【經濟日報專訊】香港經濟繁華背後卻藏隱憂，樂施會最新貧窮報告發現，本港貧窮人數創近10年新高，每6名港人便有1名窮人，高薪族入息中位數是最低薪族的25倍、較10年前的23倍大增。
貧富差距愈來愈大的同時，在職貧窮人數亦上升，但不少在職貧窮戶怕被標籤，寧捱窮而拒領綜援。樂施會建議政府設立「低收入家庭津貼」，以協助全職收入不足養家者。
樂施會收集03年至12年第二季統計處數據，並根據經濟合作及發展組織（OECD）的準則，以住戶入息中位數50%定為貧窮綫，分析本港貧窮情況。結果發現，最新貧窮住戶達45.1萬戶（約117.7萬人），創近10年新高，換言之每6名港人便有1人生活於貧窮綫下；本港月入最高的1成住戶、其月入中位數為8.88萬，是最貧窮的1成住戶月入中位數（3,400元）的25倍；03年此比例為23倍，見證貧富差距愈來愈大。
怕標籤在職貧窮戶拒領綜援
若以在職人士劃分，約有19.4萬在職住戶活於貧窮綫下，佔整體在職住戶約1成，此等在職貧窮戶多數為3至4人家庭，成員通常有15歲以下兒童或65歲以上長者。
在職貧窮家庭的供養壓力較重，平均每名在職成員須供養2名非在職成員，而一般在職家庭每名在職者只需供養0.8名非在職者。雖然供養壓力大，但不少在職貧窮家庭寧願捱窮，也不願被標籤而領取低收入綜援。報告顯示，約6成在職貧窮戶的月入低於相對住戶人數的平均綜援金額，但當中只得9.8%住戶申領低收入綜援。
樂施會署理香港項目經理黃碩紅指出，縱然最低工資去年實施，惟住房、食物開支增加，生活負擔加重，低收入者薪金仍不足以養家。她批評政府釐定最低工資水平時，未有考慮養家需要，令貧窮家庭難以脫貧。
該會總裁、前社署署長余志穩指出，過去10年本港經濟成果未能有效與各階層分享，不少清貧家庭長大的兒童，較易跌回綜援網，他們對將來欠缺期望，工作若遇上打擊，便寧申領失業綜援。
余志穩倡設低收入家庭津貼
對於在職貧窮家庭，身兼扶貧委員會委員的他建議設「低收入家庭津貼」，由勞工處負責，申請者只須以糧單申報便可領取，吸引他們工作，並設有時限性免長期依賴。
那如何收窄貧富差距？他指社會並不仇富，故不認為要向高薪族增加稅收，反而是幫助貧窮人士，提高其收入。
勞福局發言人回應指出，扶貧是政府其中一項施政重點，政府上星期宣布扶貧委員會的成員名單和職權範圍，會聆聽社會各界和持份者對扶貧的意見，以促進政府、商界和社區組織3方合作，做好扶貧的工作。

點解香港人愈來愈窮架呢?

1. 但一街都係幾千蚊部既電話 我覺得我地既必需品好奢侈...
2. 係咪多左新移民落黎所以窮左呀.....個個都申請綜緩....
3. 我份糧2年無變過...

但不少在職貧窮家庭寧願捱窮，也不願被標籤而領取低收入綜援。
而家仲有呢D 人咩

走在街上..在地鐵..在巴士..什麼的公共場所...大多的人們..都把玩著..3k以上的手電,平板電腦,數碼相機,總之..= =..貧窮...的香港人們..都還有能力負擔如此昂貴的奢侈電子產品...= =..

你只是看到社會其中一面，HK 真是有好多人好窮! 那些人可能不會搭車，行路返工!
你去下深水PＯ，天水圍走一轉先講啦！　

一般人搵萬一二，租金都去左一半，可能仲有父母要等住你養，你有數得計！　

例子一）

如果三人家庭，住公屋，父母冇嘢做，得一個人搵食，萬幾，就算租金唔計，每人都只得四千，點生活？！（唔取綜援係因取了，那個出來工作的便不可以再住公屋，條數一樣，現在租間房都四五千）

例子二）

如果四人家庭，有兩個小朋友，母親要ＴＡＫＥ　ＣＡＲＥ對小朋友，得一個人出去做，又係搵萬二左右．．．．（有公屋都好D　，冇仲唔點）唔取綜援可能係怕影響度D　小朋友成長！　

現在食午餐去大X纅都要三四十一餐，生活艱難呀！

RE sloggi: 係呀..我覺得呢幾句好反映到而家社會既情況~
物價上漲, 除左最低工資有調整之外,大部份既人都冇點加過薪...
而呢個最低工資又引申出更多問題..
o係某d地區..中午平平地搵個普通飯仔都要50~100蚊..點樣唔在職貧窮?
不過如果撈同唔撈個境都差唔多,我會揀工作消磨下時間

RE OHAYASHI: 可能呢D已經被定義為生活既必需品喇..哈哈..

RE snoopy: hehe..你好似對呢方面好了解咁喎, 仲計埋數tim.. 太好了!
其實香港真係好多人好窮..好多家庭活在貧窮線下..

學歷唔高既中年人...保守D飲食業會搵到8K..仲未減MPF個5%
1/  以深水埗為例..一百呎唔夠既套房都要2.5K - 3K..住成咁單親家庭都洗左一半..未計車錢水電費奶粉錢....
2/ 一房一廳二百呎..市價4K - 5K...假如3個人住1個做野..得返兩三千蚊..3個人1日都係洗得1百蚊..又未計車錢水電費奶粉錢

可能呢d例子都係新移民既家庭..但等公屋都要等幾年啦..真係想像唔到點樣過呢D生活..所以我又明白點解咁多人拎綜援既...  


[ 本帖最後由 gut 於 2012-11-15 01:03 編輯 ]