上網識姐妹唔難, 但識到可以維持得耐嘅真朋友難大家係呢個圈子識唔識到朋友?

識到又KEEP到幾耐?

因為咩而唔再係老友?

有無你當人朋友, 人地當你傻女?

係離開學校之後識嘅朋友, 係咪真係"真心"過出來做野/網上識嘅朋友?

呢個問題真係幾好.

識到KEEP到幾耐?
KEEP到又係咪真心既?

就算做到FD. KEEP到既.
當中係純友誼既. 又有幾多呢?

um...都有GE
不過
可預不可求吧
祝你找到你想的朋友;D

有時我都會慨歎，網上你一言我一語既姐妹，感覺好近
但真實生活中，les既朋友竟然係零。。。

以前都有交過les fds的，但無論係直朋友定les朋友
人大左，有幾多個會好似細過讀書果陣咁真心相代?!

上網識人真系好似易，做到好朋友真系難，要long last系更難。
雖然到宜家為止都系識到好多都系hi bye fd傾計一次起兩次止.但我相信總會識到可以keep到做到朋友既！呢點我系一直都相信咖！
另外我又覺得做到好朋友系需要一段時間而且仲要出街見過好多次面，交過心，好坦誠甘個d...我諗系相處既時候系感受到咖！
至於keep住做好朋友難既原因系因為大家始終有自己既圈子，宜家只不過系多左個朋友又多左另一個圈子甘？未必可能有甘多時間兼顧到。而且我又覺得如果叫得做好朋友既話好多時大家都心照喇，洗咩講/做甘多同用甘多時間去維持呢？
至起碼我有認識到呢類既好朋友，有時唔聯絡都系因為大家真系好忙，冇甘多時間傾計。但妳發覺自己好耐都冇聯絡既時候自己都或者對方都會自動波聯絡下關心下對方喇，好多時都系甘既姐，就算系唔系網上識既都系甘話！

以前真係有喺網上識到真心朋友, 一直keep到依家

但寥寥可數, 遇到會覺得好幸運

不過真係睇緣份, 要雙方都想keep落去先得

其實les.圈雖然好細，但變數好大，也好亂。
可以係今日同妳好friend,其實一直睇中妳好朋友，明天就變了妳情敵；或者同妳老友鬼鬼，其實係想妳介紹妳個靚女friend比佢or有事就來找妳吐苦水，找共鳴/suporter的鍾無艷，但當妳有事，佢吾會care，飲飲食食，知妳是出得起錢的人，就找妳夾錢吃貴野，然後介紹妳比朋友識，就好一句”酒肉朋友”。
哈...自己就真心當人朋友，妳有難就做妳back up,比哂意見；妳有健康問題就做埋顧問比專業意見，但永遠掌聲沒有妳份，最後才知自己衰咩，原來是”酒肉朋友”！有時真係好化，只可以說做朋友都真係要帶眼識人，吾可以憑感覺，憑啱咀形就是朋友，始終都是果句”日久見人心”！
我慶幸我沒有遇上以上所講咁worse的朋友（那是來自partner分享的朋友經歷）！

有兩三個以前係度識既 keep到而家
雖然唔係好老友個隻 但都有傾有講唔會dead air
不過上網交友還是要小心吧 始终都不知道對方是真的想交友還是獵食
有的看你已有另一半 二話不說就不覆你了
有的帖了post說想交朋友 但是講也講不過十句就完了
有的說想認識你 但每次回覆都是嗯哦哈哈 害得我經常在想是否我太悶了
說真的 找好傾的是挺容易 但要keep就肯定要雙方也是主動

呢D野真係到咗我呢種老野之年, 已經目睹太多經歷太多
友誼小姐多多朋友自以為交際手腕一流嘅, 反而最唔攞個心出來
成世話因為自己好直/內向/唔識做人無朋友嘅, 做一次好心同佢FD, 可能你會後悔一世
B同G之間係咪好似男女之間無純友誼, 呢樣野有時候會係一段關係嘅阻礙物
甩拖周圍識NF嘅, 好多時有女時就當你透明
如果高度注重私隱嘅, 勸你地咪周圍識人咪講太多比人知, D野9秒9由柴灣傳去羅湖.
有D人拍拖一PAIR忽然想搵D姐妹朋友玩, 出去夾$食飯打波行山唱K, 攪攪下可能又覺得心煩或覺得多多是非; 如果同朋友SHARE感情問題, 2條友好番時又可以反轉豬肚同和事佬劃清界線
我信世界總有好人好事, 遇唔遇到就講自己彩數, 講自己性格係咪會引到正常有良心的人埋身
人大咗變得小心同寧缺勿濫

我係網上面識到唔小朋友，大大話話都幾十個，當中有一半已經識左幾年，有D仲好好朋友；其餘一半就會小見面，只係fb吹水、msn傾計、久唔久傾電話囉

樓主真係精簡地形容得淋離盡至

KEEP到耐好難得
年齡層係咪成熟姐妹?

QUOTE:

有大有細

朋友對自己真唔真心我就冇乜所謂 反正點自己都係獨立既一個
總之自己自問係真心對待每一位朋友
當然 邊位朋友真係當自己係朋友 自己會知道的
我冇酒肉朋友 只有好朋友同普通朋友之分
出左學校之外 我都識得有朋友係用心對人既
學校之內既朋友特別真心我又唔太覺 只不過佢地較熟識自己
或者咁講我覺得溝通係相向既 大家互相熟悉熟悉自然同佢講得多d 也坦白d 你會覺得真心d
但我自己本身唔係中意咩都講 所以每個階段我都有唔同既朋友 唔會覺得學生時期既朋友真心d
同埋反正自己係本住認真既態度識朋友 我也懶得去分d人係咪認真對自己 一句講哂 朋友唔認真對我既話 我只當係佢既損失 哈哈
不過咁 其實都有少少分別既 學校識既朋友就算你好耐冇聯絡 佢地都會記得自己哈哈哈
我識得最耐既係小學同學 16年 仲係咁fd
識得最耐也比較好傾既姊妹係3年不過冇約過出黎 我上blurf都係三年倒啦哈哈
有約既都有識左兩年幾 其實自己唔會add好多人 所以傾過計一定記得 甚少hibye fd^^

[ 本帖最後由 Erika 於 2013-1-7 15:29 編輯 ]