以認識此人為恥。
只懂批評，卻從不想想背後的因由。
更不懂何謂設身處地。
悲哀。自私。有病。

[ 本帖最後由 carcar 於 2012-11-11 03:27 編輯 ]

因為平時大家坐視不理才需要上街。
遊行不是要方便你。遊行是要讓你正視社會上的問題。

『爭取權益冇人會怪你』- Rights are called "rights" for a reason.
係一個完美既世界，冇人需要為自己的rights 爭取。佢亦都冇資格怪任何人。

雖然大家唔想同“朋友”有衝突，不過應該花一點時間解釋和讓他們明白。
如果佢依然執意的說這種話。其實不做朋友也罷。

唔~
其實, 我以下講既,未必咁O岩聽, 但係我會咁諗,

如果因為佢唔支持我們, or maybe會責怪我地令佢做得不便,
就因為咁, 我地就要去指責返佢係「悲哀、自私、有病」,
咁我地同佢, 又有咩分別?

呢個世界, 唔識體諒, 唔識易地而處既人,
實在太多了,
佢唔明點解因為要支持同志運動,而影響佢日常生活,
可能我地都未必了解, 佢個45分鐘係發生咩事, 係咩心情,有幾慘, 有幾趕時間,
甚至乎, 或許呢d說話, 只係佢一時意氣先會咁講,~

我咁講, 唔係覺得佢冇錯, 又或者我地唔應該去唔開心, 又或者唔應該嬲,
只係, 道不同不相為謀,
如果真心覺得呢個朋友交唔過,
甚至覺得識到佢係恥辱,
咁,仲做咩朋友呢~~

[ 本帖最後由 Casper 於 2012-11-11 04:24 編輯 ]

首先感謝Casper的留言。的確是一言驚醒夢中人。
我承認方才看到那位朋友的Status後，確實火冒三丈。
因他隨後竟把此行扯上反國教，六四，什至七一，說這些都是阻街，佔用香港公眾地方的行為，更說往後只是以集會罷了，別防礙他人生活。
看後更加"燥底"。
繼而轉貼在此時才會說出這麼不智的說話。在此先行收回。

冷靜過後，我也於這位朋友的Status下留言了，
也說了HOCC令我很感動的一句話給他聽，
"我們也有成為小眾的一天，希望大家懂得設身處地。"
現希望他看過留言後，想法會有所改變。

雖然我係PURE, 但我一時醒唔起有遊行, 我都有份喺街等咗40分鐘巴士, 結果, 趕唔切做一件事. 當時只有無奈既感覺. 由'做乜事呀? 平時頂多等10分鐘. 發生乜事?' 到 '攪乜呀, 咁鬼耐?'

的確, 無論係乜野遊行, 都會為其他人帶來不便, 因為香港地方太細, 冇乜地方俾人遊行. 當你唔係遊行既其中一份子, 未免會抱怨. 睇開D啦.

又或者你可以了解下佢係咪咩遊行都會有此埋怨。
我覺得著眼點係"遊行"，無論咩topic, 都會做成此不便。
但如果佢只係對今次的topic有意見，咁你可以問佢算唔算歧視。

我贊同Casper的想法，更欣賞樓主接受意見的態度

世上總有唔明白我地既人，對我地有種種既誤解
如果我地因為咁而反歧視對方，只會令雙方既立場越來越對立
我地希望得到別人包容既同時，不如先包容歧視我地既人
做個好榜樣，以行為感化別人，讓大家知道我地係值得尊重的一群

我贊同Casper的想法，更欣賞樓主接受意見的態度

世上總有唔明白我地既人，對我地有種種既誤解
如果我地因為咁而反歧視對方，只會令雙方既立場越來越對立
我地希望得到別人包容既同時，不如先包容歧視我地既人
做個好榜樣，以行為感化別人，讓大家知道我地係值得被尊重的一群

哈哈，其實我都係被影響既一群，但我冇怪責，因為我知道她和他們在幫我們表達聲音^^
不過樓主甘嬲都正常~Relax

最後經過多番對話後，已成功令那位朋友del post。
雖不知道他是否真心接納我的想法，但已深感欣慰。

想借這貼的位置分享一首張懸 - 玫瑰色的你
送給每一位在努力爭取自身權益的妳

http://www.youtube.com/watch?v=CMH-VJ9cvG8

呢個係一個好開始呀~

遊行期間不少人o係叮叮同巴士上同我地揮手歡呼，但沿途亦見不少路人熱天時等巴士等極未黎show出的厭惡樣。我諗人嬲上黎乜都會賴下黎抒發吧。

RACHEL MADDOW!

遊行係咁架啦. 呢個人應該乜遊行示威都D一餐. 佢好痛苦呀, 活在無知中.

又或者咁講啦，通常遊行都係星期日攪既
星期日，多數市民放假，安排上可以自理得好啲
但係星期六，可能有好多人打五日半工既，又晌果帶返工既，就會影響大啲

所以其實舉辦團體有無諗過下年星期日黎攪會好啲
好似我其實都好想參加，不過要返工都黎唔到
如果係星期日，可能會更加多人參加到又影響少啲人~