指教會不應拒為同性戀者施洗


【改變態度】
基督宗教之所以在反歧視和同性婚姻問題上寸步不讓，核心原因是《聖經》中指同性戀是罪，香港聖公會教省秘書長管浩鳴牧師表示，教會不鼓勵同性性傾向，但亦不應經常強調同性戀「罪」的本質，更不應拒絕同志信徒洗禮和領聖餐：「同性戀者需要多一份愛同關心，我哋應該鼓勵佢多啲，只有愛先可以徹底改變一個人嘅行為，同用誡律要佢改，係兩回事。」
一直以來，同志最憤憤不平之處，不是教會阻撓立法，而是教會一方面高呼接納眾生，卻一而再強調「同志有罪」。管浩鳴認為，現今教會在同志議題上已有長足進步：「起碼𠵱家大部份嘅教會都會認為，你有呢個思想（同性性傾向）係OK嘅，唔好有（同性性）行為就得，已經係比以前好啲，以前一定要你改變，所謂由攣變直，𠵱家係一啲極保守嘅教會，先要佢哋改（性傾向）。」
                                                                     
「愛先可徹底改變一個人」                                         管浩鳴不同意拒絕同志參與教會：「有啲教會其他宗派連畀同性戀者洗禮、正常參加教會聚會嘅空間都冇嘅，呢啲我哋係絕對唔會嘅，唔會因為佢係同性戀而唔畀聖餐佢，叫佢哋停止為教會服務。」
對於有教會指同性戀是「逆性之罪」，管浩鳴認為不應該過份強調「罪」：「喺《聖經》入面有關同性戀嘅經文都有爭議性啦，例如女性嘅地位被貶低咗，同當時嘅風俗文化有關係，會隨習慣變更，當然有啲基本部份係不變嘅，而同性戀呢樣嘢係咪屬於基本部份係值得商榷，唔係咁易畀到答案嘅。」
管浩鳴希望醫學界可以在同性戀議題上，提供更多資訊：「有啲嘢未必係佢哋自己選擇嘅……可能係基因嘅緣故，或者後天嘅行為偏差，可能因為父母好渴望有另一個性別嘅下一代，咁個罪係咪歸向晒佢一個呢？作為教會，好難定奪……如果呢樣嘢係天生，教會係OK㗎喎。」
談到先天和後天，言下之意是同性性傾向是一個「問題」，最理想是可以「改正」，後天自主作出同性愛的選擇，又比天生同志罪行更重，雖然抱持這些信念，但管浩鳴認為教會至少應轉變態度：「同性戀者需要多一份愛同關心，我哋應該鼓勵佢多啲，只有愛先可以徹底改變一個人嘅行為，同用誡律要佢改，係兩回事。」

http://hk.apple.nextmedia.com/news/art/20130502/18246856