Blur-F (reconstructed) - Powered by Discuz! Board

標題: [愛情] 純粹想"SON"下, 搵個人聽下我講野:( [打印本頁]

作者: 肥桃 時間: 2013-8-2 23:48 標題: 純粹想"SON"下, 搵個人聽下我講野:(

同女朋友一年了, 佢系台灣人, 我自問都一直好用心去維繫呢段異地戀, 我相信佢都系.
我地感情一路都吾錯, 最近佢決定左去大陸番工, 系佢朋友既工廠到做.
佢去之前我都有去台灣搵佢. 佢過到去之後, 我都吾知點講, 我只系覺得佢多左晚晚都出去飯局, 食飯我覺得無問題, 只系佢老闆(佢朋友)又會次次都要飲野唱K直落, 咁我覺得收工去玩一兩次冇咩問題. 但有次佢同我講有幾個同事會叫埋"小姐"陪唱歌, 都一路叫佢飲酒因為佢系新朋友. 果晚我真系好吾開心, 因為佢仲系用一種笑笑口既語氣講呢件事.

我有同佢講過我會吾開心, 因為我都要番工, 放工番到黎都好攰, 又要等佢番屋企先會見到佢幾面. 同埋佢又吾系淨系一兩次, 系岩岩去到就幾晚都系咁. 但同佢講我會擔心, 佢又話其實佢果到治安吾錯, 冇我想像中咁差. 幾次過後就開始我一講佢都會吾開心又喊咁樣, 話每次都好似解釋同一樣事情...但佢有話佢仲系好愛我, 我都覺得系, 我只系覺得佢去左大陸之後一切都好似變哂咁, 先上黎打下SON下.
同埋加上佢又一直有提到都一直有幾多男同事一齊出去食飯, 今日去睇傢俱有佢老闆(佢朋友)之外, 都仲有幾個男既. 前日佢話隔離廠(一男一女)約佢去游水, 我覺得夜晚仲要同男既去埋哂D咁少布既場合, 果日我都又系吾開心. 同佢講左, 佢又話佢覺得就系夜晚先要個男既系到. 我已經吾知應該點做, 我吾想好似日日要發佢脾氣定又吾開心咁好似好幼稚咁

我應該點做?

吾好意思打多左字..

作者: Dude 時間: 2013-8-3 11:33

Instead of staying in a relationshxt, I prefer to be single.

作者: Forget_me_not 時間: 2013-8-3 12:08

叫佢唔好做, 你養埋佢

作者: 肥桃 時間: 2013-8-4 00:14 標題: 回復 #2 Dude 的帖子

relationsh_t lol 好愁喔你

作者: 隱形學者 時間: 2013-8-5 01:42

完全明白你的感受~~其實我覺得我EX都好似你女朋友~~(佢D口吻同你果個差唔多)
有陣時我都好想揾人呻,因為呢D係佢工作我管不到,要管的話我都覺得自己好無理.....
想就梗係想佢自己識諗,去少D呢D場合,,,但有時又會諗到其實可能佢都迫不得已,又或者係其實佢放工都真係想玩下,,,而當你自己無能力去理會到就會好無助...
其實都心知完全唔係佢既錯,有時我地係度呻係度煩都係因為自己多疑
即使你將自己代入佢,亦唔代表佢一定同自己有相同諗法...真係冇得迫...佢有佢自主性,我們可以做既就係盡力保護佢,俾佢更加多的信任和愛,當然佢唔受又未必係你的錯啦...

但我希望你試下放開D....俾D信心佢....就算唔放開...都係得你自己一個愁緊,佢根本可能諗都冇諗過你諗緊既野,或者由根本開始佢都覺得你講既野唔會發生...
BUT IF你愈過度幻想,都只會係你愈黎愈辛苦...另一邊廂,當你迫到佢連空閒時間都真係寧願俾埋同事唔想同你傾計既時候...你就真係會後悔做乜當初搞咁多無謂野令佢難堪.....迫走左佢....

其實將來既野無人知...大家又預計唔到,我地又冇能力去管...真係只有話睇開D...令自己放鬆D。

共勉之。

作者: 1982 時間: 2013-8-5 23:43

唔好意思, 我既職業病係解決問題。
所以, 我睇完你既post都忍唔住俾d 意見 (p.s. 雖然我未遇過呢d 情況)

首先, 佢咁大個人, 自己應該知道咩叫分寸。
若果佢唔知, 咁你可以試下代入佢既角色, 你上去大陸做野, then你會做d乜野, 唔會做d乜野, 同佢清楚說明你既對呢件事既包容度係點

另外, 你亦都應該俾佢機會佢代入你角色, 佢會點樣做?! 記得先企係對方既角色, 互相交流做法
睇下有無空間去磨合, 而唔係一味對對方既生活提出質疑而影響左信心

good luck to you!

作者: carcar 時間: 2013-8-6 03:00

係信任問題
我唸就萛佢0係妳身邊，可能妳都可以亂唸野

既然妳都係出黎做野，都明白好多場合係身不由己，佢回到家已好攰，仲要開解妳，會好辛苦...不如俾多d信心自己同對方，反而慰問下佢又或者返黎時整d 野俾佢食等等，咁佢自然咩都同妳講，咁妳會少d擔心

作者: paradox 時間: 2013-8-6 21:13

係呀，俾多ｄ信任俾佢啦，可能大陸工作的文化始終唔一樣。開心ｄ啦。
曾現在可以發掘多ｄ興趣，唔好亂諗嘢啦～～

作者: 肥桃 時間: 2013-8-10 19:32 標題: 回復 #5 隱形學者的帖子

多謝哂你地最近好番左好多信多左佢我都知佢都好辛苦開心見誠講開哂好似好左D 最近盡量只有叫佢就算出去都最好早D番屋企休息因為佢番8點日日都得幾個鐘訓都幾心痛佢都有聽雖然有時系逼不得已比佢老闆帶左出去但盡量吾諗咁多負面野又好似好左
吾該哂大家

歡迎光臨 Blur-F (reconstructed) (http://blur-f.freebbs.tw/)