生活又開始放慢，希望有機會認識一些新的人(有心和有時間)同事，亦希望再學習了解同分享生活！至於我，大概我是一個對未來抱希望同期望既G.....

有希望期望 好樂觀 很好

分享下你對未來有咩期望呀

Thanks

我分享d趣事/古怪事比你, 你分享你d時間比我吧 , 一日得廿四小時唔夠用...

我又會反過來問, 一個沒有希望同期望既人
會吾會覺得自己過著既生活係有意義?

有時我會覺得時間, 識得放慢其實好重要
自己曾經都試過
就好似開左TURBO FAST FORWARD緊 X72既片咁
睇得明前因後果, 但享受吾到中間過程細節
就好似走馬燈轉得太快都睇吾清令人開心既圖案咁

香港人生活繁忙 可以放慢腳步對身心都健康
再發現到原來有時間坐係到同三五知己閒著聊天既機會係幾咁寶貴

"我又會反過來問, 一個沒有希望同期望既人
會吾會覺得自己過著既生活係有意義?"

其實我成日都同某人咁講
點知佢答: 我都覺得冇意義 不過為左父母先繼續活下去

我無言

可以有.
活在當下, 感受生命, 不需要希望同期望, 生活亦可有意義.

希望同期望都係將來既事
咁只係活在當下會吾會夠?
我吾知...可能自己習慣睇野會睇得好長遠
當然都會有好有壞

但只係活在當下既話, 人吾會覺得好迷嗎?

有希望有期望就唔可以活在當下架咩
要而家生活無愧, 但對將來都有自己嘅諗法,
其實我覺得都ok 吖..
不過我曾經聽過ex講一句好hurt的..
就係話我成日講將來將來.. 而家係點佢都睇唔到..

唔會呀,
人只係生活係現在, 唔係生活係過去同未來,
所以如果一個人能夠好好咁活係現在,
其實已經夠.
當然有希望同期望都唔係壞事,
不過如果一個人太focus係未來而好少留意當下,
咁就唔好了.

人生入面,
舊既希望/期望慢慢達成,
跟住人又會有新既希望/期望,
不斷咁想著未來,
但係到最後人既未來只會係死亡,
其實依樣野都好迷...

生活係要有期望有希望先可以過活既.
dun be a walking dead.
keep it up!!!

選擇活在當下係比較聰明，但仍有些人選擇活在過去，亦有些人活在當下己的想像中。
對未來存有想像係件好事，但首要條件係先認識自己，了解自己(即當下)。因為没有找回自己，又何來談將来。

哈哈~ 可能我講得吾好

其實 past present 同future都係同樣重要
我只係想問如果一個人對未來冇盼望既會吾會就覺得迷而冇左一種活著既意義係到
因為對我黎講有一個對未來一個希望 期待先係我當下最大既motivation
所以如果我望吾到有將來既話, 可能對我自己黎講就好似失左一個"意義"咁

期望可以令人有motivation,
但係當期望達唔到就會變成失望,
痛苦就會出現.
一個人唔對未來有期望未必會覺得迷,
其實好睇o果個人自己.
有d人係因為悲觀/係人生入面失望左太多次, 所以變得對未來無期望,
咁依個人的確係會無motivation, 無方向.
其實人生可以有好多意義, 了解自己就係其中一個.
正如樓主所講, 只有活在當下先可以了解自己,
透過觀察自己當下既思想同情緒,
留意自己會因為咩事件, 物件, 人物, 說話等而情緒波動,
了解自己既喜惡, 埋在深處既黑暗同痛苦, 然後將負能量釋放.
了解自己, 做好自己, 幫助他人, 尋找同欣賞生活中既美好事物, 其實人生已經可以活得好好

現今社會已很難堅持自己信念...能夠做到的,請不要放棄!!

哈哈~ 多謝你打既字. 又袋錢入我袋.
我都係收返埋我個self reflection process先
吾係就完全side track左樓主既post 既原意 XD

你得閒教我點unlock返d grey matter XD

你客氣了, 其實我只係share我既睇法, 而我亦都努力緊.
當你有興趣知道release d negative energy既方法o果陣, 歡迎pm我問我要msn/wechat/whatsapp. :]

妳想識D咩既朋友?