標題: [生活] 小事一則 4-港男好冇品 [打印本頁]
作者:
Casper 時間: 2013-3-2 01:52 標題: 小事一則 4-港男好冇品
今日走去油麻地診所睇夜診,個度比較多印巴籍人士過黎睇,
咁就有一D印巴小朋友都係度走來走去~
小朋友走來走去,其實都好正常,
又唔係太過份,冇撞到人,
但係我身邊一個打緊機既正宗四眼港式宅男, 就好似好睇唔過眼,
幾次眼超超d 印巴小朋友~
之後, 有一個印巴小朋友玩得過度興奮,大叫o左出黎,
佢港男就大大聲既"摺" o左出黎,
(個字唔知點打==總之係個下極冇禮貌,差d連嘴唇都懶得張開個下嫌棄人地既聲音)
我個一刻都真係忍佢唔到, 話佢,
「小朋友大聲少少唧, 洗唔洗"摺""摺"聲下~」
個港男立刻冇出聲, 但係個口就繼續口嗡嗡, 唔知講嘜~
呢D港男真係細膽又冇品~~
[ 本帖最後由 Casper 於 2013-3-2 02:16 編輯 ]
作者:
山貓 時間: 2013-3-2 02:21
事件中的宅男果然好冇品，D小朋友又冇撞到佢....
另外你都好正氣又有勇氣姐 
作者:
小熊子 時間: 2013-3-2 02:21
有啲香港人自視過高，呢種心態仲要越來越多人係咁
哎，已經見怪不怪。而家香港真係令人冇野好再講
作者:
zltc123 時間: 2013-3-2 02:31
小朋友想走來走去係好正常
但唔俾小朋友走來走去既家長都係正確既態度[以前來講]
只係現今管教冇咁嚴 大家已經習以為常而已
我記得細個既時候我i地D細路係唔俾係街亂走 家長會話整到人點算?
當然以前都有例外D家長放D小朋友亂跑 但呢D都有人會話佢地唔應該咁樣
作者:
spolaw 時間: 2013-3-2 12:03
以樓主標準，忍受不了小孩跑來跑去尖叫且流露厭惡之色就是無品，我應該屬無品。
只是我不會摺摺聲，但可能出聲叫他們不要跑，如果地點不適宜大動作嬉戲
我從小就知阿媽討厭任何小孩有以上行為，尤其酒樓，因覺得被人撞到滾水照頭淋就麻煩。
如樓主遇上港女港師奶直接斥責小孩，亦直接反擊你的指責，你會覺得她無品嗎？
作者:
zltc123 時間: 2013-3-2 13:19
原帖由 spolaw 於 2013-3-2 12:03 發表
以樓主標準，忍受不了小孩跑來跑去尖叫且流露厭惡之色就是無品，我應該屬無品。
只是我不會摺摺聲，但可能出聲叫他們不要跑，如果地點不適宜大動作嬉戲
我從小就知阿媽討厭任何小孩有以上行為，尤其酒樓， ...
係架 仲有一個問題就係 D細路跑來跑去 明明係佢地自己整親 好易就入大果個數
呢樣野係溜冰場都見到 D細路識唔識溜都好 亂跑 跑入人地劃左學溜冰既範圍 仲反方向跑
有次個細路撞埋來我停唔切都爭D整到個細路把刀爭D撞落佢個頭度
作者:
Casper 時間: 2013-3-2 13:22
原帖由 spolaw 於 2013-3-2 12:03 發表
以樓主標準，忍受不了小孩跑來跑去尖叫且流露厭惡之色就是無品，我應該屬無品。
只是我不會摺摺聲，但可能出聲叫他們不要跑，如果地點不適宜大動作嬉戲
我從小就知阿媽討厭任何小孩有以上行為，尤其酒樓， ...
「忍受不了小孩跑來跑去尖叫且流露厭惡之色就是無品」
我從來冇呢個方程式, 如果你會因為我以上既文字,左加右擺,得出以上結論,
咁只係你純粹既誤解, 又或者你可以係你既誤解前, 唔好得出結論住, 而係問多一句先,
就最好不過。
我覺得佢冇品,絕大部分係因為佢個一下連開口發聲都懶得發, 極冇禮貌既"摺摺聲",
可能有好多人都好習慣呢幾下"摺摺聲", 但係對我而言, 係極端性冇禮貌~
其實係診所度, 佢地唔係走得好癲, 唔少人, 包括我, 見佢地活潑可愛地走來走去, 都會微笑,
當然. 如果有人好似港男般好討厭小朋友, 又或者討厭有色小朋友(呢個我唔知啦),
我都唔可以迫佢都鍾意小朋友既,
但係小朋友只係尖叫了一下, 就要接受港男個D冇禮貌既"摺摺聲", 我就覺得有點那個。
當然, 走來走去都要睇場地同人群, 如果係人多地方, 甚至係酒樓,
我都會覺得唔係咁好, 但係我唔會叫係"忍受", 亦唔會"流露厭惡",
我只係擔心小朋友既安全。
我都從小知道阿媽一定憎小孩走來走去, 但係我明白, 我知道, 唔表示我覺得就係O岩~
如果好似琴晚同一個環境, 港女港師奶直接斥責小孩,直接反擊我的指責
我會去睇佢點去斥責,
如果叫係叫個小朋友:唔好走來走去, 整到人/唔好走來走去, 好危險,
或者我都唔好出聲,
如果同果個港男一樣做法, 我一樣覺得佢冇品,
因為從來唔關乎, 佢有冇反擊我的指責, 又或者佢係港男定港女, 關鍵在於做法~
不過, 如果佢反擊返我既話, 我會收返我對佢"欺善怕惡"既睇法。
作者:
Casper 時間: 2013-3-2 13:26
原帖由 zltc123 於 2013-3-2 13:19 發表
係洧荈]去 明明係佢地自己整親 好易就入大果個數
呢樣野係溜冰場都見到 D細路識唔識溜都好 亂跑 跑入人地劃左學溜冰既範圍 仲反方向跑
有次個細路撞埋來我停唔切都爭D整到個細路把刀爭D撞落佢個頭度
呢個又係另一個例子,
溜冰場本來真係好危險,
應該要大人同教練去睇住~
我都試下去溜冰場玩,
都好驚整親d小朋友~
作者:
Casper 時間: 2013-3-2 13:34
原帖由 zltc123 於 2013-3-2 02:31 發表
小朋友想走來走去係好正常
但唔俾小朋友走來走去既家長都係正確既態度
只係現今管教冇咁嚴 大家已經習以為常而已
我記得細個既時候我i地D細路係唔俾係街亂走 家長會話整到人點算?
當然以前都有例外D家長放D ...
其實, 中國人既教小朋友方法,係會覺得小朋友走來走去係好有問題,
低係我會覺得睇咩地方同人群問題,
係西方國家好少會咁管法。
我突然想起我manager教佢3歲個女過馬路,
佢覺得佢老婆好有問題,
唔畀個女周圍走, 去到馬路口就立即捉住佢隻手,
我說話: 3歲咋, 怕有危險ma~做阿媽都係咁~
但係manager就話,
教育, 唔係教佢唔好周圍走, 係教佢唔好隨時隨地都周圍走,要知咩程況下先好走,
過馬路, 唔係走到馬路口捉住佢一齊行,
而係教佢去到馬路口, 識得停係度, 等baba mama一齊行~
其實我覺得對3歲女黎講係mean的,
不過係另一種教育方式。
作者:
Casper 時間: 2013-3-2 13:36
原帖由 小熊子 於 2013-3-2 02:21 發表
有啲香港人自視過高，呢種心態仲要越來越多人係咁
哎，已經見怪不怪。而家香港真係令人冇野好再講
其實我覺得果個港男係有少少歧視,
因為佢一入黎坐低個位 後來有個印巴男人坐佢附近,
佢就轉去我度, 我就知佢咩心態~
不過唔到佢"摺"個小朋友個一刻, 我先出聲~
作者:
zltc123 時間: 2013-3-2 13:42
我覺得討厭 無問題
唔出聲話都可以理解
小朋友係人地父母既 管教應該交返俾佢地(有人會咁覺得)
如果話佢地的話 隨時被人無理取鬧 或會有不必要既紛爭
分分鐘仲被錄埋上網
唔止呢件事 好多事情都係 D人未必會出聲 未必係欺善怕惡既
同理 唔反擊你都唔一定係欺善怕惡既
冇人知佢因為咩原因唔出聲 或者又真係好似你咁講佢係欺善怕惡啦
前年倫敦大雪 好多學生羈留機場
我都咁岩係果日要返HK
去到機場 塞滿曬人行唔通
有班九十後係國泰櫃檯排隊
我只是經過要係隊既一邊穿過條隊去另一邊
班人又唔讓路 我退唔到進唔到 就企左係果度
班九十後就串串貢 自己fd同自己fd係度講我
A問B"識架?(指我)" B就笑話"唔識wo"
之後又啤住曬 又唔知講咩係度笑
佢地以為我插隊 或者明知我唔係插隊都照咁既態度覺得好威
其實我一向好討厭D後生呢D行為 特別係勁討厭港式果隻
不過由頭到尾我都冇出聲 直到行到 我就走左啦
唔係因為我怕佢地 係因為我覺得冇必要話佢地
再加上我覺得就算話完佢地都係咁 或會變本加厲
亦都覺得唔需要同佢地計較
或者樓主特別討厭"直直"聲啦
但我覺得眼超超同"直直"聲只係一種覺得厭惡既反應
可以係故意 可以係反射
我覺得呢個行為係呢個情況下 未必係無禮貌
但如果有人同呢個人講野 即係對話既時候
又或者有人要佢幫手做野
佢咁既態度 先叫無禮貌啦
作者:
Casper 時間: 2013-3-2 13:42
原帖由
山貓 於 2013-3-2 02:21 發表
事件中的宅男果然好冇品，D小朋友又冇撞到佢....
另外你都好正氣又有勇氣姐
其實係有一定隔離, 唔好撞到,
反而小朋友有時走走下就會趺倒,
有d好心既會扶起佢, 問句: are u ok~
四眼港男就冷眼旁觀, 不過唔怪得佢, 因為佢要打機。
其實我唔係正氣, 只係好接受唔到幾歲人仔, 要比人"摺"唧,
我阿媽話我係撩是鬥非格, 我老細就話我係鍘強扶弱格~
作者:
zltc123 時間: 2013-3-2 13:44
原帖由 Casper 於 2013-3-2 13:26 發表
呢個又係另一個例子,
溜冰場本來真係好危險,
應該要大人同教練去睇住~
我都試下去溜冰場玩,
都好驚整親d小朋友~
當時係學溜冰範圍裏面 教練係咁叫我快
個細路返方向頭望身後撞來我度
兩個一齊跌 個fd係隔離練野見到話我把刀差D插落佢頭度
嚇鬼死我 有事都唔知會唔會被人告添呀
作者:
zltc123 時間: 2013-3-2 13:47
原帖由 Casper 於 2013-3-2 13:34 發表
其實, 中國人既教小朋友方法,係會覺得小朋友走來走去係好有問題,
低係我會覺得睇咩地方同人群問題,
係西方國家好少會咁管法。
我突然想起我manager教佢3歲個女過馬路,
佢覺得佢老婆好有問題,
唔畀個女周 ...
文化唔同嘛
香港地又細又多人 邊有咁多空間周圍走
我都覺得係睇情況既
至於你話捉住小朋友手過馬路
同個經理講既都應該做
教佢等係應該教
捉住手都係以防萬一
作者:
Casper 時間: 2013-3-2 13:53
原帖由 zltc123 於 2013-3-2 13:42 發表
我覺得討厭 無問題
唔出聲話都可以理解
小朋友係人地父母既 管教應該交返俾佢地(有人會咁覺得)
如果話佢地的話 隨時被人無理取鬧 或會有不必要既紛爭
分分鐘仲被錄埋上網
唔止呢件事 好多事情都係 D人未必 ...
其實如果係你呢個情況, 又或者我見到有人處身你既情況,
我都未必會話佢地, 因為大人既事, 佢地有自己既解決方法,
就好似琴日係一個大人, 佢係"摺"個大人, 我都會覺得有問題, 但係我未必會出聲,
不過如果我觀測到班學生變本加厲,越來越過份, 我係會出聲!!
反而"摺摺"聲, 在我而言, 任何情況都係冇禮貌,
有咩唔可以講出口, 佢大可以話句:可唔可以細聲d呀!
我一定唔會話佢~
你覺得"摺"個幾歲人仔, 仲可能唔識廣東話既, 佢會明?
可能你冇試過行入巴士/MTR度,
有班人只係識得企係門口位, 唔行入去,
你想CROSS過去, 佢地係會"摺摺摺摺摺摺摺"的,
冇對話的。
[ 本帖最後由 Casper 於 2013-3-2 14:01 編輯 ]
作者:
Casper 時間: 2013-3-2 13:59
原帖由 zltc123 於 2013-3-2 13:47 發表
文化唔同嘛
香港地又細又多人 邊有咁多空間周圍走
我都覺得係睇情況既
至於你話捉住小朋友手過馬路
同個經理講既都應該做
教佢等係應該教
捉住手都係以防萬一
其實, 我覺得問題唔係地方細與唔細,係西方國家既教育, 都唔係base on 我地地方大, 可以走下冇問題,
所有事情都係一種教育,
我地唔係養隻狗, 拎條繩捉住佢, 唔好跑, 唔好走,
而且教育佢, 咩地方可以走, 咩地方唔可以走,
走唔走,冇絕對可以/絕對唔可以,
只係琴日晚既情況, 我覺得冇咩問題既~
我只係覺得包容同禮貌係好重要唧~
[ 本帖最後由 Casper 於 2013-3-2 14:01 編輯 ]
作者:
zltc123 時間: 2013-3-2 14:07
原帖由 Casper 於 2013-3-2 13:53 發表
其實如果係你呢個情況, 又或者我見到有人處身你既情況,
我都未必會話佢地, 因為大人既事, 佢地有自己既解決方法,
就好似琴日係一個大人, 佢係"摺"個大人, 我都會覺得有問題, 但係我未必會出聲,
不 ...
所以我先覺得"直"可以是故意
可以是反射嘛
佢可以是故意"直"D小朋友 又可以是冇心 只是覺得煩所以"直"冇考慮佢地聽唔聽得明
我知道有人遇上煩既事都係會自己"直"的 可能佢地都唔自覺
例如整一D野整極都整唔到而"直" 咁唔係因為要做出無禮貌行為 可能只係因煩 而不自覺"直"左一聲
其實對人都一樣 好似班小朋友自己玩 港男都係自己玩 根本冇交流 呢個假設的話 佢就唔係無禮
所以可能佢只係對呢件事情[噪音]煩 而"直" 未必想到佢在對人[小朋友]"直"
唔知佢係有心定無意啦 如果係故意"直"咁這一聲"直"就係對小朋友既一種交流 屬於無禮貌
而佢唔知小朋友唔明佢果聲"直" 就傻左D啦
至於你話MTR 果D 明明係佢地塞住曬 唔理佢地係唔係故意"直"都好
如果因為咁話佢地 我就覺得都好合理
作者:
iamckhei 時間: 2013-3-2 14:07
咁我係妳角度，我係極之無品haha
因為我唔單會咁樣我仲會屌佢地
我最憎d細佬仔周圍走又尖叫。
anyway.i hate kids.(我屋企細個教我出應該坐定定，無話玩得唔可以玩)
[ 本帖最後由 iamckhei 於 2013-3-2 14:09 編輯 ]
作者:
spolaw 時間: 2013-3-2 14:09
如樓主覺得我在發言前問清楚先好下定論，那你有沒有在批評他人前，問對方為什麼有你認為無品欺善怕惡的行為？
正義感是好，但會不會太放大自己的正義？太認為自己有理
你和其他人覺得小孩跑來跑去可愛，不認同的人就好似不近人情
人人底線不同，況且這件小孩事件不算大是大非，不黑即白
Btw我都憎人摺摺聲。
作者:
zltc123 時間: 2013-3-2 14:14
原帖由 Casper 於 2013-3-2 13:59 發表
其實, 我覺得問題唔係地方細與唔細,係西方國家既教育, 都唔係base on 我地地方大, 可以走下冇問題,
所有事情都係一種教育,
我地唔係養隻狗, 拎條繩捉住佢, 唔好跑, 唔好走,
而且教育佢, 咩地方可以走, 咩地 ...
我意思係西方教育中式教育唔同 係文化問題
我話地方細係另外一樣野 同教育無關
因為係public area既space係大家一齊share
所以地方細小朋友跑來跑去的確可以造成其他人既困擾
係呢方面 因為大家share 所以包容係好重要[如果個個香港人都真係識包容就好lu]
好似你講單野小朋友好嘈 其實出得去都嘈架啦
公眾地方又冇禁止既 只係如果小朋友太嘈可能令到父母冇臉姐
作者:
Casper 時間: 2013-3-2 14:28
原帖由 spolaw 於 2013-3-2 14:09 發表
如樓主覺得我在發言前問清楚先好下定論，那你有沒有在批評他人前，問對方為什麼有你認為無品欺善怕惡的行為？
正義感是好，但會不會太放大自己的正義？太認為自己有理
你和其他人覺得小孩跑來跑去可愛，不 ...
當你話"以樓主標準"忍受不了小孩跑來跑去尖叫且流露厭惡之色就是無品,
已經假設左我係既標準係:忍受不了小孩跑來跑去尖叫且流露厭惡之色=冇品,
但係我從來冇得出既個結論, 但係你已經套O左落去"樓主標準"!
我冇放大過自己既正義感, 如果係既, 我可以一早從佢眼啤啤小朋友開始已經發作,
不過如果我覺得自己有道理, 我會出聲,
請不要加插你既幻想, 我冇覺得佢不近人情,無品唔等於不近人情,
我明白有人接受到小朋友走來走去, 有人接受唔到,
所以我一直都冇開過口話佢啤D小朋友,~~
你講得O岩, 呢個唔係非黑即白既問題,
只不過就如我上面同你講既一樣,
無品係因為個下對一個幾歲人仔既"摺摺"聲。
[ 本帖最後由 Casper 於 2013-3-2 14:44 編輯 ]
作者:
Casper 時間: 2013-3-2 14:33
原帖由 zltc123 於 2013-3-2 14:07 發表
所以我先覺得"直"可以是故意
可以是反射嘛
佢可以是故意"直"D小朋友 又可以是冇心 只是覺得煩所以"直"冇考慮佢地聽唔聽得明
我知道有人遇上煩既事都係會自己"直" ...
咁我可以講, 佢係故事"摺"既,
因為佢之前已經睥D小朋友睥O左好耐(雖然我唔知佢點可以尊心打機),
佢小朋友係我地面前叫O左一聲,
佢就立即"摺摺"聲,
我望過去, 佢係好厭棄咁望住D小朋友既~
[ 本帖最後由 Casper 於 2013-3-2 14:42 編輯 ]
作者:
Casper 時間: 2013-3-2 14:39
原帖由 zltc123 於 2013-3-2 14:14 發表
我意思係西方教育中式教育唔同 係文化問題
我話地方細係另外一樣野 同教育無關
因為係public area既space係大家一齊share
所以地方細小朋友跑來跑去的確可以造成其他人既困擾
係呢方面 因為大家share 所以 ...
我同意如果走得太過份, 會騷擾到人,係要停止既~
只係我單野既小朋友真係唔係好嘈, 如果小朋友笑兩聲都叫好嘈,
另一條港人3父女傾計仲嘈,不過小朋友被"摺"個下叫聲, 係大聲O左少少~
其實中國人好講面子,
所以教育小朋友好多時未必真係為O左佢地著想而出發,
好多時在於大人有冇面, 會唔會失禮, 會唔會比人話冇家教為前提,
當然, 唔表示放任而為係好,
只係可能真係要有D改變。
作者:
Casper 時間: 2013-3-2 14:43
原帖由
iamckhei 於 2013-3-2 14:07 發表
咁我係妳角度，我係極之無品haha
因為我唔單會咁樣我仲會屌佢地
我最憎d細佬仔周圍走又尖叫。
anyway.i hate kids.(我屋企細個教我出應該坐定定，無話玩得唔可以玩)
喲~如果你憎小朋友就冇O野講LA~
我有朋友憎小朋友都憎到出面。
作者:
runaway 時間: 2013-3-2 14:52
好坦白講，我都算對小朋友有愛心，也很喜歡小朋友，但一講到”印巴小朋友”我係驚左佢地的。我好記得以前讀書時代，我間中學附近有某巴藉小學，而我有時搭車返學放學都會不多不少同佢地一程車，佢地係巴士上不是狂打架，就是不停跑來跑去，上下層咁跑，仲要尖叫，幾次跑到撞到我或者打到我，我都會怒視佢地，然後叫佢地”be careful"!
我在醫院／公立診所工作多年，又做過兒科，遇不小呢種小朋友又跑又叫的case,其實醫院啲人係好吾like佢地咁的行為，啲嬸嬸係會出聲scold佢地同佢parent的。我也去過油麻地診所替假，果度不大，我相信佢地咁的行為都頗disturbing。
我認同小朋友跑來跑去好正確，但請看看場所，如果係公園無任歡迎，但這是診所，有病才去的地方，我想如果我病緊，仲有啲人係我視線範圍走走下，我都會抆。仲有妳說個男調位，可能我都會，因為有啲印巴人的味道係臭到令人頭痛。
其實小孩子都最好吾好跑來跑去，咁樣對佢自身安全都有保障。
作者:
Casper 時間: 2013-3-2 15:04
原帖由 runaway 於 2013-3-2 14:52 發表
好坦白講，我都算對小朋友有愛心，也很喜歡小朋友，但一講到”印巴小朋友”我係驚左佢地的。我好記得以前讀書時代，我間中學附近有某巴藉小學，而我有時搭車返學放學都會不多不少同佢地一程車，佢地係巴士上不是 ...
如果你已經對印巴小朋友有唔好既印象, 咁就冇辦法了~
不過如果你去過油麻地診所，果度雖然不大，
但係佢地既行為真係唔可以用"disturbing"去形容,
我亦都唔係一個鍾意小朋友鍾意到無與倫比既地步,
有時係街到見到d小朋友真係街跑得好勁, 我仲有想"kick"低佢既慾望tim~~
但係其實佢地只係o係診所既右手邊既 1 號房出面, 跑下, 玩下,
身邊既病人有d都仲對佢笑, 逗佢地,
冇撞到人, 自己趺低就有~
當然, 人人接受能力都唔同既~
我只係針對港男個下刻意"摺"個小朋友, 覺得佢有點過份唧~
[ 本帖最後由 Casper 於 2013-3-2 15:07 編輯 ]
作者:
runaway 時間: 2013-3-2 15:10
其實妳看個男仔咁不堪，就等於個男仔看小朋友一樣，佢的”摺摺聲”其實就等於妳開聲話佢，不過佢用了內向的表達方式，而妳用了voice out的表達方式。可能”摺摺聲是佢平時一不滿的表達方法。一樣米養百樣人，每個人都有對某樣野有picky 之心，為什麼要放大呢？可能人地真係好頂吾順呢啲行為呢，就正如妳頂不順”冇品男”一樣，只不過如此。或許做人嘗試求同存異吧！
作者:
spolaw 時間: 2013-3-2 15:22
重看樓主第一篇文，無清楚講明無品是他摺摺聲。我只見到你一開始已負面形容個男人是正宗四眼機宅男。你回其他post都暗示他可能歧視有色人種，這是你個人猜測。又強調除此男外其他人都對小孩行為不以為然，明係異化此男，簡單講就是想說服大家此男真係衰格。希望我沒誤會，你對宅男都好有成見，是否我錯覺？
作者:
yanyan12345 時間: 2013-3-2 15:35
點解有d人,不論幾歲or幾十歲都咁討人厭/指住黎鬧....就係學埋d"摺摺"咁聲黎做人處世.....
作者:
Casper 時間: 2013-3-2 17:36
原帖由 runaway 於 2013-3-2 15:10 發表
其實妳看個男仔咁不堪，就等於個男仔看小朋友一樣，佢的”摺摺聲”其實就等於妳開聲話佢，不過佢用了內向的表達方式，而妳用了voice out的表達方式。可能”摺摺聲是佢平時一不滿的表達方法。一樣米養百樣人，每 ...
其實，呢個就好似之前有人話呢個唔係非黑即白既問題，有人覺得接受得到，有人覺得接受唔到;有人可能覺得"摺摺"聲冇問題，有人好似我覺得係一個好唔尊重，好冇禮貌既行為，只係我係一個咁既situation上，我會選擇voice out，同我個人會覺得佢冇品，我冇覺得放大件事，因為我唔覺得唔出聲就係錯~
作者:
Casper 時間: 2013-3-2 17:50
原帖由 spolaw 於 2013-3-2 15:22 發表
重看樓主第一篇文，無清楚講明無品是他摺摺聲。我只見到你一開始已負面形容個男人是正宗四眼機宅男。你回其他post都暗示他可能歧視有色人種，這是你個人猜測。又強調除此男外其他人都對小孩行為不以為然，明係異 ...
其實我係第一篇已經講左我一直都冇出聲既，係到左佢摺個小朋友，我先話佢，我知你誤會，所以我之後都有同返你講，我覺得佢冇品，係因為佢摺摺聲。
我形容佢係正宗四眼打機宅男，其實真係想形容一下架咋，咁佢真係咁樣，我先咁形容。
如果我真係想令大家對佢有負面既想法，我諗我會係第一篇已經加以抹黑，但係我純粹見有人可能未必知當時已情況，我知講多啲，其實我都唔知佢有冇特別歧視有色人種架，所以我都會加上"可能"2字~
同埋，如果你覺得四眼,打機,宅男,係negative,咁可能你要問自己點解你會覺得佢係negative，我從來唔覺得係negative的，我甚至都打機，都係四眼，所以我從來冇諗過要用呢啲文字去加強令人討厭佢架~呢個希望你明白~
[ 本帖最後由 Casper 於 2013-3-3 00:45 編輯 ]
作者:
憧憧 時間: 2013-3-2 19:40
睇左好耐~都係回應該下
果度應該算係診所吧._.
個人認為都唔好比小朋友走來走去
(唔係咩娛樂場所吧，即係在公園就算~
加上診所係比較多病患的地方，小朋友都是抵抗力較弱的一群(即係咁樣走來走去好易帶埋D菌上身。如果唔係小朋友有病OR檢查之類，基本上我唔建議帶埋個小朋友去。
唔係唔玩得，只是睇下場合。
個"港男"去得診所，即係有病在身
夜診:大約是收工後才能去看醫生，可能佢已好累好辛苦，會好易燥底
即係有個人病到死死，仲有個人係前面走來走去~尖叫之類
我想唔係好多人都頂的順，唔出聲可能已無力氣去做了
唔知咁樣想會唔會好點...
作者:
Casper 時間: 2013-3-2 20:27
原帖由 憧憧 於 2013-3-2 19:40 發表
睇左好耐~都係回應該下
果度應該算係診所吧._.
個人認為都唔好比小朋友走來走去
(唔係咩娛樂場所吧，即係在公園就算~
加上診所係比較多病患的地方，小朋友都是抵抗力較弱的一群(即係咁樣走來走去好易帶埋D ...
其實可以咁諗既，
只不過個一刻我唔會諒解到佢既"摺摺"聲，
因為真係好唔尊重既聲音，
如果佢係出聲叫"keep quiet"(雖然好似好奇怪= =)
或者我都未必出聲既~~
作者:
coincidence2 時間: 2013-3-2 22:36
睇見標題係港男好無品, 以為樓主同港男有仇咋
好彩條仔唔出聲, 唔係就可能變咗診所開片, 雙雙成為youtube男女主角 XDDD
到時就睇下網民企係邊個果邊
如果條仔係高登仔或者其他討論區常客, 無啦啦被條女小佢, 返屋企開POST話放工急急睇症, 打住機等, D細路周圍走父母又唔話佢地, 係眼角泣泣揚揚, 打機打到慶起忽然細路嘩一聲大叫, 一個失神輸咗, 個心屌了一聲, 個口就只能"JIP"咗一聲, 就被條女窒咗句, 心想關佢X事, 不過好男不同女鬥, 算數. XDDDDD
話時話條仔坐埋一邊, 眼超超一直無出聲, 直到聽見大叫先開金口? 佢JIP到大聲到個細路都聽到?
作者:
憧憧 時間: 2013-3-2 23:37
原帖由
coincidence2 於 2013-3-2 22:36 發表
睇見標題係港男好無品, 以為樓主同港男有仇咋
好彩條仔唔出聲, 唔係就可能變咗診所開片, 雙雙成為youtube男女主角 XDDD
到時就睇下網民企係邊個果邊
如果條仔係高登仔或者其他討論區常客, ...
我真係笑左
作者:
secretkidult 時間: 2013-3-3 00:28
haha……34樓高登仔既心聲真係寫得好似，笑左。
我自問都唔鍾意細路仔在公眾場所喧嘩，有時覺得有d父母唔識教仔，任由小朋友喧嘩打鬥騷擾到其他人，我有時會忍唔住出聲。小朋友係張白紙，但規矩始終要教要學，出聲都係想佢地收斂一點。 “攝”真係幾令人討厭，不過係最簡單直接表達不滿既方法，有時忍左好耐，加上詞窮，“攝”一聲就算。
唔知當時情況係點，所以無意評論。不過有d時候，遇上d好令人煩躁過分活躍既小朋友，真係好多謝d出聲叫佢地唔好放肆既人，多謝佢地鋤強（放肆的細路）扶弱（被騷擾而默不作聲者）。
作者:
coincidence2 時間: 2013-3-3 00:37
要"多謝"小朋友喜極而SCREAM, 引爆2個人忍不住出聲慾望, 因為1個人真情流露令多2個人都真情流露, 果然係童言無忌一鳴驚人
作者:
Casper 時間: 2013-3-3 00:37
原帖由
coincidence2 於 2013-3-2 22:36 發表
睇見標題係港男好無品, 以為樓主同港男有仇咋
好彩條仔唔出聲, 唔係就可能變咗診所開片, 雙雙成為youtube男女主角 XDDD
到時就睇下網民企係邊個果邊
如果條仔係高登仔或者其他討論區常客, ...
其實我比我話完之後, 冇出聲, 口嗡嗡,
我都估佢一定話我多事o架la~
佢又真係一邊打機, 一邊眼超超d小朋友,(唔知專唔專心到打機啦~)
係小朋友叫o左一聲,
佢就摺摺聲, 摺到好大聲,
方死人聽唔到,
不過小朋友應該唔識聽, 真係好細, 3-4歲~
[ 本帖最後由 Casper 於 2013-3-3 00:42 編輯 ]
作者:
Casper 時間: 2013-3-3 00:40
原帖由 secretkidult 於 2013-3-3 00:28 發表
haha……34樓高登仔既心聲真係寫得好似，笑左。
我自問都唔鍾意細路仔在公眾場所喧嘩，有時覺得有d父母唔識教仔，任由小朋友喧嘩打鬥騷擾到其他人，我有時會忍唔住出聲。小朋友係張白紙，但規矩始終要教要學， ...
其實如果小朋友過分活躍, 騷擾到人, 我都覺得係應該要stop 既,
只係可能我真係覺得"摺"呢下聲音真係好唔尊重,
我先會話佢~
作者:
coincidence2 時間: 2013-3-3 01:07
點首歌你聽下降下火[youtube]wLBO9qXt01k[/youtube]
作者:
Casper 時間: 2013-3-3 01:13
原帖由 coincidence2 於 2013-3-3 01:07 發表
點首歌你聽下降下火wLBO9qXt01k
唔要”吱吱吱吱吱”呀！！！！！！∼∼∼∼∼∼∼
其實冇火啦∼
只係對”摺”呢個字太反感∼
作者:
hattricks16 時間: 2013-3-3 07:26
Regarding the original post
first 診所 != playground, kids should not be running around and LOL, also, 去診所既人應該係睇病，loud noise is the last thing they want to endure at least for me anyway.
second, all that guy did was doing the " tsk, tsk, tsk", would it be better if he tell those kids to sit tight and be quiet?
The original poster accused that guy was discriminating against East Indians / Pakistanis, however in the accusation, the original poster calling him a " 正宗四眼港式宅男" was this stereotyping or discriminating? Kettle calling pot black much?
If I was in his shoes, I'd come right out and tell the kids to settle down. The OP was right on one thing tho, that guy was a wuss, doesn't have the balls to come back when challenged.
So, that guy wasn't 冇品, he has no balls!
作者:
hattricks16 時間: 2013-3-3 07:31
原帖由 zltc123 於 2013-3-2 13:44 發表
當時係學溜冰範圍裏面 教練係咁叫我快
個細路返方向頭望身後撞來我度
兩個一齊跌 個fd係隔離練野見到話我把刀差D插落佢頭度
嚇鬼死我 有事都唔知會唔會被人告添呀
Just curious, how can they give skating lessons to kids and not mandate the kids wear helmet? 
I remember way back when I first learn how to skate, I hit a rut, fell and crack my skull. From then on, I would not skate without a helmet. 
作者:
Casper 時間: 2013-3-3 11:52
原帖由 hattricks16 於 2013-3-3 07:26 發表
Regarding the original post
first 診所 != playground, kids should not be running around and LOL, also, 去診所既人應該係睇病，loud noise is the last thing they want to endure at least for me a ...
其實成個故事都係發生我身上，所以我會話"對我嚟講"~~~
對我黎講，"正宗四眼港式宅男"係一個單純既形容，只係因著佢既特徵去形容一下，就好似"靚女"一樣，有人會覺得靚女係眼大大，嘴細細，有人
覺得"靚女係貪錢" ，如果你覺得"正宗四眼港式宅男" 係有stereotyping 或歧視成份d既，咁歧視佢既係唔係應該係你自己?
我同意有人會覺得小朋友走來走去，有啲人會接受唔到，可能你都誤會我所講既走來走去，同大叫一聲，以為真係好勁，我都唔作形容了，人人感受唔同!
但係如果唔鐘意，可以叫佢keep quiet,又或者同佢媽媽，甚至同附近啲醫護阿姐講囉~何必發出一個咁冇禮貌既聲音?可能有好多人習慣比人摺摺聲，甚至覺得好好聽，但係小朋友唔會明，又幫唔到個形況架wor~
其實在我而言，我係覺得佢冇品，因為我針對係佢既摺摺聲~~
[ 本帖最後由 Casper 於 2013-3-3 11:58 編輯 ]
作者:
paragons 時間: 2013-3-3 17:06
既然樓主認為是小事一則, 點解要講嚟講去呢? 嗰個可憐男人只係唔耐煩 ” 摺”咗一聲, 都冇講嘢, 就被妳開post左一句無品右一句無品加四眼宅男咁話佢. 而且妳話番佢啦. 佢又唔喺妳殺父仇人, 唔駛咁慶喎! 好笑佢無啦啦眼眉跳咗幾日都唔知發生咩事? 如果佢算無品, 咁冇禮貌以為好cool, 排隊打尖目中無人, 公眾地方大聲講嘢, 爆粗冇家教嗰類人又喺咩品?
嘻嘻, 唔通樓主妳對”無品正宗四眼港式宅男”一見鐘情, 念念不忘, 不能自己? 哈哈, 所以開post紀念佢 ~~~ 哈哈哈哈!
作者:
Casper 時間: 2013-3-3 18:31
原帖由 paragons 於 2013-3-3 17:06 發表
既然樓主認為是小事一則, 點解要講嚟講去呢? 嗰個可憐男人只係唔耐煩 ” 摺”咗一聲, 都冇講嘢, 就被妳開post左一句無品右一句無品加四眼宅男咁話佢. 而且妳話番佢啦. 佢又唔喺妳 ...
其實，我開小事一則，只係將生活上既事情話出黎，唔通小事就唔可以講~?
你所謂左講右講，都不過係好似我而家回你咁去回其他人唧~~我話佢既只不過係一刻，如果你覺得我回你都叫話佢既，ok!佢好好，好到加零一!可能你覺得佢唔係冇品，但係我記錄我既事情，我覺得佢冇品，又如何~~其實我根本就冇慶好耐，我寫個post時好冷靜tim,點解你覺得我慶?回應就係慶?
[ 本帖最後由 Casper 於 2013-3-3 19:49 編輯 ]
作者:
coincidence2 時間: 2013-3-3 22:00
XDDD 都話個主題係"港男好無品". 港男港女呢D TERM本身都有貶意, 亦泛指一類香港土生的男性女性. 正宗四眼打機宅男亦係一個男人類別, 係港男其中一類.
所以我會以為樓主本身討厭"港男", 分享的小事只係再一次証明港男有幾CHEAP XDDD
樓主都唔係愛心爆登個個走來走去小朋友都接受都笑得出, 至少佢都有話對於某D小朋友佢直頭想伸腳KICK低佢 XDDDD 即係佢接受到診所小朋友嘅興奮度, 接受唔到另一D小朋友嘅興奮度. 咁我可以話案中港男接受度比樓主低, 又比較小家JIP JIP聲表示不滿, 可能佢有GUTS就已經唔係JIP而係叫小朋友收口, JIP已經係佢最高的表達不滿方式. 一切都因為小朋友喜極而SCREAM將港男的不滿情緒同埋樓主對港男不滿的情緒推至底線, 連鎖反應: 小朋友開心忘情叫叫--->港男JIP JIP JIP --->樓主開口串港男. 而最後件事就叫做當場告一段落
樓主返屋企打POST分享, 屬女人仔遇不平事怪事忍不住周圍講, 想其他朋友同事都齊聲話港男無品, 結果竟然有D人覺得多Q餘小事化大仇視港男宅男, 唔知樓主會唔會開小事一則5 天地無正氣 ETC 來話現世人的MANNER太差竟然唔小港男小自己
作者:
Casper 時間: 2013-3-3 22:17
原帖由 coincidence2 於 2013-3-3 22:00 發表
XDDD 都話個主題係"港男好無品". 港男港女呢D TERM本身都有貶意, 亦泛指一類香港土生的男性女性. 正宗四眼打機宅男亦係一個男人類別, 係港男其中一類.
所以我會以為樓主本身討厭"港男" ...
哈哈哈~~
其實你真係講得好o岩!
「小朋友開心忘情叫叫--->港男JIP JIP JIP --->樓主開口串港男. 而最後件事就叫做當場告一段落」
其實件事早早就告一段落,
就好似你咁講:打POST分享, 屬女人仔遇不平事怪事忍不住周圍講~~
我都唔知要小我d咩? 分享都好似錯咁~唉~~
我唔係一定要人認同既, 不過唔好屈我歧視港男lor~
不過又真係因為咁, 而令我發現唔少人對一d term 好敏感,
令我霎時又想搬我老細上枱,出個:小事一則5
分享下之前我同佢嘈起呢個"歧視的定義"~~
作者:
coincidence2 時間: 2013-3-3 23:02
原帖由 Casper 於 2013-3-3 22:17 發表
哈哈哈~~
其實你真係講得好o岩!
「小朋友開心忘情叫叫--->港男JIP JIP JIP --->樓主開口串港男. 而最後件事就叫做當場告一段落」
其實件事早早就告一段落,
就好似你咁講:打POST分享, 屬女人仔遇不平 ...
唔算屈架, 因為個標題已經講咗係同港男有關, 內文又形容咗佢個"正宗"外表, 咁覺得你本身唔老嚟港男/宅男都唔出奇
而呢位男人係咪真係"無品"程度, 睇來真係見人見智, 至少覆你POST的人都唔多覺得佢好無品, 最多就係CHEAP囉. 而睇番件事來講, 都有好多可能性同埋原因為咩個男人不滿當時氣氛
小你係因為你太堅持己見? 又可能人地都好似你咁, 覺得唔合理覺得唔係咁解釋咪出聲COMMENT XDDDD
無人會認同呢條仔嘅行為嘅, 只係未必認同"無品"呢個形容詞, 同埋對於小朋友係咩場合走走跳其他大人應該有咩反應觀感各人底線不同吧
你成日講起你老闆喎, 唔知頭唔知路仲以為你地做咩咁FD XDDDDD
[ 本帖最後由 coincidence2 於 2013-3-3 23:07 編輯 ]
作者:
Casper 時間: 2013-3-3 23:27
原帖由 coincidence2 於 2013-3-3 23:02 發表
唔算屈洵鬼蚍陏D已經講咗係同港男有關, 內文又形容咗佢個"正宗"外表, 咁覺得你本身唔老嚟港男/宅男都唔出奇
而呢位男人係咪真係"無品"程度, 睇來真係見人見智, 至少 ...
可能我應該要先旨聲明, 我對港男/宅男呢D字眼, 係冇任何歧視成份先,
因為對我黎講, 港男/宅男, 好靚仔/靚女/師奶/肥仔, 冇咩分別,
歧視真係在於睇果個人個心點諗~~
我都同意好多野都係見仁見智既,
但係發生係我身上既事, 我覺得無品, 我都係出於自己感覺既o野~
人就係主觀O架la~而家又唔係討論時事新聞~我老細係一個聰明人o黎既,
好多事同佢討論, 會有唔同新既觀點同諗法,
我同佢都好執著, 好各持己見, 有時真係嘈到好嬲,
不過, 同佢討論係一個好好玩既事,
大家既接受能力都大,
大到就黎連口交都討論~
[ 本帖最後由 Casper 於 2013-3-3 23:29 編輯 ]
作者:
hattricks16 時間: 2013-3-4 04:20
原帖由 Casper 於 2013-3-3 11:52 發表
其實成個故事都係發生我身上，所以我會話"對我嚟講"~~~
對我黎講，"正宗四眼港式宅男"係一個單純既形容，只係因著佢既特徵去形容一下，就好似"靚女"一樣，有人會覺得靚女係眼大大，嘴細細，有人
覺得"靚女係貪錢" ，如果你覺得"正宗四眼港式宅男" 係有stereotyping 或歧視成份d既，咁歧視佢既係唔係應該係你自己?
我同意有人會覺得小朋友走來走去，有啲人會接受唔到，可能你都誤會我所講既走來走去，同大叫一聲，以為真係好勁，我都唔作形容了，人人感受唔同!
但係如果唔鐘意，可以叫佢keep quiet,又或者同佢媽媽，甚至同附近啲醫護阿姐講囉~何必發出一個咁冇禮貌既聲音?可能有好多人習慣比人摺摺聲，甚至覺得好好聽，但係小朋友唔會明，又幫唔到個形況架wor~
其實在我而言，我係覺得佢冇品，因為我針對係佢既摺摺聲~~
Whoa...shifting blame at its finest!
Just to be clear, I ain't the one calling the guy that, and you sitting that claiming doesn't have a derogatory tone to it is laughable. If I do a survey of say 100 people, I'm quite sure majority of the response would be that statement is discriminatory. You have stated reply after reply that you are not discriminant, and that guy is cos he did the "tsk tsk tsk" to a bunch of East Indian / Pakistani kids, however, you, yourself is discriminant too, instead of just saying "a guy" did that, you gave a visual derogatory description of the guy, and those description add no more substance to what happened. So, pot calling kettle black still stand!
<我係覺得佢冇品，因為我針對係佢既摺摺聲>
Now this is an honest question, can I flipped the coin over and say...I don't know, may be, 我係覺得樓主都唔見得好有品，因為我針對樓主話嗰個人係 "正宗四眼港式宅男" ？
作者:
zltc123 時間: 2013-3-4 04:39
原帖由
hattricks16 於 2013-3-3 07:31 發表
Just curious, how can they give skating lessons to kids and not mandate the kids wear helmet?
I remember way back when I first learn how to skate, I hit a rut, fell and crack my sk ...
那些小孩不一定是學生啦 只是有些不守規矩反方向跑[溜冰場規矩是逆時針方向的]又或衝入禁止範圍 可能因為在追逐 頭也不向前望
以前有新聞話有人跌倒被溜過的刀界斷手
其實溜冰不算危險 跌的時候唔好掙扎 唔係跌得越甘 著地時手要立刻收好 或者放係冇人會界到既地方 好少有人會跌到頭
不會溜的人都會慢慢來 但小朋友就唔識死 唔識溜唔怕跌係咁衝 其實佢地跌到唔痛 因為矮
我帶過我表妹溜 佢一開始都少少怕因為唔適應
帶佢溜一陣 放開佢係後面睇住佢自己溜一陣 佢開始唔識死想跑
嚇得我拿拿諗捉返住佢
有咩事整親邊度都好點賠返個完好無缺個女俾阿姨
而溜冰場上最危險既係小朋友 危險在佢地唔知危險...
作者:
zltc123 時間: 2013-3-4 05:19
我覺得樓主係有標籤同偏見
因為“正宗四眼港式宅男"
裏面只有四眼唔係標籤
“港式” 即香港特色 唔只單單因為人/物件係來自香港咁簡單
例如奶茶 港式同臺式裏面既味道係唔一樣
同樣係奶茶 叫得港式奶茶唔係靜係因為佢係香港出品
仲因為佢裏面既味道 製法 而被歸類為”港式“
”宅男“ 就單單由”宅男“既定義講啦 由字面既宅 可解釋為經常留在家中為宅
樓主和該名男子只一面之緣又點可以將佢歸類為"宅"呢
“宅男”一詞係點出來的 我諗好多人諗諗就知道係有貶義
因為呢堆人有D行為可能係唔好既
可能樓主真係好似佢咁講只係想單單形容該名男子既外表似一名宅男
但係"宅男"既characteristics入面自然就包含 外表架啦
任何人因為任何一樣characteristics而被歸類已經係標籤
標籤不論係褒義貶義都可以係標籤 唔一定係貶義才算標籤的
因為該名男子既行為背後可能有好多其他可能性
未必如樓主所說咁無品
所以樓主主觀斷定該名男子為無品 已經係偏見
但係單單憑呢個post裏面既內容
好難證明樓主去到歧視咁嚴重既
除非證明到樓主因為標籤同偏見既原因
而對該名男子有不一樣既待遇
如果樓主講既係真既 佢只係針對佢既"直直"聲
咁樓主就唔係因為佢係"宅男"而話佢
所以唔算係歧視
但如果唔係只係因為那幾聲"直直”聲
背後仲係因為"宅男"先話佢[不論係有心/隱瞞左我地唔知 或 潛意識 佢係無意既]
咁就係歧視啦 不過我們好難證明到
[ 本帖最後由 zltc123 於 2013-3-4 05:23 編輯 ]
作者:
coincidence2 時間: 2013-3-4 10:55
原帖由 hattricks16 於 2013-3-4 04:20 發表
Whoa...shifting blame at its finest!
Just to be clear, I ain't the one calling the guy that, and you sitting that claiming doesn't have a derogatory tone to it is laughable. If I do a sur ...
我係覺得樓主都唔見得好有品，因為我針對樓主話嗰個人係 "正宗四眼港式宅男" ？
--->笑咗
作者:
J__ 時間: 2013-3-4 11:29
其實. 我終於睇哂D POST. 遍遍都好長. 追得好吃力.
其實. 本身我唔覺得樓主不滿有咩問題. 發洩下者.
但. 認真講句. 再睇落去樓主既回覆.
就覺得樓主係死撐. 唔肯接受人地觀點.
我明白樓主話唔鍾意"摺摺"聲. 覺得無禮貌.
但我都明白. 有時不滿唔1定要出聲. 會"摺"1聲想對方收聲.
其實. 純觀點問題者. 都係個句.
開得POST. 就要接受人地觀點. 大家都係表達下自己意見咁者.
[ 本帖最後由 J__ 於 2013-3-4 11:40 編輯 ]
作者:
paragons 時間: 2013-3-4 13:37
好喇, 撇開唔討論港男, 只講你既態度.
開得post預咗有唔同聲音, 但樓主聽到同channel就答晒糖, 即刻視為知己. 如果唔同tone 就覺得別人侵入你地盤冒犯你. 如果樓主只希望收到同聲同氣既效果, 大可喺標題上注明只限支持者發言. 得罪都要講, 我覺得樓主極度自我, 主觀又武斷, 唔接受從他人出發既觀點與角度.
補充多一句, 奉勸樓主, 萬一以後到交友區交友, 記得改新ID. 網友見到你大名都怕咗你, 因為唔知幾時, 唔知為咩小事得罪咗你, 分分鐘被你擺上網唱, 真喺連鬼見到你都要兜路走.
我批評你, 你一定覺得我冇品兼多口, 嚟啦, 預你插我家喇! 最多我唔還拖等你插. ^^
作者:
LongIsland 時間: 2013-3-4 13:43
其實果下"摺" 聲都係出於被人騷擾後的自然反應, 其實佢唔一定係咁白痴"摺" 比一個唔知識唔識聽既小朋友聽, 只係簡單一個突擊反應0者....如果係我, 我係超級無品, 我唔會係"摺" 咁簡單, 我會 " 鵰" 一聲囉.....
相反, 如果果個所謂的咩咩咩港男( 唔記得咩形容, 亦都唔想碌返上去睇) 出聲鬧既話, 我先會話佢無品, 人地呀爸呀媽都未出聲鬧, 你憑乜野去鬧人地D仔女? 你係聖人無做錯過野先出聲話人地啦...
好多時候, 果一下"摺" 會避免好多尷尬場面, 而又比人知道佢自己有岩既..都係睇情況啦...呢個世界樣樣野都有多面睇的, 輕鬆D啦香港人....
[ 本帖最後由 LongIsland 於 2013-3-4 13:53 編輯 ]
作者:
LongIsland 時間: 2013-3-4 13:52
原帖由
coincidence2 於 2013-3-2 22:36 發表
睇見標題係港男好無品, 以為樓主同港男有仇咋
好彩條仔唔出聲, 唔係就可能變咗診所開片, 雙雙成為youtube男女主角 XDDD
到時就睇下網民企係邊個果邊
如果條仔係高登仔或者其他討論區常客, ...
笑鳥~ 你唔好再似D...
以我既標準黎講, 你一定係高登仔~
作者:
憧憧 時間: 2013-3-4 13:59
原帖由
LongIsland 於 2013-3-4 13:52 發表
笑鳥~ 你唔好再似D...
以我既標準黎講, 你一定係高登仔~
~咁佢都算C文WO~
如果高登仔就小向左走向右走爆左佢
似唔似XD��
作者:
LongIsland 時間: 2013-3-4 14:04
原帖由
憧憧 於 2013-3-4 13:59 發表
~咁佢都算C文WO~
如果高登仔就小向左走向右走爆左佢
似唔似XD��
HI C 打~
作者:
憧憧 時間: 2013-3-4 14:20
原帖由
LongIsland 於 2013-3-4 14:04 發表
HI C 打~
我地又騎劫左人地個PSOT~
作者:
yanyan12345 時間: 2013-3-4 14:25
開始有D火藥味...
作者:
Casper 時間: 2013-3-4 14:37
原帖由 paragons 於 2013-3-4 13:37 發表
好喇, 撇開唔討論港男, 只講你既態度.
開得post預咗有唔同聲音, 但樓主聽到同channel就答晒糖, 即刻視為知己. 如果唔同tone 就覺得別人侵入你地盤冒犯你. 如果樓主只希望收到同聲同氣既效果, 大可U ...
其實如果我認同你，係唔係表示我正確?
其實你會咁諗我，係因為我唔認同你嘛~
我知道一定會有唔同既聲音，但係既然係我既經驗同我既諗法，我點解唔可以支持返自己既諗法?
我冇覺得你既觀點係冒犯，只係如果你要我睇完，覺得你講得好啱，妳正確，好客觀，好有理，sorry 我做唔到~始終，事情係我經驗既，加上我自己對摺呢個字同你接受程度唔同，我會有我自已既結論~
同埋，我冇諗住插你，如果你覺得同你持相反意見，唔跟你諗法，同反駁你，就等如插你，我真係覺得自我果個係你wor~~
Anyway,
作者:
Casper 時間: 2013-3-4 14:41
原帖由 zltc123 於 2013-3-4 05:19 發表
我覺得樓主係有標籤同偏見
因為“正宗四眼港式宅男"
裏面只有四眼唔係標籤
“港式” 即香港特色 唔只單單因為人/物件係來自香港咁簡單
例如奶茶 港式同臺式裏面既味道係唔一樣
同樣係奶茶 叫得港式 ...
其實，我係主觀既，
因為佢既衣著令我聯想佢係宅男，
但係我冇歧視宅男，因為宅男冇咩好歧視，對我黎講~~
作者:
coincidence2 時間: 2013-3-4 14:42
原帖由 yanyan12345 於 2013-3-4 14:25 發表
開始有D火藥味...
呢個討論區又生猛起來
作者:
Casper 時間: 2013-3-4 14:48
原帖由 LongIsland 於 2013-3-4 13:43 發表
其實果下"摺" 聲都係出於被人騷擾後的自然反應, 其實佢唔一定係咁白痴"摺" 比一個唔知識唔識聽既小朋友聽, 只係簡單一個突擊反應0者....如果係我, 我係超級無品, 我唔會係"摺" 咁 ...
所以我一直講，在我而言，我會話返佢，因為係我對小朋友既接受程度，同我對摺個聲既反感程度下，我會有咁既反應囉~
你可以覺得個男仔唔係無品，但係我會覺得，其實真係觀點既不同唧~
作者:
Casper 時間: 2013-3-4 14:50
原帖由
coincidence2 於 2013-3-4 14:42 發表
呢個討論區又生猛起來
超奇怪，我有我既觀點，我唔認同你，大家咪算囉~~我個post，以後唔好回囉~~
好似要我跪地求你俾我接受你個觀點咁~
作者:
LongIsland 時間: 2013-3-4 14:51
原帖由 Casper 於 2013-3-4 14:48 發表
所以我一直講，在我而言，我會話返佢，因為係我對小朋友既接受程度，同我對摺個聲既反感程度下，我會有咁既反應囉~
你可以覺得個男仔唔係無品，但係我會覺得，其實真係觀點既不同唧~
係呀...知啦...唔駛專登quote 段野黎回應啦....XDDD
作者:
Casper 時間: 2013-3-4 14:59
原帖由 LongIsland 於 2013-3-4 14:51 發表
係呀...知啦...唔駛專登quote 段野黎回應啦....XDDD
哈哈
quote開冇quote,洗係專登呀………haha
作者:
coincidence2 時間: 2013-3-4 15:06
原帖由 Casper 於 2013-3-4 14:50 發表
超奇怪，我有我既觀點，我唔認同你，大家咪算囉~~我個post，以後唔好回囉~~
好似要我跪地求你俾我接受你個觀點咁~
唔駛跪求
你有你觀點, 其他人提出其他觀點去睇同一件事, 你唔認同唔接受, 繼續堅持己見, 而其他人都一樣堅持自己咋嘛 XDDD
J_話你死雞撐蓋, 你又覺得有無誤會呢?
至於係咪一開始有針對港男宅男呢樣野, 其他人覺得有, 你話自己無, 呢D野都可以交比更多人的閱讀理解去判斷
作者:
Casper 時間: 2013-3-4 15:24
原帖由 coincidence2 於 2013-3-4 15:06 發表
唔駛跪求
你有你觀點, 其他人提出其他觀點去睇同一件事, 你唔認同唔接受, 繼續堅持己見, 而其他人都一樣堅持自己咋嘛 XDDD
J_話你死雞撐蓋, 你又覺得有無誤會呢?
至於係咪一開始有針對港男宅男 ...
如果堅持自己諗法既=死雞橕蓋既，咪係囉，只係一個詞語，只差在如何present 唧~
我自問就冇啦~不過我係認同，如果你心目冇對呢樣野係negative既，人地點講都唔會覺得negative~頭先,lunch我都問左同事意見，睇下佢地對港男宅男既睇法，都有一半覺得negative，有一半就好似我咁諗~
作者:
J__ 時間: 2013-3-4 17:30
堅持自己諗法不等於死雞撐飯蓋.
但而家唔係堅唔堅持自己既睇法問題.
而係你既回覆. 令人覺得你就黎撐爛個蓋.
本身我睇你呢個POST. 我覺得係你個人意見POST.
覺得完全無問題. 所以頭段有人話覺得你睇法點點點. 我無出聲.
但到後期就覺得. 你既回覆會令人好反感.
係. 你無跪求大家畀意見. 同樣地. 我地無跪求你開POST架WOR.
咁討論區就係. 有D野放出黎. 大家傾下者.
點解要變到有你講無人講先?
唔係話大家攻擊你. 只係.
有人會同意. 小朋友走唔緊要. 嘈唔緊要.
但呢個係第1個角度. 亦係你自己既第1身角度.
咁有姊妹話唔認同. 覺得點點點. 就係第2個角度. 第3個角度. 等等.
咁多角度思考. 先聽到多D野. 當你見到其他人既諗法, 就會有1種:
係WOR. 可以咁睇野架WOR.
我諗呢樣就係討論既用處囉.
如果你POST出黎. 唔畀人講野. 你可以話發洩用ONLY.
咁大家咪唔會畀其他角度既諗法你囉.
作者:
Casper 時間: 2013-3-4 17:51
原帖由 J__ 於 2013-3-4 17:30 發表
堅持自己諗法不等於死雞撐飯蓋.
但而家唔係堅唔堅持自己既睇法問題.
而係你既回覆. 令人覺得你就黎撐爛個蓋.
本身我睇你呢個POST. 我覺得係你個人意見POST.
覺得完全無問題. 所以頭段有人話覺得你睇法 ...
其實我真係覺得有啲好笑，
我從來冇唔俾人討論，我都明白大家各有各既觀點，只係越去討論，就越有人覺得，我繼續咁去諗係唔岩，咁，我有自己第一身既感受，有咩問題?
再講落去，就會有人話，你繼續咁講就好在意，好嬲，好慶，但係我只係有人覆我就回~
我都一直表明，"在我而言"，我冇叫過人去認同我，
我都同意有人之前講，只係大家接受能力上既不同，
點知，我認同，又畀人話我認同同我觀點類似既，唔聽其他，
咁我真係聽完，都覺得人地中肯啲既係岩，咁又有問題?
其實我唔明，我邊一度開始令人覺得反感，唔認同就要反感?
我從來唔覺得你所謂既係攻擊，係插，因為大家觀點唔同，
只差在如何去present出黎~
如果你覺得，只係差個句:"係喎~可以好似你地咁諗喎"我咁講，有咩所謂?
好似之前有都有認同有人講我可能冇體諒個港男可能病到死下死下，我都話我冇體諒佢，我都一直講呢個單純係我自己既situation,
可能係你既situation，你唔會咁做，我冇唔認同你，但係唔好因為你地唔會做我situation既反應，唔認同，就係講到我唔啱，好嗎?
題外我話，我一定都有講我好鐘意同我老細傾計，因為我同佢係兩個極端思想既人，我地好堅持亦主觀，但係我地都尊重對方既觀點，唔會想植入思想係對於腦中，又或者要我接受一啲好基於個人既思想同做法~
[ 本帖最後由 Casper 於 2013-3-4 18:17 編輯 ]
作者:
iamckhei 時間: 2013-3-7 12:53 標題: 回復 #24 Casper 的帖子
我係憎到一個程度如果佢小小野搞到我，我都會摺完再啤佢。
由期係d係咁對個頭過黎我到睇我打咩機個d/大炒大鬧個d.
作者:
iamckhei 時間: 2013-3-7 12:57
我一係就摺。一係就dllm嘈x夠未？
妳想邊樣呀？
我覺得個男仔摺已經好好。
比著我？收工攰到爆，又病，又燥？
我一定插到佢飛天。
作者:
iamckhei 時間: 2013-3-7 12:58
我一係就摺。一係就dllm嘈x夠未？
妳想邊樣呀？
我覺得個男仔摺已經好好。
比著我？收工攰到爆，又病，又燥？
我一定插到佢飛天。
| 歡迎光臨 Blur-F (reconstructed) (http://blur-f.freebbs.tw/) |
Powered by Discuz! 5.0.0 |