標題: [時事] 應該站在哪裡觀望政治 [打印本頁]
作者:
sloggi123 時間: 2013-6-5 07:17 標題: 應該站在哪裡觀望政治
唔知你地身邊有無比較狂熱地關心政治的人,我家姐就係了。成個facebook都係講政治,add 埋好多相同意見的人,都有不同意見但過一排話不投機就開個新status 話此人乃系五毛,見字已block…早幾日貼左王丹叫人唔好杯葛支聯會的六四晚會,佢就即時留言話王丹本身有政治矛盾。(佢令我有睇返王丹政治立場的需要,係好事。但…我只係認同篇報導,同埋佢話王丹…應該因為王丹話陳雲吧-_-)感覺上,喺街而家有50%都係内地人,佢同我繼母都好中意大大聲話大陸人乜乜柒柒無禮貌無公德打橫黎行之類,喺街睇親幫祖國打飛機的新聞佢又大大聲鬧中國…唔知你地又會唔會?
對政治敏感幾時都好過對政治冷感(好討厭話自己唔熟政治就唔去投票的人,但佢哋有將權利同責任拱手讓出的權利), 但應該點去voice out?
呢個post 同les 完全無關,我只係想睇咁多位sister 對 "政治敏感度"的意見
作者:
coincidence2 時間: 2013-6-5 09:51
最怕D人好似知道曬政治真相咁, 又太覺得自己啱其他唔同咀型就錯. 周圍樹立敵人. 周圍搵證據証明自己睇野係啱(如你家姐見到同強國正面的新聞應該會唔當一回事吧 XDDD)你家姐同香港都好多呢D人架, 你家姐BUY陳雲都唔出奇, 陳雲絕對係呢種人 XDDD
你家姐文字上言語上咁多野講, 咁佢係咪都會上街? 但除咗咁之外, 佢有無D咩實質可行的建議呢
作者:
zach 時間: 2013-6-5 12:26
只看到單方面的意見
把對立的意見都說是錯誤
真的好可怕
這只是盲目 不是經多方求證思考得出的己見
她罵那麼多,大概應該問問自己能給社會做些什麼吧(?)
作者:
JBeals 時間: 2013-6-5 17:29
只能說,媒體是很能控制人的,被洗腦了卻不自知一點也不出奇。
作者:
simplelife 時間: 2013-6-5 21:32
現在的報紙及新聞報導有既定的政治立場,根本無法保持中立,群眾很容易被潛移默化。
政治文化亦趨向激烈,爭坳不斷,再加上經濟不景,很容易被引導向偏激方向,藉此宣洩不滿。
不過現在的年青人比以往關心政治民生,敢於爭取,不失為好事。
作者:
louis- 時間: 2013-6-6 03:00
的確有好一部分人除左企係相反立場之外同愛港力維園阿伯冇分別, 淨係自己圍威喂, 唔願意同立場有些少分歧既人討論, 劈頭就將人標籤...不過, 相比起一味鬧一味嘈, 我更討厭對政治對社會完全冷感, 更以此標榜自己好清醒, 唔受人煽動。起碼, 有聲音先有討論如何令香港本土變得更好既空間, 不聞不問, 大家攬住一起死囉 。
作者:
ycf 時間: 2013-6-17 00:32
"群眾運動的吸引力在於,透過認同於一件神聖事業而獲得自豪、信心、希望、目的感和價值感。"
"因為所有群眾運動都是從同一類人中間吸引信徒和吸引到的都是同一類型的心靈,所以,(一)所有群眾運動都是相互競爭的,一個群眾運動增加多少追隨者,就會讓其他群眾運動減少多少追隨者。(二)所有群眾運動都具有相互取代性。"
"恨是最有力的凝聚劑。"
作者:
coincidence2 時間: 2013-6-17 14:38
原帖由 ycf 於 2013-6-17 00:32 發表
"群眾運動的吸引力在於,透過認同於一件神聖事業而獲得自豪、信心、希望、目的感和價值感。"
"因為所有群眾運動都是從同一類人中間吸引信徒和吸引到的都是同一類型的心靈,所以,(一)所有群 ...
好中POINT, 邊本書講架, 定你講?
作者:
Forget_me_not 時間: 2013-6-17 14:57
Leave politics away.
作者:
J__ 時間: 2013-6-17 17:07
最慘係有1班人. 無去睇哂所有事實. 就當知哂. 而去盲目支持1D野.
我覺得. 好多野. 無絕對岩. 無絕對錯. 係觀點角度立場問題.
大家有相反意見唔緊要. 可以聽下人地講. 睇下人地既睇法. THAT'S IT.
其實. 有好大部份人. 真係畀人利用煽動.
好多人捉住1個POINT就死咬.
其他人唔知. 淨係知呢個POINT就當事實所有.
但其實. 又係咪事實既全部呢?
BTW. 令我諗起. 之前有個小朋友. (其實又唔係好細. 但幼稚D.)
大家傾緊1D話題. 我唔同意佢. 就講自己諗法.
佢下1句就係: 你岩哂. U WIN.
大佬. 討論. 就係理性分析大家意見睇法. 你咁講. 邊有意思講落去.
作者:
1982 時間: 2013-6-17 21:20
我深信.... 宗教同政治, 我都會走埋一邊自閉唔會加入討論。
見d 人為左呢兩個話題吵到就來打架, 就來六親不認咁, 都唔知為乜。傻既~
不過, 我同時覺得, 社會上有唔同既聲音先至係件好事。
若果一個人批判力係高, 有政治遠見, 我會建議那個人去做律師之類既工作
呢個社會需要呢種能力既人
作者:
ycf 時間: 2013-6-18 13:37
原帖由 coincidence2 於 2013-6-17 14:38 發表
好中POINT, 邊本書講架, 定你講?
《狂熱份子:群眾運動聖經》/作者: 埃里克·霍弗(Eric Hoffer)
本書六十年前出版,到今日依然好中point,作者唔係咩在象牙塔的教授,只係一個碼頭工人!
ref: http://book.douban.com/subject/3228246/
作者:
coincidence2 時間: 2013-6-18 14:35
原帖由 1982 於 2013-6-17 21:20 發表
我深信.... 宗教同政治, 我都會走埋一邊自閉唔會加入討論。
見d 人為左呢兩個話題吵到就來打架, 就來六親不認咁, 都唔知為乜。傻既~
不過, 我同時覺得, 社會上有唔同既聲音先至係件好事。
若果一個人批判 ...
若果一個人批判力係高, 有政治遠見, 我會建議那個人去做律師之類既工作--->律師有好多種喎........有D主打攪離婚有D就做樓宇買賣..師爺....
作者:
coincidence2 時間: 2013-6-18 14:36
實戰人士經驗之談而唔係理論多多旁觀者?
作者:
1982 時間: 2013-6-19 19:29 標題: 回復 #13 coincidence2 的帖子
係有好多種, 但呢類行業都需要好的分析能力
歡迎光臨 Blur-F (reconstructed) (http://blur-f.freebbs.tw/) |
Powered by Discuz! 5.0.0 |