今晚 （24/12) 主菜係 Shepherd's pie (雜菜免治牛肉上面放一層茨蓉），甜品有梳乎厘。

我嘅另一半煮嘅洋蔥免治牛好好味，所以牛肉部分今日由佢操刀，我就主力負責茨蓉。 其實成個主菜喺放入焗爐之前經已煮熟，等咗一陣個茨蓉表面變成金黃色就攪掂。 今日個甜品我喺食完主菜先決定整，因為整茨蓉用剩咗牛奶同牛油，但好明顯我做咗一個錯誤嘅決定，首先我今日唔知點解記唔到個食譜，攪到要出入咗好多次廚房，最後重要出動埋另一半幫忙；之後我整到一半先知道要打蛋白打到起泡先得，跟著我感覺到我本來強而有力嘅臂彎已經麻痹    好彩最後個梳乎厘都昇得起同食得落口

一連5日嘅聖誕餐最後一道菜終於攪掂，呢味紅酒燉牛尾煮咗超過6個鐘係我嘅心血之作，其間經歷咗燶底、廚房停電、想加料但唔夠要落街去街巿買、爛煲   。

今年有龍蝦湯、火雞湯、粟米、車打芝士、茨蓉、白飯、烘portobello 磨菇、白焯椰菜、香煎火雞潛艇、龍蝦汁意粉、shepherd's pie、紅酒燉牛尾、麵包布甸、蘋果金寶、梳乎厘、紅酒燴李、紅酒、咖啡、茶。

多謝另一半今年陪我喺廚房整嘢食咗咁多日，今個聖誕節過得好豐足同充實