原帖由 cheuk 於 2012-10-20 14:16 發表
“呢D書真係好應該間唔中拎出黎幫自己心靈除下塵”,好認同哩句
其實哩類型既書幾時都適用,唔同年紀睇又可能會有另一番體會
我覺得越大好似越少朋友,冇咩途徑識到新朋友,舊朋友又日漸生疏
好多時候 ...
而家唔似得細個時咁自由, 咁多時間去同朋友相處,
以前除左讀書無咩要應付, 心思都可以放晒o係朋友度,
大家關係又簡單, 無咩利益衝突, 自然更易熟絡更易交心,
未經歷過社會洗禮, 未有太多現實問題帶黎既挫折,
對人既戒心邊有而家咁重, 要去信任一個人變得越黎越難
唯有當係一個過程, 人總要學識堅強獨立, 自己照顧自己,
朋友會逐漸建立自己既家庭, 生活重點都圍繞住家庭呢個圈子,
能夠定時問候下, 間中見下面已經好好, 有D野在心中吧=]
識新朋友我都試過, 但可能我太懶, 好似大部分都KEEP唔長,
又或者大家太少時間去一齊經歷一D野, 個關係始終鞏固唔到,
如果LES圈子的話, 大多數係想搵PARTNER先識人, 知我無心就唔SO我XD
哈哈妳就好咁快要搵新目標, 我仲向住終極目標一步一步行緊...
人生有目標好重要, 有個生活重點提醒自己, 個人都有活力D