佢冇興趣定係佢份人本身係咁.每次咁我都好冇癮.果陣我真係好中意A,可能佢係第一個我真真正正知道自己中意女仔,所以真係好中意佢,不過我諗佢唔知道我中意佢.我試過想拉近大家之間的關係,但都唔成功,之後我就放棄了.
到B啦,我識左B半個月,係一見到就中意佢.我同B係賣舊書識既.佢係一個NON-LOCAL,印尼人,第一年黎HK.初頭都同佢通過幾次EMAIL,覺得呢個女仔幾好人,你問佢野佢會反問番你,唔似得A,冷淡到死,你問佢佢真係一句起兩句止.之後到見面啦(賣書交貨),一見就覺得呢個女仔幾靚WO,哈哈.然後我最欣賞佢既地方,就係佢好老實.事緣本身本書係EMAIL佢話係$200,咁我見面咪交$200比佢LO,跟住我趕住上堂就跑開左,點知行行下B跑過拍我,話,其實本書我係$150買黎!比番$50你! 我當時心諗,比著我就自己食埋果$50佢.哈哈
跟住賣完書後,我仍然用EMAIL同佢聯絡(其實SUPPOSE完左買賣係應該冇CONTACT,不過我好厚顏無恥XDD),我同佢講話你可唔可以有機會教我SCIENCE呀?!?(佢係讀SCIENCE) 佢話冇問題,有唔明就問佢啦~~
跟我又回左唔記得乜野比佢,之後佢冇覆,咁我開始驚啦,唔通佢覺得我好煩?覆我都SAI氣??咁我就好厚面皮SEND多封同佢話: 其實唔好意思,之前問你咁多野,因為我第一次就感覺你好似我以前一個同學!!(妖,假到死,) 跟住佢答:哈哈,冇問題,有機會一齊食飯呀~!;) 我當時好SURPRISE,哈哈,一齊食飯?雖然我覺得呢個係人地禮貌上UP一句,但我都好SURPRISE,因為我份人本身比較內斂,絕對唔會同一個陌生人咁講,就算我知道呢個係出於禮貌,我都唔會咁講.
跟住我就ADD左佢LINE啦,佢竟然仲記得我個名同埋我讀乜野,當時真係好開心;)) 跟住B又好過癮,佢會自爆自己住緊邊間宿舍同埋咩房號架WO.
同埋我覺得B真係好好,有幾次我回完佢,佢好耐都唔覆我,我等唔到就走左去訓,到第二朝佢會SD番MSG過黎,話尋晚好忙,又好TIRED,所以訓左,冇回你唔好意思,你起左身未?比著係A,佢理都廢事理我;(( 所以我覺得B係一個有禮貌既人.同埋同B講野,真係好似同緊一個人傾緊計,唔似同A,得你自己講,佢十回九唔應咁,好冇癮
我又係同B講,HK邊度邊度好玩啦,你想去踩單車就叫我啦,我帶你去,佢又係答''好呀~~得閒就搵你一齊踩單車''呢D客套說話;我又問下佢中秋萬聖點過啦,佢就話應該同朋友過,佢地去邊佢就去邊咁,又反問我咁我有咩做,會唔會去某D地方出街慶祝
同埋呢,B打扮係一個普通女仔,但係佢好中意踢波,係自己親身落場踢果種!又中意睇波同NBA....又會打足球遊戲.我當時都幾SURPRISE,因為好少女仔真會落場踢波,仲要睇佢樣唔出咁.同埋我見到佢D影,坐姿都幾豪放==佢好中意將一腳疊在另一隻腳既大脾上面,成個大少咁款果D=.= 所以我覺得B應該係一個幾爽直既女仔.
我有D中意B呢個女仔,我應該點落去好..........
唔該哂呀>_<
|