Board logo

標題: [愛情] 略論女校中的「假同性戀者」 [打印本頁]

作者: Michi    時間: 2012-8-16 11:03     標題: 略論女校中的「假同性戀者」

有些人認為女校助長女同志風氣,令一些心智未成熟的女生「誤以為」自己是同性戀者,對於這種普遍誤解,讓我以一個在女校成長的女同志身份來解讀一下。
 
首先,女同志並非女校特產,許多女同志都是讀男女校的。如果感覺上女校有較多女同志,那大概是因為女校也有較多女生。在我的經驗中,男女校或女校內的女同志也還是佔女生中的百分之五左右。基本上我覺得性傾向與女校還是男女校無關,因為女校也有那些整天想男人的那種…
 

 
「女校文化容易令一些心智未成熟的女生「誤以為」自己是同性戀者,尤其是當身邊有這許多出名的TB,女生在那個敏感的年紀還未懂得甚麼是愛情。」

即使這些「心智未成熟」的女生愛上的是男生,事後也可能覺得自己之前未懂得甚麼是愛情,也有人經歷許多段感情關係也未知道情是何物。我想愛情大祗是由吸引力開始,而對我來說,女生會被「型」TB 或靚女吸引是很自然的事。即使她們相處後沒有發展成愛情,也無須否認而稱此為「假」的愛情感覺。

女生被生吸引有什麼問題?一些直女人也跟我談過如何曾被一個「型」TB所吸引,當然她們當中不少也可能曾對我有過一絲遐想......

如果你覺得自己曾是「假同性戀者」的話,我只想說,只要緣份到了,碰上該碰上的人,你還是可能會忽然又愛上女人的。

「愛上TB其實正反映你愛的是男生,而不是女生,TB只是男生的替代品。」

也許有些異性戀女生會把TB當作男生的替代品,甚或玩弄她們的感情。但一些真正戀上 TB 的女生並不視 TB為男生的替代品,她們喜歡的正是 TB 的女身男相/雌雄合體的特質,一位朋友形容她心儀的 TB「既有女性的溫柔,又有男性的陽剛氣」。而且女女關係中也不只有TB 和 TBG這些刻板形象. (我和我的女友便不屬於這些類型!)

有些人觀察到一些女生在學校時曾有女女關係,但長大後又和男生在一起,於是便推論學校時的女女關係是「假同性戀」。但我覺得不少愛女生的女生都曾嘗試和男生在一起,主因還是社會壓力,畢竟同志的路並不易走。

有些女生既會愛上女生,也會愛上男生,然後遇到心儀的男生便結婚生仔,過「直」女人生涯。

有些女生清楚自己只會愛上女生而早早認定自己是女同志。


有些女生既會愛上女生,也會愛上男生,但與一位女生開展了一段刻骨銘心的愛情,而不畏旁人目光,要牽手走那條不易走的路。


有些異性戀、同性戀或雙性戀的女生不再相信愛情,不談心,只要性。

還有許多許多的故事……

愛情有著多樣化的可能性,愛無對錯,也並非「男+女」或「TB+TBG」的簡化方程式。

有些人不是女同志,也不了解情況,卻愛扮作專家代人發言,妄自推斷我們的想法,任意把坊間的誤解套到我們的身上……我也並不代表所有女同志的想法,但至少這是我或我朋友的親身經驗。

如想對女同志的愛情故事認識多一點,可參考《她們的女情印記》或張娟芬寫的《愛的自由式》。

我也因為社會壓力而扮「直」扮了許多年,但如今我戀愛了,正經歷著我人生中最美好幸福的時光。這是我的戀愛,我的人生,為何這許多旁人可以用道德之名說這是病態或不道德?

戀愛是人生最美好的事情之一,為何少數性傾向的人就不能追逐他們的愛情?

誰有資格批判我們的戀愛?我們為愛情付出更多,犧牲更大,也更需要勇氣、更要經歷風浪。
 
轉貼自女同學社

reference: http://www.vgles.com/modules/tadnews/index.php?nsn=13
作者: 小玫瑰    時間: 2012-8-16 11:56

好好看喔!
我們真的特別需要勇氣。
作者: 書皮    時間: 2012-8-16 12:59

說得太好! 我一直也有這些想法!!!
我成日都覺得讀女校, 特別係中學未畢業、未接觸過男女校的自稱同性戀的女仔, 是「假同性戀」。
當了tb是男仔, 或者, 有D TB真係太型喇! 連我(我係比較man ge pure)都會迷戀......

BTW, 我小學中學都讀男女校, 好少les ge人, 或者有, 只係冇out. 但我都係到大學畢業先ensure自己係les......

細路女未定性, 真係好危險  同佢地拍拖仲危險
作者: coincidence2    時間: 2012-8-16 14:29

我又覺得,唔可以話人地假唔假。唔可以否定人地那些年無真心過嘅
作者: waiyee    時間: 2012-8-16 16:11

我女校出身..
但都去到好後期先發現自己鐘意女仔, 到而家離開咗中學都五年幾都無變過架~

喺學校曾經聽過老師講佢有同學以前好男仔, 彈結他好型~ 然後大個咗成個女仔晒, 著高踭鞋果啲..
其實TB 變咗鐘意男呢個case 多唔多見呢..
呢度講嘅都係G咁..
作者: coincidence2    時間: 2012-8-16 16:22



QUOTE:
原帖由 waiyee 於 2012-8-16 16:11 發表
我女校出身..
但都去到好後期先發現自己鐘意女仔, 到而家離開咗中學都五年幾都無變過架~

喺學校曾經聽過老師講佢有同學以前好男仔, 彈結他好型~ 然後大個咗成個女仔晒, 著高踭鞋 ...

多架!
都係一離開學校,一入去有仔的地方,就變。而且係女到爆
總會有些女仔係入女校之後,覺得做B可以突出自己而做的。
有時直人覺得女校有影響,我又唔覺得係生安白做的。只係大家都唔駛太執著為咩個女仔會咁就得了
其實我覺得係天生又好,係後天又好,都根本無相干,根本唔代表什麼,無話好唔好的
作者: coincidence2    時間: 2012-8-16 16:25

同志好介意人地話你係咪變態。我反而覺得大家唔駛太動氣

講真果句,係咪變態其實根本唔係重點,完全混淆視聽

就算你証明到係所謂正常,要反對的人總會搵到新理由去反對

簡單講係為反對而反對,係睇唔過眼

有心人會不斷去解釋,不過對方係死都唔肯用腦去聽,你講幾多野都無用的
作者: Franky    時間: 2012-8-16 21:54

好同意樓主話有人係鐘意tb,因為佢地女生男相(甚至連性格都男性化)而有o既吸引力。
我就係甘想。可惜身邊tb少
最近,忽發奇想,諗人始終會老,當tb老了,衣種吸引力還會在嗎?
作者: 憧憧    時間: 2012-8-16 22:29

只是努力相愛,何必理會他人目光

其實我好認同呢句

不過都希望D人可以收收口同目光,真係好毒辣

增加壓力 /  \
作者: coincidence2    時間: 2012-8-16 23:06



QUOTE:
原帖由 Franky 於 2012-8-16 21:54 發表
好同意樓主話有人係鐘意tb,因為佢地女生男相(甚至連性格都男性化)而有o既吸引力。
我就係甘想。可惜身邊tb少
最近,忽發奇想,諗人始終會老,當tb老了,衣種吸引力還會在嗎?

總覺得B嘅魅力在於少男味, 亦男亦女. 10幾20幾係最正.

TB嘅童顏, 係來於唔女性化的打扮. 為咩好多TBG睇落比佢個B老, 因為G著女D, 甚至化妝, 返工亦要著得大個D.

但過了35之後, 始終係女人, 開始有中女之態. 而由於衣著繼續MAN, 2樣野加埋會有種唔協調

衣著上, 唔少老B一係就SPORTY LOOK, CASUAL LOOK, 一係就恤衫. 如果身形走樣, 就好易變了麻甩FEEL

好多人覺得阿菊姐個情人好正, 因為佢好成熟, 又有$, 又官仔骨骨, 風度翩翩. 相信有魅力的中B老B就係呢個準則
作者: fruitless    時間: 2013-8-21 19:12

好懷念女校既紛圍人人都係咁,冇人會覺得女女關係點唔正常
照樣溝仔個D亦唔會比人批評
社會很和諧...
作者: 1982    時間: 2013-8-21 21:25

我遇到最爆嘅事係發生在我家姐身上
當年力追我家姐嘅一個tb (同校,男女校)
我睇過張相,的確係又高大又靚仔,聽聞溝女有一手
tb中七畢業後當女警
事隔15年後
係一間幼稚園報名處遇到,女警外型仍然高大有型,拖著個小妹妹。我家姐就拖著佢個女。我家姐問:這是你姪女嗎?跟你好似樣呢
女警:我個女來架 (這時候,一個似豬肉佬嘅男人行過來,叫女警作老婆)
我家姐當日有點被嚇倒
作者: 4wd    時間: 2013-8-21 22:36

《她們的女情印記》網上有得睇:
http://www.wchk.org/oralhistory/download.html
作者: meichib    時間: 2013-8-21 22:52     標題: 回復 #12 1982 的帖子

HAHA........我笑0左出黎
作者: fruitless    時間: 2013-8-21 22:59



QUOTE:
原帖由 1982 於 2013-8-21 21:25 發表
我遇到最爆嘅事係發生在我家姐身上
當年力追我家姐嘅一個tb (同校,男女校)
我睇過張相,的確係又高大又靚仔,聽聞溝女有一手
tb中七畢業後當女警
事隔15年後
係一間幼稚園報名處遇到,女警 ...

好戲/喜劇性
作者: 1982    時間: 2013-8-21 23:03     標題: 回復 #15 fruitless 的帖子

果次之後,我家姐就同我講:細妹,你可能會同男人結婚生仔
我答:嘩……唔那係?!我唔係gay 架喎
作者: denisews    時間: 2013-8-23 19:14



QUOTE:
原帖由 waiyee 於 2012-8-16 16:11 發表

鷎ヴ桭蕈g聽過老師講佢有同學以前好男仔, 彈結他好型~ 然後大個鬫身茪k仔晒, 著高Z鞋 ...
其實TB 變鷵褶N男呢個case 多唔多見呢..

我以前男女校,有個朋友、算幾靚女,但佢一直話自己覺得自己係男仔咁話。佢性格無疑係幾爽朗,所以好受男生們歡迎、跟他們一夥出入、稱兄道弟、攬頭攬頸不在話下。直至有一日,佢頗自豪的同我講,已有岩岩一打(12個)男仔向佢表露左心跡  ie.中意左佢,我才知道原來佢認自己係男仔只不過係佢『獵男』的一種手段而己(或者佢係不自知,但客觀效果的確係甘)、同港女們自誇有幾多幾多人追其實沒有本質上既分別。   結果佢後來結左婚,重生埋仔添。
作者: rip32    時間: 2013-8-24 00:58

性向不是兩極直和攣我估大家都有聽過
我覺得令曾經攣嘅女仔直翻,
社會主流係最大的原因
同志的路從來沒有易走過
幻想一下一個攣直不分的社會
性向流動而不被歧視
會有假同志或假直人這些標籤嗎?
作者: KanT    時間: 2013-8-24 01:59



QUOTE:
原帖由 rip32 於 2013-8-24 00:58 發表
性向不是兩極直和攣我估大家都有聽過
我覺得令曾經攣嘅女仔直翻,
社會主流係最大的原因
同志的路從來沒有易走過
幻想一下一個攣直不分的社會
性向流動而不被歧視
會有假同志或假直人這些標籤嗎?

同意呀. 尤其中學既戀情通常都係puppy love, 有幾多keep 得耐呢. 就算當日由愛出發, 不介意性別, 始終唔保證下一個心動之人唔係異性. 就因性向不是兩極 ( 我覺得實際上大部份係傾向接近直的), 選擇異性既機會更高. 正如大部份父母希望亞囡大個遇到好男仔, 繼而直番云云.
作者: stofu    時間: 2013-8-26 20:46

其實對於假唔假,我覺得只要果下要真心鍾意對方就OK啦。
好似上面咁講,性別真係唔係咁重要,
難保有人今日仲鍾意緊同性,聽日突然就鍾意左個異性既,
咁只要當下既感覺係真實既,而自己又隨感覺而行,
亦都無所謂假唔假,更加無謂理會他人目光啦。

我呢,一路都係讀男女校既,對於女校既情況真係唔多了解,
講真,有機會我都想讀下女校,睇下係咪真係咁




歡迎光臨 Blur-F (reconstructed) (http://blur-f.freebbs.tw/) Powered by Discuz! 5.0.0