原帖由
little 於 2013-1-22 03:56 發表
有些女生年輕時喜歡壞,年紀漸大時喜歡乖,都是一些投機性的選擇。
有一女同事生了兩個女兒,大女兒會讓小,不吵不鬧會幫媽媽做事,另一個是小霸王,懶又任性刁蠻但識睇人眉頭眼額,罵她時即扮死狗又嗲又 ...
哈...原來人人都是同一觀點。
妳唔出聲、易話為就覺得妳人stupid,唔醒目,成日找妳笨,在妳身上找著數。
而一個好似好active咁、又識扮野的,d人就對佢小心異異,覺得佢唔恰得。
到平時唔出聲果個忽然有天不想再做傻仔了,d人就唔習慣忽然在佢身上找不到著數,覺得佢原來為人好奸,唔聲唔聲嚇妳一驚。
好似我以前讀中學,老師會擺哂d心機在behavior不好的同學身上,到果d同學忽然乖了小小,老師就開心到會公開點名讚揚。
至於平時乖開的學生,老師覺得沒什麼大不了,反正佢地乖開。但忽然有天乖的學生只是欠交了一次功課/成績下降了,老師就會公開說她心散了,退步了。
雖然我一直都是人地眼中的壞人,但有時想想下,都覺得世界好唔fair,人們的宗旨想法甚奇怪,扭曲了本義。