繼上篇.. [十年了，還未正式向家人出櫃]
有冇人朋友連都未出櫃？
以前同ex仲一齊行緊個陣都係地下多
因為佢連朋友都唔浮面的
記得有次送佢返學
等佢啲同學見到我
連名、普通朋友身份都唔介紹，佢直接當我透明跟D同學就入左課室
之後即刻sms我話對唔住，都算九秒九個隻
佢知道自己做緊乜，佢係刻意咁，但我又冇嬲...都唔識反應。
當直人既世界不停地曬另一半、恩愛，我地既世界已經習以為常地去忍去體諒呢回事， 一切都好理所當然...啦。
有冇人同過既另一半連朋友都唔會帶你出黎見？定係我係例外？

[ 本帖最後由 fruitless 於 2013-8-13 20:18 編輯 ]

你唔係例外。
我有個ex係如果係街見到朋友就九秒九鬆開我手之後就衝去同朋友打招呼吹水
然後我就好似陌路人咁企係附近等.... -___-

我諗你呢個情況都好普遍，
好多時另一半未出櫃都會好在意其他人目光，
我自己就冇介意咁多！自己感覺好就冇問題！

但你唔會覺得佢咁樣唔尊重你嗎？
細個唔識處理都算，但過左二十都無藉口再係咁啦？
唔係要人前認做女朋友，但一句話“呢位係我朋友”都要卦？我又唔會介意
不過其實係，冇得介意，呵
@小熊子
我覺得我地已經慣左將好折墮既當無野
而家睇返，佢又要同你一齊，又要唔認你，都幾自私

或者將心比己，
如果情況係你又未出櫃而又係撞到你朋友或識嘅人
可能自己反應都同對方差唔多。
始終香港仲未好接受，所以換個角度睇，
為唔影響左對方（或自己）嘅社交生活，
咪當呢啲係大家嘅空間囉。
（阿Q精神 ）

咁我有時都覺得地下情幾唔錯。有一種短暫既刺激感，又有好多兩人感情以外既唔駛顧及；長遠黎講始終都唔太健康。
其實做les就係太叻“將心比己”，太叻受委屈，我覺得換做直人當就已嗌救命..

[ 本帖最後由 fruitless 於 2013-8-14 02:51 編輯 ]

妳一定唔係例外囉。。。

但我覺得... 因為身邊o個個唔係男生就唔能夠同朋友親人公開開係，只係一個藉口。
雖然，我會忍受。因為我知道，其實佢都好想可以光明正大。

其實. 真係要體諒. 係HK話就話開放. 但仲有好多人眼光都仲係..
再者. 有時佢自己過唔到自己. 過唔到就係過唔到. 無得解.
就算直. 有D有拖拍都唔想公開. 個人選擇黎既.
而且. 有時身邊D人係反同. 恐同. 佢地唔公開得都身不由己.

其實會唔開心但無得介意...
仲要我有2個ex都係咁.. 一個就果陣大家都仲細 (當時佢18未夠)
但第2個就已經係大學生,過20 -_-  真係完全介紹唔會介紹，真係會覺得都幾唔尊重
就算我身邊既同學，同我一齊撞到其他我唔識既同學都會簡單介紹下叫咩名啦...
但都係好似你咁講.. 無得介意。

我覺得有時係潛意識反應
有次拖住手見到一個唔熟甚至可以話係唔識嘅人
我下意識即刻縮左手
之後佢嬲左
但係我係無經思考的反射動作
攣人太習慣左唔見得光
事後會道歉未必等如刻意，某程度上

無聊一問, 會唔會有B因為唔想被透明而唔好咁B

咁驚都主要因為同B行埋好易被人覺得自己係LES吧......

我都試過! 真係好反射既反應
攣人太習慣左唔見得光 <--- 好同意你呢句, 至少我係

我識得有個B佢唔想咁B想學女性化D原因卻是話唔想老左似俞琤
(雖然我唔覺得似俞琤有咩問題 )

我估每個les都係想被(les)認出同唔想被(homophobe)發現之間既矛盾存在吧...

我唔係B, 但唔係因為拖手或親䁥行為驚被熟人撞到先被當透明咩, 咁係咪B都無關係啫, 如果無親暱行為既話, 係朋友都得㗎, 唔通B就唔可以同直人做朋友? 其實好多時係心理作用, 身有S咁型住型住。

有時身邊同事食飯時會閒談某女/男人好B/娘娘腔, 再無限談論時, 總覺得好尷尬

XDDDD 問題就係有D人過唔到自己心理關口, 同B行埋唔拖手都驚被人"睇穿"係LES嘛, 就是你講的個心"型住"....所以就問, 有無B咁"偉大"為咗同另一半行街無"嫌疑"而TUNE DOWN個B味XDDDD

其實呢D野都明既，我都未出櫃 (um…我諗我都算細個)
我好D，其實我同我女朋友身邊既朋友同學都知晒架喇
淨係試過一次，佢撞到佢返工果到D大佬，都下意識咁鬆左手
但我明既，始終返到係敏感D

有時D野，盡量比多D諒解囉
唔想接受都要接受架啦~

無呢個問題
是甘的，係七年前發生的一件事令我明白，口係生在別人上，佢想講乜有佢嘅自由

當時放工，有同事未婚夫來接同事回家
大家同事們一齊係公司遇到她未婚夫
打完招呼後，同事們係他們背後又話她未婚夫樣衰，又話她未婚夫著件藍色恤衫著到好似返保安咁，又話她未婚夫揸果架車係廢鐵……
我沒有出聲，但心裡覺得人家點樣關你哋叉事咩

所以，至此我明白，介意別人眼光同說話是很蠢的事。因為，你做對了，有人亦會品評你，你做錯，亦都會有人品評一番。