標題: [愛情] 有感而發 [打印本頁]
作者:
designer 時間: 2012-10-18 04:17 標題: 有感而發
睇到好多姐妹既感情煩惱其實幾雷同，所以有感而發，第一集想講既係失戀，的確失戀係好hurt，眼見朋友失戀既時候 ，通常問同一個問題，就係「點先可以快d忘記佢？」，我通常會答「當你喊苦喊忽夠哂皮或者當你見到佢整容失敗個樣（亦可解作走樣），你唔會再愛佢架拉！」
亦有人話搵到下個就唔會記得架拉，我唔否認呢個講法，但做法一定要過到自己果關，因為有d人會斷唔到拍拖，失戀後過幾日，好快泊到第個碼頭，呢d叫做「失戀水泡型」，呢隻「失戀水泡型」我會建議當你忍唔住要搵水泡既時候，諗下「報應」這二字，並不是惡毒下！因為好多事物都係講緊循環性，分分鐘你其實係下一個水泡。
講到底覺得愛情道路上過得不如意，自己係有責任，凡事不要怨天怨地變怨婦，與其不斷搵一條formula去解決失戀後遺症，點解唔去學懂失戀，諗下自己係過程有咩問題，既然有得必有失，即係你唔係輸哂，你係有贏一d野比自己，好好準備先可以令自己upgrade，先可以名符其實Deserved better!!
P.S. 不是愛情專家姓癲奴，更不是Mei ling既frd，只是有感而發既文，謝謝
！
作者:
runaway 時間: 2012-10-18 09:22
我認同呀，好多人一失戀就同d frd鬧到個ex癩哂...佢幾唔啱、幾唔ok、對我幾差、我點忍佢...然後就周圍同人講自己有幾慘，但另一方面就開行turbo識人，頻頻join活動，表面是想識下新朋友開解下、開心下，其實識貨的目標是很明確的。但一識到新人，大家又啱feel的...歷史的悲劇又繼續重演。
呢種人一世都唔會覺得自己唔ok，唔會覺得自己有咩要改進，要學習...最後，可能個個拍不長，去到五六十歲仲識緊人...可悲也!
作者:
designer 時間: 2012-10-18 11:08 標題: 回復 #2 runaway 的帖子
同埋呢，識到新對象只可解一時寂寞，的確可以代替舊愛陪你食飯睇戲，但係感覺係代替唔到，唔好寄望係新對象裡可以找到舊愛影子
作者:
coincidence2 時間: 2012-10-18 13:13
我見唔少人, 佢地隔離果個係邊個, 無分別. 因為講到尾只係搵人陪
通常佢地失戀係因為一開始無帶眼識人, 或對方無帶眼識佢知道唔係正野就玩唔長, 咪周圍講到自己好心痛好慘, 歷史不斷重演. 佢地會好悻悻然話最多咪一世孤獨, 但講果時明顯心有不甘. 佢地話分手後識朋友都係識"異性"朋友, 然後好快自己妄想太多又再一次用差不多手法去追求去好誠懇咁甜言蜜語. 追到手就想炫耀被以前睇死自己的人睇.然後頂盡1-2年又一次被人飛
佢地係愛情樂天派, 有賭未為輸, 沾沾自喜自己無停手(以自己質素來講), 幾十歲都唔化
作者:
sloggi123 時間: 2012-10-18 18:09
原帖由 coincidence2 於 2012-10-18 13:13 發表
我見唔少人, 佢地隔離果個係邊個, 無分別. 因為講到尾只係搵人陪
通常佢地失戀係因為一開始無帶眼識人, 或對方無帶眼識佢知道唔係正野就玩唔長, 咪周圍講到自己好心痛好慘, 歷史不斷重演. 佢地會好悻悻然話最 ...
會唔會因為覺得任何人都俾唔到某個EX 果種真正IN LOVE 既感覺佢, 所以往後唔係好中意既都照要, 否則可能呢世都拍唔到拖. 畢竟耐無拍拖既人就好似一個耐無工開既人咁, 無乜人想請...
作者:
espresso 時間: 2012-10-18 22:47
從失戀中學習同成長呢個POINT好岩!
好多人失戀後最想就係快D搵個新對象, 總之頂唔順半分鐘寂寞,
但唔會反思上一段關係究竟因為咩原因而結束, 唔會吸取教訓, 繼續重覆犯錯
作者:
spolaw 時間: 2012-10-18 23:00
原帖由 sloggi123 於 2012-10-18 18:09 發表
會唔會因為覺得任何人都俾唔到某個EX 果種真正IN LOVE 既感覺佢, 所以往後唔係好中意既都照要, 否則可能呢世都拍唔到拖. 畢竟耐無拍拖既人就好似一個耐無工開既人咁, 無乜人想請...
普遍來說, 這種人唔會被自己單身太耐, 佢地咁易投入感情, 可能係新人永遠都比到"戀愛感覺"佢地, 就將新事物cover 舊人記憶. 拍一次就話一生中最愛,
| 歡迎光臨 Blur-F (reconstructed) (http://blur-f.freebbs.tw/) |
Powered by Discuz! 5.0.0 |