比樓主你嘅9年多 ,我同我女朋友相差足足12年 , 可能大家會以為我地係廿幾同三十幾 , 又或者 30同40 , 但我稔大家都估唔到 , 其實我只係個十八未到嘅妹妹 , 而對方係個快30嘅姐姐
2年前 , 十五歲的我因為養寵物 , 遇上廿七歲, 已結過婚的她 , 係我出現之前 , 佢因為家人嘅期望 , 同一個自己唔太有感覺的他結婚 , 但相處落之後 , 先發覺呢種生活根本唔係佢追求嘅生活
一年前 , 經過重重困難 , 係一次一齊旅行嘅第一晚 , 佢問了我一句 :可唔可以做我女朋友
就咁樣 , 就開始了
開初嘅時候 , 雖然好愛大家大家都唔係好習慣同對方相處 ,頭半年 對方對我要求好高 , 成日呢樣要改 , 果樣又唔滿意 , 要追上佢嘅步伐的確有D辛苦 , 而又可能因為大家頭一次同女仔一齊啦 , 對方好介意外人嘅眼光 , 成日耐唔耐就話接受唔到女仔 , 有幾次 , 縱使相愛 ,但就真係分開過
如果你問我當時咩感覺 , 其實係無奈多過唔開心 , 亦有嬲對方 (其實係比佢激死 哈哈) , 我知道 , 愛情嘅維繫需要相方嘅努力 , 我亦明白有D野無得勉強 , 但對方經歷過分離 , 明白到 , 其實要忠於自己 , 就係咁 , 後半年 , 就愈來愈好 , 睇住對方由當初唔太識珍惜 , 唔太識體諒 慢慢改變 ,
而自己又慢慢變得成熟 , 望返轉頭睇住呢種改變 , 其實心裡面有種好甜嘅感覺
我好享受現在和她相處的每分每秒 , 雖然未來太多事講唔定 , 亦唔知會發生咩事
但有一樣好肯定嘅係 , 只要大家愛著大家 , 心在一起 , 人自然在一起
我唔敢講我比同齡嘅朋友好 , 但至少 , 我會為我愛嘅人改變
其實對方雖然都就黎30歲 , 但有時 , 係我面前都好似個小朋友咁 , 會小氣 , 會嗲我 ~
其實任何年齡嘅一對 , LES 又好gay又好 , 異性戀都好,其實大家都要盡量做好 , 照顧好自己 , 令對方安心 ,多一點體諒少一點爭吵 ,凡事多d稔對方嘅感覺 咁一段感情自然維持得長久
