Blur-F (reconstructed) - Powered by Discuz! Board

標題: [生活] 有感而發：細個個陣煩太多感情事既後果... [打印本頁]

作者: fruitless 時間: 2013-4-4 05:43 標題: 有感而發：細個個陣煩太多感情事既後果...

情感太豐富？
當一般人都係中學努力讀書既時候掛住暗戀同拍拖大個左之後實在唔夠其他人叻同知得多
因為細個都唔專心讀書＞＜
有人有同感嗎？

作者: -hazel- 時間: 2013-4-4 11:34

雖然未必個個都會係咁但無可否認我係
我一直好後悔form5掛住拍拖無好好讀書
搞到而加條讀書路走得比人辛苦。

作者: 印度人 時間: 2013-4-4 15:37 標題: 回復 #1 fruitless 的帖子

好認同, 亦都好後悔點解讀書年代果陣就為左感情事荒廢學業.
最攪笑係我本身中學果陣F.1-F.3都考得好好, 到中三果陣開始
真真正正明白自己取向, 再繼而同一個好朋友表白(錯哂對象)
所以升唔番原校, 仲攪到由大埔去到長州讀書. 錯誤仲要延續,
如是者中五之後就升唔到預科, 一路到出黎做野先知道自己幾ON居.
所以對呢一代既年青人我會有以下勸告, 無論咩時候都要以學業為重.
可能好多人會講讀得多書無咩用, 大學生週街都係, 或者週街都係博士碩士.
但當你無大學學位, 出黎搵野做俾人歧視果陣你就會明白社會規則係封建既.
出左黎做野再讀番書呢個過程係好辛苦, 要有堅強既意志同努力先可以完成.
所以書都係趁後生讀, 當你有成績, 有事業果陣你就會易D去建立其他野.
大家共勉之.

作者: witch 時間: 2013-4-4 16:32

或者我老土，到而家我都仲係認為中學生係唔應該談戀愛既。個人根本未夠成熟去處理感情關係，順順利利就話啫，唔係既話不單止影響學業，有啲仲要生要死咁，浪費左父母對自己既培育，為咩呢？

作者: Quantum 時間: 2013-4-4 17:27

我又冇咁諗…
有冇拖拍我都係咁讀，所以唔係因為拍拖搞到荒廢學業，只怪自己當時唔識諗要讀好ｄ書…

作者: little 時間: 2013-4-4 17:30

QUOTE:

原帖由 -hazel- 於 2013-4-4 11:34 發表
雖然未必個個都會係咁但無可否認我係
我一直好後悔form5掛住拍拖無好好讀書
搞到而加條讀書路走得比人辛苦。

算啦!現在香港社會、經濟結構轉型，發展停滯不前，有時學歷好都不及有人事關係或家中有個錢幫，以前要用十年八載才可以拿回學位或高級文憑，現在你只讀什麼毅進、展翅hea上，就已經等如5科合格(別人都要真的用心讀才可以收回基本成本)，而有父母再肯比幾十萬，就有文憑或學位，已比先輩容易，就算你自己付學費，家不用你直接負擔，你的壓力當下少了一大半，半個自由身，只要你下一番工夫，現在學歷洗底機會都是比以前容易、快捷。

本身是用心讀書，緊張自己，永遠都會行先一步，過往不是這樣都要生活下去，我真見有同學的妹妹以前無心向學，掛住拍拖，「要幾壞，有幾壞。」但只要家中能力有剩，付得起，有空間給她回頭，她也可以讀完毅進，再讀高級文憑。否則舊日子，她憑什麼以會考零分做警員，拿接近2萬人工?外面做個Boy 都成疑，有時要自己找尋階梯向上爬，總有苦盡甘來的日子。
努力，不要灰心!

[ 本帖最後由 little 於 2013-4-4 19:38 編輯 ]

作者: imafool 時間: 2013-4-4 18:44

我成日覺得細個做野做得唔夠好既後果係要用成世慢慢去償還
(我係perfectionist)

作者: apt 時間: 2013-4-4 18:52

中學果陣係甘大學果陣又係甘
其實我覺得自己mentality真係應付唔到relo入面既emo roller coaster
但係又唔可以抽身而去

作者: little 時間: 2013-4-4 19:35

QUOTE:

原帖由 imafool 於 2013-4-4 18:44 發表
我成日覺得細個做野做得唔夠好既後果係要用成世慢慢去償還
(我係perfectionist)

每個人的成功，總有遠因和近因，自己本身的條件及背景外，際遇都很重要，何況現今社會變數大那麼多，都是做好了自己，才想別的。望希人生路上遇到多些知你者，使自己不孤單。

[ 本帖最後由 little 於 2013-4-4 19:41 編輯 ]

作者: difficult4 時間: 2013-4-4 20:15

夠成熟先可以避開感情野
再成熟D 更加可以令有感倩事都影響唔倒學業
有人因為拍拖而無心向學, 亦有人因為partner 支持而讀得更好
都係睇識唔識處理je

作者: aaa9 時間: 2013-4-6 06:55

我都經歷過XD F4個陣搞到學都唔返XD 好彩好快散左,第一次學識心痛同戀愛大過天既禍害.
而家拍左幾次拖後,打左疫苗. 學識如何turn off emotion. 一做野就咩都唔理,無敵了~XD

所以我其實幾慶幸有呢D經歷,令我成熟左

作者: sado 時間: 2013-4-6 11:33

咁但係都係青春既一部分黎既, 重點係你有冇自制能力對感情以外既野有冇要求
細個讀書個時往往係拍拖/追人個陣考得好, 可能係個人想鍾意既人認同自己。

作者: Forget_me_not 時間: 2013-4-6 17:04

阿媽响我細細細個時, 已經教我唱:「學生哥, 好溫功課, 咪剩係故住拍拖」
所以讀書時只有暗戀對像, 無諗過拍拖, 雖然都有男同學追, 不過始終放唔底阿媽教落呢句
E+諗返轉頭, 其實都啱, 以前細路仔心志未成熟, 咁細個失戀又失身好傷架, 如果有埋小朋友仲慘, 呢世命運就咁改寫
所以我讚成小朋友唔好貪玩就拍拖, 人生路有排行

作者: cheuk 時間: 2013-4-6 19:15

見過一些本身聰明既同學, 因為拍拖而荒廢學業
亦有一些朋友, 後悔因為細個掛住讀書, 冇青春既戀愛回憶
有得必有失, 我諗所有野都係找個平衡點吧

我自己中學時開始拍拖, 完全冇影響到學業
我贊成學生應該談戀愛, 但最好係健康單純既關係
雙方要保持理智, 以未來為目標, 一齊在關係中進步

作者: little 時間: 2013-4-7 00:15

QUOTE:

原帖由 cheuk 於 2013-4-6 19:15 發表
見過一些本身聰明既同學, 因為拍拖而荒廢學業
亦有一些朋友, 後悔因為細個掛住讀書, 冇青春既戀愛回憶
有得必有失, 我諗所有野都係找個平衡點吧

我自己中學時開始拍拖, 完全冇影響到學業
我贊成學生應該談 ...

世道改變，以前就不准學生拍拖，現在是要教導學生懂得安全性行為(直人)，女女戀就要重視拍拖時的分寸，理智的人通常會安排好時間，不會因拍拖而荒廢學業，不過出來社會工作後，若那個伴侶不是跟她同步或同處於一Level，好快會散，年青人都是想再向外找刺激，開眼界才甘心。

作者: paperclip 時間: 2013-4-9 01:39

其實我覺得感情事都係要學，要練習嘅。
如果你細細個淨係掛住讀書，大個對住女仔成碌木咁…
可能你又會後悔細個冇學過處理感情事呢。

作者: coincidence2 時間: 2013-4-9 10:03

樓主應該唔係好老, 30以下吧? 有時唔好太回頭望, 與其怪自己當年"錯咗", 不如現在做番D野去改進自己會有意義D? 雖然會辛苦好多, 睇你的唔的起心肝, 同埋返咩工工時容唔容許你進修.

作者: coincidence2 時間: 2013-4-9 10:13

QUOTE:

原帖由 Forget_me_not 於 2013-4-6 17:04 發表
阿媽响我細細細個時, 已經教我唱:「學生哥, 好溫功課, 咪剩係故住拍拖」
所以讀書時只有暗戀對像, 無諗過拍拖, 雖然都有男同學追, 不過始終放唔底阿媽教落呢句
E+諗返轉頭, 其實都啱, 以前細路仔 ...

身邊都有D女性朋友(直同LES都有), 都係中學時拍拖拍到天昏地暗. 嚴重影響學業

不過佢地有幾個都中學畢業之後, 自己的起心肝讀番上去, 半工讀, 最後都有番個DEGREE

有個仲要係返SHIFT添

依家外人係睇唔到佢地曾經年少輕狂過的 XDDDD

有時D野, 事在人為係好重要. 樂觀D睇, 20幾歲終於知道自己有咩不足, 仲有時間體力去追番, 與其花時間去自我怪責, 不如由呢一刻開始搵D方法解決個問題會唔會好D?

作者: coincidence2 時間: 2013-4-9 12:02

職場失意 32歲港女赴台追大學夢

明報明報 – 6小時前

相關內容

兩名現於台師大僑先部就讀的港生王倍鴻（左）及呂莉筠（右），均希望於台灣考入心儀學系一圓大學夢。（勞雅文攝）查看相片

兩名現於台師大僑先部就讀的港生王倍鴻（左）及呂莉筠（右），均希望於台灣考入心儀學系一圓大學夢。（勞雅文攝）

【明報專訊】港生往台灣升讀大學，其中一個途徑是參加「聯合分發」制度參加台灣派位，學額共有1.3萬個，計劃昨日截止，共接獲3829人申請，與去年相若。未能入讀心儀學科或未達最低收生要求，亦可透過國立台灣師範大學僑先部一年先修課程入學，其中有工作多年的港人因會考失意而提早投身職場，月薪停滯1萬多，決赴台重拾課本爭取「沙紙」，盼獲「重生機會」。

台大學聯招接3829港人申請

台灣大學的聯合分發制度，供香港文憑試學生報名，可因應個人興趣及成績填選70個志願，最遲8月中公布結果。

若申請人未能入讀心儀學科或未達最低收生要求，可先報讀國立台灣師範大學僑先部一年先修課程，畢業後報考其他台灣大學課程，僑先部指即使零分生也可「多個機會、多個選擇」。

穿上一身整齊校服、束起長髮的呂莉筠，接受訪問時反問記者「估吓我幾多歲？」笑言自己已32歲，但當初因為英文能力較弱，入讀英文中學後「科科都用英文」，成績更大倒退，結果會考僅得3分。

「台灣讀書唔想請假」

莉筠畢業後工作15年，雖然近10年均從事餐飲業，但一直苦無晉升機會，「做得辛苦只得萬二蚊一個月」，經朋友介紹下她決定放棄工作，動用多年儲蓄赴台升學。因成績未達標，莉筠先入讀僑先部，希望可考入當地觀光餐飲名校國立高雄餐旅大學。她現時很享受重返校園的生活，擔任班長的她經過校園不同角落均有同學向她打招呼，她說：「香港讀書會唔想返學，但喺台灣讀書係唔想請假。」

另20歲港生王倍鴻會考獲14分，惜高考失手未能留港升讀大學，他有信心憑一年先修班成績考入心儀的航空太空工程學系，又指身邊同學均以大學為目標，形容今年「讀書以來讀得最辛苦」。

作者: amon 時間: 2013-4-9 14:41

我中一二o果陣係因為暗戀一個高年級姐姐所以先鐘意返學.
每日都期待/希望會見到佢趕入校門, 開lockers,
係lunchroom見到佢食飯, 見佢係到傻笑...
佢其實係我中一第一個學期教我英文的,
暗戀佢令我成績好左.
依個姐姐畢左業之後我都有鐘意其他人;
就算隔離坐住個心儀靚女, 摸住佢大脾上堂都無礙我既學業 (中學真好, 好多好正既女生 =v=)

作者: paperclip 時間: 2013-4-10 01:48

諗翻呢，我小學升中成績一般，因為未追得上。
初中突然有個學期突飛猛進（托賴之後一直都keep到），正正就係初戀嗰個學期。
我唔夠膽講關唔關事，但我記得一件事…
某科考試我話自己冇乜溫，佢同我講佢好失望，之後嗰科我出埋奶力咁溫！

作者: fruitless 時間: 2013-4-10 02:06

QUOTE:

原帖由 coincidence2 於 2013-4-9 10:03 發表
樓主應該唔係好老, 30以下吧?

女人的第六感哈哈

作者: coincidence2 時間: 2013-4-10 10:27

QUOTE:

原帖由 fruitless 於 2013-4-10 02:06 發表

女人的第六感哈哈

準唔準先 XDDDDD

作者: fruitless 時間: 2013-4-10 20:24 標題: 回復 #23 coincidence2 的帖子

你點估得出？
仲想扮老女人扮細路女

其實我想探索既“叻”唔淨係指學位學歷個D title.. (i'm not for social class discrimination)
而係你行出黎比人個感覺, （且不講修養）係咪有學識智慧
（講真好多人讀完名校大學出黎又點，都係一舊飯）我想像中真正既叻，意識世界在發生的，除了自己本行熟悉的又能寥寥幾句經濟、社會議題、文藝、宗教哲學等（唔係除左自己個行就乜都唔理而獨立反思自己做緊既野），言語談吐成熟穩重，收放自如輕輕地幽默而不是書呆子

睇完以上所有post... 其實真係好睇性格。
先天感情豐富得滯拍唔拍拖都會影響其他方面發展
成個人既重心價值係感情度
或者真係要後天加倍堷養個人心態，諗野全面少少。

[ 本帖最後由 fruitless 於 2013-4-10 20:33 編輯 ]

作者: cheuk 時間: 2013-4-10 21:10

QUOTE:

原帖由 fruitless 於 2013-4-10 20:24 發表
你點估得出？
仲想扮老女人扮細路女

其實我想探索既“叻”唔淨係指學位學歷個D title.. (i'm not for social class discrimination)
而係你行出黎比人個感覺, （且不講修養）係咪有學識智慧
（講真好多 ...

哩種"叻"似係關soft skills多過academics事喎
唔一定要讀書叻至得, 只要睇多d書/報紙
識多d朋友, 去下外國讀書/做野/旅行增廣見聞
只要你對哩個世界充滿好奇而去尋覓就可以

作者: little 時間: 2013-4-11 02:04

QUOTE:

原帖由 fruitless 於 2013-4-10 20:24 發表
你點估得出？
仲想扮老女人扮細路女

你說那些通常都是食腦兼有目標，有其個人魅力，會想辦法搵很多錢，若再加上很高學歷的都早己成為社會上最Top 的一群了。

[ 本帖最後由 little 於 2013-4-11 02:06 編輯 ]

作者: little 時間: 2013-4-11 02:19

QUOTE:

原帖由 cheuk 於 2013-4-10 21:10 發表

哩種"叻"似係關soft skills多過academics事喎
唔一定要讀書叻至得, 只要睇多d書/報紙
識多d朋友, 去下外國讀書/做野/旅行增廣見聞
只要你對哩個世界充滿好奇而去尋覓就可以

上述是出身於「社會大學」，我的前輩有很多都是此類，上輩說當時大學只有兩間，好難考，加上家裹兄弟姊妹多，要早出來做事，一般都是良好中學學歷再進修，兼睇多d書/報紙，周圍見多識廣，長此下去一樣學富五車，他們的工作經驗使他們處事成熟，聰明再加上有人脈，就搞生意，一樣搵很多錢，生活過得尚算富足。

作者: coincidence2 時間: 2013-4-12 10:36

QUOTE:

原帖由 fruitless 於 2013-4-10 20:24 發表
你點估得出？
仲想扮老女人扮細路女

想像中真正既叻，意識世界在發生的，除了自己本行熟悉的又能寥寥幾句經濟、社會議題、文藝、宗教哲學等（唔係除左自己個行就乜都唔理而獨立反思自己做緊既野），言語談吐成熟穩重，收放自如輕輕地幽默而不是書呆子

---> 我識呢D人, 不過唔等於事業好如意, 甚至唔係咩專業, 亦唔一定大把女人欣賞. 有D搵到$的人兄, 飲飲食食就最叻, 專家咁款, 坐埋就講下投資, 大把女痴埋去. 其實個世界好多人都好膚淺架咋. 唔理佢地講到幾睇心睇內涵啦, 你望下佢隔離果件係咩水, 知埋佢D EX係咩人, 有D野就不攻自破.

好似你形容嘅叻人, 似係梁文道果D中產STYLE. 有時D人話喜歡才子, 其實都係幻想緊某類外形衣著打扮+睇下法國電影飲埋COFFEE好有"品味"嘅才子. 如果約出來, 嘩, 成個"毒撚"咁, 打扮又7, 就算佢講野幾OK, 咩都識D, 老實講好多女子都覺得見面不如聞名

作者: fruitless 時間: 2013-4-12 19:39

回復 #26 little 的帖子
現代人（我）生活太富足，畢竟智慧都是磨出來的...

hmm 我都知內涵叻（用住呢個term）同為左去贏內涵叻係只差一線...
睇完你地reply，我果然還是不通世故。

回復 #28 coincidence2 的帖子
係wor我冇諗過出來世面連拖住邊個都會比人speculate下。另一半define埋自己係咩人等等... 當自己唔係直人又唔了解佢地世界點運行就忽略左呢D野。

[ 本帖最後由 fruitless 於 2013-4-12 19:41 編輯 ]

作者: coincidence2 時間: 2013-4-12 21:52

QUOTE:

原帖由 fruitless 於 2013-4-12 19:39 發表
回復 #26 little 的帖子
現代人（我）生活太富足，畢竟智慧都是磨出來的...

hmm 我都知內畦峖磼O個term）同為左去贏內涵叻係只差一線...
睇完你地reply，我果然還是不通世故。

回復 #28 coincidence2 ...

XDD 我講緊的, 其實唔係直人, 係我地D姐妹都係咁. 未攪清楚人地係咪專業人士, 只係知好少就估估下, 自己幻想人地應該係, 就從此先入為主, 覺得人地必定好荀. 然後隨之而來好感, 通通都不自覺源於假定人地係專業人士. 呢個通病唔係只有G先會, B都會架. 情況就同見人地係靚女, 就發大對方好處優點, 唔想接受自己只係睇中人地個肉體一樣道理 XDDDDD 所以有少數老手, 唔會太快揭自己底牌, 扮下普通打工仔, 等D人唔駛因為知道自己有幾疊水有幾威而埋身. 不過大部份人都好正常地表現下自己斤兩, 有D人就成日遇上"港女"點都唔明為咩條命苦. 殊不知係自己太早打出皇牌, 無時間去睇清楚對方為咩要睇上自己

[ 本帖最後由 coincidence2 於 2013-4-12 22:01 編輯 ]

歡迎光臨 Blur-F (reconstructed) (http://blur-f.freebbs.tw/)