標題: [生活] 女人都要入岩行 [打印本頁]
作者:
Evangeline 時間: 2013-3-7 01:15 標題: 女人都要入岩行
Ha...sorry for disappear so long..話說番新校都半年有多，
見身邊仲有朋友會係讀書時仍然摸唔清未來條路想點行
不如大定係到分享下／ 發SIN下
作者:
J__ 時間: 2013-3-7 09:50
好多人. 讀書唔係為前途. 係為左逃避唔想做野. 唔想面對社會.
作者:
coincidence2 時間: 2013-3-7 11:00
我成日覺得讀書時已經摸啱路嘅人好勁
我同唔少80後朋友都係邊行邊摸索.
我自己, 由未畢業以為會想做A行, 畢業後機緣巧合做咗B行 (同A行有關係但又不時對立), 之後迷失轉咗相關嘅C行, 然後更迷失, 又機緣巧合做D行即現在果行
可能我唔係專業啦, 讀專業果D一出來已經係你想像到的路了吧?
作者:
Forget_me_not 時間: 2013-3-7 13:47
除非讀書時已經係讀一d好專業0既科，只得一條路可以行，
否則大部份人出到黎做野，
都係邊行邊摸邊進修，
而家張大學沙紙只係社會職場入場卷，無乜用!
作者:
yanyan12345 時間: 2013-3-7 14:59
原帖由 J__ 於 2013-3-7 09:50 發表
好多人. 讀書唔係為前途. 係為左逃避唔想做野. 唔想面對社會.
咁細既城市,有咁多大學...都已經係一個大問題,....
某D大學攪埋D"副學士課程"教人走後門上大學........D父母比得起既/唔愁生活,但又未富裕到比個小朋友出國既...,緊係想佢地咁讀上去攞左個"學位"銜頭先..........其他大學見有錢搵,就有樣學樣........
話分兩頭,凡事都有雙向既...個D咁既大學想略水,又見D父母對"學位"既情意結....,咩課程都攪一大堆...,係咪讀完就可以搵到工作就各下自理........
E加既社會,最難為既一班窮苦學生,錢又沒,屋企又比唔起...個個都有'學位"..佢沒...緊會心理不平衡怕份工保唔住......呢頭放工...個頭又趕餐死去上堂......
政府真係要做D野...唔好淨係睇個樓市問題....年青人既前途都係社會既一部份....
作者:
coincidence2 時間: 2013-3-7 16:02
原帖由 yanyan12345 於 2013-3-7 14:59 發表
咁細既城市,有咁多大學...都已經係一個大問題,....
某D大學攪埋D"副學士課程"教人走後門上大學........D父母比得起既/唔愁生活,但又未富裕到比個小朋友出國既...,緊係想佢地咁讀上去攞 ...
好多工根本中英OK, 識普通話, 個人有番D SENSE, 已經可以做到. 中5中7已經可以
做老闆緊係死都話中七以上,,,反正大學生價賤, 請一件都係幾千一萬
副學士好多人都睇小, 讀嘅人都係想有機會接升大學.....仲有TOP UP等等, 花曬你D$ 未工作先打80大板
但老闆都係覺得大學DEGREE先係路. 聽見副學士就話知你
最實在係讀HIGH DIP, 反而叫做專門某D技術性科, 出來分分鐘仲快搵工
我就自問讀屎片U GRAD. 有得入皆因香港有8大院校咁多 XDDD 但新聞話有條友叫政府開多D大學
之前已經話將來有個天主教大學, 學費貴到呢....
講起唔想做野先讀書, 的確大有人在....讀完DEGREE又即讀MASTER, 之後又讀呢樣野樣, 再唔係去日本學日文, 又玩又讀, 就係無話要搵份工....反正父母有米花得起
身邊有D舊同學, 轉來轉去工/行, 差唔多20到尾去一去工作假期, 返來幾個月都無野做, FB見佢日日同工作假期識的朋友, 係香港又玩又食. 你可以話係寫意人生隨心所欲, 也可以話HEA爆只顧自己
作者:
starrynight1208 時間: 2013-3-7 16:18
人生咁長，慢慢摸適合自己既路都唔遲既。
學歷是入場券，有時未搵啱路，讀完一張沙紙再一張，係呢個年頭都好普遍。
普通一個文職，除便執一個都可能係LLB, 有唔少一張post grad dip 再加MA.
條路點行要自己慢慢摸，好多時人地覺得係好野，做落先知原來會五勞七傷，咁搵錢多少反而變其次，最緊要係啱自己。
雖然我都兜左一個大圈，但自問努力沒有白費，之前拎過既cert, experience, 亦一直有幫我找到之後的路。好多野，要自己探索得來，親身試過，就清楚咩最適合自己，唔會人云亦云。
我好相信Steve Jobs 講既Life is about connecting dots, 今日你活在迷惘裹，就是為了明天找到最啱自己的路。加油吧。
[ 本帖最後由 starrynight1208 於 2013-3-7 16:20 編輯 ]
作者:
J__ 時間: 2013-3-7 16:19
話分2頭. 講就話有大學學位先係入場卷.
但問心. 而家好多老闆都睇得好化.
老闆當然會希望請到D員工係大學生. 感覺有D保證.
但事實係... 佢地知道部份大學生都好不堪.
(唔係指全部. 係部份. 例如: 返幾日又唔返. 無頭無尾. 無交帶.
當然. 唔係指大學生先係咁. 好多後生仔都係咁.
但講返. 有唔少大學生. 1出黎就話要搵萬幾兩萬蚊.
係. 你係有學位. 但你無經驗呢. 最緊要. 人地畀得起呢個錢你. 你要做到野架.
好多諗住呢個世界有張沙紙可以不勞而穫. 相反. 低學歷會踏實D)
因此. 老闆們有時唔會睇得咁重. 話1定要大學生喇.
我自己當年就係聽到身邊D同學:
唔想做野. 唔想面對社會. 讀多2年書先算喇.
終於. 1年又1年. 讀完呢樣讀個樣. 總之就唔要出黎面對社會啦.
BTW. 講返入岩行. 可能我自己1早揀左科. 咁1直有個目標.
但好多人無目標. 又唔知自己想點. 其實. 都幾濕滯..
作者:
yanyan12345 時間: 2013-3-7 16:32
原帖由 coincidence2 於 2013-3-7 16:02 發表
好多工根本中英OK, 識普通話, 個人有番D SENSE, 已經可以做到. 中5中7已經可以
做老闆緊係死都話中七以上,,,反正大學生價賤, 請一件都係幾千一萬
副學士好多人都睇小, 讀嘅人都係想有機會接升 ...
大把錢既家庭.........富貴學生攪埋D消銀紙活動...跟本不值一提...
"維園呀伯"曾講一句: 做咩E加D大學生想買層樓結婚都咁難....你政府點攪?
問題見頂....沒最差....只有更差...
個D"大學生賤價"..就係個D PK大學攪出黎.......害死好多窮苦學生...越做越窮...越讀就越唔夠.......薪水差到同洗碗洗廁所睇齊....
有好多個D所謂副學士課程...讀個時就好有型,...外面好多國家/大學就唔承認....但錢就洗左...
你講得沒錯,以形勢睇,."專門某D技術性"既行業跑出幾會大好多...............只希望"水貨客"唔會成為你講既"專門行業"..........
[ 本帖最後由 yanyan12345 於 2013-3-7 16:37 編輯 ]
作者:
coincidence2 時間: 2013-3-7 16:33
原帖由 J__ 於 2013-3-7 16:19 發表
話分2頭. 講就話有大學學位先係入場卷.
但問心. 而家好多老闆都睇得好化.
老闆當然會希望請到D員工係大學生. 感覺有D保證.
但事實係... 佢地知道部份大學生都好不堪.
(唔係指全部. 係部份. 例如: 返幾日 ...
人生嘅野, 唔會個個都知道自己點行嘅, 有D人係要跌跌撞撞先有路走, 有D就原地踏步, 有D就仆完一輪都唔知想點. 每人醒覺的時候都不同, 更多人永遠都唔醒. 咁你咁早就知道點行, 好幸運架其實.
又有聽過有D人一條直路反而慢慢質疑係咪人生理想, 有D心理危機
有D就搵到$忽然放棄高薪厚職, 做一D NGO事業, 覺得咁先係有意義
DEGREE果D唔少都要花$花時間讀MASTER, 但究竟係咪咁多位佢上呢....又係咪一上就人工大增
依家嘅老闆睇唔睇得開, 可能同行業唔同有關吧, 有D行業唔係專業但都要求大學程度, 有D就深明紅褲子緊要過學歷, 有D就一開始唔介意學歷但你想升做管理層就最好讀番上去. 呢間公司唔介意, 出面未必一樣, 有D人就焗住一直留係到, 等終於有番張沙紙先走人(除非公司真係好好福利又有得再升就留下)
部份大學生唔OK, 主要是WORK ETHIC出問題, 就是你講的工作態度問題. 要求多多, 又養唔熟, 又唔成熟又無歸屬感, 自以為是果D. 果D真係最令人頭痕. 要BABY SIS
無論老闆幾開明, 講到是自己子女就未必想佢真係學歷一般, 有$有能力供子女出國留學, 最好是名U啦 XDDDD 咁有時的野又未必如願....又加埋如可能, 亞洲人都有"希望子女接手生意除了佢好唔LIKE我生意"的私心.
作者:
coincidence2 時間: 2013-3-7 16:56
原帖由 yanyan12345 於 2013-3-7 16:32 發表
大把錢既家庭.........富貴學生攪埋D消銀紙活動...跟本不值一提...
"維園呀伯"曾講一句: 做咩E加D大學生想買層樓結婚都咁難....你政府點攪?
問題見頂....沒最差....只有更差...
個D&quo ...
有D中產家庭供子女讀海外野鴨大學或有DD名但華人一大羅嘅學府, 子女係果邊享受人生(咁總有D勤力的), 返到來就ABC上身捲下舌當有口音, 跟手踩本地U畢業生的, 亦聽唔少.
香港來來去去都係金融, IT, 貿易, 地產, 會計, 想搵多D快D, 就要辛苦一大輪考專業資格. 尖子又仆曬去讀醫, 咩GLOBAL BUSINESS, 大狀黨就好似有光環咁; 識男友係工程師就搭糖. 可能全球都有對專業膜拜, 而香港係呢方面可以變為一種宗教
三姑六婆過年或喜慶就最喜歡問D後生做咩行, 唔曬命等幾時 XDDDD
近年有後生開始話攪農業呀, 土本製造業, 我支持架, 係就係成本高未必搵到$, 但人人都一式一樣好似現在咁, 真係好可怕. 無可能人人人生追求是一樣的
講起某D專業, 政府年年施政報告都谷一D行業...先前就好多U開D MASTER讀藝術行政....之後又多了D做LAB產品驗證的CERT....遲下環保業又被谷, 梁太自己都攪緊啦 XDDDD 科研都係, 不過想搵快$的唔會花青春係研究到.....之前中大出了個女教授攞中國的科學獎, 科研應該HIT一HIT....有$佬邵生+成哥都出$支持國際科研 XDDDD
作者:
yanyan12345 時間: 2013-3-7 17:13
我都知英國真係多左好多大學....唔知係咪"英國"個名勁D...好多內地人都走去讀....
個位係議會鬧呀長毛...,講曬英文..."F Chinese"偉論既馬XX....都係澳洲讀書....佢係個邊打工做律師個時, 都被堂官指責過佢言論有問題..........返到香港....既踩人性格沒改...佢睇唔起好多本地生..(但佢自己都係苦學生).....有咁既言論,我聽到O曬咀.....
[ 本帖最後由 yanyan12345 於 2013-3-7 17:22 編輯 ]
作者:
little 時間: 2013-3-7 19:53
原帖由 coincidence2 於 2013-3-7 11:00 發表
我成日覺得讀書時已經摸啱路嘅人好勁
我同唔少80後朋友都係邊行邊摸索.
我自己, 由未畢業以為會想做A行, 畢業後機緣巧合做咗B行 (同A行有關係但又不時對立), 之後迷失轉咗相關& ...
其實一早己知道知己的性格適合什麼，喜好及目標，只不過出來工作時勢很壞，那份心儀工我等了兩年但入職時減了三成人工，長工變了臨時位，唔好彩又遇到不好的上司(之前那個好的男上司又被同事、上司玩殘及調走，真是人善被人欺，好人不長命)，及後，又被迫被調去一個自己不喜歡的地點及位置，工作至身心俱殘(手腳勞損，心情長期抑鬱)才轉做零售，一直而來的工作都只是望梅止渴，現在仍被舊賤人打壓、陷害，根本從未有休息的空間。我心中怨恨不能釋懷。
一生人能找一份真正喜愛的工作是多麼困難及幸運，能把讀書的知識學而致用，又有時間空間進修和有合理的收入，我一早見到了，攀不到只是時也命也。
[ 本帖最後由 little 於 2013-3-7 21:02 編輯 ]
作者:
little 時間: 2013-3-7 20:01
原帖由 yanyan12345 於 2013-3-7 14:59 發表
咁細既城市,有咁多大學...都已經係一個大問題,....
某D大學攪埋D"副學士課程"教人走後門上大學........D父母比得起既/唔愁生活,但又未富裕到比個小朋友出國既...,緊係想佢地咁讀上去攞 ...
政府要做的就是打壓地產霸權，使年輕人的創業有希望，另外，要產業多元化，年輕人可有較大、較闊的職業選擇，又好像德國那樣推廣技術職業，給予適當的出路，改變對藍領階層的歧視。反正做個普通白領也賺不了很多錢。
[ 本帖最後由 little 於 2013-3-7 20:55 編輯 ]
作者:
little 時間: 2013-3-7 20:38
原帖由 coincidence2 於 2013-3-7 16:02 發表
好多工根本中英OK, 識普通話, 個人有番D SENSE, 已經可以做到. 中5中7已經可以
做老闆緊係死都話中七以上,,,反正大學生價賤, 請一件都係幾千一萬
副學士好多人都睇小, 讀嘅人都係想有機會接升 ...
我有舊賤格上司的女兒讀副學士，付了二十多萬元，還要讀當下炙手可熱的醫療，才有起薪萬多元，
接著又用一副不屑我的口吻，說她女兒讀了很多書，認為已與眾不同，會賺很多錢，但我只知是醫療是大熱及有大的擴展空間才有這樣。剛巧她的女兒出來工作時勢好。
另有同事的女兒讀會計副學士，有數學天份，才能升入到浸大，畢業後都是靠人情關係，才能到會計師行實習，但到外面用餐，就連基本英文餐牌也看不懂，連忙要回家看英文台惡補英文。
至於高級文憑，以理工大學的資歷最好，認授性最高，尤其是一些工科及技術性的就比較可靠，我有朋友用了多年時間半工讀才完成高級文憑課程，由cert , high cert, dip,high dip上，她慨嘆現在的學生只要有錢，無論有多蠢，多懶，幾無心讀都可以低空飛過，順利畢業。
我有朋友很識看人眉頭眼額，討母親歡心，所以樓有份住，無份供(是嫁了出去生了b的姐姐幫手供，父母也快要退休，不過父母持家節儉，家有個錢)，又為了到澳洲生活及工作體驗而辭了教職，去了近一年，回來不久又去中國旅行，沒有經濟上的負擔，我真的很羨慕!
作者:
yanyan12345 時間: 2013-3-7 21:09
没錯，好多事都係时也命也，识飞都没用
作者:
jth 時間: 2013-3-7 23:05
其實香港真係唔算多學位, 或者應該直程係少, 18%
其實我係贊成加學位, 因為識多d野點都好過唔識, 學左嘅野終有一日會幫到人幫到自己,
而學位多左, d人自然用學校黎分, 唔駛擔心貶值, 不過已經題外
而家香港係:
行業太少, 讀書只係為搵更多錢嘅諗法
--> 唔做主流野, 或者想追求知識繼續讀, 因為搵得唔多錢就話你唔上進唔踏實;
過份吹捧沙紙/學歷, 過份吹捧或踩低某d行業
--> 睇唔起勞動階層, 淨係睇沙紙, 好正常就會越黎越多人有事冇事都讀下沙紙
所以好矛盾嘅係,
唔係真係想讀嘅(兩種人, 香港冇啱做嘅野, 或者真係懶都好), 因為個個話進修而去讀書,
為知識嘅, 因為上一種人而俾人標籤
仲有就係有d錢嘅就出外國, 返黎又係一個大學生, 所以實際上唔只18%,
當個個都係咁滯, 都會逼到d人係唔係都搵野亂讀, 同時又更加標籤第二種人(為知識嘅)
[ 本帖最後由 jth 於 2013-3-7 23:07 編輯 ]
作者:
yanyan12345 時間: 2013-3-8 00:12
如果根据廣告所言，養大一个小朋友要400萬，，，
以现在香港既形势，个小朋友長大成人左，又揾得返个400萬成本费，已经算叫做对得住父母咁多年既栽陪
作者:
coincidence2 時間: 2013-3-8 01:00
原帖由 jth 於 2013-3-7 23:05 發表
其實香港真係唔算多學位, 或者應該直程係少, 18%
其實我係贊成布冕悁hd野點都好過唔識, 學左嘅野終有一日會幫到人幫到自己,
而學位多左, d人自然用學校黎分, 唔駛擔心貶值, 不過已經題外
而家香港係 ...
是知道數據係18%, 係咪已經計埋專上學歷如ASSO HIGH DIP果D?
問題係如你講, 工種類別不多, 首先香港大部份人是白領, 而白領個職級好多, CLERK都是白領啦. 果18%-2X%的專上及大學程度者, 正常情況下都去咗做白領, DEMAND & SUPPLY下, 人工拉低就係架啦. 有專欄話為咩係美國藍領唔會睇少自己, 皆因DEMAND SUPPLY拉扯下, 人工唔低架. 再加埋一D意識形態分別, 係美國D人坐SHUTTLE BUS都同司機講THANKＹＯＵ，我地就唔會同巴士小巴司機落車講唔該啦。知識型經濟掛口邊，但香港根本未去到咁地步，來來去去都係某Ｄ行業最大，不時見Ｄ文章分析香港如何落後於其他亞洲國家如新加坡南韓台灣等等，以前曾生講八大工業都係吹水居多，撥＄比果個行業把口話重點支持，已經仁至義盡咁。今日又見到有姓朗大陸學者，分析為咩香港經濟變成無曬製造業，明明大把農地都唔用得，都係既得利益者攪出來，而佢地絕對想永遠都繼續係咁。
如果將來更多大學，係就係提升全民學歷程度，但心態不改，父母子女不調節一下沙紙已成了另一條紅褲子，他日真係好似美國等國家咁大學生做藍領但又唔好似人地覺得都沒什麼大不了，到時又更大怨氣。全球都開始有日本的少子化喫老族失落的一代的問題，香港人好喜歡日本野，現在呢樣野都接軌了。
現在小朋友都已經個個怕輸在起跑線上，細細個多材多藝，個個公主王子， 萬一將來打份工雞碎咁多，又唔係咩大不了，又被Ｄ大陸精英騎住，怕佢地心理更不平衡，理想落差更大。
[ 本帖最後由 coincidence2 於 2013-3-8 01:09 編輯 ]
作者:
coincidence2 時間: 2013-3-8 11:53
呢首正 XDDDD
[youtube]poiu-DaTbb0[/youtube]
作者:
nothin 時間: 2013-3-8 12:29
每個人當有咁上下經歷，心態就會唔同，追求既野都會同之前有分別，
可能就係阿爸阿媽所講既"開竅"，
好可惜學校唔會教你開竅，唔會教你第時條路咁咁咁行，要自己行下摸下撞下板先知咩野適合自己，可能正因為咁，你更會學到更多，包括珍惜
作者:
hattricks16 時間: 2013-3-8 14:33
原帖由 coincidence2 於 2013-3-8 01:00 發表
是知道數據係18%, 係咪已經計埋專上學歷如ASSO HIGH DIP果D?
問題係如你講, 工種類別不多, 首先香港大部份人是白領, 而白領個職級好多, CLERK都是白領啦. 果18%-2X%的專上及大學程度者, 正常情況下都去咗做白領, DEMAND & SUPPLY下, 人工拉低就係架啦. 有專欄話為咩係美國藍領唔會睇少自己, 皆因DEMAND SUPPLY拉扯下, 人工唔低架. 再加埋一D意識形態分別, 係美國D人坐SHUTTLE BUS都同司機講THANKＹＯＵ，我地就唔會同巴士小巴司機落車講唔該啦。知識型經濟掛口邊，但香港根本未去到咁地步，來來去去都係某Ｄ行業最大，不時見Ｄ文章分析香港如何落後於其他亞洲國家如新加坡南韓台灣等等，以前曾生講八大工業都係吹水居多，撥＄比果個行業把口話重點支持，已經仁至義盡咁。今日又見到有姓朗大陸學者，分析為咩香港經濟變成無曬製造業，明明大把農地都唔用得，都係既得利益者攪出來，而佢地絕對想永遠都繼續係咁。
如果將來更多大學，係就係提升全民學歷程度，但心態不改，父母子女不調節一下沙紙已成了另一條紅褲子，他日真係好似美國等國家咁大學生做藍領但又唔好似人地覺得都沒什麼大不了，到時又更大怨氣。全球都開始有日本的少子化喫老族失落的一代的問題，香港人好喜歡日本野，現在呢樣野都接軌了。
現在小朋友都已經個個怕輸在起跑線上，細細個多材多藝，個個公主王子， 萬一將來打份工雞碎咁多，又唔係咩大不了，又被Ｄ大陸精英騎住，怕佢地心理更不平衡，理想落差更大。
WOW, 一針見血！
美加有不少藍領入息高出普通白領好多，我識有一個做建築（香港話係地盤佬？），一個係水喉佬，一個車房佬。三個都冇睇少自己，三個都坐擁兩三間屋收租，that's house not flat! 
作者:
yanyan12345 時間: 2013-3-8 14:57
原帖由
hattricks16 於 2013-3-8 14:33 發表
WOW, 一針見血！
美平輕銝靮Y地盤佬？），一個係水喉佬，一個車房佬。三個都冇睇少自己，三個都坐擁兩三間屋收租，that's house not flat!
就係呢類藍領,搵到錢都沒人知....
我有個unucle做裝修公司,淨係接d細job,都好多工作做唔停....
作者:
hattricks16 時間: 2013-3-8 15:11
呢啲就係所謂既禾稈蓋珍珠囉 
作者:
coincidence2 時間: 2013-3-8 16:06
原帖由 yanyan12345 於 2013-3-8 14:57 發表
就係呢類藍領,搵到錢都沒人知....
我有個unucle做裝修公司,淨係接d細job,都好多工作做唔停....
XDDDD 係架, 不過有D女人聽見你果行唔係專業唔係咩大公司, 就先入為主, 打個 X 比你. 我地圈子都有呢種情況架
好似有個G, 成日講到份份工都中環返工, 做果行要考牌, 個個EX呀追求者都專業人士, 聽見個B係細公司仲要係新界區, 介意到出曬面. 其實佢唔知人地公司搵唔少, 亦唔想佢想像易做. 只一味抱住"中環價值". 你咪以為佢之後同D咩叻人勁人大律師醫生一齊....而係屋企有D $嘅新界二世祖, 學歷一般, 脾氣又臭, 有架老豆的車咁, 之後果件就係D聞所未聞的外國U畢業, 都唔係屋企無米 XDDDD
作者:
jth 時間: 2013-3-9 01:23
原帖由 coincidence2 於 2013-3-8 01:00 發表
是知道數據係18%, 係咪已經計埋專上學歷如ASSO HIGH DIP果D?
問題係如你講, 工種類別不多, 首先香港大部份人是白領, 而白領個職級好多, CLERK都是白領啦. 果18%-2X%的專上及大學程度者, 正常情況下都去O ...
所以我話香港而家係我講嗰兩個問題mix埋,
過份貶低某d行業-->d人想避開入某d行業 +迷信沙紙+個個話進修-->有事冇事都讀野
或者, 行業太少冇得揀+迷信沙紙+個個話進修-->有事冇事都讀野
咁嘅原因去讀野嘅人唔會有目標, 而同時呢種人又令其他人標籤真係追求知識所以一直讀嘅人
好鍾意你講美國藍領都受人尊重, 好想有日香港可以咁,
事實係, 勞力/真正落手嘅人 不比 管理 低級, 應該要D人認同返呢樣事實先得
其實d人睇唔起某d行業仲有多一個問題
嗰d行業嘅人議價會難左, 俾人壓價; 人工唔夠高又繼續俾人睇唔起, 不斷loop
行業俾人睇唔起又入返上面講嘅flow
18%只係講ugc, self-finance都未計,
呢度又有另一個loop, 迷信沙紙-->個個讀迫你讀-->更迷信
成件事好冇希望, 明明覺得有唔對路, 但又要跟住行走唔到咁
[ 本帖最後由 jth 於 2013-3-9 01:24 編輯 ]
作者:
zltc123 時間: 2013-3-9 06:11
超字數添..分開貼
學士->master係....冇咁好囉
冇工作經驗你高學歷反而冇人請
寧願請fresh學士畢業唔洗出咁高人工 到時需要再培訓
所以 fresh grad出來幾年工作經驗 看需要再看要不要讀master
同樣道理 請 form7 副學士畢業 分分鐘好過請大學fresh grad
大學fresh grad心頭高 不知天高地厚 唔知自己咩料子 騎牛搵馬心態 搵鬼請
一畢業就想話買層樓 發夢咩
這些是老闆的想法
早幾年聽講警隊請人都係啦 怕怕大學生 環境一好就走人
請你訓練完你就走 咪浪費納稅人D錢
其實中學要選科已經話要考慮自己將來要做咩
尋找自己興趣 有人從小培養 有人好快就找到
有人想找找唔到 有人仲係度發緊夢
搵到既未必好 搵唔到都唔係壞事
點解?
先講搵唔到啦 你仲可以好多選擇 慢慢來
就算fresh grad畢業出到來工作都未知道
可以一邊累積工作經驗 你有料 理得你咩系畢業呀(小公司到國際大firm都唔係好睇你讀咩系 只要成績好 同睇你個人能力 軟技能 大公司就睇你有冇國際視野 興趣 語言)
大學學歷以下就可以進修
我識人form 5出來做野 就要養家
之後一邊工作一邊讀書 而加ive high dip讀完
我好佩服佢
就當你一早知自己想點 例子
好似話讀law咁
一條直路 路1
1. A level straight A 入 LLB
2. 名牌大學??
3. LLB保證全部科都要2:1(60%以上)
4. yr2要儘量找多D大firm實習機會
5. yr3 最好已經有TC
6. 只能pick one 香港3間大學PCLL 同全世界各地名牌大學學生,本地學生, JD, CPE, UOL LLB爭
7. pass PCLL in one take
8. 實習2年 (如做訴訟律師 靠你大學名氣或人脈找個好師父吧 要不然 自己搵埋唔夠自己食 唔夠交chamber租雜費等等 可能有排洗屋企錢 屋企backup到你?)
step 1-7是但一個fail =>一係渣兜乞食 一係重新開始 如果你還有本錢的話(年齡??時間??要犧牲其他??)
讀finance?
有家底?有錢有人脈?名牌大學?
if so ->大行->進修->越做越搵
if not -> 做死一世sales e.g 賣保險
不過有例外既 少囉
D公司請人咁現實 係無可厚非 你既財力人脈 確實可以為佢地帶來更多客源同生意
成功之後又係做到隻積 日日幾個鐘頭時間係屋企訓 大project連屋企都冇得返
年紀慢慢大 病痛越來越多 搵到既錢 潑返出去
倒不如慢慢來 真係搵D自己喜歡既 又能維持生活仲好
好似最近新聞咁講 80後 樓上鋪 搞好多咩小玩意 開埋班咁
易都有音樂教學生慢慢開鋪搞埋band房開分店
唔好咩？
不過我覺得出來社會做野 現在大學學歷只係入場卷
唔係話D人迷信砂紙(即大學學歷冇原因都狂進修)
係因為人類進步緊 大學學歷已經係最基本既野
基本知識 社會需求
冇唔係話唔得 不過可以有其他野補救
再說 可能好似我阿爸阿媽咁做幾十年人細個冇讀過書 很多野 接觸得多就自然懂
但亦都有D人做幾十年人思想都仲好似細路咁
呢個世界真係好神奇
[ 本帖最後由 zltc123 於 2013-3-9 06:13 編輯 ]
作者:
zltc123 時間: 2013-3-9 06:14
原帖由 yanyan12345 於 2013-3-7 17:13 發表
我都知英國真係多左好多大學....唔知係咪"英國"個名勁D...好多內地人都走去讀....
個位係議會鬧呀長毛...,講曬英文..."F Chinese"偉論既馬XX....都係澳洲讀書....佢係個邊打工做律師個時 ...
內地人早就遍佈全世界 中國係一個好大既地方 好正常姐
我做教育展 英國學校的 D學生家長有部份喜歡問 邊度/邊間學校 大學 少D中國人?
大家都坦白說 話少係呃你既姐 中國人到處都是(很少學校會少中國人囉 英國來講)
鬧人個議員
佢唯一問題只係英文唔好講英文
其他問題 踩人 根本就係香港人/或會講廣東話疑似香港人 先會咁串人
既然係咁 我們也沒資格把問題放大了
(例如 點解中國人學英文唔肯講 外國人學英文就肯講? 除左面子問題 性格內向怕羞等等問題之外
其實最大原因係 大多數都係中國人笑/串返中國人 仲要自己英文又唔係好好果隻 所以D人怕人笑唔敢講
其實係外國講 根本冇人care冇人會笑你 大多數情況)
作者:
zltc123 時間: 2013-3-9 06:15
原帖由 jth 於 2013-3-7 23:05 發表
其實香港真係唔算多學位, 或者應該直程係少, 18%
其實我係贊成布冕悁hd野點都好過唔識, 學左嘅野終有一日會幫到人幫到自己,
而學位多左, d人自然用學校黎分, 唔駛擔心貶值, 不過已經題外
而家香港係 ...
原帖由 coincidence2 於 2013-3-8 01:00 發表
是知道數據係18%, 係咪已經計埋專上學歷如ASSO HIGH DIP果D?
問題係如你講, 工種類別不多, 首先香港大部份人是白領, 而白領個職級好多, CLERK都是白領啦. 果18%-2X%的專上及大學程度者, 正常情況下都去O ...
同意coincidence2所講
歧視藍領 係香港人既問題 D人心態問題
政府可以立法禁止歧視 改變得了人心? 可以教育改變得了人心?
很多人都愛錢 每個人喜歡既都唔同 都係個人選擇
這就是現實
另外
小小意見 希望唔好俾人打...
個人覺得
其實所謂"地產霸權"都係demand supply問題
你估買樓/鋪, 賣樓/鋪 賺錢既只係地產商咩 佢地只係賺第一手
下面四五六七千萬手 有幾多個炒家賺錢架 中間D交易全都係炒家賺
D 炒家都係D咩人? 唔係靜係有錢人 有D 80後 初畢業果D都有份炒
由冇錢變發達 當個氣氛上升就多呢D人架啦 都係回歸人心既問題
小店 D冷門野 如果真係夠競爭 能賺錢的話 去邊都唔會被趕絕
呢D野 係有人support 不過需求唔高 唔怪得邊個架wo
甚至係有人support 不過睇心情？ 某某小店結業 成村人去排隊影張相走人
平時? 可能烏蠅都冇隻 生存唔到都說得過?
樓價問題都唔係完全係曬內部 外在環境因數好大影響 例如 QE123
作者:
zltc123 時間: 2013-3-9 06:16
原帖由 hattricks16 於 2013-3-8 14:33 發表
WOW, 一針見血！
美平輕銝靮Y地盤佬？），一個係水喉佬，一個車房佬。三個都冇睇少自己，三個都坐擁兩三間屋收租，that's house not flat!
就我自己呢兩年吐血經驗
佢地高薪真係搵笨 唔絕對唔希望香港變成咁
（我唔希望有人可以不勞而獲 又或者勤力D既人樣冇咁勤力既人囉 香港又唔係共產 我亦都反對共產）:
英國租新屋全新裝修
廁所少量野就塞 廚房洗手盆都係
搞左3次都搞唔掂 放棄了
第一次自己私人請 60英鎊 1小時 佢地段小時計 另收拍車費
請既時候講明係check 佢上來通左個廁所就算 仲要搞好耐先通到 打開蓋望兩望同我講話唔知咩原因
死都話我放太多野入去 我話冇！！
同佢講水量少沖力唔夠大 同埋個按鈕要用手長時間按住 問有冇得整 佢話冇
我阿爸話有得整既 我自己上網睇DIY 都話係有既 不過我睇唔明點整(當時心諗 唔係要我以後咩都DIY掛)
洗手盆又係咁(我朋友係HK 我靜係口講個情況佢已經知咩事啦 佢講笑話我出錢請佢過去整好過)
我當時就諗 一係就係懶一係就真係唔識 60磅? 佢做過D乜? 通廁所我買支野一野搞掂啦 洗唔洗佢呀?
第二次 120英鎊1hr 今次係同landlord傾完 佢請 仲要我俾一半
都話左唔係我問題 咁佢話 今次check下先 下次再出問題就佢負責啦
之後我一直用垃圾袋代替放紙落廁所
不過請原諒我不雅...有時大便多都塞 真係唔係我問題囉
洗收盤又係自己搵支野通 幾乎日日都塞
之後幾次都係整唔掂 唔識 一個話可能外面個渠塞左 唔關呢度事 一個話要打開鎖左果個門 拆落來先睇到
Landlord話唔搞住
我真係覺得佢地堅搶錢
係香港請個人上來 一個唔掂 兩個都實掂啦 但起碼我睇得出佢地唔係 一舊雲咩都唔識囉
我係香港認識一D朋友做地盤有做裝修有 考牌添
作者:
little 時間: 2013-3-9 10:36
原帖由 zltc123 於 2013-3-9 06:16 發表
就我自己呢兩年吐血經驗
佢地高薪真係搵笨 唔絕對唔希望香港變成咁
（我唔希望有人可以不勞而獲 又或者勤力D既人樣冇咁勤力既人囉 香港又唔係共產 我亦都反對共產）:
英國租新屋全新裝修
廁所少 ...
這是可遇不可求也，香港都要搵可信任，相熟的師傅來辨，才有質素的保證，年輕人怕辛苦不願意做，做的很多又沒有上一代那種刻苦向學的心，出來的品質有的比較馬虎，所以都是老師傳可靠，費用也不便宜呢!外國也是一樣，這始終是涉及工作態度及誠信，外國香港也一板樣，不同的是外國對這些從業人員比較尊重。
作者:
coincidence2 時間: 2013-3-9 10:37
原帖由 zltc123 於 2013-3-9 06:15 發表
同意coincidence2所講
�
政府可以立法禁止�
很多人都愛錢 每個人喜歡既都唔同 都係個人選擇
這就是現實
另外
小小意見 希望唔好俾人打...
個人覺得
其實所謂"地產霸權"都係d ...
地產霸權已經成為唔少人口頭蟬
其實呢樣野從來都存在. 近年睇書得好慢好慢, 睇緊一系列講香港街道命名嘅書. 由港島區D街名講起. 除了好多都係當時D英國官員個名之外, 唔少都係當年D大地主大公司(本地的, 印度人, 英國的)改街名架! 條街係佢嘅, 佢有權幫條街起名 XDDDD 夠唔夠"霸"先
簡單講, 即係從英國人年代開始, 已經有地產霸權, "官商勾結" (套用現今人常用的TERMS) 
而今時今日D地產巨子, 都係早年係香港慢慢發積
或者咁講, 因為香港堅係地少人多(按面積而論係人多), 地產呢樣野, 邊個晨早就霸地, 邊個就著數. 因為地買少見少. 而盤古初開D基建修橋補路醫院等等, 除咗英政府出$, 當年D大商家有$人都有出一分力
我唔知可唔可以咁講, 係現在特區政府越來越平衡唔到"官商勾結"/官商合作嘅份量. 太傾斜. 有D人話呢樣野係曾哨牙開始
題外話, 之前睇"李光耀回憶錄", 有樣野對我來講好驚訝. 係李生眼中, 江澤民係好聰明嘅人多才多藝. 就想起自從六四一事, 尊子就一定將佢醜化畫到佢白痴仔咁.或者大家會話因為李嘅立場身份咪唔覺得江"衰". 但我想, 會唔會係人地係"國際視野方面"睇法唔同, 睇緊一個人係國際舞台上嘅斤兩手段? (我當然唔係認同六四的血腥一事)
又好似有個外籍學者出咗本鄧小平的書, 一出又被人話佢唔批評六四一事, 學者回應佢本書係無任何批評同讚揚, 純係用歷史學家視覺去講番呢個人一生.
(唔知我咁講又有無人話我一定係左仔 XDDD)
NO OFFENSE, 我都是香港人, 但有時我都覺得, 我地香港人睇野幾片面 , 唔立體,主觀過後睇咩都自然係按番自己立論(即我都會犯上呢個錯), 更多人就不求甚解. 就算係香港一D高學歷人士, 都會係咁. 如果係臭口的陶傑, 實會話因為中國農民DNA+中文本身就比英文無咁LOGIC XDDD
有時都會懷疑, 係咪唔係無道理 ...........................................
作者:
yanyan12345 時間: 2013-3-9 16:53
原帖由 zltc123 於 2013-3-9 06:14 發表
內地人早就遍佈全世界 中國係一個好大既地方 好正常姐
我做教育展 英國學校的 D學生家長有部份喜歡問 邊度/邊間學校 大學 少D中國人?
大家都坦白說 話少係呃你既姐 中國人到處都是(很少學校會少中國人囉 ...
我唔同意你讲个位议员既”只係英文唔好既言论”，做议员有守則，议会都有守則，你不如先補習下，个马xx,係咩黨人事，个位xx宗又係边个黨派，兩位有咩共同利益先！
種族尊严係好重要，F Chinese个单野，係華人都知佢失言，你係咪想淡化事实？
如果你自我感觉没问题，你可以用返个位马xx,既”F 某種族人士”姿态，闹个D白人，我包你最少有幾个月入去坐，再加埋入面D不同種族生存方法，包有排你学倒野！。 另外，你讲既”內地人早就遍布全世界”，係指中国人口，內地学生？，”早”既係幾時？97年之前 ？
[ 本帖最後由 yanyan12345 於 2013-3-9 20:22 編輯 ]
作者:
zltc123 時間: 2013-3-9 19:41
原帖由 little 於 2013-3-9 10:36 發表
這是可遇不可求也，香港都要搵可信任，相熟的師傅來辨，才有質素的保證，年輕人怕辛苦不願意做，做的很多又沒有上一代那種刻苦向學的心，出來的品質有的比較馬虎，所以都是老師傳可靠，費用也不便宜呢!外國也 ...
下..我屋企冇請開相熟架wo 但係黎10個10個都搞得掂
就算唔掂都未至於好似英國咁 來3個3個都上來隊一野收成千幾港紙加車費
我接受唔到
作者:
zltc123 時間: 2013-3-9 20:21
原帖由 coincidence2 於 2013-3-9 10:37 發表
題外話, 之前睇"李光耀回憶錄", 有樣野對我來講好驚訝. 係李生眼中, 江澤民係好聰明嘅人多才多藝. 就想起自從六四一事, 尊子就一定將佢醜化畫到佢白痴仔咁.或者大家會話因為李嘅立場身份咪唔覺得江"衰". 但我想, 會唔會係人地係"國際視野方面"睇法唔同, 睇緊一個人係國際舞台上嘅斤兩手段? (我當然唔係認同六四的血腥一事)
又好似有個外籍學者出咗本鄧小平的書, 一出又被人話佢唔批評六四一事, 學者回應佢本書係無任何批評同讚揚, 純係用歷史學家視覺去講番呢個人一生.
(唔知我咁講又有無人話我一定係左仔 XDDD)
NO OFFENSE, 我都是香港人, 但有時我都覺得, 我地香港人睇野幾片面 , 唔立體,主觀過後睇咩都自然係按番自己立論(即我都會犯上呢個錯), 更多人就不求甚解. 就算係香港一D高學歷人士, 都會係咁. 如果係臭口的陶傑, 實會話因為中國農民DNA+中文本身就比英文無咁LOGIC XDDD
好多野唔係話係好就好 唔好就唔好
同一件事 唔同人處理手法就唔同 亦都有D處事方式唔係話輕易可以話係岩定錯 又或者根本唔係單方面既責任 再加上你或既"國際視野" 其實唔只 仲有國際關係外在可能仲有好多複雜因素影響 可能真係唔係一般人聽到看到既咁簡單
講你話個學者
有D野 或者未有中立定案(又有人會話擺到明係點點 或者佢地真心覺得件事係點 迫政府出來認佢地所講) 學社唔批俾意見係正常架wo 中立一點
你講野好小心 怕被人起底?
睇野片面好正常既 又唔係要做到學者咁去研究每一樣野 普通人 主流媒體吹咩風 身邊D人吹咩水 就跟住吹架啦 瞎子摸象 又有幾個去花時間自己走去做research探究真正真相或得出自己既見解 可能真係睇份報紙就同D fd出來茶餐廳 酒樓飲下茶食個包 一齊扮個專業時事評論員
我個人覺得 有D人以為自己好醒好精靈好清醒 點知被人洗腦教育左一個童年
又有D人覺得被人洗腦一生 實際份外清醒 好似我女友咁呀 經常話自己好慘"被中共內地洗腦三十年" 我成日笑佢 一提到內地時政 對中共咬牙切齒 佢點睇都唔似被洗腦
其實我都冇惡意 我係一個十幾年來 中英兩地走 兩個地方每年都有逗留一半時間 的100%香港人
由蝗蟲論開始 被稱為"中立撚" 到最近民怨更深既時候被歸納為"蝗蟲"同"五毛"之一(雖然冇直接話我一個 不過我睇佢地分類 我應該屬於佢地所講既一類) 仲被人問我到底係英國讀書定大陸讀書
其實 我只係一個沒政治背景 沒參與任何有關活動 一個從小心裏對時政 社會學 心理學 國際關係有興趣既人 唔會真係出來搞D乜野 只係課餘時間研究下 係絕對冇威脅性
不過有時D人講野一唔岩聽就開機關槍咁真係完全冇討論空間
作者:
coincidence2 時間: 2013-3-9 23:07
原帖由 zltc123 於 2013-3-9 20:21 發表
好多野唔係話係好就好 唔好就唔好
同一件事 唔同人處理手法就唔同 亦都有D處事方式唔係話輕易可以話係岩定錯 又或者根本唔係單方面既責任 再弁擘v響 可能真係唔係一般人聽到看到既咁簡單
講你話個學者
有D ...
唔係怕人起底, 而係我知有D話題, 唔少人會好大反應好一面倒.
而我無咁好精力亦唔會專家口吻去論政. 近年已經有太多人去做呢D角色, 又太多人係FB吹捧
如果邊個唔同意, 大把人圍插你.
越來越人因為見"網路強大一面倒力量" 而最後要道歉了事. 之後件事就不了了之
起底反而唔可怕, 最可怕是攪埋你身邊的人
作者:
zltc123 時間: 2013-3-9 23:28
原帖由
coincidence2 於 2013-3-9 23:07 發表
唔係怕人起底, 而係我知有D話題, 唔少人會好大反應好一面倒.
而我無咁好精力亦唔會專家口吻去論政. 近年已經有太多人去做呢D角色, 又太多人係FB吹捧
如果邊個唔同意, 大把人圍插你.
越來越人因為見&q ...
我由細到大傾計都係教認真 時政呀或者學術性既話題 一係就興趣討論下音樂或花式溜冰D野
咩名牌果D真係搭唔上嘴 不過就純屬係同fd吹水囉 身邊既fd都係D咁既人
從來都冇嘈過
只係近年好似你咁講 好多人都好大反應
又有人潑行個火呢
又多左facebook 有時都怕身邊有D咁既人 然後出賣
幸好我還沒遇上過
又離題了 成日都騎劫人個post 真係唔應該
作者:
little 時間: 2013-3-10 12:21
原帖由
zltc123 於 2013-3-9 19:41 發表
下..我屋企冇請開相熟架wo 但係黎10個10個都搞得掂
就算唔掂都未至於好似英國咁 來3個3個都上來隊一野收成千幾港紙加車費
我接受唔到
看你是大或小工程啦!大工程就一定要搵個可靠啦!香港沒有英美那樣模糊，在英國那些人是混飯吃嗎?
作者:
陳細皮 時間: 2013-3-10 15:25
原帖由 little 於 2013-3-10 12:21 發表
看你是大或小工程啦!大工程就一定要搵個可靠啦!香港沒有英美那樣模糊，在英國那些人是混飯吃嗎?
美國代表! 爆水管/塞所,etc 若然自己搞唔掂要搵人整,真係好似一日二日唔可能做起俾你之如個價錢你都唔會估得到. 美國做咩都慢9萬幾拍!!
我覺得係美國人真係搵幾多洗幾多. 買唔買屋可能佢地從來冇諗過. 大部份美國人真係唔會有長遠計劃之如, 佢地都唔會為下一代諗.
所以我覺得唔係咩行業受唔受到尊重, 而係佢都冇care過自己咩行業
仲有! 細個岩岩去到美國講英文真係會直接俾人歧視! 而中國人的確無處不在!
作者:
little 時間: 2013-3-10 16:06
原帖由 陳細皮 於 2013-3-10 15:25 發表
美國代表! 爆水管/塞所,etc 若然自己搞唔掂要搵人整,真係好似一日二日唔可能做起俾你之如個價錢你都唔會估得到. 美國做咩都慢9萬幾拍!!
我覺得係美國人真係搵幾多洗幾多. 買唔買屋可能佢地從來冇諗過. 大部份 ...
美國是一等一流氓國家，只不過平常都是死剩把口，和諧親切的面具戴得好，實是自私自利，損別國利己。用別國的錢供養自己質素向下走的國民，美國重視人才，但對自己國民的培訓採用放任政策，他會用銀彈攻勢向外國人材埋手，所以很多印度、中國、日本等尖子技術人才支持美國財團，美國霸權，但中、下層美國人的生活都是每況愈下。
美國文化追求是''當下開心''，逃避自身的責任，喜今朝有酒今朝醉的生活。覺得這樣是享受''自由''，試問這樣的文化背景下，人的學習及工作動力又會有什麼支持。
[ 本帖最後由 little 於 2013-3-10 16:09 編輯 ]
作者:
little 時間: 2013-3-10 16:35
原帖由 陳細皮 於 2013-3-10 15:25 發表
美國代表! 爆水管/塞所,etc 若然自己搞唔掂要搵人整,真係好似一日二日唔可能做起俾你之如個價錢你都唔會估得到. 美國做咩都慢9萬幾拍!!
我覺得係美國人真係搵幾多洗幾多. 買唔買屋可能佢地從來冇諗過. 大部份 ...
不過多謝你糾正我們的迷糊地方，你是第一身所見自然比較了了解實際的情況，你是到那裡讀書嗎?有機會去外國開眼界，那面的風土人情你喜歡嗎?
作者:
陳細皮 時間: 2013-3-11 06:14
原帖由 little 於 2013-3-10 16:35 發表
不過多謝你糾正我們的迷糊地方，你是第一身所見自然比較了了解實際的情況，你是到那裡讀書嗎?有機會去外國開眼界，那面的風土人情你喜歡嗎?
同屋企移民十幾年，雖然對於呢個地方係家既感覺，但十幾年後都接受唔呢道既落後諗法。同埋呢道D人大部份對生活好冇要求。仲有好多大陸人有錢到無法想像而又見慣咁。呢道係LA，美國十大成市之一..
作者:
陳細皮 時間: 2013-3-11 06:16
Btw 有D外國人係nice 但係真係假得可怕。歐洲人其實非常冇禮貌。
作者:
zltc123 時間: 2013-3-11 07:24
原帖由 陳細皮 於 2013-3-10 15:25 發表
美國代表! 爆水管/塞所,etc 若然自己搞唔掂要搵人整,真係好似一日二日唔可能做起俾你之如個價錢你都唔會估得到. 美國做咩都慢9萬幾拍!!
我覺得係美國人真係搵幾多洗幾多. 買唔買屋可能佢地從來冇諗過. 大部份 ...
英國一樣
作者:
zltc123 時間: 2013-3-11 07:31
原帖由 陳細皮 於 2013-3-11 06:16 發表
Btw 有D外國人係nice 但係真係假得可怕。歐洲人其實非常冇禮貌。
真係多數係外國十幾年先慢慢feel到 來幾年果D多數都印象好好 多留幾年就會發現
另外我家人少出國 但做生意同外國人打交道多 都可以發現到呢樣野
另外
其實我覺得culture唔同習慣唔同
我心地好好有禮貌 我自認為啦下 剛來到英國既時候唔識笑 見人都特登笑 然後仲逗我要我笑(細個果時)
亦都因為唔笑被鬼妹恰過幾年
其實見人笑根本係一個習慣 有假的 當然也有真的
Thank you sorry please係禮貌 講得多過人都係一個習慣 唔見得係真有禮貌
作者:
coincidence2 時間: 2013-3-11 11:02
原帖由
zltc123 於 2013-3-11 07:31 發表
真係多數係外國十幾年先慢慢feel到 來幾年果D多數都印象好好 多留幾年就會發現
另外我家人少出國 但做生意同外國人打交道多 都可以發現到呢樣野
另外
其實我覺得culture唔同習慣唔同
我心地好好有禮貌 ...
我家人少出國 但做生意同外國人打交道多 都可以發現到呢樣野--> ....我好唔鍾意美利堅人其實. 表面功夫好多, 盡量扮到唔歧視, 但其實係明係FEEL到. 次次搭親AA內陸, 都覺得座位安排有問題. 有一次我同另一個香港男人(真巧合!) 被安排坐係門口隔離, 要我地好似罰企咁等所有人入座, 要企到另一邊....佢地好似好SORRY咁事後又講番唔好意思架 XDDDD 另一次係我坐ECONOMY第一行, 想去TOILET, 向後行但餐飲車推緊, 叫我不如去BUSINESS個TOILET. 去到個FA叫我等等, 要企係ECONOMY與BUSINESS通道口等 -_-""(有少少無禮), 話有人用, 一陣叫我. 我見已經有人出咗, 佢都完全無示意, 我自己再行埋去, 佢先懶係話SORRY忘記了提你
做生意來講, D白人好鬼MEAN (講$從來失感情XDDD). 公司嘅客有美國有德國有荷蘭有加拿大, 個個持熟賣熟. 最麻煩擺款少少野又嘈定先果件係荷蘭德國, 最孤寒又成日要你做埋D肉酸野就係美國果件.
英國人, 就係舊一份工有上司係, 佢地明係BUY 新加坡OFFICE D人多好多, 講野又真係比較MEAN. 而澳洲同事又真係比較HEA
假還假, 不過我地又真係無習慣去同服務業人講唔該, 一定有人講, 但更多人老奉/明係當自己消費者就大支野
BTW我對住歐洲果件客感覺舒服D唔知點解 XDDDD
[ 本帖最後由 coincidence2 於 2013-3-11 11:14 編輯 ]
作者:
coincidence2 時間: 2013-3-11 11:13
原帖由
zltc123 於 2013-3-11 07:31 發表
真係多數係外國十幾年先慢慢feel到 來幾年果D多數都印象好好 多留幾年就會發現
另外我家人少出國 但做生意同外國人打交道多 都可以發現到呢樣野
另外
其實我覺得culture唔同習慣唔同
我心地好好有禮貌 ...
講起假, 日本人係好假 (朋友在日本留學一年, 佢比$寄宿係日本人家庭, 佢已經係好識做好HELPFUL, 不過都分享唔少有D唔愉快經歷). 不過佢都依然個口話好鍾意日本. 可能我好小氣, 如果人地(整體而言)其實都唔係咁鍾意你嘅國籍, 我就唔會走去愛人地, 又應該咁講, 無咩民族我特別喜歡
唔知係咪共同嘅呢, 對於自身居住地不太以為然/對於他方國度好感...至少香港人好似好多時都踩自己地方, 踩南亞, 日本韓國就王道, 日本咩都好, 大陸就一邊口話不文明(另一邊會唔會好開心香港仲係比較文明?) 
作者:
coincidence2 時間: 2013-3-11 11:27
【經濟日報專訊】年輕人不滿機會少、上流慢，財爺曾俊華昨在網誌呼籲家長和年輕人接受「行行出狀元」，思考核心商業區以外的發展機會。誠然年輕人需要新出路，但他所指「不一樣的CV（履歷表）」，從何而來？
行船吸引嗎？財政預算案提出投放1億元成立海運及空運人才培訓基金，曾俊華在新一篇網誌《不一樣的CV》，鼓勵年輕人行船。他稱在70、80年代，行船是熱門行業之一，如今輪船設備、僱員待遇已有所提升，雖然工作環境或較枯燥，但有機會到世界不同角落走走，看看旅遊景點以外的風土人情，對年輕人而言，他認為很有吸引力。
財爺籲行船 行行出狀元
財爺鼓勵年輕人行船，出於好意，可是從現今年輕人，不乏機會周遊列國旅行，要吸引他們入行，可看風土人情難有說服力，他的一番心意，相信年輕人也未必「心領」。
但曾俊華提到，「中環價值」在港根深柢固，年輕人及其家長自然較少思考核心商業區以外的發展機會，要改變這情況，要通過教育宣傳，讓大眾慢慢接受「行行出狀元」。這說法則中聽得多，尤其是於現今社會，各界也在探索如何為年輕人提供新出路。
誠然，本港一向被指經濟傾斜於某些行業，入大學是為「錢途」，選科偏愛「搵錢」的商科或金融相關科目。無他，畢業後投身銀行業、金融業有高薪厚職，追求較好的事業前景，這不正是經濟掛帥世代的「遊戲規則」？不止大批年輕人投身金融業，大專學校也致力開辦金融課程。
如何才可做到「行行出狀元」？不是口頭說說便可做到，而是政府應由教育制度着手，加強教育配套，讓年輕人看到不同行業的前景，才能吸引年輕人選擇「不一樣的CV」。
行業有前途 減職業錯配
事實上，本港鄰近的台灣，也有類似問題，當地大學入學率約90%，但青年搵工難，台灣《今周刊》近日報道，青年失業率高達12.66%，但是企業卻屢表示聘請不到員工，缺口達18萬人，有僱主投訴「學校教出來的學生根本不能用」。
於是，台灣當地有人提出，應效法德國發展「雙軌制」（Dual System）的職能訓練，即是結合政府與業界的力量，共同為年輕人打造技能課程。學生每周可能在學校上課1至2天，然後到企業受訓練3天，企業更會負責70%的教育訓練成本。
在這制度下，不但可確保年輕人學到的技能，正是現時業界所需的，更可為年輕人帶來工作前景的信心，例如由西門子公司訓練的學生，80%畢業後在西門子上班。
就算近年歐洲經濟不景，德國仍然能夠維持較低的青年失業率，即7.9%，屬歐盟27國中最低。德國的經驗也引來其他地方爭相仿效，例如瑞士、奧地利等，近年，美國也出現不少大學生「高材低就」問題，當地教育界也開始有意引進。
中大校長沈祖堯近日在網誌撰文《如何培養年輕一代》，便反思為何本港學生會覺得離校後在事業上有志難酬、為何僱主會抱怨大學畢業生的技能，與他們的崗位所需不符？是否我們的學術課程太重着狹隘的專科知識，忽略了跨學科訓練？
本港若然要解決大專生學不能用的問題，應開拓新行業，創造更多職位，另一邊亦也可仿效外地，加強更多類別的技能學習機會，並且應探究政府與業界是否可有更大合作空間，減少職業錯配，大學生不會淪為「學非所用」，市場又不會怨「無大學生肯做」。
有網上評論曾感歎，本港的第五大支柱產業是「倒模業」：學生走一條倒模生產綫，從考試、讀書、入讀大學、搵好工，讀商科、醫科或法律才是叻仔叻女。我們不想學生如工廠製品般倒模成品，要行行出狀元，年輕人可以有不一樣的CV，但大前提是，社會有否提供機會令他們可有不一樣的選擇？
作者:
zltc123 時間: 2013-3-11 14:53
原帖由
coincidence2 於 2013-3-11 11:02 發表
我家人少出國 但做生意同外國人打交道多 都可以發現到呢樣野-->
....我好唔鍾意美利堅人其實. 表面功夫好多, 盡量扮到唔版狾酗H入座, 要企到另一邊....佢地好似好SORRY咁事後又講番唔好意思架 XDDDD ...
我話最衰都係"今時今日咁既服務態度 點得架?!"果個廣告？(講笑)
作者:
zltc123 時間: 2013-3-11 15:37
原帖由 coincidence2 於 2013-3-11 11:13 發表
講起假, 日本人係好假 (朋友在日本留學一年, 佢比$寄宿係日本人家庭, 佢已經係好識做好HELPFUL, 不過都分享唔少有D唔愉快經歷). 不過佢都依然個口話好鍾意日本. 可能我好小氣, 如果人地(整體而言)其實都唔係 ...
日本個case可能只係個別既姐 我唔知啦
以前學校都有2個日本人 一個男仔黎既 好好人 幾有禮貌咁啦
另外個女仔就細我兩三年級.. 好怕羞..但好得意好似公仔咁 講野都係 好多男仔追
其實我都覺得佢有D得意 但同時我又諗 佢把聲公仔到咁係咪扮出黎 係咪所有日本女仔都係咁既呢
日本我13歲去過一次 跟團 當時唔知點解我去到覺得說 (媽咪,咁似大陸既呢度?!)
有機會想同女友去多次
我覺得香港係多D人講咩咩人點點點
我自己就最多會講香港人點點點 因為我覺得某部份人好離譜 年紀大D既會好D 至少我身邊既都係
至於英國人 雖然被學校D人包括學生+老師 恰過幾年 同之後咁多年來經驗覺得外國人有D幾假都好
但我仍然係英國好多機會找到好nice既人 尤其是係北部(有個近年識既朋友由細到大係度 最近佢返工有個香港人係度搞埋D office果D玩意 心計 小動作果D呢, 佢話同英國人做野會好D 至少唔會咁)
另外外面遇過既內地人同台灣人都較好人 冇咁難相處
咁多人之中 我感覺最難同香港人相處 好串 又睇唔起人 自大 (係總會搵到D理由自我感覺良好 串人同睇唔起人 汗-.-)另外有個想法就係 中國人真係好唔團結 有時見到有D野有D人D行為 真係會覺得真失禮 外國人 特別係英美應該都會偷偷地開心掩嘴笑
唔講人講地方 就好多地方都中意
我都好中意香港呢個地方 就係唔太中意裏面D人
自己出生既地方有親切感D 同埋幻想得到父母果個年代既香港
以前好抗拒返內地 尤其是鄉下 鄉下下地方D車亂來 我成日都覺得 我每次去都係冒生命危險 搵命博....
同以前靜係去過深圳...以前好亂架
細個拖住媽媽手既時候見到D拐子佬好遠咁叫我 仲好似鬼片咁恐怖......
近年個個都上去做野 應該發展機會好好
我都想過去做野 (我媽話 乜你唔係好憎大陸?)
其實講旅遊 好多地方都好靚
再加上係呢邊識到個係內地北京讀左4年書既英國人
佢係我大學既工作人員 去過上海
成日聽佢講欣賞果度D咩咩野咁
我媽都成日同我講上海好發達架啦(其實係傾緊D香港人睇唔起人 我地兩個傾緊既話題) 果度D人潮過香港(佢講緊著衫果D潮流 我真係唔識啦)
原來咁多年來 我只係抗拒去深圳 同鄉下地方-.-
聽個係內地讀書既英國人講 我同佢性格比較似
覺得上海比較似香港 又係海邊D人性都係差唔多 睇唔起人果D
北京會比較適合我地 同埋北方人真係比較nice (12月去北京一個后海既地方 果度有條河 景色好靚 河邊好多酒吧 聽講果度好多外國人去 心諗 香港都有D咁既地方就好 香港D酒吧 唔係樓上就係街邊鋪 諾士佛臺 蘭桂坊 都係條街仔冇野睇 有錢D既去酒店D bar飲 咪又係對住個維港D浪費電力既燈色)
不過內地講度到生活真係唔住得人 咩都唔食得 水又唔飲得 空氣都唔呼吸得(北京)...
講到英國 節奏真係太慢(我多年係呢度其中一個超細既舊漁港生活 節奏都好慢 我媽成日話拖住我行街好似拖住隻牛咁 拖唔郁lol) 好浪費時間 有點沉悶 可能退休先會想再返來?!
至於台灣有好多郊外既地方 我同女友都中意 以後會再去旅行
[ 本帖最後由 zltc123 於 2013-3-11 15:49 編輯 ]
作者:
sky_little 時間: 2013-3-11 16:36
除非是需要專業資格的工作, 否則出黎社會做野, 同你係邊度讀書冇乜直接關係
反而個人性格同工作態度, 都會影響你的經驗同際遇,
得到老闆上司睇得起你, 你就有更多發展機會
行行出狀元此言非虛,
如果為了邊行興起而走去讀果行, 我會勸你三思,
三年之後畢業係咩光景唔係一個中學生可以睇到, 報紙所講的只是反映現實, 沒太多指標性,
反而好好了解一下自己性格適合什麼行業, 更能在競爭下發揮所長
好多人為工作而工作, 讀書為了將來找一份好工,
覺得有些職業起薪點高一點便趨之若騖,
做一兩年覺得沒發展又想轉行, 兜兜轉轉最後也浪費了自己青春
這番說話會對來我公司見工的畢業生分享,
一來希望他們想清楚, 不要有工就見,
二來也不想請了個來玩玩下"體驗"生活的,
共勉之
作者:
陳細皮 時間: 2013-3-11 16:37
lol ..
[youtube]3inqi3OX1oU[/youtube]
作者:
coincidence2 時間: 2013-3-11 16:49
原帖由 zltc123 於 2013-3-11 15:37 發表
日本個case可能只係個別既姐 我唔知啦
以前學校都有2個日本人 一個男仔黎既 好好人 幾有禮貌咁啦
另外個女仔就細我兩三年級.. 好怕羞..但好得意好似公仔咁 講野都係 好多男仔追
其實我都覺得佢有D得意 但 ...
有次係一個POST講起上海人, 即引起果位上海樓主不滿 XDDDD
香港人的問題多的是, 可是近年佢地熱衷於踩強國人, 已經去到一個幾失控地步. 講到種族共融, 可能始終同新加坡地理環境不同, 再加埋本身以英文為官方語言, 溝通方式一致, 香港係種族政策呢方面係落後好多好多.
日本人因為禮儀因為尊卑分明, 好壓抑架. 又好重種族優越性. 朋友果時同日本仔約會, D日本仔都係無日本妹吼的"無大學畢業+無全職只有兼職的仔". 有得選都未必會搵華女拍. 反過來日本妹同中國/香港仔, 父母都會出聲反對, 唔好結婚. 咁總有接受到的父母, 但應該不是主流吧?
至少去日本人家寄宿. 有一個家庭就帶來D驚嚇, 唔計驚嚇果PART, 朋友都被個阿媽洗盡(講緊你比緊$去住的). 另一家人是中產, 表面客氣, 但有次好自然講起有得選一定選外國寄宿生可以教下BB英文 (講緊朋友都好識做幫手BABY SIS啦家務啦), 朋友聽見係有D HARD FEELING的.
不過咁, 香港人(唔計經歷侵華3年8個月的老人)好似一直以來都有種崇日風氣, 歷久不衰. 近年就韓風四起. 唔少人學外語. 崇韓. 多咗好多研究兩韓關係的學者. 近日有個男的都寫了唔少文章分析文化, 想香港人知多D人地韓國的政治與文化關係, 等港人唔好盲目只以表象睇人地國家的好, 崇韓之餘都放大眼光了解多D人地深層野
可能我見到太多人去幾次旅遊或在外一段仔時間,返來就踩踩踩, 我想, 佢地可以想下有咩方法 UPGRADE下香港人素質, 而唔係有$就想鬆人, 咁樣同D強國人無分別. BTW曾幾何時有批港人因為97問題都
仆去外國生BB的 XDDD
作者:
coincidence2 時間: 2013-3-11 17:07
原帖由 zltc123 於 2013-3-11 15:37 發表
日本個case可能只係個別既姐 我唔知啦
以前學校都有2個日本人 一個男仔黎既 好好人 幾有禮貌咁啦
另外個女仔就細我兩三年級.. 好怕羞..但好得意好似公仔咁 講野都係 好多男仔追
其實我都覺得佢有D得意 但 ...
反而覺得香港人講出面國家的人尤其西方/日本/韓國通常是正面的
講東南亞, 南亞就係高人一等的口吻
講香港人物, 有一批就好重視本土意識(97之後的身份重建), 有一批就因較大陸為西化文明而產生優越感, 有D就繼續吹捧英式精英主義, 有一批就慣性抬高外國. 但點都好真係好全方位深入咁反省(而唔係只係踩人), 又好似好少好少
我唔係見識多啦, 唔係咩地方都去過. 我自己好欣賞香港機場嘅效率/設施/服務架.
酒店業方面也是大致發展優良
飲食方面, 我覺得啦, 好多菜式都做得OK (在外國的其他國家菜式可以超嚇人), 選擇超多. 如果話咩地道呢, 講真真正地道的某D菜式又是否真係啱港人口味?
我唔係果D I LOVE HK嘅人, 但有時我又覺得香港唔係差, 當然啦我認同香港呢個地方比香港人可愛多了
[ 本帖最後由 coincidence2 於 2013-3-11 17:10 編輯 ]
作者:
coincidence2 時間: 2013-3-11 17:21
原帖由 sky_little 於 2013-3-11 16:36 發表
除非是需要專業資格的工作, 否則出黎社會做野, 同你係邊度讀書冇乜直接關係
反而個人性格同工作態度, 都會影響你的經驗同際遇,
得到老闆上司睇得起你, 你就有更多發展機會
行行出狀元此言非虛,
如果為了邊行 ...
好多人為工作而工作, 讀書為了將來找一份好工,
覺得有些職業起薪點高一點便趨之若騖,
做一兩年覺得沒發展又想轉行, 兜兜轉轉最後也浪費了自己青春 ----> AGREE
作者:
陳細皮 時間: 2013-3-11 17:34
原帖由
zltc123 於 2013-3-11 07:31 發表
真係多數係外國十幾年先慢慢feel到 來幾年果D多數都印象好好 多留幾年就會發現
另外我家人少出國 但做生意同外國人打交道多 都可以發現到呢樣野
另外
其實我覺得culture唔同習慣唔同
我心地好好有禮貌 ...
Ah 反而high school 時，我經常唔笑，好多白人以為我係華人幫派
仲有試過白人嚮隔離講我同當時女朋友點點點以為我唔識英文，我只好直接插嘴話，yes I am a lesbian and what else would you like to know?
我都覺得香港人比較難相處，TVB D勾心鬥角真係香港比較多。我pt做waitress，其實大陸客大部份冇禮貌係佢地文化，唔係話佢地衰，而係發現就算nice既都可以冇禮貌。真係好似王祖藍個角色咁。
仲有宜家細我幾年既人都以經好spoil（我八十尾）。無論香港人，台灣ABC，etc，人人都好似覺得畢業就大哂，錢好易搵，話搵唔到工，但係其實兼人工底揀工做，而自己冇工作經驗。好彩既係2nd/3rd generation immigration有家底，但係呢D十個有九個諗創業而又覺得自己實發。
哈！sorry 好似好離提
作者:
zltc123 時間: 2013-3-11 17:44
原帖由 coincidence2 於 2013-3-11 16:49 發表
有次係一個POST講起上海人, 即引起果位上海樓主不滿 XDDDD
香港人的問題多的是, 可是近年佢地熱衷於踩強國人, 已經去到一個幾失控地步. 講到種族共融, 可能始終同新加坡地理環境不同, 再加埋本身以英文 ...
我成日都話 果然大家都係中國人 D行爲都冇分别既一方面唔認 一方面又做埋同樣既野 不過你講到素質問題 小心被人打 我都唔敢講
反而中國内地咁大 人口咁多 素質問題當然有很大差異 而來香港既都係冇咩教育落來香港搶野搶福利既窮人 或 暴發户 其實我都好唔鐘意佢地 但香港人咪又一樣
有素質既人我相信内地會有更多
不過無論中國人外國人都好 自古以來都係有"高等人"睇唔起D"低等人"既人
作者:
zltc123 時間: 2013-3-11 17:49
原帖由 coincidence2 於 2013-3-11 17:07 發表
反而覺得香港人講出面國家的人尤其西方/日本/韓國通常是正面的
講東南亞, 南亞就係高人一等的口吻
講香港人物, 有一批就好重視本土意識(97之後的身份重建), 有一批就因較大陸為西化文明而產生優越感 ...
我覺得最地道既係香港人本身 佢地既語言
作者:
zltc123 時間: 2013-3-11 17:52
原帖由 coincidence2 於 2013-3-11 17:21 發表
好多人為工作而工作, 讀書為了將來找一份好工,
覺得有些職業起薪點高一點便趨之若騖,
做一兩年覺得沒發展又想轉行, 兜兜轉轉最後也浪費了自己青春 ----> AGREE
我覺得工作爲生活 搵到錢生活到就冇所謂然後生活同工作係分開既不過係香港難做到囉 工時長 有人甚至週末都要返工不過無所謂對我來說 定時有假期就ok 我都係一個工作狂 太多假我會發狂
作者:
zltc123 時間: 2013-3-11 18:07
原帖由
陳細皮 於 2013-3-11 17:34 發表
Ah 反而high school 時，我經常唔笑，好多白人以為我係華人幫派
仲有試過白人嚮隔離講我同當時女朋友點點點以為我唔識英文，我只好直接插嘴話，yes I am a lesbian and what else would you like to know ...
我因爲唔笑比人恰 仲有D先生都係咁幼稚2x歲果D幫手唔係冇禮貌=文化
係文化唔同
copy 我早前同一個台灣朋友講既野吧
"有時無禮無理也可以很主觀
大家也有不同的standard
可能是其他地方的standard比較全球化
而某些地方小數人就變成"異類"了
所以正常人才接受不到
不過相處過後時間能證明這個人到底是怎麼樣
我就是說話大家覺得比較直的人
因為我不是在香港成長
性格比較像外國人 爽朗 說話比較直不會繞彎 不會耍心計
在英國大家覺得我很有禮 在香港性格和我差不多的 不愛計較的也覺得我是很有禮
可是有些人 或是一些憎人富貴嫌人窮的偏見
會覺得我說話有點嗆和無禮吧
其實我本來真心的完全就沒那個意思
說說內地人吧 東北人相信大部份人都說他們說話直
我最近認識一朋友是東北人 我伴侶的朋友
那時我還在英國 她跟我視頻
我伴侶說 別這麼酷 和她說話
我就問那朋友我酷嗎
她就說沒覺得我酷就覺得我胖
一開始我有點不習慣
但我伴侶說她們那邊人都那樣的 沒惡意 她是好人
之後我到了內地旅遊找我伴侶也有見見她
她人是真的很好 很好客 做家鄉菜給我們大家吃 一直給我加飯
都吃兩碗了想吐還再給我一個大饅頭 說這些香港都沒得吃 讓我多吃些
而在場她覺得比較熟是自己人的人 她就讓她們別吃那麼多還罵她們
說要留給我 她們什麼時候都能吃
我心裏覺得不至於這樣吧 讓我有點不好意思
不過這是她們的習慣 好客也是禮貌?
我覺得 跟這類說話直或是大家覺得的無禮的人交朋友總比給人感覺很有禮貌心裏卻不知在計算什麼的人好吧
我伴侶認識很多東北人 原來還有更誇張的
滿口髒話很平常的事
說她到一個地方試工作 看適應不適應才決定要不要留下
那上司很火爆經常罵人(東北人) 每天都好像罵的好辛苦
我伴侶一天就習慣了 如果是她日日這樣挺辛苦的 不過她們東北人可能不會吧 習慣
還有第二天聽到那上司打電話跟家人說話
好像是那上司的弟弟不生性 她也滿口髒話的罵
還問候母親(弟弟母親就是上司的母親 她母親在旁聽著她罵呢)
對她們來說都好像很平常一樣
所以其實可能只是某些人性格火爆 說話直和習慣的問題
她們無意對別人無禮的 當然並不是說這樣就理所當然了
在社會上跟人打交道 有些事情就要按著社會大家認同的rules和standard來做事
比如說雖然自己沒惡意 但是讓別人覺得沒禮貌了也要改改 檢討一下
但我們是不是也可以體諒一下她們
還有就是內地很大13億人口 什麼樣的人都有吧 就幾個覺得無禮 或真的是無禮也不等於所有人也那樣"
作者:
zltc123 時間: 2013-3-11 18:13
其實 早前discuss見到個post
D人話係膠post 我睇都覺得係玩野
講樓主in人 請form 5 但只有大學生in
咁職位係文員 佢話個大學生好似街市買野講價咁
比7xxx 人工佢 個學生拍臺走人
之後樓主就被好多人鬧佢請大學生都比7xxx 叫佢食x
其實職位一樣唔會因爲你學歷高而比多D你囉
會唔會你有博士 走去做麥當勞比2萬人工你先
做文員 冇經驗 白紙一張咩都要學
比錢你教你野賺到啦
你有學歷+有料都唔洗見文員啦俾多你當鼓勵
俾得少都唔係唔應該囉
[ 本帖最後由 zltc123 於 2013-3-11 18:49 編輯 ]
作者:
sky_little 時間: 2013-3-11 18:35
原帖由
zltc123 於 2013-3-11 17:52 發表
我覺得工作爲生活 搵到錢生活到就冇所謂然後生活同工作係分開既不過係香港難做到囉 工時長 有人甚至週末都要返工不過無所謂對我來說 定時有假期就ok 我都係一個工作狂 太多假我會發狂
生活同工作係分開既不過係香港難做到囉 <- 你指香港好難做到work life balance?
睇你做邊一行啦, 大部份office工都係五天工作
比起其他國家, 香港看似好恐怖, 工時長又要效率高,
但同香港人做野直截了當, 快靚正, 唔會同你吹水雕花,
你有能力就有機會上位, 得到老闆重視或自己創業也可以
在外國語言是主要問題,
先不要理他們好不好人, 你無法跟他們如朋友般溝通的話總會有差別,
再就文化差異不只是思想上, 價值觀也不同,
要說下去可以寫論文了...
作者:
zltc123 時間: 2013-3-11 18:59
原帖由 sky_little 於 2013-3-11 18:35 發表
生活同工作係分開既不過係香港難做到囉 <- 你指香港好難做到work life balance?
睇你做邊一行啦, 大部份office工都係五天工作
比起其他國家, 香港看似好恐怖, 工時長又要效率高,
但同香港人做野直截了當 ...
問題係好多人都唔係咁諗嘛
好多人覺得工時長
冇機會上位
做得好冇人工加
事實係唔係咁呢
有咩都靜係識賴人 唔識檢討下自己
我唔排除真係有D衰雇主
但係唔係真係話 你唔做就大把人做 咁簡單
請個人返黎D野唔洗上手 請個新人返黎唔洗教？
你做得好 自然有人工加
就算有D唔識做唔加你 你搵上門都會加啦
唔通唔俾錢留住你 請過個再浪費時間等佢上手或教過咩
我真係見過好多單話
要結婚或要買樓來做理由
走去搵個老細加人工
但係成績又交唔到
而加D人好多人都咁諗野:買樓結婚生仔唔係老細貼就政府貼
有咩就先賴人地
作者:
little 時間: 2013-3-11 22:40
原帖由 zltc123 於 2013-3-11 18:59 發表
問題係好多人都唔係咁諗嘛
好多人覺得工時長
冇機會上位
做得好冇人工加
事實係唔係咁呢
有咩都靜係識賴人 唔識檢討下自己
我唔排除真係有D衰雇主
但係唔係真係話 你唔做就大把人做 咁簡單
請個人返黎 ...
我情況不是上述的原因，我份份工都是做突，只是做人太直，不常對上司托大腳和擦鞋，對同事就不喜歡埋堆圍圍喂， ，不跟從他們「可敬」的工作態度工作，我有遇過好的上司，時間不對他就被調到天涯海角，否則我早就上岸了。在有興趣工作範疇上找到滿足感呢!
[ 本帖最後由 little 於 2013-3-11 22:41 編輯 ]
作者:
little 時間: 2013-3-11 23:10
原帖由 陳細皮 於 2013-3-11 06:16 發表
Btw 有D外國人係nice 但係真係假得可怕。歐洲人其實非常冇禮貌。
我認為「假」不是最大問題，「禮多必偽」，我們跟別人相處都會免不了假，是用來保護自己免受傷害，有時假變成為一種習慣，更是一種教養，日本就是最佳例子，但我不會對那種假反感，認為這是文明跟同理心的彰顯，使日本人面對危難表現出很強的韌性，不容易引發像過去美國某城市無法無天的暴亂。「假」的好處大於壞處。
但美國人那種假是不斷透過動聽的演說把別國分化，從中挑撥別國的紛爭又假意前來扮作和事佬，左右逄源，把別國利益陰乾挖盡，受害國還以為美國是個可靠的伙伴，真是「給人賣了，還替美國數鈔票」。
你認為歐洲那國人最不受歡迎? 是法國嗎?
[ 本帖最後由 little 於 2013-3-11 23:16 編輯 ]
作者:
jth 時間: 2013-3-11 23:24
睇返晒D post,
如果話大陸人講野直係一種文化, 咁外國人表面功夫多都可以係佢地文化丫,
一種就係心直/習慣, 一種就係假? 咁對兩者嘅意見會唔會有D唔太consistent?
始終覺得同人相處唔係一句"習慣係咁"就可以隨便做人地唔鍾意嘅事,
當然唔計一D原則, 或然唔關文化事嘅野, 比喻公義道德衛生等等, 可以堅持,
叫得"相處"即係已經唔係一個人嘅事,
做左人地唔鍾意嘅事, 就用"習慣係咁"黎做擋箭牌, 真係啱?
點都覺得, 除左要堅持嘅事, 入鄉隨俗都係應該做嘅事
no offence
[ 本帖最後由 jth 於 2013-3-11 23:27 編輯 ]
作者:
jth 時間: 2013-3-11 23:39
仲有就係,
而家ot唔一定要補水, 就算間公司5天工作, 都仲未係work-life balance嘅保證,
而大量統計都講過呢十年人工中位數係完全跟唔上各物價中位數嘅上升, 人工相對低左係事實, 唔係純粹d人唔檢討自己做野能力咁簡單
同樣no offence
[ 本帖最後由 jth 於 2013-3-11 23:40 編輯 ]
作者:
zltc123 時間: 2013-3-12 01:25
可能我表達能力唔好啦
其實我意思係 假同文化唔係對立
我只係用外國文化(係咪都thankyou please sorry)同內地文化對比
冇錯習慣唔等於文化
但文化包含習慣(當然唔係講緊個人習慣壞習慣 即你所用 習慣 一詞既意思)
每個culture都有共同習慣, 行為,語言 等等 = 文化
亦都冇話 一個culture要就另一culture
我從來"一句"習慣係咁"就可以隨便做人地唔鍾意嘅事"既意思
而呢個講法只係個人習慣才會valid 咁大家就可以話唔應該咁
而我所講既習慣係文化
好似上面咁講 唔係一個culture就另一個culture
同意你講既相處唔係一個人既事 所以才要理解體諒遷就包容
我覺得大家都係平等 但有D人就認為自己係高等人 認為某D人係低等人 冇文化 又或自我感覺良好 太高自己 踩低人 階級觀念?
講真某D人唔中意某D人既行為 而果種行為正正係自己既地方自己人十幾二十年前都係度做緊 而某地方根本就係太大 個個地區發展進度根本都唔一樣 唔通要求人地同步?
至於公共衛生既問題 我都好討厭 但根本就唔應該標籤曬所有某地方人就係咁 更何況某地方咁大 要看清楚來我地地方既人做D咁既事都係D咩人 來自某地方既邊一類人? 多數都係窮人(黎搶福利)暴發戶(黎炒樓掃貨) 冇咩教育
所以我重點只係話 平等同唔好標籤 相處係要互相理解遷就包容
OT唔補錢係咪雇主問題 相信個個case都唔同 難道返工錢冇傾清楚講清楚?
如果有都要做 咁唔係雇主問題了
再講 好多專業OT得多過普通人 都係冇得補 呢個世界搵食就係咁
要balance既咪轉工轉行搵D自己岩既工 犧牲一下錢途囉
有人律師唔做走去private教學生 又唔穩定 工時唔定 點解?
佢覺得律師工作沉悶又多工作 工時長 計返雖然搞salary根本就唔值 又學唔到野
教學生 就岩佢 可以自己一邊學習 又冇咁悶 一邊讀埋個PHD想做大學教授
至於統計 其實好多統計能告訴你的事情都唔係好多 甚至每個人解釋統計數字都唔同 亦都有人會利用統計數字
再講 我也沒說過 唔檢討自己做野能力同十年來人工低左係有關
但我可以好肯定我將來要結婚生子買樓同我老細冇關@@
作者:
sky_little 時間: 2013-3-12 02:51
原帖由
little 於 2013-3-11 22:40 發表
我情況不是上述的原因，我份份工都是做突，只是做人太直，不常對上司托大腳和擦鞋，對同事就不喜歡埋堆圍圍喂，
，不跟從他們「可敬」的工作態度工作，我有遇過好的上司，時間不對他就被調到天涯海角，否 ...
咁懷才不遇的你現在工作如何呢 ? 做自己有興趣的事開心嗎?
應付不同性格的上司也是一種學問, 但大致上總離不開工作表現和態度,
把事情做妥當, 邀功便留給上司, 總之佢好你都會好
到了自己成為上司, 便發現人事管理才是困難,
沒有人一出世便懂得做好老闆好上司,
所以就不要太介意誰是好是壞吧, 壞的上司也可能有一天會開竅
作者:
coincidence2 時間: 2013-3-12 10:27
原帖由 little 於 2013-3-11 23:10 發表
我認為「假」不是最大問題，「禮多必偽」，我們跟別人相處都會免不了假，是用來保護自己免受傷害，有時假變成為一種習慣，更是一種教養，日本就是最佳例子，但我不會對那種假反感，認為這是文明跟同理心的彰顯 ...
我覺得欣賞別國人民的好, 正常, 但也不能過份盲目. 每個國家每個民族都有自身問題.
好似講到"文明和同理心彰顯", 我地打開報紙, 都見到福島女人點被人歧視無人想要, 都見唔少電影電視劇講人與人之間的欺凌 (尤其是校園的), 亦見到勇於揭露侵華真相的日本人點被自己人指點恐嚇. 而日本是很在乎輸贏的民族. (再講遠D, 為咩日本和德國2個曾經變為瘋狂的國度, 都係民族性較秩序井然?) 果份同理心會唔會唔係真係一視同仁?
題外話, 我比較佩服日本人對人性陰暗面的刻劃的入目三分的功力, 同時又成日彰顯人性光輝. 睇過菊與刀已經忘記大部份內容, 但日本人的矛盾性和詩意可能大抵就是菊與刀的影像化
我地睇到人地的好時, 也可以學以致用. 可惜香港人總係一有$就飛去日本食買玩, 返到來讚不絕口, 但返到來又繼續做番佢嘅典型香港人, 唔會話從此生活中學下日本人的好/有禮貌. 可能到時又賴係環境培養唔番去旅行時的MOOD+反正呢到人人都咁上下?
再講遠D香港人咁鍾意台灣, 但又係唔會從此學下台灣人嘅好.
最學得叻就是開店SELL係日本來佬貨/食物/日本材料, 但就是唔學精神層面的事
作者:
coincidence2 時間: 2013-3-12 10:58
原帖由 zltc123 於 2013-3-12 01:25 發表
可能我表達能力唔好啦
其實我意思係 假同文化唔係對立
我只係用外國文化(係咪都thankyou please sorry)同內地文化對比
冇錯習慣唔等於文化
但文化包含習慣(當然唔係講緊個人習慣壞習慣 即你所用 習慣 一詞 ...
近年我覺得最難頂係唔少人一有咩衰野就反問 "現在香港人係咪真係香港人先?"
講緊當被人話香港人都做一D唔公德行為啦, 就自然有呢D回應. 簡單講咪即係香港人好有品架, 無品果D一定係新移民
我都好唔鍾意D雙非單非生仔攞著數, 態度又衰, 醫護人員好辛苦, 港媽又一肚火. 但問題係一開始是政府曾經有意打造香港醫療事業架, 唔係為咩以前大開中門比人來生仔, 間間私院都開天殺價. 其實公立醫院最唔WELCOME的是無$$$$又來搵計生仔的大陸人. 至於引申而來的學童跨境返學, 等等, 都涉及政府無做好流動人口計算.
成日話香港係多元社會, 我覺得呢個TERM好肉麻. 正在壯大中的南亞/東南亞社群, 政府唔多想理, 動作好慢. 白人就從來都唔須要因為生存而學廣東話. 佢地有D人走去學佢喜歡吧. 日韓社群有自己地頭, 會所, 餐廳, 港人飲食雜誌又大講特講, 我好懷疑佢地是否唔想港人踩曬入去 XDDD
然後就是所謂土生港人(但又包括當年因為共產黨而係上面走落來的一代, 即唔少50後 60後的父母) 和大陸新移民 (單非佔多數, 投資移民, 來港學生), 同埋自由行
好啦有條友問我, 如果香港都經歷十年文革, 農村文化抬頭, 人人一腳牛屎, 香港人會唔會都變曬形? 我唔敢想像唔敢答, 君不見回歸之後, 大把人變應聲虫, 唔少人只想安定緊跟大陸而走, 包括唔少"受英式教育的精英AO", 我就唔想答條友問題 XDDDDD
作者:
jth 時間: 2013-3-12 21:47
政府曾經有意打造香港醫療事業去到而家大量雙非嘅後果由香港人承受, 合唔合理就要睇埋政府係咪我地授權, 或者睇我地有冇權授權
如果唔理呢點就要每個香港人都受晒d惡果, 其實好無辜
如果香港經歷過大陸一樣嘅事, 我信會一樣,
但而家最大嘅問題會唔會係, 當我地覺得佢地有d野唔好嘅時候出聲, 然後佢地會一句"要不是大陸照顧香港就死了"duck埋黎, 完全唔聽人勸, 咁先係最大問題?
唔係要人地一下子就改晒, 但有冇盡過力相信我地會識睇,
唔係要話邊個文化高d, 只係要話接唔接受, 同埋"接受或唔接受"嘅原因合唔合理,
都係嗰句, 除左一定要堅持嘅事(eg. 公義/道德/宗教), 仲有樣野係入鄉隨俗,
即係話, 當地嘅"俗"只要唔違反一定要堅持嘅事(eg. 公義/道德/宗教), 就算唔可以即時改, 都應該至少嘗試過
我諗, 最令人不滿嘅, 係嗰種連試都唔試嘅態度吧?
補充, 係可以唔接受當地嘅"俗", 但閣下唔接受然後為當地人帶黎嘅影響, 當地人都可以唔接受
[ 本帖最後由 jth 於 2013-3-12 22:00 編輯 ]
作者:
jth 時間: 2013-3-12 21:55
要balance生活同工作, 除左錢, 仲有身邊嘅人嘅說話呀,
要知道香港人好鍾意話唔跟主流, 或者唔係搵錢至上就係唔上進,
當然可以話有決心就唔駛理, 但唔等於要balance下都要咁大決心嘅情況唔值得質疑同要求改變有問題呀...
作者:
zltc123 時間: 2013-3-12 22:22
公平點
"要不是大陸照顧香港就死了" 最大問題?還是放大鏡放大?
除左呢句 我相信內地人仲講左好多野添
但係香港人又講過D咩? 根本就小朋友吵架一樣
人人都有夢想 但現實又另一回事
當大部份人都係咁既價值觀既時候 唔跟咪有問題囉
但唔係有問題唔係講緊人地話唔跟既人有問題
而係唔跟既人自己有問題有困難
咁唔想跟既人有兩個辦法既 繼續埋怨
又或者去做個英雄改變社會改變個價值觀囉
以往minority influence例子唔係冇
加油
作者:
zltc123 時間: 2013-3-12 22:30
原帖由 coincidence2 於 2013-3-12 10:58 發表
近年我覺得最難頂係唔少人一有咩衰野就反問 "現在香港人係咪真係香港人先?"
講緊當被人話香港人都做一D唔公德行為啦, 就自然有呢D回應. 簡單講咪即係香港人好有品架, 無品果D一定係新移民
...
咁岩今日見到人地fb share:
明眼人——
甚麼樣的香港人
"我的女兒往年取得日本遊歷和工作簽證後，往京都某間五星級酒店工作，由於她能說普通話及英語，所以安排在酒店大堂做接待員。這酒店接待的旅客來自世界各地，有不少更來自香港。她告訴我的一些經歷，導致我多番思考，究竟香港人為何會變成如此這般呢？
當女兒將完成她在酒店的工作時，她向很多位同事做了調查，了解那些國家的旅客最「乞人憎」，結果香港人竟排在頭三位內！她追問究竟香港人在哪方面出現問題，那些日本同事異口同聲表示，香港人最喜歡投訴，小小不滿都會高調地找不同對象投訴，經常要找最高負責人對話，又要求酒店員工提供又平、又好食的飯店資料，要求甚多；在公共地方以八十分貝的聲浪交談，再加上有些香港名人是這酒店常客，他們的行為更令員工們十分反感，包括毫無禮貌，以「老奉」的態度吩咐他們做事。
我的女兒表示也有同感，她不明白為甚麼香港人是投訴狂！在我二十年的議員生涯中，同樣發覺無論我在酒會、高級餐廳、茶餐廳，甚至乎在外地旅遊點遇到港人，我都會收到港人不同內容的投訴，有些投訴是關乎個人的，有些則對整個社會作出投訴，總之是多多苦水，到底投訴的基因是否已充斥在香港人的體內？已成一種風氣？
凡事投訴的行徑反映出心態上相當有問題，首先是缺乏冷靜及較深入的思考，有小小不滿意的便投訴，其次是缺乏包容的胸襟，缺乏自我反省的能力。再嚴重的會逐步變成每事挑剔。這時候令我想起政府的宣傳片中，有段對白：「停一停，諗一諗」，這原是呼籲市民收養寵物時要深思熟慮才好，我覺得這呼籲對我們港人同樣適用，當面對不滿的情況時，請「停一停，諗一諗」，究竟這問題你了解有幾多？有幾深？投訴是否唯一的解決辦法？
如果我們多些反求諸己，多些自我反省，不是每次都將別人的短處來加以放大，我絕對相信香港人會變得可愛些。不會使到那間京都酒店的員工再把香港人放在「乞人憎」的榜首！"
李華明
(文章來源：頭條日報〈明眼人〉- 8.3.2013)
作者:
little 時間: 2013-3-13 02:38
原帖由
sky_little 於 2013-3-12 02:51 發表
咁懷才不遇的你現在工作如何呢
? 做自己有興趣的事開心嗎?
應付不同性格的上司也是一種學問, 但大致上總離不開工作表現和態度,
把事情做妥當, 邀功便留給上司, 總之佢好你都會好
到了自己成為上司, 便發 ...
hi 沒有懷才不遇，我沒有什麼材，只有一顆心，最大原因都是不識做人。個性好難改，最多圓了些。 工作不順利，有舊賤小人在暗地搞事，製造事端，精神壓力大，我對做管理沒有什麼興趣/不適合，現在都是博一個休息我機會可惜都是達不到。多謝關心啦!
作者:
jth 時間: 2013-3-13 04:25
哈哈, 咁我信香港人都有好多種, 唔係淨係得你睇到嘅負面,
不如呢樣都公平點?
都係嗰句啦, 冇人要外地人一入境就咩都同當地人一樣, 但至少請嘗試過融入
抱怨同有冇行動冇衝突呀, 不滿時sun下唔等於咩都冇做吧
當然你可以話你見嘅人都係淨sun又咩都唔做,
但又用返你講嘅, 公平d, 人有好多種呀
作者:
zltc123 時間: 2013-3-13 05:14
哈哈d乜@@ 是真有幽默的還是惡意的笑?
看來再說下去要變筆戰了 都已講到冇野講用埋我句說話"公平點" 同 "唔好標籤"
在離開之前澄清一點吧
你最後講得很對
我很公平 我的post從沒對香港人以偏槪全
另一點我沒有睇到香港人好負面 只道出某些香港人的問題或他們指責別人同時犯同樣的問題 這是就討論的話題提出例子 並不等於我看得香港人負面
比如說 如果說英語水平 我可以說很多香港學生的英語都很好
quote到的話可以嘗試 但請勿用斷章取義 相信大家都會看得到
最後 我係一個父母都是香港人+香港出生的100%香港人
唔好當左我係敵人先得架 只係講d野有部份hk人唔岩聽姐
此post不再回復啦 希望呢個新forum冇舊forum會員mxxhx 啦
作者:
jth 時間: 2013-3-13 20:35
純粹係覺得有D標準唔太一視同人吧了
我係睇晒綜合埋先回, 冇指定係邊個, 只有指定邊點
其實我冇每個pt都要jur住呀, 無意筆戰
| 歡迎光臨 Blur-F (reconstructed) (http://blur-f.freebbs.tw/) |
Powered by Discuz! 5.0.0 |