Blur-F (reconstructed) - Powered by Discuz! Board

標題: [愛情] 她袖手旁觀，值得我鍾意嗎？ [打印本頁]

作者: whywhyy 時間: 2012-8-8 23:57 標題: 她袖手旁觀，值得我鍾意嗎？

若一個喜歡你的人(沒有拍拖)，知你有麻煩事卻袖手旁觀，沒有來保護你、沒有來幫你，你認為那個人是真的鍾意你嗎？唔知佢係無能力幫定乜原因，咁係咪應該對佢死心。

[ 本帖最後由 whywhyy 於 2012-8-9 15:42 編輯 ]

作者: nova 時間: 2012-8-9 00:11

可能佢有苦衷?
又唔需要咁快死心
只係你對佢既態度係點? 只係想有事既時候有人幫?

作者: orange87 時間: 2012-8-9 00:13

佢會唔會佢其實好想幫妳, 但又唔知從何入手?

作者: 書皮 時間: 2012-8-9 00:41

雖然唔清楚你ge情況但有很多種不同的可能性
最壞情況當然是那個人口講愛你, 但心入面唔係咁諗
但都可能係因為每個人能付出的程度不同

可能佢愛你有90%, 但表現出o黎、懂得為你做的只有5、60%,
這樣會有錯覺, 令你覺得對方唔夠愛你

其實, 這些事真的要兩口子之間才最清楚, 局外人很難畀意見。

或者, 你這樣問, 也心裡有數? 或者而已。

作者: whywhyy 時間: 2012-8-9 00:55

我鍾意人的話，若對方有麻煩，會盡能力去幫，就算無能為力，幫到少少都好過無... 但那個女仔真係袖手旁觀囉...

作者: 書皮 時間: 2012-8-9 01:50

QUOTE:

原帖由 whywhyy 於 2012/8/9 00:55 發表
我鍾意人的話，若對方有麻煩，會盡能力去幫，就算無能為力，幫到少少都好過無... 但那個女仔真係袖手旁觀囉...

會唔會佢本身就係好冷漠ge人?

咁都正常...鍾意一個人, 就算只係一個你好鍾意ge朋友仔, 正常都會o係對方有麻煩時出手相助啦。

你自己點諗先?

作者: whywhyy 時間: 2012-8-9 02:19

所以我開始懷疑她不是真的喜歡我，亦開始諗她是否值得我鍾意

作者: guardianangel 時間: 2012-8-9 02:31

可能係對你有d好感, 未到好中意, 呢d人可以無視
我遇過一個咁既男仔(我唔中意佢, 不過佢成日纏住我), 少少野都唔幫下, 本來就係佢自己主動話要幫既, 結果真係要幫手既時候又唔幫, 態度仲勁差. 我咪連唔再理佢囉, 敷衍都費事, 結果佢受左好大打擊喊晒咁響facebook話俾全世界知佢俾人拋棄

我心諗: 又話我係佢最重視既人, 要佢幫手時卻連普通朋友都不如! 我d朋友都唔會咁對我啦! 徙氣

作者: 書皮 時間: 2012-8-9 02:41

QUOTE:

原帖由 guardianangel 於 2012/8/9 02:31 發表
可能係對你有d好感, 未到好中意, 呢d人可以無視
我遇過一個咁既男仔(我唔中意佢, 不過佢成日纏住我), 少少野都唔幫下, 本來就係佢自己主動話要幫既, 結果真係要幫手既時候又唔幫, 態度仲勁差. 我咪連唔再理佢囉 ...

呢d人當愛情係投資law 咩事...
佢會衡量你值得佢為你付出幾多
好唔鍾意呢d人

作者: heear 時間: 2012-8-10 12:44

可否簡單交代什麼麻煩？
你和她的關係又是怎樣？

凡事不能只靠三言兩語下判斷。

作者: 企鵝 時間: 2012-8-10 17:01

要睇吓幫d咩....唔可以咁諗嘅..........

作者: coincidence2 時間: 2012-8-10 17:10

因為現代人太易將愛/喜歡掛口邊, 根本無入到心的

咁話說回頭, 樓主又為咩要人一定要因為喜歡你而幫你呢? (又你又無話喜歡佢)

作者: coincidence2 時間: 2012-8-10 17:11

"懷疑她不是真的喜歡我，亦開始諗她是否值得我鍾意"

咁人地都可以反過來話, 你要睇下人地幫唔幫你來決定你應唔應該喜歡番佢, 咁你都好現實JER

作者: J__ 時間: 2012-8-10 17:48

咁點解要佢幫手先? 就算佢鍾意你. 都唔1定要幫.
值唔值得鍾意1個人. 同佢幫唔幫你. 應該無關係.

作者: whywhyy 時間: 2012-8-10 21:26

QUOTE:

原帖由 coincidence2 於 2012-8-10 17:11 發表
"懷疑她不是真的喜歡我，亦開始諗她是否值得我鍾意"

咁人地都可以反過來話, 你要睇下人地幫唔幫你來決定你應唔應該喜歡番佢, 咁你都好現實JER

我唔係話一定要佢幫我，我之前在此亦講過 :"我鍾意人的話，若對方有麻煩，會盡能力去幫，就算無能為力，幫到少少都好過無... 但那個女仔真係袖手旁觀囉..."

佢幫唔幫到我唔重要，問題係覺得佢無關心我，只是袖手旁觀，令我覺得佢係咪真係鍾意我。

如果我鍾意人，就算幫唔到都希望關心下佢，唔係淨係在旁得個睇字。可能呢D只係自己的想法，唔係人人鍾意人都會咁諗。

[ 本帖最後由 whywhyy 於 2012-8-10 21:28 編輯 ]

作者: whywhyy 時間: 2012-8-10 21:42

QUOTE:

假設你另一半或朋友同你一齊的時候，有人同你吵架或推撞你，你的另一半或朋友齋企係度睇，完全無諗過幫你解圍，淨係想睇戲，你心裡會唔會問："你點解唔幫下我？我不是你的路人甲"

唔通咁諗都叫現實咩？

[ 本帖最後由 whywhyy 於 2012-8-10 21:59 編輯 ]

作者: spolaw 時間: 2012-8-10 21:42

其實係咪鍾意你，真係甘重要？樓主鍾意她嗎？

而樓主無講你需要咩幫忙，大家好難判斷係咪—件難事

又為咩你不要求朋友或家人幫忙？

作者: Aley 時間: 2012-8-10 21:52

QUOTE:

原帖由書皮於 2012-8-9 02:41 發表

呢d人當愛情係投資law 咩事...
佢會衡量你值得佢為你付出幾多
好唔鍾意呢d人

AGREE

作者: spolaw 時間: 2012-8-10 21:58

樓主如果考慮緊同唔同人一齊，而你個心對於呢個人已有成見，你係到就不需要問意見，呢個亦只係你失望申訴大會。

而你無提供任何資料來龍去脈，一味強調果個人喜歡自己不幫忙，好似你只想聽附和聲音

你舉的例子是已成事實的朋友和情人，但你講果個人是追求者，那她是網友還是新朋友？

你自己話懷疑她是否真心，話因此而覺得她不值你喜歡。那你的喜歡不喜歡是否都視乎對方可以付出多少？

作者: whywhyy 時間: 2012-8-10 22:05

QUOTE:

原帖由 spolaw 於 2012-8-10 21:58 發表
樓主如果考慮緊同唔同人一齊，而你個心對於呢個人已有成見，你係到就不需要問意見，呢個亦只係你失望申訴大會。

而你無提供任何資料來龍去脈，一味強調果個人喜歡自己不幫忙，好似你只想聽附和聲音

你舉的 ...

剛才我已講過，我喜歡人的話不會袖手旁觀，一定會試下去幫佢或關心佢，咁係出於一種保護一個特別的人或自己人的心態，但我看不見她有這種動機，而她幫唔幫到我一D都唔重要。可能我用了自己鍾意人的心態去諗佢係咪鍾意我啦。

作者: spolaw 時間: 2012-8-10 22:30

QUOTE:

原帖由 whywhyy 於 2012-8-10 22:05 發表

剛才我已講過，我喜歡人的話不會袖手旁觀，一定會試下去幫佢或關心佢，咁係出於一種保護一個特別的人或自己人的心態，但我看不見她有這種動機，而她幫唔幫到我一D都唔重要。可能我用了自己鍾意人的心態去諗 ...

"我喜歡人的話不會袖手旁觀，一定會試下去幫佢或關心佢"

不過你從來無直接話你都喜歡果位人兄喎

為什麼我問究竟係咩事, 因為果件事大小, 對方同你交情幾深, 都有影響

假如(只係假如) 識咗個女仔幾個月, 對人有好感, 然後對方叫我借$比佢, 老實講我唔會借

作者: spolaw 時間: 2012-8-10 22:32

QUOTE:

原帖由 Aley 於 2012-8-10 21:52 發表

AGREE

"呢d人當愛情係投資law 咩事...
佢會衡量你值得佢為你付出幾多"

同理, 如果一個人以對方付出幾多, 來衡量自己的愛有幾多, 咁又是否視愛情為投資呢?

作者: spolaw 時間: 2012-8-10 22:35

用自己喜歡人的心態去猜想, 正常. 但如果樓主其實唔係十分喜歡人, 但又用"如果自己喜歡人就會點點點" 來度量人, 又是否有點不公平. 我希望我只係誤會了樓主啦

作者: runaway 時間: 2012-8-10 22:40

好坦白講，首先要define下妳要人地幫啲咩先？如果係借20萬，佢無，是否都因為愛妳（而又吾知妳愛吾愛佢的狀況下）問財務公司借貸，就是想換來妳霎時感動／好感／愛？值得嗎？仲有，只是因為佢愛妳就要幫妳，咁都好觀音兵啫！同埋如果妳係因為佢幫了妳，妳接受了她，咁妳們的愛都好扭曲啫，建基於利益？其實愛不是掌握於人地愛不愛妳手上，人地愛妳，人地幫妳，就例必要考慮果們人了嗎？愛是自己去選擇的，而不是局限了自己在愛妳的人身上！

作者: runaway 時間: 2012-8-10 22:47

女孩子，無論b/p/g,有什麼問題都是自救好過向人伸出援手，受了人家人情，自己都不太好過，倘若有咩事就會成為人地口中笑柄！大家都是女仔，斷不可以愛之名來做自己不相做的事，幫是人情，不幫是道理！

作者: whywhyy 時間: 2012-8-10 22:57

其實我預左她未必幫到我，所以我已說她幫唔到唔重要，有個人關心下都好呀，但她連關心下都無，齋睇戲，打個比喻，感覺她好似在街上看著路人甲鬧交咁，咁代表她眼中我是路人甲？... 我係喜歡那個女仔，所以會在意她的反應。

[ 本帖最後由 whywhyy 於 2012-8-10 23:01 編輯 ]

作者: runaway 時間: 2012-8-10 23:02

"我喜歡人的話不會袖手旁觀，一定會試下去幫佢或關心佢"<<<<這只是妳一方面對愛情的看法，不是人人跟妳的尺度都一樣的，妳是這樣，不代表我要同妳一樣，每個人都是獨立個體，妳不可以強加自己的一套在她人身上，若人地不是一樣就判人地死刑，咁好unfair 啫。
我是g，但我從不會要求任何人幫自己，若自己有困難，人地忽然無出聲幫忙，我會很不安樂，一定會還以人情。但我自己從不會想/叫人幫自己，因此從不會對此等"與自己期望有落差之事"不高興!!!!!

作者: whywhyy 時間: 2012-8-11 13:48

我想問，你地鍾意人會否有思念和呷醋的感覺？這些應該是人類鍾意人的本能反應吧。

你地都叫我唔好用自己鍾意人的心態去諗人地係咪鍾意我，咁你地鍾意人，會否有關心佢、想去保護佢呢種心態或反應？關心一個鍾意的人、想保護一個鍾意的人，不是人類鍾意人的基本反應或心態嗎？

你地有些人以為我現實要佢幫去衡量佢係咪鍾意我，其實我預左佢幫唔到，我亦無要求佢幫我，所以佢幫唔幫到我並不重要。因為一直我都係自己一人去面對這個麻煩。

也許我的出post時問得不好，我係想話佢無關心我、想去保護我這種反應，只是袖手旁觀，令我覺得她眼中的我是路人甲，因此我會諗她是否喜歡我。

作者: sosad 時間: 2012-8-12 00:54 標題: 回復 #28 whywhyy 的帖子

1. 我想問，你地鍾意人會否有思念和呷醋的感覺？這些應該是人類鍾意人的本能反應吧。

回答: 我鍾意一個人，會有思念和呷醋的感覺，但係雖然感覺大家都相同，不過處理感情事的想法、做法和面對的態度，係每個人都未必係一樣!

2. 你地都叫我唔好用自己鍾意人的心態去諗人地係咪鍾意我，咁你地鍾意人，會否有關心佢、想去保護佢呢種心態或反應？關心一個鍾意的人、想保護一個鍾意的人，不是人類鍾意人的基本反應或心態嗎？

回答: 首先你有無做到你所講的所謂鍾意? 你有實積做過關心佢或保護佢的事情嗎? 至少你有實質付出過，例如你想佢為你做的，你曾經也為佢做過，這一點必須要成立! 你先有資格去要求對方，就像你借過錢比佢，先有權追佢還錢! 我覺得你先要攪清楚這點，讓自己更加了解自己，先去了解人類心態的問題! 遠水不不能救近火，因為人類歷史和心理學有排讀，而且讀左都未必幫到你!

3. 你地有些人以為我現實要佢幫去衡量佢係咪鍾意我，其實我預左佢幫唔到，我亦無要求佢幫我，所以佢幫唔幫到我並不重要。因為一直我都係自己一人去面對這個麻煩。

回答: 你在自相矛盾，你不是在埋怨佢吾幫你嗎? 而家又講 "其實我預左佢幫唔到，我亦無要求佢幫我，所以佢幫唔幫到我並不重要" ，所以你像講一套做一套，如果佢同你一樣都好公平! 口講喜歡她,但又做吾做!

[ 本帖最後由 sosad 於 2012-8-12 00:57 編輯 ]

作者: whywhyy 時間: 2012-8-12 01:52

QUOTE:

原帖由 sosad 於 2012-8-12 00:54 發表
1. 我想問，你地鍾意人會否有思念和呷醋的感覺？這些應該是人類鍾意人的本能反應吧。

回答: 我鍾意一個人，會有思念和呷醋的感覺，但係雖然感覺大家都相同，不過處理感情事的想法、做法和面對的態度，係每個 ...

我個麻煩事係無人幫到我架，所以我預左佢幫唔到，我唔係埋怨佢唔幫我，我剛才的post都講左係我問得唔好，我係想話佢無關心我、佢無想去保護我這種反應。佢將我的麻煩事當成戲咁睇，齋睇戲。

其實，我自己都知道我的麻煩事係無人幫到我，我又點會怪佢幫唔到我，而我係想無助的時候，有人關心下，或曾有想保護我，咁我已經會覺得好安慰，但佢無嘛，只是當戲咁睇，所以我覺得佢眼中我係路人甲。

[ 本帖最後由 whywhyy 於 2012-8-12 02:22 編輯 ]

作者: sosad 時間: 2012-8-12 02:18 標題: 回復 #30 whywhyy 的帖子

我以前識過d 女朋友

從來都無個懂關心我

只係要我關心佢

但係最後都係對方有另一個再飛我

所以幸福吾係必然

起碼佢無騙你錢或對你做過更衰的事 (因你無講~~我當無!)

你已經好好彩吾係遇到果d

佢連麻煩事都無更吾洗你幫

你重想點? 妳已經好好彩!

退一步想海闊天空

退一步想先知自己得到好多

你已經好幸運只係吾識關心你

希望你開心

吾好執著去想吾開心事

將d 精神去應付自己的麻煩事

咁先識對自己好

無人關心自己

就自己關心自己

[ 本帖最後由 sosad 於 2012-8-12 02:27 編輯 ]

作者: whywhyy 時間: 2012-8-12 02:31

QUOTE:

原帖由 sosad 於 2012-8-12 02:18 發表
我以前識過d 女朋友

從來都無個懂關心我

只係要我關心佢

但係最後都係對方有另一個再飛我

所以幸福吾係必然

起碼佢無騙你錢或對你做過更衰的事 (因你無講~~我當無!)

你已經好好彩吾係遇到果d ...

多謝你的回應和提醒，自登post之後，這幾天我有點睇化了，有點看開了，亦減少了對她關心與否的執著，也許講左出黎個心會鬆D。現在佢關唔關心我都算啦，因為正如你所講，不如諗下我個麻煩事點解決好過。

作者: snoopy 時間: 2012-8-14 21:39

每個人有不同的性格! 我自己是一個比較冷血的人! 對身邊朋友的事，如果自己不是可以幫助，可能不會主動關心，因對我來說，我是行動型! 這不是我內心不關心，只是有些事我不會表現出來!

一樣米養百樣人，不能單一件事可以看出她是否真的喜歡或關心你!

只可說，樓主你失望了! 她的反影不是你想要的那種吧!

作者: little 時間: 2012-8-17 00:17

你可能是比較單純，比較真誠。用自己思想和性格去衡量對方相處時方式，覺得待人應該有來有往，公道，俗語說 '' 你敬我一尺，我敬你一丈'' 盡量對別人好，別人就會以同樣信念對自己，尤其是認為大家有了這樣交情或關係，而平時你本身也是付出和承擔較多的一方，你當然會以為就算對方不能替自己解決問題，最少也會支持，表示關心，不會袖手旁，但結果與自己祈望有落差，難免失望，不開心。
例如平時幫她作跑腿，她一有事當發生問題時，立即關心回應---付出時間、心機及精力。但當你有問題(不是過份要求而平時她都常這樣要求你) 而她真的有能力處理，甚至不費吹灰之力但她都不太想理睬。你便要重新估計她了，可見你在她心裹並不太重要，只是時間巧合，因為人總需要有朋友和伴侶這些現實需求----剛巧到你。
現實是人多是自私，欺善怕惡，平常相處可以是因此沒有利益衝突，矛盾沒有激發，而這纇人懂得靈活運用相處技巧，人際關係方面如魚得水，但這些人一有事就會有事先想自己，愈醒目的人，表現愈明顯。這些所謂聰明人喜歡找你這類的人暗地討好處，你忍受不了就說什麼 '' 是你情我願，你要怪誰，別人附和說是你是傻子、自己不夠醒目。'' 情義責任推得一乾二淨。
如你性格如此是比較吃虧，有時要保護自己，情況若沒改善，請把她降格，把心留給懂得珍惜你的人。

不要惱，傷心傷肝!

作者: +S!u_王子(武) 時間: 2012-8-31 11:14

QUOTE:

原帖由書皮於 2012-8-9 00:41 發表
雖然唔清楚你ge情況但有很多種不同的可能性
最壞情況當然是那個人口講愛你, 但心入面唔係咁諗
但都可能係因為每個人能付出的程度不同

可能佢愛你有90%, 但表現出o黎、懂得為你做的只有5、60%,
這樣會有錯 ...

認同你講法

作者: +S!u_王子(武) 時間: 2012-8-31 11:17

我明白你
有邊個女仔唔想自己有事既時候,身邊有愛自已既人陪住又或者自已愛既人陪住
如果我係你唔需要考慮佢
佢都唔在乎你既野
點解仲要哂時間,俾機會佢呢

作者: cass 時間: 2012-8-31 14:20

不如簡單d,如果佢比一個你身邊既朋友係你發生事之後"關心你既程度"仲要差,咁呢個"鍾意你既人"可以收檔.

作者: whywhyy 時間: 2012-9-1 20:11

QUOTE:

原帖由 +S!u_王子(武) 於 2012-8-31 11:17 發表
我明白你
有邊個女仔唔想自己有事既時候,身邊有愛自已既人陪住又或者自已愛既人陪住
如果我係你唔需要考慮佢
佢都唔在乎你既野
點解仲要哂時間,俾機會佢呢

王子，你明白我就最好啦！其實我只係想自己鍾意既人關心我啫，但呢度不少人誤會我咁現實要人幫，我邊係D咁現實既人喎。

作者: hattricks16 時間: 2012-9-2 06:22

睇完成個 threat, 有好幾個 sis 問究竟係咩事，樓主都冇答。 Well, lets speculation run wild then...

如果樓主：

借咗財務公司（大耳窿）錢冇還，屋企俾人淋油或寫大字（電視劇睇到）
咁樓主想佢點幫？拖馬踩上間財務公司還是拍心口話幫妳攬條數上身？
either way, 我相信唔係好多人做得到吧？

or

係街行行吓同人有碰撞，一扯火同人罵街
老實講，如果我係佢，我會轉頭走
因為覺得好失禮

or

如果樓主係學生，for whatever reason 俾老師鬧，而佢係妳同學
咁佢都唔可以為妳紮行馬同老師牚吧？

樓主不斷話嗰位人姐做路人甲，只係喺傍邊睇戲
咁佢有冇拍掌叫好？

樓主一開頭話未拍拖，即係唔係女朋友啦
若果係咁，樓主 expectation 會唔會高咗少少？

睇完樓主最後個回覆，我先 realize, 原來樓主 expect 我地係：

Hmmm...嗰個人好離譜，樓主是對的...YEAH!!!
呢啲咁既人，執到都喊三聲，一腳伸佢出大海啦
oh and...樓主是對的...YEAH!!!

作者: 傻傻地 時間: 2012-9-2 07:18

可能樓主要係想有人關心下佢啫！

作者: whywhyy 時間: 2012-9-2 15:02

QUOTE:

原帖由 hattricks16 於 2012-9-2 06:22 發表
睇完成個 threat, 有好幾個 sis 問究竟係咩事，樓主都冇答。 Well, lets speculation run wild then...

如果樓主：

借咗財務公司（大耳窿）錢冇還，屋企俾人淋油或寫大字（電視劇睇到）
咁樓 ...

hattrick16，你真係好好想像力，諗左咁多如果出來，但無個中....

其實傻傻地講得好岩，我只係想那人關心下我啫，但無，咁我咪上來開post 呻下囉。不過，都咁耐，佢關唔關心我都算啦，反正一直都係我自己一人面對個問題，我應該諗下點解決問題好過。

[ 本帖最後由 whywhyy 於 2012-9-2 15:14 編輯 ]

作者: whywhyy 時間: 2012-9-2 16:03

QUOTE:

原帖由 傻傻地 於 2012-9-2 07:18 發表
可能樓主要係想有人關心下佢啫！

傻傻地，都係你最明白我

作者: spolaw 時間: 2012-9-2 16:26

樓主係呢件事之後仲有無同果個她聯絡?

作者: whywhyy 時間: 2012-9-3 01:38

QUOTE:

原帖由 cass 於 2012-8-31 14:20 發表
不如簡單d,如果佢比一個你身邊既朋友係你發生事之後"關心你既程度"仲要差,咁呢個"鍾意你既人"可以收檔.

Cass你講得o岩，佢可以收檔。

歡迎光臨 Blur-F (reconstructed) (http://blur-f.freebbs.tw/)