標題: [其他] FORUM未來發展 [打印本頁]
作者:
raeho 時間: 2013-1-23 23:43 標題: FORUM未來發展
FORUM 運行左一段時間了, 想收集大家意見以計劃未來發展
在決定FORUM的未來時, 我地會盡量參考大家的意見! 當然我地有其他因素考慮, 但大家的意見還是最重要!
請大家投票表示想希望FORUM 未來的路點行.
多謝支持!
此外, 我地亦招募幫手, 詳情稍後公佈.
作者:
raeho 時間: 2013-1-24 00:28
補充:
Freebbs 的舊post 轉唔到去新站。建議舊站可能不會被關掉，搬站後會員依然可以隨時登入舊站，備份所需資料，但不能再發帖、回帖或pm。
大家不如都講下有個新站既話會有咩期望？
作者:
difficult4 時間: 2013-1-24 00:43
具體option 2, 3 會多咗d 咩功能?
作者:
fing 時間: 2013-1-24 01:33
新的論壇係由我地自己set up，加上用左Discuz x2.5 呢個最新既platform，discuz提供左好多唔同的"apps", 所以無論係管理定使用都可以由自己決定。
壞處係而家freebbs 呢個唔繼續落去，啲post 會搬唔到過去，因為個web host唔係我地自己，我地拎唔返啲data。
不過新的forum 目前正在試行中，係用免費的web host，但係所有資料都可以backup。假如他日人流太多而需要更多space 既時候，同一個host 都有upgrade 既功能，喺各方面都冇咩限制，價錢亦相宜，省卻搬站的問題。
功能方面：
1）多左個活動中心，會集中大家[img][/img]去嗰度搞所有聚會／活動
http://addon.discuz.com/resource/preview/3667/0.jpg?Zg11t
而出post搞活動都會易左，有form 可填
2）會員的個人空間
例如日誌（可以upload 自己的文章）、相冊（連結自貼區）
3）多左啲遊戲畀大家玩，有啲係儲分，有啲可以同其他會員對玩
4）用手機上forum 時可用手機版睇，冇咁食data，亦都較易操作
3）論壇版面較為user-friendly、美觀
作者:
fing 時間: 2013-1-24 01:37
P.S. 如果要搬站就越早搬越好，如果唔係呢度積得越多post，就越大損失。
以下係論壇首頁的參考圖
作者:
ganjai 時間: 2013-1-24 02:14
其實我都認為呢個版無得玩遊戲少左好多樂趣
作者:
RICHTER 時間: 2013-1-24 07:26
請問選項二，雖然係免費，但會唔會server變得唔穩定，好似以前Blur-f成日死server?
選項三，同其他forum合併，請問其他既意思係咩？同其他Les forum？其他LGBT forum？定係同其他無關LGBT既forum合併？
無知一問，如果幫襯唔係免費既server，大約一個月要幾多錢服務費？錢銀上我樂意幫手。
作者:
toysstory 時間: 2013-1-24 09:58
我都想知道forum合併係點
其實去邊唔緊要，至在識下朋友、吹水、有個落腳地，辛苦妳地喇
作者:
coincidence2 時間: 2013-1-24 09:59
謝兩位負責人出心出力去發展呢個網
選項 3 : 同其他FORUM合併(功能最多但要重新REGISTER,無左D舊POSTS同可能KEEP 唔到BLURF 個名)
出面有太多討論區, 年齡層較細, 人流唔肯定多少, 分得好散. 合併可以凝聚社群, 亦壯大討論區, 人流爆升. 唔好處係我知道以前有2個網合作, 結果變了嘈交杯葛攻擊. 至於KEEP唔KEEP BLURF個名, 有D人有情意結覺得BLURF係獨一無二不能取代, 甚至有人話唔肯來呢到玩的. 所以改個新名反而係好事, 只要多加宣傳新"品牌", 唔會無人知
作者:
cybercoffee 時間: 2013-1-24 10:02
維持現狀是好的. 但我發現此forum很難search, , 建議買一個domain name.
如果webhost有好多限制, 不如籌款買一個host吧?
我相信應該可以籌到錢的. 大家夾錢去建設一個屬於我們的空間, 更有歸屬感. 可能係鼓勵每人夾$300-500之類.
感謝你們努力延續blur forum 令到我地呢d老鬼都可以有個地方蒲
加油呀
作者:
coincidence2 時間: 2013-1-24 10:09
講到將來發展, 除咗技術上形式方面, 制度方面亦重要. 好似和諧呢個方針, 如果負責人參考下出現討論區嘅regulations/版主權力, 再仔細D詳列出來, 用家要玩就點都要跟隨.賤口如我都唔可能撤野了. 另外版主質素亦要留意. 明白唔係人人都樂意花時間管理, 所以早期階段會傾向有人認頭就OK. 一旦要認真去發展一個論壇, 就好似發展一個小社區, 要搵D可以勝任/客觀持平/又樂於奉陪嘅人做喇 . 另一樣野就是"品牌定位"...好似UWANTS同香討同高登都其實FEEL到用戶係唔同STYLE嘅. 咁你地又將呢到定位係咩 (除咗LES身份之外)....
呢D野係長遠方向, 要睇番你地想做到幾大, 如果只係普通一個吹水地, 其實又唔駛花時間想太多, 得閒有時間先算
作者:
J__ 時間: 2013-1-24 10:14
暫時黎講. 可以hold住舊有先. 但同時去build up新既.
因為要由零去搞1個全新既. 需要好多時間同skill.
同步進行. 會唔會係1個好方法?
直到新既穩定. 咁先正式close個舊.
btw. keep舊定搞新都ok.
但合併就.. 出面個d 13,4歲.
句句都: 禾巧想色梨地丫. 禾系tbg. <<<< 我自問難以溝通..
作者:
coincidence2 時間: 2013-1-24 10:20
原帖由 cybercoffee 於 2013-1-24 10:02 發表
維持現狀是好的. 但我發現此forum很難search, , 建議買一個domain name.
如果webhost有好多限制, 不如籌款買一個host吧?
我相信應該可以籌到錢的. 大家夾錢去建設一個屬於我們的空間, 更有歸屬感. 可能係鼓勵 ...
夾$好呀. 人人夾一個數就最完美, 但如果唔係個個都肯而又搵到幾支"大水喉"出多D, 都係美事.
有D人比了$又想會計透明度高
如果真係籌款, 負責人提供一個戶口吧. 遲下開個POST"歡樂滿XX" 果D籌旗
有D論壇會自己攪網聚, 久唔久一次, 都係為咗增加歸屬感. 見有時有D姐妹自行攪, 個人名義. 如果論壇攪網聚, CYBERCOFFEE以前又攪開, 無聊提議2者可唔可以合作....XDDDD 因為有D人其實聽見係你攪, 會覺得安心架....
作者:
LongIsland 時間: 2013-1-24 11:38
原帖由 J__ 於 2013-1-24 10:14 發表
暫時黎講. 可以hold住舊有先. 但同時去build up新既.
因為要由零去搞1個全新既. 需要好多時間同skill.
同步進行. 會唔會係1個好方法?
直到新既穩定. 咁先正式close個舊.
btw. keep舊定搞新都ok.
但合併就 ...
禾淨係知禾巧令令....
作者:
J__ 時間: 2013-1-24 11:40
原帖由
LongIsland 於 2013-1-24 11:38 發表
禾淨係知禾巧令令....
禾都之梨巧令. 吾洗強掉wor. 
作者:
LongIsland 時間: 2013-1-24 11:47
其實呢個版都好夠用~講真, 大家黎到forum 都係吹下水, 交流下, function 多少我個人認為唔係咁重要....但如果搵到個較好而又afford 得到既都無妨咁啦....
不過同另一個站合併就.....最好知清楚果邊係咩一回事先~
作者:
ELKI 時間: 2013-1-24 11:48
其實一直以黎我都覺得BLURF冇其他壇咁多元化...而且E家成日上黎來來去去都係個d.的確有d悶
舊post 冇左可以再黎.反正呢度開時...都係好少post
如果已經開左post既樓主想keep返個底//繼續伸延既就e家自己做好準備功夫囉
而改名呢家野...其實真係只要有人知改左新名.多d人知...d人一樣會上返去
blurf 呢個名係有回憶既.好好保留係自己心中就好(而且其實舊blur f 一早死左
)
合併可以多d人玩...未嘗唔係好事
其實台灣o個個2g 都做得唔錯我覺得
以上個人意見啦
[ 本帖最後由 ELKI 於 2013-1-24 11:51 編輯 ]
作者:
kiki 時間: 2013-1-24 12:38
對現時forum滿意,
本身自己唔太好games,
志在上黎睇下post吹下水,
不過此forum的確難搵啲
作者:
印度人 時間: 2013-1-24 16:10
Option 2幾好, 同埋我覺得都可以參考下台灣2G呢個網站既設計
佢地既內容好豐富, 有唔同既選擇可以揀.
當然我都感激而家既blur-f有你地落手落腳去整番佢出黎,
令到大家都有番個平台可以傾下, 辛苦哂你地.
http://www.2girl.net/portal.php
作者:
naturalgirl 時間: 2013-1-24 16:40
選項二: 我覺得可以move去新d同多d function既forum就好好, 但前題係可以keep番d舊post, 因為有d post係好好睇, 亦可俾d新黎既人知下d舊野。所以如果做唔到, 我會prefer 維持原狀
另外, 我發覺"搜索"功能只可搜索到會員開過既topic, 而搵唔到reply過既post。請問係真係我用錯左方法定真係搵唔到呢?
作者:
raeho 時間: 2013-1-24 19:23
我地知道難search 係問題,而且想搞好d 個forum晚freebbs又多limit.所以有option 2-3.
option 2 我地揾左個好d 的free hosts.估計ok.但要試.
option 3 同另一les forum 合併, 初步商議未必可keep blurf 名,我同fing 都會尊重另一les forum 的owner 唔再干涉任何合併後的forum管理
作者:
raeho 時間: 2013-1-24 19:44
出錢方面,多謝大家有心,有好多考慮..要再詳細諗諗
作者:
sloggi123 時間: 2013-1-24 19:50
只知轉一轉又少咁批人知…所以揀了一
其實點都無所謂了
作者:
Quantum 時間: 2013-1-24 23:10
多謝各壇主同版主既努力∼
三樣都好難揀…
對我黎講會員同post既質素最重要，其他功能唔係大問題。
最重要係keep到新舊bf既會員。
有咩變動盡快通知我就得喇。
作者:
raeho 時間: 2013-1-24 23:24
其實怕呢度唔住得耐,r想像下freebbs 有一天down左我地又無data..
我地打算promote 呢度，增加人流，亦希望將來如果有任何有需要ge人想上網了解多d女同性戀或搵網友傾心事，可以搵到一個可靠ge平台
而假如blurf人流真係有大幅增加，我地怕現時forum未必負荷到，所以將來係有機會需要upgrade ,
而我地要搵到一個server係可以免費用，待有需要時可upgrade.最重要係backup.
就算freebbs server突然永遠摺埋，我地都不至於被殺個措手不及.
可以的我地都唔想搬來搬去,如果大家想維持現狀,我地可能會暫時keep住先再睇下點或依樓上講新蕉舊forum一齊行?或者大家一齊copy n paste d posts 去新forum,好似之前甘...
問題好複雜,無定案,要集思廣益...
作者:
teenager_bear 時間: 2013-1-25 00:08
我諗長遠而言都係轉server好. 不如依家趁早轉~我相信現存會員都係鍾意blurf 呢個板面同氣氛，至會繼續上blurf玩~ 所以只要板主只轉server，我覺得係ok，blurf係值得keep住的，support 難得有一班有質素ge會員，我唔想blurf同其他forum combine = =
作者:
guardianangel 時間: 2013-1-25 01:55
簡左2, 原因同 J 講既一樣:
原帖由 J__ 於 2013-1-24 10:14 發表
但合併就.. 出面個d 13,4歲.
句句都: 禾巧想色梨地丫. 禾系tbg. <<<< 我自問難以溝通..
雖然唔清楚其他forum係唔係咁(冇上過), 不過如果係真的話會令我唔想上 -___-
作者:
waiyee 時間: 2013-1-25 08:31
搵web hosting 俾錢嘅點都好過free
同埋其實要開一個forum 唔太高要求嘅話,
年費真係唔貴, 簡單到百幾二百蚊可能都有(未計domain name年費)
始終俾錢嘅穩定性高啲, 同埋data係自己嘅
我自己本身都用緊出面啲web hosting 放咗個forum
可以俾錢梗係俾錢好~
作者:
iamckhei 時間: 2013-1-25 09:48
我覺得好無謂。
一早話左free host唔得，就算妳搵個幾好既free host都好，
妳要搞大blurf就會多流量，唔俾錢既host只會repeat blurf既後果。
搞論壇要有時間有心機有資金！
whatever大家望下依家有幾多人係依到玩緊？
其實真係唔多，咁又有無必要搞咁多野呢？
不如諗好點promo先搞個host。
合併未必係一件差既事，只係可能個forum會亂左多人左。加以管制就得。
老實講，仲有幾多我地依d廿幾三十既會好似d小朋友咁成日有時間有心機操壇呀？
作者:
raeho 時間: 2013-1-25 12:10
我地check過比錢·的host 都可以好唔stable. 分別只係容量大左.有需要的我地會考慮upgrade. 有困難的我地會盡量同大家商量.
作者:
hattricks16 時間: 2013-1-25 13:22
I've went thru a few mergers in my life (work wise), 食人既有，俾人食既有...yiike, messy 
作者:
waiyee 時間: 2013-1-25 16:11 標題: 回復 #30 raeho 的帖子
你check 果啲係咩web hosting?
我用開果間, 用咗兩年幾, 都好穩定
最多都係試過死server 1,2次, 無影響啲data
都幾令人滿意架喎~
作者:
raeho 時間: 2013-1-25 19:00
waiyee, can u pm fing of the host u r using? thx a lot!
作者:
fing 時間: 2013-1-25 22:33
其實我地就係想promote 個論壇兼長遠發展，先至想轉做自己搵server run，因為用freebbs 實在好多野都有限制。
的確，free host 幾好都會唔穩定，所以我地都已經搵緊收費既host。
我地會視乎大家既既取向係點，再決定點樣做
作者:
hilda_chau 時間: 2013-1-25 22:57
完全唔贊成3.
個人認為合併後可能又會冇左blurf名似乎同開反呢個blurf(reconstructed)的意義有點打對台
作者:
hiddengal 時間: 2013-1-25 23:08
收錢的要多少？technical嘅嘢幫唔到手，但錢銀都有能力夾。
作者:
raeho 時間: 2013-1-26 00:07
check 緊d 收費同功能.
見到大家的意見同願意伸出援手令我地鼓舞左
d 意見我地會參考: )
作者:
cobalt 時間: 2013-1-27 12:01
其實想問下有冇同blur 聯繫過？如果出錢subscribe 一個host，有沒有可能run 返phpbb, 將以前o既data/posts/user import 返。其實migrate 一個server 唔係好難。
我識幾個人都冇申請新account 因覺得麻煩，而且很多舊user 都走了。
作者:
fing 時間: 2013-1-27 13:11
有，聯絡到一次，但之後冇再收到回覆。
假如blur 有以前既data backup，理論上係有可能做到。
始終呢度都係一個新既論壇，用blur f 呢個名最大原因係想走左既人一旦想搵返都搵得到，二黎就係紀念返曾經有呢個forum，所以我地都只係叫blur-f reconstructed。
申請新account 都係登記下，唔太難既
不過唯一要認清既一點就係，而家呢個forum 永遠都冇可能係以前既blur－f，過去左就係過去左，人來人往亦然。雖然無奈，但都要接受。
不過真係多謝各位投左票／畀過意見的會員，除左令人鼓舞之外，亦有助我地思考forum將來的發展
作者:
raeho 時間: 2013-1-28 21:18
投票將於本月結束， 大家請發表意見！
作者:
WhiskyOnRock 時間: 2013-1-29 00:27
我暫時會傾向維持現有FORUM，因為以我所見，現時既 post 大多係心情分享多過一D好 formal 既 "討論 post"，發帖和回帖率不算高，亦有約 1/3 用戶是不活躍用戶。而我認為作為性小眾 / Les 平台的方向不一定要跟各大討論區看齊，反而讓論壇和用戶做到有人情味和歸屬感比較重要，當然可討論性的話題增多以及提供圈內題材也很重要，所以 "每月焦點" 是不錯方案。長遠來講係要搵個穩定性高同埋可掌握既 host，加多少少廣告 / 宣傳，加入新血。資金方面可以商量 / 集資。
作者:
lmt 時間: 2013-1-29 08:40
combine 既話可能會同邊個？
正如樓上所講，如果變哂火星既我寧願揀2/1
作者:
Shan3 時間: 2013-1-29 21:38
會揀選項2, 因為希望交友區可以似返以前舊blur-f咁..唔洗下下開個post同PM黎PM去先可以識朋友..雖然唔知有冇可能..
作者:
raeho 時間: 2013-1-30 10:17
現在看來,合併機會不大
blur f 舊交友區我地研究過後發現除非有IT達人幫手,否則我地現有技術做唔到
作者:
fing 時間: 2013-2-1 17:53
謝謝留意過此帖、投過票甚至留過意見的會員！你們的意見和支持令管理團隊在發展論壇的時候可以有更清晰的方向。
1) 投票結果顯示大部分會員支持維持現狀。因此，我們決定會把forum 維持在freebbs一段時間。合併方面，因支持會員唔多將擱置。
不過為了論壇的長遠發展，管理團隊同時亦會開始籌備開發自主的新論壇。
然而，管理團隊明白不少會員可能覺得「一動不如一靜」，又或是已經習慣了到這裡來。對於會員的反應，管理團隊一方面感到高興，因為大家都對此論壇有感情，也聚集了一群與其他論壇不同的會員；另一方面也體諒大家需要時間適應。所以，就算開發新論壇，舊的論壇亦會繼續運作，直到過渡期（起碼半年）完結。
為提供完備的論壇功能以及配合宣傳，將來無可避免需要更多資金。需要資金的地方包括印製宣傳單張和申請收費hosts。有意在資金上支持的會員，請隨時pm fing 或raeho，我們會作出安排，我在此先行道謝！
2) Blur-f (reconstructed) 的logo 同facebook 已經先行革新。大家有時間可以上facebook看看並like facebook page。Facebook將update les 資訊和推介forum某d posts。三月 的最新的行動將會是「每月精選話題」。
管理團隊每月都準備置頂討論話題，題目包羅萬有，由同志資訊到二人世界的節目都會講到。於「每月精選」帖中表現最活躍的會員，會獲得一次討論區置頂帖作鼓勵。會員可於帖中發表示愛／祝福／自我介紹的內容（禁止廣告、罵帖）。歡迎各位提出每月精選討論的話題，管理團隊會詳加考慮啊!)
在此向會員forum 設計師eLiM 及「每月精選話題」資料搜集「總監」Plumeria道謝！=）
3) 在重建Blur-f (reconstructed)和發展論壇的過程中，一直得到不少有心人傾力支持，管理團隊感到很鼓舞。不過，論壇長遠發展在未來尚有各種工作需要人手幫忙，誠邀有心有火的會員加入！我地現招募以下人員：
i. 「每月精選話題」資料搜集人員；
ii. 「外務部」人員，負責聯絡LBGT 團體/公司等以宣傳;
iii. Iphone app 製作人（製作Blur-f (reconstructed) Iphone app）;
iv. IT 達人 (新website 製作)(非常緊急)
有志者請pm fing 或 raeho，請約略講講你的background同專長,，感謝！
作者:
raeho 時間: 2013-2-3 00:58
Vote ended
| 歡迎光臨 Blur-F (reconstructed) (http://blur-f.freebbs.tw/) |
Powered by Discuz! 5.0.0 |