其實立法唔係要人由心底認同, 只係要佢地(相對)公平咁對待每個人,
世界就算唔存在公平, 唔等於我地要連追求都唔做
短時間內立唔到法又如何? 咪每一代人做少少, 累積落下一代, 或者下下一代囉

從來改變都唔係一時一刻就成功, 但睇返歷史, 甚至身邊發生緊嘅好多野都一點一滴咁改變緊,
以前女人改嫁都叫不守婦道, 唔准投票, 唔准工作,
以前平民嘅下一代只可以係平民, 只有王同貴族有地位,
以前黑人只係五份三個人,
當時佢地都遇到好大反對, 當時都唔會有人同佢地講能夠成功, 但今日我地的確見到佢地改變左呢個世界
每一樣改變都由以前嘅人一點一點咁做, 冇人能夠一步登天, 包括我地而家享受緊嘅每一樣由前人帶黎嘅改變

其實我唔明點解呢度可以對呢件事咁冷漠, 我地先係最受影響嘅人, 我地都唔出聲嘅話, 其他人再做更多都只係徒勞, 只會讓更罪名埋沒愛

[ 本帖最後由 jth 於 2013-1-18 01:48 編輯 ]

同意~ =)

希望多D人可以團結D出一分力

就算吾係呢樣都好, 時下年青人關心社會係一件好重要既事
至少能希望大家吾會變得各自各...是不關己咁

哈, 你係少數時事友嗎xd?
係嘅可能我地相遇過哈哈,
至少希望, 世界好嘅比唔好嘅更多,
至少希望世界真係可以更好=]

就係因為呢個爭議, 令我對一個識左幾乎十年既好朋友完全失望, 冇朋友做了. 本來佢知道我結婚都有為我高興, 但係就係最近一兩星期, 突然變左第二個人咁, 開口埋口都明光社咁講野. 佢既其中一d言論, 什至令我覺得佢幾乎唔當我地係人. 我好多好朋友都係基督徒, 唔係話覺得佢地一定會變得激進, 但呢件事之後我已經有晒心理準備, 可能會一個一個咁失去呢班好朋友. 算, 只要我另一半仲同我一齊就冇問題了.

呢度係香港丫嘛，部份香港人就係自己顧自己，唔踩到上心口都唔出聲架啦…

哈哈~ 未相遇過衣家都未遲

希望時間過左後, 冷靜落黎你D朋友都可以理智D睇件事. 自己要好既朋友都咁既時候相信對你都係一個好大既打擊. 希望你同你另一半都可以stay strong堅持下去. 你D朋友總會有一日睇返件事明白自己做緊既野係吾係真係justifiable既, 到有咁既一日, 佢就會明白佢有幾傷害到你地之間既友誼.

五萬人集會, 提諮詢都唔俾, 都已經踩到上心口啦,
但呢度都勁冷漠, 真係唔知點先會出聲

會留意時事嘅人少, 呢度會留意時事嘅人更少,
我諗我地可能喺完全唔識嘅情況下見過哈哈

前兩日都同朋友傾開呢個話題，老實講，我唔係要其他人認同我嘅情取向，反正我無辦法改變人哋嘅諗法。我只係覺得他朝百年歸老有咩事，身邊嘅人幫唔到我做啲咩，例如要做手術，明明你partner係喺身邊，但偏偏就無權幫你簽紙做決定。。。

又再悲觀啲諗，touch wood講句，唔覺意兩腳一伸，你又無兄弟姊妹，你partner又無資格幫你收屍，唔通就眼白白睇住俾人拎去研究?

呢個POINT真係無諗過,GOOD POINT~~~
有咩辦法有條例嚟保障一下呢?"反歧視"就算可行...再嚟個同性婚姻合法化都唔知仲要等多幾多萬年啦...都係保障唔到你講嘅 POINT....
其實我唔O係香港..唔太清楚D法律...想O係度順便一問...香港係咪唔可以同性形式地組成家庭去伸請公屋/居屋嫁?

仲有:
多謝晒大家回應先...我以前有D女友受唔住壓力同我分左手...宜家見到大家都努力地為自己嘅性向出聲真係感動...但由於星期一有論文要交,恕我無能為力逐一回應,簡單一句:加油!

[ 本帖最後由 ml067 於 2013-1-19 10:27 編輯 ]

QUOTE:

我真係笑左

係唔可以咖, 一齊報稅都唔得. 總之對政府黎講一對同志couple, 就算響外國結左婚, 都只係陌生人

QUOTE:

原帖由 kalaso 於 2013-1-18 23:48 發表

希望時間過左後, 冷靜落黎你D朋友都可以理智D睇件事. 自己要好既朋友都咁既時候相信對你都係一個好大既打擊. 希望你同你另一半都可以stay strong堅持下去. 你D朋友總會有一日睇返件事明白自己做緊既野係吾係 ...

thanks 係呀真係好大打擊, 仲要我以前係暗戀佢咖... 如果有咁既一日佢睇開左, 先有緣再會啦.

[ 本帖最後由 guardianangel 於 2013-1-19 18:18 編輯 ]