Blur-F (reconstructed) - Powered by Discuz! Board

標題: [時事] 明天晚上7:30請收看無線新聞透視"假如子女是同志" [打印本頁]

作者: 印度人 時間: 2013-1-4 21:29 標題: 明天晚上7:30請收看無線新聞透視"假如子女是同志"

http://programme.tvb.com/news/newsmagazine/episode/20130105#page-1
「出櫃」（coming out of the closet），即是同性戀者公開表明自己同性戀或雙性戀傾向。近日不少名人不避諱「出櫃」，公開爭取同志平權，促請立法反對歧視同性戀，令同性戀議題再度成為社會焦點。

曾經有一名同志如此說：「一個同志出櫃，等於將爸爸媽媽送入衣櫃。」如果同志是不能選擇的身份，同志的父母更不能自決。他們不但要面對社會目光，也掛心子女未能成家立室，老來沒有孩子倚靠，更痛心兒女被社會歧視、嫌棄。有父母更心存歉疚，認為是自己的教育方法，甚至是基因問題，害了孩子。
雖然未知聽晚新聞透視所講既野有幾新瓶舊酒, 不過既然關自己事, 都有D興趣.
其實我唔認同上面果句野, "同志出櫃等如送爸媽入櫃" 我唔係覺得無道理,
只不過係覺得一般情況都係自己既阿爸阿媽睇唔開, 一知道自己既仔/女係GAY
OR LESI佢地就已經覺得好無面, 所以唔敢同其他人有接觸. 對於一般既親戚既
閒言閒語..."你個仔仲未娶老婆? 你個女仲未嫁咩?" 佢地應該會覺得難堪.
所以係呢D時間佢地一定會擺自己入櫃. 我今年30歲人, 每年陪阿媽去唔同既地方
拜年, 咩親戚同朋友都係問呢句"仲未嫁人咩" 聽都聽到想嘔, 通常都係答佢地..
"係呀..未嫁...等下先啦你地...等幾耐? 下世囉....因為今世都唔會嫁人嘛...."
我阿媽平時同我咩都傾..不過一傾到同志呢D佢個防禦系統就即刻響alarm,
先係黑面, 繼而同我大吵, 所以我都唔知自己算唔算將佢擺入櫃...唉~~~~

作者: mug 時間: 2013-1-4 21:42

Wow thanks for sharing

Maybe a great chance to "test" the parents' reaction..

作者: amon 時間: 2013-1-4 22:19

wow, 我都想睇, 不過可惜要出街.

作者: 3539ws 時間: 2013-1-4 22:38

知唔知網上面會唔會有得番睇?

作者: kalaso 時間: 2013-1-4 22:43

多謝分享

你講得好啱, 所以出櫃呢樣吾單係自己既事
都會影響到家人
比較傳統既屋企人就算知道自己仔女係gay/les
而覺得困擾既都未必會有辦法同返自己D朋友講
為面子啦, 為傳統觀念啦...怕係家庭環境或
DNA 所造成等等既各種原因之下.....
就算想了解更多都未必敢去求助
負面既情緒就會屈埋化解吾到咁

其實有時都好想香港有一個好似美國
PFLAG 咁既組織, 可以支持一下同性戀者既家人
D父母可以接觸到其他同性戀者既父母/家人
大家分享下做到一個互相支持既環境

之前了解過, 香港都有類似
雖然小童群益會吾係專做呢方面既野
但佢地有一個同性戀家長小組
就係D同性戀者既爸媽或家人出黎做分享既小組

雖然未知節目由咩角度去睇件事
但希望係中立, 同埋有一D真實訪問到同志家人既情況
所以好期待聽晚既節目內容

再次多謝樓主個分享~ 聽晚就大家一齊睇下啦 =)

作者: 印度人 時間: 2013-1-4 23:50 標題: 假如子女是同志

re: Mug
No thanks la, 黎得呢度既都係"自己人"
我聽晚諗住叫我阿媽一齊睇..睇下佢又會唔會
睇完之後同我嘈..hahahahaha
(我想講係就算我平心靜氣同佢討論..佢最後都會用一句"你地呢種人都係不歸路架啦..) 通常都係呢句辣慶我....佢成日用"呢味野..呢d人..呢種人..."
去形容我地..唉!!!!

re: Amon
我諗過兩日上番TVB.COM就睇到, 聽晚做完我估好快就會upload.

re: 3539ws
聽晚做完之後你上番呢度就會見到佢UPLOAD左未,..有既話側邊就會多左"播放"果粒制...
http://programme.tvb.com/news/newsmagazine/episode/20130105/

re: Kalaso
你講得好好, 好少係Blur-f遇番D講野咁有point既自己人...
你講起小童群益會, 上年書展果陣我買左本書..個名叫"我們的同志孩子"
其實我都幾想叫我阿媽睇, 好希望佢睇下其他父母所講既野...
唔駛多謝我既分享..希望聽晚既內容比較正面啦..睇完之後
大家再分享下觀後感啦...^___^

作者: kalaso 時間: 2013-1-5 00:08

我地一於睇完再分享

你都吾好咁客氣
我都係有感而發
之前同朋友都講過話有時家人係要聽下佢地自己朋友
或自己仔女以外既人既意見先會容易D接受件事
因為有時做仔女既係親人眼中永遠都係咁細

所以有時都會有個現象
你講幾多都冇用, 大家都係不讓步
但當佢聽到人地都係咁或佢地自己朋輩都係咁
佢先會開始軟化
所以你比你媽咪睇下個本書都係一個好主意
我身邊都有D咁既親人所以都好明白哈哈哈

作者: 3Ariel 時間: 2013-1-5 00:27

我都想家人明白。。
亦知佢地會心痛。。
已向媽咪坦白，但明顯不太接受，亦不能阻止我！

真想佢睇左可以明我地點諗，並不是不成熟、貪玩。。

作者: carcar 時間: 2013-1-5 00:38

星期二/日檔案，新聞/財經透視係tvb最有heart既節目，所以集集都睇
期待

作者: kalaso 時間: 2013-1-6 06:01

[youtube]ovwZSenq9Hs[/youtube]

外國既朋友應該睇吾到MYTV所以我UPLOAD左上YOUTUBE
希望多D 人可以分享下
個節目我睇左, 覺得幾好, 只係睇到吾夠喉哈哈
有幾個位都好感人
希望大家不論係自己親人睇過都可以有共鳴
一齊支持下 =)

作者: sloggi123 時間: 2013-1-6 06:41

thanks kalaso & 樓主~

作者: 開心果bb 時間: 2013-1-6 09:52 標題: 同志

看到眼濕濕,父母真偉大,同志們也好勇敢.

作者: gillian510 時間: 2013-1-6 10:22

Thanks for uploading the video. Yup, I watched that with my partner, and we were心情有點沉重 too. What impress me most, is the last part of the programme, the mummy of gay man says: Hope all children can be honest to yheir parents, and hooe all parents can accept your child no matter his or her sexual orientation.

當想起自己的媽媽也未必會接受，
那刻即時有點心痛起來。
我想我的伴侶也是。

作者: 撒爾達 時間: 2013-1-6 11:29

中肯的節目, 雖然氣氛有點沉重不過很寫實
亦有不少感動位, 如"爸爸主動問多了我女朋友的事"
感同身受.

感謝樓主及轉貼的Kalaso!

作者: 印度人 時間: 2013-1-6 15:33

re: kalaso
你真係好鬼勁..upload埋上youtube..俾十個like你都唔夠...hahaha
我尋晚睇完之後唯一既感覺係.."唏噓", 當然都有感人既...
睇之前我已經有D唔開心..因為我阿媽見我睇..佢第一句係..
"點解你唔入房睇..." 跟住我入房睇, 佢就即刻轉台睇其他野...

re: Sloggi123
唔駛thx, 大家自己人, thx kalaso就夠, 佢有心好多...hahah

re: 開心果BB
我都睇到喊..係最尾billy媽媽講果D野令我好感動.

re: Gillian510
我覺得billy 媽媽講果D野好中我個心..特別係最尾果句, 希望所有爸爸媽媽都支持自己既仔女.無論佢中意男定女....其實有時唔係我地唔想向父母坦白..而係佢地根本聽都唔肯聽...咁我又何來機會講? 我好記得我阿媽係我十幾年前講過一句..."你呢D人呀..第時就算有另一半..都唔好旨意帶番黎俾我見..我唔會認同你地呢D人架..." 呢句咁傷人既野我諗我到死果一日都會記住...

re: 撒爾達
氣氛係有D沉重..不過都有好笑位..(其實係可悲多D) Billy媽媽咪話之前做Salon既..
Salon都有唔少自己人..佢話表面上大家都好似好熟好接受玩埋一齊..但係轉過頭就話"呢隻野..呢味野...騎騎呢呢.." 我一睇到呢度自己就笑左出黎, 因為平時我阿媽都係咁叫我地自己人..佢最常用既就係"你地呢種人..呢d人..呢味野..." 其實我真係好唔明..點解LESI/GAY一定會俾人咁樣叫..""呢味野..." 乜我地係小菜黎既咩? 我印象中通常都係d飲食節目先會叫一碟碟餸做"呢味野" 同埋我覺得Billy個爸爸都好好, 最尾有幕佢地係大排檔食飯. 佢好似差D衝口而出想形容我地自己人做"你地呢D人.." 但係佢停左一停..佢改左話"同志朋友"我好欣賞佢..佢有顧及人地既感受, 唔會講D傷害人地既說話. 同埋題外話..今年同志電影節我都有去睇, 我睇yes or no 2, 套戲未開始之前有嘉賓黎左, 有好型既明哥啦..同埋參展既幾套片既導演,
都包括"櫃裡孩" 果位導演同主角, 果次就咁見左一面唔係太了解佢, 睇完今次既新聞透視就了解多左佢.

作者: 撒爾達 時間: 2013-1-6 16:53

原來印度人你也有留意到Billy 爸那一下停頓位~
我都好欣賞他不隨口用大眾化的形容詞
說話前有顧及兒子及我們這個少數群族的感受

另外比利婆婆好正!
會為了安慰女兒及外孫而說當同志也不是絕對的可惜
因此而沒後代也不是可悲, 很多夫妻也選擇不生育, 就如她的小女兒
多開通的長輩!

很羨慕你見到明哥呢
對了, 同志電影節是每年舉辦一次的嗎?

作者: gillian510 時間: 2013-1-7 00:01

樓主媽媽說那句說話，真的像我媽媽那種性格說出來的話。所以，我也很能理解樓主當刻的心情。對喔，有時候會期望家人的態度能平和點，否則我們很難有機會說出我們的取向。希望我和我的伴侶都能渡過家人的這一個考驗。也許，家人都是個同性伴侶感情上頗大的考驗，樓主認同嘛？有類似的經驗嘛？

作者: kalaso 時間: 2013-1-7 01:04

大家都吾好客氣
我都係分享返比大家只係舉手之勞 =)
越多人睇到越好尤其係睇完雖然會有心入面吾舒服既感覺
但呢個都係好真實既情況因為係佢地自己既故事
吾係樓主我都吾會知道有個咁既節目
所以好彩冇走寶

好可惜樓主你媽咪冇一齊睇
佢叫你入房個陣你應該趁好時機同佢講
"媽咪...你可吾可以陪我睇呀?"
跟住用對puppy eyes望住佢 XD
最後冇睇到但你放心, 段片我有save左係到,
到時auntie要睇既我幫你燒返十隻八隻碟比佢都ok 哈哈

我諗大家睇完個感受都差吾多
其實件事係好有"愛" 但聽到佢地內心既野就好心up...

你地指Billy爸係拍個陣有改口, 但我就係到諗
咁佢平時係屋企對住Billy既又會吾會冇改口? 哈哈

但總結黎講其實成件事都present得幾好
可以比到人睇到D比較真實既野點都好過成日睇電影個D
吾係悲劇收場就係過於簡單化既開心大結局

我諗吾係呢個圈子既人都會要時間去了解
由早期既只會報導吾好既野到衣家至少都可以中立D既節目
其實都進步左一大步而我希望吾係LES/GAY既人
睇到呢D既時候都可以諗返, 我地取向吾係揀既
我地肯企出黎吾怕比人歧視要用到既勇氣其實好大
至少開頭連自己都要過到自己個關先, 再要去面對社會同家人既壓力
希望其他人睇多D聽多D接觸多D就會可以了解到我地都只不過係平凡人
同其他人除左性傾向之外都同其他人無異
係GAY/LES吾係都好, 自己身邊既人都一樣咁愛自己

作者: K.Y. 時間: 2013-1-7 13:55

QUOTE:

原帖由 開心果bb 於 2013-1-6 09:52 發表
看到眼濕濕,父母真偉大,同志們也好勇敢.

me2

真係唔想喊又想繼續睇落去，
其實香港有多d 呢d documentary 就好, 等多d 人認識，
但好似都係台灣比較多...

作者: 印度人 時間: 2013-1-7 21:31

Re: 撒爾達
呵呵..大家都好認真去睇呢個節目, 我同你都有留意到Billy爸爸果個停頓位, 正~~
係呀..我都覺得佢阿婆好正, 今年同志遊行佢阿婆都有出黎架我記得...
如果所有同志都有呢d長輩就好了...太令人羨慕....
明哥除左有型...佢果日都有講左幾句野..佢講野都好有point..同埋個人文質彬彬
我覺得其實大部份既男同志都係好有型..好多都係藝術家..同埋好多都操得好fit
hahaha..全部都好似 A & F果D 6舊腹肌既model咁...
我其實本身對同志電影節既認知都唔多, 不過以我所知係應該每年都有的..
每年都會有幾套電影參與..有時唔一定係華語..其他國家都有..我今年睇YES OR NO2. 都係泰國片...同埋今年都好似有套日本戲參展..我係又一城等緊朋友黎果陣都睇左少少呢套日本片既trailer...睇到熱血沸騰...因為....都幾激下...hahahhaha

Re: Gillian510
我希望妳同妳的另一半能夠經得起呢個考驗..因為一般黎講同志都會經歷好多考驗
對在下黎講..(本人係一名已經唔再後生既b..今年都3張野) 曾經有過既另一半都係
因為so call既社會壓力...同tb一齊唔正常...無得結婚..生仔....種種既藉口而分手..
曾經有個ex同我鬧交果陣話.."我同你一齊咁耐..都唔見你帶我俾你屋企人見下..."
其實唔係我唔想, 我都好想, 只不過我阿媽講明唔好旨意帶番黎..我都好難受..
如果家人可以對我多d包容, 多d接受, 我都好想可以帶番屋企大家食下飯.
我有個家姐, 有個阿妹, 兩個都結左婚. 每次我姐夫or妹夫話番黎食飯..我阿媽就會
買勁多送..煲哂湯咁, 身水身汗煮幾廿碟野出黎, 當佢地上賓咁. 我其實有時都幾心酸..就係因為我愛既係女人...我既屋企人就唔能夠愛屋及烏, 就永遠當我所愛既人係透明, 唔存在..我有次同我阿妹呻過, 佢回應我.."妳唔可以用黎比較架喎...始終妳地呢d人都無名份..."名份..就係因為我少咁"一條野"所以我唔可以帶自己愛既人番屋企, 唔可以結婚, 唔可以有所謂"正常"既家庭...所以好多時我都覺得好孤獨..孤軍作戰, 唔知可以同邊個傾呢種感受.

Re: Kalaso
我想麻煩妳燒套L word既season1到season 6俾我多d喎...hahahahahaha..等我綁住我阿媽,唔俾佢郁, 由朝播到晚俾佢睇..睇下佢仲點反抗..hahahahahaha
我其實同你諗法都好似..我會係度諗..唔知billy阿爸阿媽係屋企同佢講野果陣會唔會用番"呢d人..果味野..." 呢d形容詞...哈..勁衰..係度小人之心猜度佢地...
我好認同妳講既野..其實雖然今次呢集特輯比較短..但係短得黎好寫實...平時睇戲果d就好似你話齋..唔係悲劇就係happy ending..(好似yes or no第一集咁) 其實現實既同志世界邊有咁簡單丫..唉~~ 妳講起話"我地取向唔係揀既" 我都好認同, 其實我好少用"性取向"去形容自己, 因為對我黎講"取向"係= 有兩種選擇. 我多數同"性向"黎形容自己, 因為我由此至終都清楚自己只係愛女人, 只接受到同女人一齊. 所以我有時聽到人地話唔知自己係咪lesi果陣..我都會問佢..妳精神, 心理同肉體上係咪都接受到男同女? 如果係既話, 我會話"咁妳既性取向係雙向" 有好多我識得既女仔朋友, 佢地好多時都會話"其實我都接受到自己同tb一齊..." 但我反問佢..咁其實妳有無真係同過女仔有親密既行為先? (當然唔係話拖手, 攬下咁簡單呢d啦) 佢地講講下又會答我.."um..其實都好似唔得..好似好核突咁..."(果下有少少想中佢地) 思想上接受到唔代表身體上接受到, 我諗好多直女都將同志呢兩個字睇得太簡單. 唔好意思, 我愈講愈遠..不過我覺得你好岩傾..hahahahahaha...

Re: K.Y
我覺得台灣係同志文化上係走得前過香港甚至外國好多倍..人地會有電視節目
去探討呢D話題, 而且係正面多過批評. 我好記得我睇台灣果個節目<<一天壹蘋果>>睇到有一集..其中"哈哈" (請留意, 哈哈係一個人, 仲係一個好鬼死靚仔既B)
果度令我喊爆..因為佢講既野..應該話佢既經歷同我自己好相似..所以我好感觸
果兩個主持都好好, 兩個都好正面, 其中有一句個主持人問番同志既家長...
佢話"難道同志就不是你的子女了嗎?" 同埋最後主持話"大家不要灰心..有愛就有出路"呢一集我真係喊到爆...因為太中自己最傷心果D位...坦白講..我幾想打阿哈哈個阿媽..佢不停係度話"我想我個女變番正常..." 煩到嘔..正如Billy話齋..如果呢個真係妳既遺願我可以迫自己同個女人結婚..但呢d唔係我想要既野..我呢一世都唔會開心....如果一個阿媽聽到自己個仔/個女講, 我可以做d野去滿足妳, 但我呢世都唔會開心..係一世....我都好想問番個阿媽..妳見到自己個仔/女成世都唔開心..咁呢樣野係咪
妳想見到..妳最想得到既野?
http://www.youtube.com/watch?v=5my7UBRJuns

作者: kalaso 時間: 2013-1-8 01:43

哈哈真係好靚仔多謝分享

幫你PO返呵呵

[youtube]5my7UBRJuns[/youtube]

L WORD既話..........................我會叫你去買哈哈哈~~~
因為我自己都冇睇, 吾係燒比你都冇所謂 XD
你咁對媽咪吾得架喎....會比雷劈....
仲有, 好彩你媽咪吾知你係網上講埋D咁既野,
吾係佢可以用返你個招, 捉住你跟住狂播男女拍拖場面你睇
雖然....你都睇左咁多年都未將你"變直" XD

我又學到野, 我其實之前一路都冇覺得"性取向"同"性向"
係兩樣野吾知道原來有分別所以又多謝你教識左我一樣野
XD 原來吾係冇左粒字咁簡單...

我諗Billy爸個到係比較明顯既...XD 如果你平時係講開同志朋友
就吾洗話要諗咁耐....但我真係好想知佢個下吾JUT左下佢會係講左D咩出黎哈哈
我諗有時佢地講個個都未必知原來係會咁hurt人
但幾好呀, Billy爸仲會安慰個老婆 =)
同埋婆婆都真係好勁...我諗如果吾係佢地咁睇得開
Billy媽仲吾開心...而Billy壓力仲大, 所以都好睇屋企人個方面
而同志爸媽如果同吾到屋企人傾既話,
可以搵到其他人去比到支持佢地都好重要

你講到思想同肉體分開我覺得好好笑
但我諗雙性戀既都吾係佢地話"揀"既, 只係佢地中意個人而吾介意性別啫
..............咁我諗, 我日後都要一率改做"性向"算哈哈

作者: K.Y. 時間: 2013-1-8 09:17

^哈哈，我好耐之前都睇過呢個video. 睇左全集啦。
主持都好nice!
台灣t 好似多數都man man 地...

以而hk 的好似好多都係偏女仔...

印度人，kalaso，妳地好好呀，好talkative，好認真回post wor!

作者: kalaso 時間: 2013-1-8 09:57

KY 不如你多D同我傾下計...我成日見到D溫食POST冇野可以答咀...

其實D人成日話台灣既B靚仔D 你覺得係吾係?

作者: 撒爾達 時間: 2013-1-8 11:55

係wo, 印度人你有道理
"性向" 的確比 "性取向" 貼切
雖然我是雙性戀, 但我會愛上誰又的確輪不到我那一刻想選哪種性別而定..
曾經嘗試過放棄和同性繼續發展, 轉而專心另覓異性
但原來要捨棄愛的人比面對親人及社會的壓力更要命!
還要失眠!.. 是危害自己及對方健康的做法呢..

我也喜歡印度Kalaso 的對答~ 還有K.Y. 你的也不錯~
不廢話而又和諧

哈哈不錯啊~
說起台灣帥T, 我想起Jess
不過重點是她的女友

(08:26)
[youtube]8F3hqi8Sbek[/youtube]

作者: nothin 時間: 2013-1-8 13:03

QUOTE:

原帖由 kalaso 於 2013-1-6 06:01 發表
ovwZSenq9Hs

外國既朋友應該睇吾到MYTV所以我UPLOAD左上YOUTUBE
希望多D 人可以分享下
個節目我睇左, 覺得幾好, 只係睇到吾夠喉哈哈
有幾個位都好感人
希望大家不論係自己親人睇過都可以有共鳴
一齊支 ...

thanks

我完全miss哂, 依家至知有呢個節目

作者: K.Y. 時間: 2013-1-8 14:01

QUOTE:

原帖由 kalaso 於 2013-1-8 09:57 發表
KY 不如你多D同我傾下計...我成日見到D溫食POST冇野可以答咀...

其實D人成日話台灣既B靚仔D 你覺得係吾係?

哈哈，妳講既野好攪笑~

我都覺得搵食POST搭唔到咀...
首先我係T，妳問我台灣T靚唔靚仔，我都唔知點答妳

答靚仔咪即係踩自己，答唔靚仔又即係自大 -0-
而且我答冇意思，G 答會比較有意思...
我只能說，佢地既STYLE 唔係我鍾意既STYLE LOR...

「我也喜歡印度Kalaso 的對答~ 還有K.Y. 你的也不錯~
不廢話而又和諧」

其實呢....我未聽過人地話我不廢話...

作者: brick_red 時間: 2013-1-8 14:39

QUOTE:

原帖由 K.Y. 於 2013-1-8 09:17 發表
^哈哈，我好耐之前都睇過呢個video. 睇左全集啦。
主持都好nice!
台灣t 好似多數都man man 地...

以而hk 的好似好多都係偏女仔...

印度人，kalaso，妳地好好呀，好talkative，好認真回post wor!

台灣有分 "鐵T" "娘T"
"鐵T"比較man, "娘T"比較嬌柔點

作者: 印度人 時間: 2013-1-8 15:13

Re: Kalaso
哈哈真係好靚仔架..我自己係B都好少讚一個B. 佢係少有既..所以我之前仲好無聊去ADD佢FB. 我ADD佢唔係因為純粹ADD靚仔, 係因為睇完呢集蘋果聽到佢講既野, 好明白佢果種切膚之痛. 所以都想同佢傾兩句, 大家分享下. 估唔到佢又真係係FB同我傾幾句, 我地大家都叫大家努力..嘩..妳居然無睇過L word..實在太蝕啦..撇除套戲有大量既色情畫面 (或者呢個都係一個值得睇既地方)
其實入面所提及既同志問題都幾廣泛, 妳一定要睇下啦. 如果睇左咁多年既"正常"男女劇集..應該話現實之中所謂既一男一女正常戀愛史..我就會變直..咁我諗我真係攣到不能再攣..我對佢地做既野真係零興趣..唔係話佢地有問題, 而係好多時一男一女既感情, 我唔覺得兩個女人做唔到...
我邊有咁勁教人地野丫, 只不過係性向同性取向對我自己黎講係有唔同既詮釋.
其實我覺得我媽咪有d似b媽..(billy媽既簡稱) b媽講既野都同我媽講既野幾似...
不過我諗我阿爸唔似b爸..我阿爸都係對同性戀既人有歧視的, 呢樣野係我阿爸同阿媽最大既共通點...思想...hehe..肉體...咁事實係岩架喎...果d直女其實唔了解女同(又或者男同啦) 既世界係點..佢地口頭上話接受到..到行為上又話核突..對我黎講即係等如佢地揀左男人. 我今次真係要教你一樣野啦..哈哈..係一律..唔係一"率"呀小朋友~~~ 話時話, 我睇到你講話搵食post無野可以答咀果度我笑左..我突然間諗起d好爛既gag我地平時番工咁辛苦為咩? 有句說話叫"辛苦搵黎旨在食" 其實我又覺得幾岩..每個人"搵食"既目標都唔一樣, 有d人係為左打獵, 唔理好醜但求就手..有d人就真係為左供樓, 上車..照顧下一代..所以搵食post有時都幾好笑架我覺得...

Re: K.Y
我又覺得HK既TB好多都好男人喎..偏女仔既我都唔多覺..有時出開CWB, MK
B既比率真係多過7-11. 而大部份從外型睇落去都好鬼man...我自己雖然都係b
不過而家人大左, 反而就唔會有以前果種小朋友諗法, 覺得要將自己變到好男人先係
等如型咁..而家反而會著得無咁男仔..我仲好鬼變態好中意著deep v衫..專登俾人見到有少少胸..hahahaha..一來我覺得好少b會著deep v..二來我去街果陣覺得去toilet方便d..唔駛下下俾人截住又或者用眼光打量..好無知架d人...
kalaso真係好好, 好認真回post, 不過你都有回呀, 所以你都好好..呵呵~~
同埋妳唔應該妄自菲薄架..我都成日俾我阿妹鬧我講既野係廢話同爛..
不過我都照講..天與地話齋.."和諧,不是一百個人說同一句話,而是一百個人說不同的話之餘,亦要懂得互相尊重"

Re: 撒爾達
雙性戀, 同性戀, 異性戀我其實從來都無意見. 我比較在意係當時人係果段關係上
係咪一個接一個, 定係同一時間一個對幾個. 如果我遇到一個雙性戀, 我唔會介意
佢之前究竟同過幾多男朋友/女朋友一齊, 我會介意佢呢一刻係咪同緊唔同既人一齊.放棄自己愛既人而換取親人同社會既接受, 我諗都真係幾傷害自己同埋對方.
假如我有一日有女朋友, 而最後佢都係為左所謂"正常""家庭""社會"而離開..
我諗我都會幾嬲佢..因為呢幾個字佢由一開始同我一齊果陣已經知道呢d係事實
既然佢明知事實係唔可以改變, 但最後又放棄我, 我諗呢d都係愛得不夠, 佢最愛既人永遠都係佢自己. 呢個post開左幾日, 其實我地幾個 (kalaso, ky, 你) 都幾正架..
我地大家都講左d自己既睇法, 暫時都無被人"河蟹"到...hahahahaha
jess果集我都有睇..原來有人同我一樣都被佢女友吸引住...wahahahahahahaha
我都覺得佢女友好不錯...呵呵...同佢都好登對...我諗現象果d男仔真係好葡萄囉..
同埋jess彈結他果度真係lum死女..我諗台灣T比香港TB吸引既地方係果種氣質...

RE: ALL
如果你地唔嫌棄, 可唔可以PM你地既email/msn俾我, 我地可以私底下再傾下計, 好嗎?或者我pm你地都得架..你地prefer邊一種方法呢?? 我平時每日都會開msn..
不過我諗好多人都唔再用msn了...right?

作者: 撒爾達 時間: 2013-1-8 16:07

我一直有個關於TB 的想法
就是如她們沒以中性的打扮及舉止示人
可能只會是極平凡, 不突出的女生
反而換上型格, 爽朗的造型, 那種氣質更來得吸引
就如哈哈, 五官徹頭徹尾就是個靚仔原型 (當然女裝打扮應該也不賴)
表情, 動態, 連哭都能哭得那麼帥
我很感謝她勇於以T 的模式行出來, 視覺上很令人享受~

雖然我外型上不是TB (其實我猜只要剪短頭髮, 已與TB 無異 XD )
只是初中前外表及舉止都男仔頭, 現在是長髮, 但仍不多願穿裙
所以我較能理解為何有部分女性會喜歡中性打扮
"就是這樣才舒服自在"

* 印度人, 已PM 你

作者: K.Y. 時間: 2013-1-8 17:53 標題: 回復 #28 印度人的帖子

回復 #28 印度人的帖子

哈哈，妳地都好勁呀，可以打咁多字既...仲要我覺得妳地好多野都講得好岩

我自問表達能力差又肚子墨水又少，加上時間所限，
所以都係盡量回應可以回應

「HK既TB好多都好男人喎..偏女仔既我都唔多覺..有時出開CWB, MK
B既比率真係多過7-11. 而大部份從外型睇落去都好鬼man...」哈哈，係咩~~
妳唔講我真係唔知，但CWB同MK 真係好多T就真...

講開又講，我都好怕出街要去TIOLET... 成個B LOOK. 嚇過唔少人..

妳都還好Y.. 會穿deep v

,人大左真係唔想咁boyish 我認同，
可能真係某程度想話俾人知我係tb，唔係男仔，
大個左出黎面對社會嘛，太boy look 都係有d唔方便。

但我自己可能因為外型問題，太女仔真係唔得，

正如撒爾達所講「就是如她們沒以中性的打扮及舉止示人
可能只會是極平凡, 不突出的女生
反而換上型格, 爽朗的造型, 那種氣質更來得吸引」
我絕對覺得係!!

我留長頭髮一定冇gel 頭咁好睇!~
而且我最憎要打理頭髮同make up... -__-"

加上我唔係咩「鐵T」，有時真係覺得自己似gay man 多過tb

作者: kalaso 時間: 2013-1-9 00:43

QUOTE:

原帖由 撒爾達 於 2013-1-8 11:55 發表
係wo, 印度人你有道理
"性向" 的確比 "性取向" 貼切
雖然我是雙性戀, 但我會愛上誰又的確輪不到我那一刻想選哪種性別而定..
曾經嘗試過放棄和同性繼續發展, 轉而專心另覓異性
但原來要 ...

多謝你個片....你係到講靚B..
但重點係佢女朋友....XD
跟住D男人係到尖叫好好笑

其實佢個個PK好吾公平呀
你搵個SEEP T SHIRT既男仔黎比較 =_=
我真係好耐冇見過人著牛仔褲T-SHIRT既會SEEP件衫入去....

作者: kalaso 時間: 2013-1-9 00:44

QUOTE:

原帖由 nothin 於 2013-1-8 13:03 發表

thanks

我完全miss哂, 依家至知有呢個節目

吾好客氣

衣家你可以追返

作者: kalaso 時間: 2013-1-9 00:51

印度人中文老師多多指教
我大把錯字你捉呵呵呵

辛苦搵食都係為兩餐啫

(每一種搵食都適用)

話時話, 你提到你有姊妹, 咁佢地知吾知你係LES?

作者: cobalt 時間: 2013-1-9 02:34

多謝kalaso 的upload。

講返印度人提起：『我覺得台灣係同志文化上係走得前過香港甚至外國好多倍..』

其實我覺得台灣比香港progressive 係因為同志文化可以係主流文化下生存。
台灣有酷兒文學, queer literature, 有陳雪，有朱天文，有邱妙津。
白先勇係台灣國寶級作家，不過亦都係gay。而且佢地都算係老一輩。
香港到宜家都仲未有一個iconic o既同志作家或者作品。

或者係市場細, minority 更加minority. 所以冇人寫，文化產量低過台灣好多。
又或者係demand and supply 問題，香港仲未有普篇的閱讀風氣。

電視更加唔洗講。台灣電視可以播《逆女》，《孽子》。香港.....

如果睇過台灣晚間新聞，會發現佢地報導同採訪角度同香港好唔同。
佢地新聞會播成個鐘（財經另計），我地新聞三十到四十分鐘（財經另計）。
佢地好多時間去採訪市民，比觀眾了解emotions > facts. (雖然兩者都有利有弊）
我地好多碧桂園特輯，佢地好多鬧黎鬧去o既談話性節目（唔計內容是否有助同志文化）。

不過台灣電視時事/綜藝節目話題比較開放，都係尺度同收視問題。
我唔覺得之前《我猜我猜我猜猜猜》類型節目擺同志上枱對推動同志權益有太大利益。
而佢地寫同志新聞，好似之前有個女仔亂刀斬女朋友，都係寫得好負面。
所以這方面香港同台灣都需要努力。

最近有感的，係linguistics 的問題。（所以要bold 呢段）
一個人的態度決定說話方式係人都知。
不過相反的，言語上的措辭都會影響我地態度。
整個社會o既說話態度，更加可以說明風氣。

比個例, "he's gay" 同 "he's a faggot"，"she's a lesbian" 同 "she's a dyke".
意思其實分別不大，不過fag 同dyke 都係攻擊性語言。
所以廣東話可以用"佢係同志", "佢係gay 架”, 就唔應該用"佢係gay 佬".
分別看得出嗎？
『瘌型』同『娘娘腔』，其實就係sissy. 其實都係貶義。
不過瘌型講到有點病態，娘娘腔只係女性化。

另外香港好有地區代表性o既係：死TB。個『死』字簡直係成為default.
不過廣東話本身可能比較offensive. 『佢條女』同『她的女朋友』分別好大。
連『她的馬子』都好過『佢條女』。後者明顯地objectify 左女朋友呢件事。

所以其實唔可以講我地唔可以改變社會。我地要自己人照顧自己人。

講返正題，我覺得私底下，香港同台灣家庭接受同志孩子o既程度差唔多。
其實我聽朋友講有個問題，就係台灣爸爸都接受過軍訓，所以反應很兩極。
一係接受度高一點，因為有部隊中有接觸同志，一係就會打到個仔/女飛起。
不過因為仔會還手，所以通常個女先會俾爸爸打到飛起...

作者: K.Y. 時間: 2013-1-9 13:43

我記得《我猜我猜我猜猜猜》幾年前有一集係講tb，
我覺得有好似玩緊d tb咁，要佢地穿女裝仲要俾成班男仔睇...

我覺得好唔尊重...

作者: kalaso 時間: 2013-1-9 21:19

QUOTE:

原帖由 cobalt 於 2013-1-9 02:34 發表
多謝kalaso 的upload。

講返印度人提起：『我覺得台灣係同志文化上係走得前過香港甚至外國好多倍..』

其實我覺得台灣比香港progressive 係因為同志文化可以係主流文化下生存。
台灣有酷兒文學, queer ...

cobalt 吾好客氣, 只係舉手之勞 =)
好多謝你同我地分享得咁詳細
香港同台灣文化之前都有上網同另一個朋友有傾過
衣家睇完你既分析都清楚好多

咁我都分享返我同朋友之前傾過既野
我地發現台灣其實係走前左香港幾步
點解咁講係因為自己同個朋友都因為想了解而睇過D歷史方面既野

例如
台灣第一次同次遊行係2003年
香港第一次只不過係 2008年

台灣仲要係亞洲第一個地方去提同性婚姻既野
亦早係2003年已經係想改政策容許同性婚姻但最後被否決
所以都係吾成功但今次台灣已經成功爭取到可以認真研究呢樣野

我地咁睇既話其實係好好彩wchk係幫左香港開左個頭
因為冇人去爭取既話, 就吾會有人去關注LGBT既社群
亦都吾會有社會既進步
雖然我地起步慢過台灣, 但希望大家團結D都可以有一日好似台灣咁
就算家人接受程度都係相約既都好
都要有個平等既社會或保障到同志既社會
先比到一個更接受同志既文化既機會可以建立起黎

就好似same love 個首歌既歌詞既其中一段咁

"...a certificate on paper isn’t gonna solve it all
But it’s a damn good place to start
No law is gonna change us
We have to change us.."

[youtube]hlVBg7_08n0[/youtube]

所以呢....我地要加油! 一齊努力 =)

[ 本帖最後由 kalaso 於 2013-1-9 21:24 編輯 ]

作者: kalaso 時間: 2013-1-9 21:26

QUOTE:

原帖由 K.Y. 於 2013-1-9 13:43 發表
我記得《我猜我猜我猜猜猜》幾年前有一集係講tb，
我覺得有好似玩緊d tb咁，要佢地穿女裝仲要俾成班男仔睇...

我覺得好唔尊重...

完全明白....我見到佢地比人迫著裙我簡直係個心到替佢地流淚
仲要踩埋高跟鞋...........比我真係吾得

作者: Zephyr 時間: 2013-1-9 23:17

QUOTE:

原帖由 kalaso 於 2013-1-9 21:19 發表
cobalt 吾好客氣, 只係舉手之勞 =)
好多謝你同我地分享得咁詳細
香港同台灣文化之前都有上網同另一個朋友有傾過
衣家睇完你既分析都清楚好多

咁我都分享返我同朋友之前傾過既野
我地發現台灣其實係走 ...

Thanks for sharing KALASO, that's a really nice and well-made video.
And it's so touching.

關於＜新聞透視＞：
其實當晚我本來是想給家人看＜新聞透視＞的，但結果沒有，現在回想，是否我錯失了好機會呢？
為什麼沒鼓得起勇氣呢？真沒用。

我2011年4月的時候跟媽媽出櫃了，當時得不到支持，但慢慢我覺得她對我態度淡化了一點，接受多了一點，甚至主動約我跟女友吃晚飯，但始終是不會宣之於口的話題。我的女友在她眼中可能依然是“女兒的閏密”。
曾看過書說不少人都經歷二度、甚至三度或更多度的出櫃，顯然這刻我還在儲備我的勇氣。
但必須二度出櫃的時刻步步逼近，我好擔心自己又要再傷害媽媽多一次。

關於台灣：
我也感覺有些方面台灣比香港走得前，我認為資源和資訊上台灣是比較豐富的。
除了＜一天壹蘋果＞和＜大學生了沒＞之外，其實還有其他討論過同志話題的綜藝節目。
我不敢說台灣歧視比香港少，但從他們的資訊和綜藝節目看來，台灣人的接受程度明顯相對較高，而且態度也比較正面，當地的LGBT人士亦比我們更敢於站出來面向世界。
不像我們，站出來的多數是某些同志運動人士。

香港要搞同志話題電視節目，要不就好像之前TVB播的姊妹清談節目，名義上講TB/lesbian，實際上卻談得不著邊際，幾個主持又言不及義．嘻嘻哈哈了事；要不就像＜新聞透視＞，將同志放在社會議題的層面之上，於是我們才一直停留在「嚴重的社會問題」範圍內，而非有血有肉有感情會哭會笑的普通人。

有時我會想香港真的沒辦法有像台灣的綜藝電視節目。
一來是觀眾的質素問題，二來如何找到這樣的嘉賓呢？

如大家所言，香港好很多TB，但會有人肯上節目嗎？或許有，但少之又少。
這就是香港人：慣於收埋自己，不敢表現自己，過份重視別人眼光，看看上課、去Seminar總是沒人舉手發言就知道。

於是以上這些人全部成了觀眾。

然後，香港觀眾常犯以下毛病：不敢表現自己卻又慣於恥笑、鄙視敢於表現自己的素人，人家稍為不夠靚仔/女（而且是主觀感覺）必然放聲嘲笑，甚或因為不合心意而投訴投訴投訴。
為了自己不會被人認出、被人嘲笑，於是沒有人敢上電視節目。

以這集＜大學生了沒＞來說，有一點是香港較少見的，就是台灣TB是有粉絲後援會的，受到相當數量人士的擁戴，他們雖然是素人但同時也是名人，這種文化確實是很有趣。

這正是香港和台灣的文化差異。
台灣人比我們有自信得多。

作者: 印度人 時間: 2013-1-10 02:14

見到大家既回應百花齊放, 真係好感動. 而且大家既留言都相當言之有物, 令我係零晨兩點鐘既時候都好想大嗌"正呀" (不過我應該會嘈醒隔離房既鼻鼾皇帝同皇后=在下既父母) 我好想逐一回應大家..不過我再回落去既話就應該有幾千字..haha (我好長氣)但我好認同Zephyr 講既野, 問心妳叫我上節目, 我會猶豫. 撇開俾人笑我個樣, 我會唔會從此被人點相..我呢一刻第一個問自己既問題係..如果有人問我阿媽..
"喂..徐太..早兩日上咩東張西望..(或者新聞透視..或者鏗鏘集) 講果d 死基佬,
死tb , 妳個女上電視.." 我諗我阿媽會即刻喊..繼而佢會可能收埋自己係屋企十日八日唔敢去買送, 唔敢去親戚朋友屋企. 我平時係果d唔怕人地點睇既人..(成個袋都係掛哂彩虹襟章, 慌死人地唔知我係lesi咁..haha) 我好愛我媽咪, 我從來都唔覺得自己做既野係錯..但係對佢黎講假如有一日我上電視好似何cc咁係個台講"我係同志"
呢一下等如我一刀插入佢心..所以我諗到我上電視, 表現自己, 為同志們發聲, 爭取權利, 發表訴求既一日, 可能真係要等到佢百年歸老那一天. 唉...突然間好sad....

作者: guardianangel 時間: 2013-1-10 03:02

QUOTE:

原帖由 cobalt 於 2013-1-9 02:34 發表
一係接受度高一點，因為有部隊中有接觸同志，一係就會打到個仔/女飛起。
不過因為仔會還手，所以通常個女先會俾爸爸打到飛起.

Oh my God, I can't believe that such things still happen nowadays. A big man beating up a girl much younger than him, and she's even his daughter... how come! I would not regard him as my father anymore if I were the girl.

作者: kalaso 時間: 2013-1-10 09:22

QUOTE:

原帖由 Zephyr 於 2013-1-9 23:17 發表

Thanks for sharing KALASO, that's a really nice and well-made video.
And it's so touching.

關於＜新聞透視＞：
其實當晚我本來是想給家人看＜新聞透視＞的，但結果沒有，現在回想，是否我錯失了 ...

吾好客氣~ 好開心你都出埋黎傾計

好奇點解你會話第二度已經迫近? 其實你媽咪叫得你帶埋女朋友出黎食飯其實
已經過左一個大關, 至少你媽咪要咁做都吾係一件容易事, 但佢都肯去試.
我明你既矛盾係邊, 就好似一個計時炸彈咁. 你知道再黎一次, 傷害又會再發生多一次.
但我會覺得係有另一半既時候, 你面對媽咪已經吾係你一個人去面對.
點解我咁講, 係因為都成日聽話, D家長永遠都係怕仔女行錯路. 如果你係呢個時候
可以證明比佢睇你地感情係stable, 加上你女朋友同媽咪又夾得埋既話其實最起碼比到
你媽咪一個放心先. 我諗咁對於接受黎講已經起左一個好大既幫助. 講到呢樣有機會都想
了解下, 其實大家會對出櫃有咩睇法, 究竟用咩方法先會有最少既傷害?

我既睇法就係,
文化差異其實點都會有. 我好認同你話香港咁多人, 要叫佢地企出黎又有幾多真係敢?
歧視台灣同香港已經吾知差幾多? 我只知道佢地既革命好早就開始左
我諗真係要搵個台灣人黎問一問先知個邊歧視程度有幾高
但我諗大家都可以認同既係社會開放程度吾同
收視既野...如果你冇咁多人去睇, 電視可能都未必會做咁多呢D節目
就吾同好似之前香港咁
只係一個同志節目就搞到有好多人打去投訴講到一定要BAN咁...

至於勇敢呢樣我諗只係開頭比較難, 有時都要記得台灣已經走前左幾年
睇報導佢地第一次遊行人數同香港第一次都係差好遠但佢地政府抱既態度就大大不同
係 2003 年台灣首次遊行台灣政府贊助左70,000台幣仲要馬英九上台演講話支持多元化社會

而我諗影響到"勇敢"呢樣野...都會有好多方面影響住. 如果香港政府有台灣政府
一半咁支持, 我諗大家都可以勇敢D, 因為領袖級既帶頭表示吾歧視已經有好大分別.
就算你勇敢企出黎, 但政府一向當你D人搞事既, 咁仲會吾會有咁多人去勇?
尤其係政府吾認同, 但市民要爭取既時候, 都好難講會吾會比到D人對同志有負面情緒
政府既支持表態我覺得一定都會有影響力 ... 要少D歧視就要多D"教育"
所以我自己會覺得, 社會文化, 都係人做成. 你個社會由咩人去組成, 你就會有一個咩既社會.
但我有信心香港對同志黎講一定會越黎越好. 只要我地吾怕辛苦
一齊學會勇敢總會有光明既一日.

http://http://en.wikipedia.org/wiki/Taiwan_Pride

香港人要加油~

作者: kalaso 時間: 2013-1-10 09:30

QUOTE:

原帖由 印度人 於 2013-1-10 02:14 發表
見到大家既回應百花齊放, 真係好感動. 而且大家既留言都相當言之有物, 令我係零晨兩點鐘既時候都好想大嗌"正呀" (不過我應該會嘈醒隔離房既鼻鼾皇帝同皇后=在下既父母) 我好想逐一回應大家..不過我再 ...

樓主, 我地仲有好多野想同你傾呀
我地願意等你個三千字, 因為我地啱先熱身

但我真係好想多謝你開個咁既POST
我好耐冇試過有一個咁engaging既post可以比大家認真咁傾計
仲要係個內容咁好

希望睇到呢個post既朋友仔吾好怕咁長,
就算有同意, 吾同意都可以join入黎傾下
我係一個比較中意諗野既人,
所以可以聽多D吾同既意見大家都可以豐富下自己既思維

作者: scarlalala 時間: 2013-1-10 12:48

嗰日我都有睇....
嗰陣我屋企人同埋家姐個男友都喺度......
媽媽好開明咁聲稱話係就係失望d
但咁大個人都已經理唔倒人地鍾意男定女...
我家姐個男友一路睇一路話人地死gay佬
好『銀』耳……真係真係好唔尊重人
好想問佢你讀咩書架，父母有冇教過你尊重人
你唔係呢種取向都唔好咁話人
自己都做唔好本份冇資格話人

作者: K.Y. 時間: 2013-1-10 12:53

Zephyr:
妳講真係得好好呀!! 妳所講的我都好有同感，好感觸

我都成日都諗，「香港幾時先會有多D好似台灣既電視節目架!!!???」
我仲以為自從「變身男女CHOK X3」之後會多D呢D未必係講同性戀，
但都可以用D輕鬆既手法帶出少少關於呢方面既話題的PROGRAMME,，
但可惜唔係LOR

我覺得無論係D清談節目定電視劇，好似近年也講多左D「娘娘腔」同帥氣女生，
但呢D角度好似都唔係真係同性戀 -__-"不過起碼都引起觀眾既正面ATTENTION嘛.....
最差既我諗係D主持都仲係好似唔係好敢討論，可能覺得尷尬GUA.. ?

至於香港人「慣於收埋自己，不敢表現自己，過份重視別人眼光」，呢個其實我都好認同...
我自問都冇咁既勇氣出去面對群眾...
不過我就一定唔會「恥笑、鄙視敢於表現自己的素人，
人家稍為不夠靚仔/女（而且是主觀感覺）必然放聲嘲笑」LOR

都係當平常人咁睇JE...

作者: 撒爾達 時間: 2013-1-10 13:38

雖然不滿同性戀的語言很令人難受..
不過從中可以看清楚哪些人是有包容心, 即使不認同也不會語出傷人
而哪些人是不顧他人感受, 將想法在人前盡訴, 甚至用侮辱的字眼

但最令我反感的是人前表現清高, 背後卻恥笑及看不起人..
很假

作者: kalaso 時間: 2013-1-10 18:14

咁都好慘....=_=
一路睇一路要聽住D咁既野...

睇完吾中意都冇所謂
但都真係要尊重下其他人
我都吾明點解成日會加個死字係前面

所以都好認同, 咁樣已經睇得出佢人品

作者: scarlalala 時間: 2013-1-10 23:06

難度真係肥人,同性戀都係姓死ge.......?= ="

作者: kalaso 時間: 2013-1-11 01:05

應該係理所當然既歧視

歡迎光臨 Blur-F (reconstructed) (http://blur-f.freebbs.tw/)