無人講我就講下啦
見過嘅小胡仙(不論係咩類型), 分兩種. 一種係明知對方有情人(但小胡仙係唔識"情敵"), 都當透明; 一種就直情入埋屋做埋"情敵"FD
第一種, 係知道TARGET有情人, 最鍾意係TARGET同自己訴苦感情煩惱時, 陰D陰D幫口數"情敵"不是, 同TARGET同一陣線. TARGET有咩唔開心(非感情問題), 就硬係講埋D "有咩事就搵我啦, 借個膊頭你". 完全當TARGET情人死.
呢種小胡仙永遠都唔會想見到情敵, 只係單對單約TARGET,口話係朋友, 但言語間總係做到自己先係保護者. 如果TARGET情人開口想識下小胡仙, 小胡仙就唔多情願
第二種, 就係以知己角色穿插係TARGET同"情敵"之間. 心態比較複雜, 一方面唔係唔當情敵係朋友, 另一方面又真係好想親近TARGET. 成日做一個和事佬角色夾係二人之間. 私下分別都同兩方傾傾計. 日子耐咗就贏得信任. 就可以係最軟弱之時或佢認為是適當時機表白.
小胡仙係好難處理. 因為被討好一方一定唔覺得小胡仙有古惑, 話只係同自己好FD. 做"思想工作"但又唔可以太大反應, 唔係你情人會覺得你小事化大, 太識妒忌. 要等小胡仙愈來愈露出尾巴先可以落重D份量去揭穿. 但如果不幸地你情人已經中招, 甚至FD得就已經"大概總帶住愛"就真係勢危 XDDD
|