標題: [生活] 小事一則-愛情的偉大? [打印本頁]
作者:
Casper 時間: 2012-12-11 01:30 標題: 小事一則-愛情的偉大?
今日又同老細講起感情問題,
條友睇完<<我老公唔生性>>,
講起鄭伊健,佢執意話鄭伊健係有鍾意張歆藝,
我話唔覺得,如果真係咁鍾意,就唔會放佢走啦,
老細話, 有時愛情係唔需要佔有, 咁先偉大。
我話, 我明, 但係又有冇諗過個女仔需要d咩?
佢想留係你身邊, 覺得留係你身邊比一切黎得幸福,
如果你真係咁鍾意佢, 就會用盡一切努力去留住佢,
鄭伊健去叫張歆藝追求自己既理想,
只不過係冠冕堂皇既藉口,
講到底, 鄭伊健根本唔夠鍾意佢。
.......
講到呢度, 我突然諗起,
係愛情上, 無論拍拖, 定係分手,
好多時都會有人講:「我咁做,係為你好。」
就算冇講出口, 個心都可能係咁諗,
但係, 其實,你所謂對佢「好」, 係佢眼中係唔係真係「好」?
定係, 不過係一種更深既痛苦?
作者:
difficult4 時間: 2012-12-11 02:00
我諗起o個d 自己有絕症然後扮衰/搵其他藉口離開愛人ge 故事
講就懶係話咁樣人地唔洗面對愛人因病離世ge 痛
但係冇諗過人地會唔會想陪佢行埋人生最後ge 路, 會唔會因為佢離開ge 藉口更加hurt
作者:
PO186 時間: 2012-12-11 02:05
我覺得夠愛的話, 每人都會有點自私的, 當然想對方留係自己身邊, 我相信有人會咁偉大, 但自己未到呢個境界, 我暫時都仲停留緊係普通人既階段..未能做偉人住...
作者:
carcar 時間: 2012-12-11 02:56
同意 真係愛既,總會自私地想佢留在身邊
愛一個人,就係想時刻分享大家喜與樂
放對方追尋理想,;;而自己一個孤伶伶,我去唔倒呢個地步
作者:
taz 時間: 2012-12-11 03:49
個d咩為你好,sai氣啦。講都懶好聽。其實係自私為自己好。想對方做佢自己心中想要既野。而家對呢句野超反感,我ex鬧我個時咪咁講囉。超自私。
作者:
runaway 時間: 2012-12-11 09:07
其實我覺得講呢句說話的人係超級自私,以退為進。想人地chur返自己話咩會一直留係自己身邊...
我好認同: 真係唔夠愛。
呢種人唔好扮偉大啦...自己滿手貨就叫人走,追求理想;自己自卑心作祟,就叫人地揾個第二個更好的,咩自己唔值得/唔配。
其實佢地只係唔想到有咩事/自己心態上忽然想改變時,自己都易d走位/唔洗咩鑊,如果忽然佢地同同下妳一起,忽然想玩野,都有excuse話自己從來都叫妳走啦,我唔值得妳咁架,blablabla....
如果真係好愛,一方面比佢追求理想,另一方面就會想盡辦法令大家走在一起,win-win situation la...
呢種人又自私,又自大,仲要覺得自己好委屈。
作者:
J__ 時間: 2012-12-11 10:14
愛不愛? 這個問題很難答.
我真的相信. 愛到1個程度. 只要佢開心快樂幸福就夠. 不需要擁有. 這是愛.
我亦都同意. 愛是自私. 會想對方留係身邊. 這也是愛.
我不敢說放走1個人是愛? 不愛? 還是不夠愛?
有句說話: 如其祝福她幸福. 不如努力給予她幸福.
只是. 當造成別人的困擾. 這樣. 放她走. 可能是1個更好的選擇. 幸福又怎可勉強?
作者:
Casper 時間: 2012-12-11 10:55
原帖由 J__ 於 2012-12-11 10:14 發表
愛不愛? 這個問題很難答.
我真的相信. 愛到1個程度. 只要佢開心快樂幸福就夠. 不需要擁有. 這是愛.
我亦都同意. 愛是自私. 會想對方留係身邊. 這也是愛.
我不敢說放走1個人是愛? 不愛? 還是不夠愛?
有 ...
如果佢想走而放佢走,呢個係愛既表現,
但係如果佢唔想走,而你一廂情願,以唔同藉口去對佢「好」,咁…或者就係另外一回事了。或者問問自己,呢個"好",係真係對佢
好?定對自己好?
[ 本帖最後由 Casper 於 2012-12-11 11:00 編輯 ]
作者:
J__ 時間: 2012-12-11 14:29
原帖由 Casper 於 2012-12-11 10:55 發表
如果佢想走而放佢走,呢個係愛既表現,
但係如果佢唔想走,而你一廂情願,以唔同藉口去對佢「好」,咁…或者就係另外一回事了。或者問問自己,呢個"好",係真係對佢
好?定對自己好?
同意。令我想起一句說話:不是不停付出就是對。要清楚對方需要什麼。
作者:
little 時間: 2012-12-11 23:21
原帖由 runaway 於 2012-12-11 09:07 發表
其實我覺得講呢句說話的人係超級自私,以退為進。想人地chur返自己話咩會一直留係自己身邊...
我好認同: 真係唔夠愛。
呢種人唔好扮偉大啦...自己滿手貨就叫人走,追求理想;自己自卑心作祟,就叫人地 ...
一定要看性格和人品,因為世事有時真的很難預料和介定得很清楚。當初的選擇動機或許是錯,或許是對,誰說準了?
我忽然想起深夜無線的讀心神探那個罪犯洪坤,可能你覺得他並不擁有很成功的人生,但他那種愛人方式並不令人厭惡,相反若我有生之年也能有這樣人格的情人,也心足了。
作者:
Living18 時間: 2013-1-1 18:03
原帖由 Casper 於 2012-12-11 01:30 發表
今日又同老細講起感情問題,
條友睇完<<我老公唔生性>>,
講起鄭伊健,佢執意話鄭伊健係有鍾意張歆藝,
我話唔覺得,如果真係咁鍾意,就唔會放佢走啦,
老細話, 有時愛情係唔需要佔有, 咁先偉大。
...
你同你老細幾得意!
歡迎光臨 Blur-F (reconstructed) (http://blur-f.freebbs.tw/) |
Powered by Discuz! 5.0.0 |