標題: [生活] 忽然覺得十幾廿歲既時候,LES係幾吃香的,但老左就... [打印本頁]
作者:
隱形學者 時間: 2012-8-17 01:17 標題: 忽然覺得十幾廿歲既時候,LES係幾吃香的,但老左就...
唔知大家同唔同意,
十幾廿歲讀書果陣,無論係咩類型既les俾人感覺都好新鮮,好特別,可能因為同大部份既女仕唔同啦。人地會對你好好奇or有興趣。而即使其他人對你無興趣,你都會好有自信地我行我素。
但當你大個d,朋友開始穩定交往,結婚,而你又開始同佢地答唔到咀,其實呢下都幾孤獨...
再者身邊d唔知你係les既同事,朋友,親人,多年來都見到你好似"冇咩男人緣",佢地又係咁催你....鄧你擔心
而現在單身的你,亦都唔夠膽亂識女仔,怕拍幾年拖人地又走黎同你講話都係結婚生仔,成件事你好似浪費左人地d青春咁(亦包括自己果d),到頭來又係咁孤單。
雖然我都仲好後生
不過次次諗到呢度,我都會問自己,究竟我係度做緊咩??做咩成日跟唔到大隊??
成個post都好悲觀tim....希望我以上既諗法,你地唔會面對緊....反而係經歷緊一條特別既快樂旅途,然後有能力可以疏導下我。
作者:
luckysisi123 時間: 2012-8-17 02:03
其實我覺得行尼條路就要預左架啦
特別係香港尼種情況好明顯D
如果真係女性既你就會發覺不同年齡既女性都有佢吸引人既地方
但最重要睇你點睇啦...
最緊要都係自己行得開心,舒服姐係咪先~
有D野行行下就好自然自己行左條路出黎,唔洗咁煩既
作者:
fa329 時間: 2012-8-17 02:29
我都覺得係咁..
後生TB係好吃香
但一上左年紀, 身邊同年紀G 都大部分搵男人結婚生仔..
好多時出現左個問題, 就係佢地會搵返d 後生G 拍拖,市場都大d
只係個人睇法.
作者:
coincidence2 時間: 2012-8-17 09:29
不許人間見白頭......
作者:
coincidence2 時間: 2012-8-17 09:30
而近年風氣係, 婚姻唔如意女人會搵好MAN的B
作者:
小久 時間: 2012-8-17 09:42
嗯,我覺得自己都唔係小朋友喇,但都經歷緊你講既問題
你呢個POST最講中我生活既,係身邊朋友個個結晒婚,生晒仔,大家根本完全無話題...呢下係好無奈
唔想俾D直人朋友知自己係LES,但佢地就會不停同你講搵返個男仔拍拖
再唔係,就個個同你講要生仔,生仔有咩好(縱使我已經講到明自己好憎小朋友)
大家出黎見面食飯,成枱都已經為人父母,出黎只係交換湊仔心得,邊隻奶粉好,用開邊隻牌子尿片之類...再唔係就講D奶奶有幾麻煩,幾難相處...我係完全搭唔到咀既
我都覺得幾孤獨所以成日唔想同佢地見面,但大家成十年朋友,唔見又唔得,人地只係唔知我LES姐,佢地無錯-_-而且都係我選擇唔講...
至於屋企人又無咩,可能因為佢地都估到我性向,亦無反對,而且態度都幾溫和接納(見佢地點對我女友就知)
單身都唔洗驚去識女仔既,呢個諗法太悲觀~其實只要對方好清楚自己性取向亦知道自己想走咩路,唔會好似果D唔知自己想點/或者一時一樣果D港女咁,基本上都唔會突然無啦啦話走返去搵男人結婚生仔~起碼我好清楚自己一定唔會中意男人亦對婚姻無憧憬再加上完全憎細路仔~
同埋,唔好搵BI囉,BI真係好危...-_-
作者:
Gigi 時間: 2012-8-17 12:39
因為後生時你會想做乜就做乜，你會好proud of / 好想人地知你係les，你會放膽去識朋友，機會自然多
而家大個咗冇咁鍾意玩
冇咁容易係唔係都frd
唔會覺得自己係les唔係les好特別
唔會諗住要打扮到好靚／好型嚟吸引好多人
開始累積到少少戀愛經驗
開始知道原來自己想要D咩伴侶、咩朋友、咩生活
開始堅信寧缺莫濫
開始會對各方面有自己所謂o既要求
開始慨嘆生活不如理想
開始覺得／理解／埋怨朋友同你一樣好似好忙，想傾多句、見多面都唔得
開始認為自己好老
開始唔想浪費時間，唔想識D無黎啦間o既人
P.S. 樓主，做人係唔需要跟大隊的
只要過一D自己覺得舒適o既生活就ok了
作者:
carcar 時間: 2012-8-17 14:01
我一直覺得年紀大d 既b/g／p 係比較吸引，畢竟閱歷多d，睇既野唔會太表面，但同樣地，會比較保護自己，所以相對較難俾人認識
所以我相信荀盤仍有好多：）
[ 本帖最後由 carcar 於 2012-8-17 14:02 編輯 ]
作者:
espresso 時間: 2012-8-17 15:35
細個 --> 怕寂寞/唔知自己想要咩 --> 咩人都會approach下 --> 多朋友
大個 --> 有自己世界/開始知自己想要咩 --> 唔想浪費時間同無聊人打交道 --> 少朋友
(呢個係我既case)
朋友多寡我覺得唔係問題, 「人生得一知己」都死而無憾啦! (so far 我都未遇到)
要我對住班無聊人廢up我寧願一個人靜靜地做下自己野仲舒服
我同d識左10年以上既直朋友已經越黎越少聚頭 但我又唔會覺得好sad
人總要成長, 唔同階段自然有唔同既生活方式, 無理由成世人keep住一個mode
最重要搵到自己方向, 唔係大多數人行去邊妳就行去邊, 軟弱/附和只會迷失自我
仲有千祈唔好同人比較, 要比就同自己比, 今日的我勝過昨日的我就夠=)
les呢條路無疑係難行d, 但點都好, 自己揀既就努力堅持落去! 加油!!
作者:
撒爾達 時間: 2012-8-17 16:38
當我十幾廿歲時, 從沒想過要同同性交往..
中學係讀男女校, 電腦未普及 (我中學畢業後先開始接觸網上世界)
身邊無乜渠道接觸到同性戀既資訊
有喜歡過男, 亦對女生有好感
但無意同朋友分享..
因為當時覺得對同性有超友誼感覺係奇怪事, 唔應該做
後來中學畢業後第一次被異性追求
對於無被人追過, 無拍過拖既我黎講, 感覺好飄飄然
依家回想起.. 我當時似乎只係享受被愛
原來自己都有人鍾意, 好安慰
之後每次分手後, 有男性朋友追求而我又不太抗拒 "他" 的話, 都會接受
其間有遇過心儀的女性, 不過我仍是不敢有所行動..
一直到前夫出現
好諷刺.. 佢可以話係我遇過最適合當一個好丈夫既男性 (雖然我遇過既男人唔多)
細心, 忍讓, 孝順, 顧家, 身高標準, 體格強健, 五官端正, 職業極正當, 收入不錯, 工作連帶既福利都好好
可是我偏偏對佢既感覺一直都好唔強烈..好平淡.. 只似係一位好普通既朋友
但因為佢條件對我黎講已經好好, 我自覺不應要求太多
難得媽媽對佢評價很高, 而佢又好快就求婚, 所以我地好快結婚了
可是, 兩三年後離婚收場.. 算是和平分開的
他由頭到尾都是一個好丈夫, 有問題的是我..
因我對感情和婚姻的無知.. 浪費了對方和雙方家人的付出
很自私.. 傷人又傷己
離婚後我認真審視究竟自己想要追求什麼, 過怎樣的生活?
說實話我現在還未很清晰, 仍在摸索中
不過有感在一步一步認識真正的自己
現在我有一位很會體諒我的女友, 終於能做到愛和被愛的感覺~
雖然她仍很年輕, 大家對將來都不確定
但彼此都努力地嘗試活在當下, 一起學習如何愛 
(她比我這位大姐姐更懂得如何珍惜如何愛呢! 真失敗~ 哈哈)
[ 本帖最後由 撒爾達 於 2012-8-17 16:43 編輯 ]
作者:
siukit 時間: 2012-8-17 19:16
有時我都會諗老左點算好呢...
會唔會得自己一個終老....
另一伴唔係唔好...佢對我好好....
但係佢依家仲細..得個廿頭...過多幾年又唔知佢點諗....
佢條件唔算差...都有好多仔追佢嫁...
佢又好鍾意小朋友...我地有諗過領養...但又唔夠資格...
我又怕第時老左我會走先過佢...冇人照顧佢...
作者:
heear 時間: 2012-8-17 21:32
原帖由 撒爾達 於 2012-8-17 16:38 發表
當我十幾廿歲時, 從沒想過要同同性交往..
中學係讀男女校, 電腦未普及 (我中學畢業後先開始接觸網上世界)
身邊無乜渠道接觸到同性戀既資訊
有喜歡過男, 亦對女生有好感
但無意同朋友分享..
因為當時覺得對 ...
oh, it's nice to hear!
加油! 努力走下去!
人越大，顧慮既人越多，給自己的框框亦相對多了。
其實，退後一步諗，人一出世，就是身無一物啊!
作者:
happyalways 時間: 2012-8-17 21:47
雖然我今年只係一個十幾歲 (差 2 - 3 年就二十 ) , 跟媽媽同住嘅平凡女仔 , 因為緣份讓我遇上有一位比我大十幾年 , 已經結過婚嘅女朋友 ... 大家由相識 , 相愛 之間發生過好多事 , 有喜有悲 
可能因為我仲細 , 好多野都未定 . 但對方始終大個 , 都係時候要搵一個可以共渡餘生嘅另一半 所以有時我女朋友雖然無講出口或者轉接d問我 : 甘唔甘心咁就一世 ...
我由細到大其實都好清楚自己係一個 les 嘅女仔 , 身邊出現過好愛我 , 對我好好嘅男仔 , 其實我都係享受被追嘅感覺 , 但新鮮感總會過 , 到認真相處過 , 發現對男仔只能有友誼嘅感覺 , 同佢地完全無任何想錫 , 想抱嘅感覺 , 係街見到靚仔完全唔會望 ! 呢樣我呃唔到自己 , 無心動嘅感覺就係無
可能生於一個唔完整嘅家庭 , 我由細到大都好想組織自己嘅家庭 , 好想有自己嘅小朋友 老年有人照顧 幸幸福福簡簡單單咁就一世
但人愈大 , 先發覺其實一切都系我稔得太完美 , 結婚唔一定幸福 , 生仔唔代表佢要理你 
我最近學識人總要返黎現實 , 剩係識稔但唔踏實地行落去係完全無用
第時嘅野我亦唔知會點 , 只知宜家身邊有位好愛我 , 對我好好嘅女朋友
撒爾達講得無錯 , 人係要識活係當下 , 第時嘅野都未發生 , 稔黎做咩吖 ~
作者:
sosad 時間: 2012-8-17 22:28
不要被年齡框住自己
雖然年紀大了
同齡的朋友都有自己的家庭
但係朋友可以再認識新的
年紀大了還有便是心態的硬化
成日覺得自己年紀大
好多野都吾敢試限制住自己
例如自己老了有好多迎合潮流的衫都吾敢穿
那件衫會成熟先敢穿
很多喜好都比自己的想法限制了
雖然工作的場合係需要衣著配合年紀
但係放工後你便自由
有關衣著只係例子
只要你細心留意自己的生活習慣
每一部份的表現都反映出自己現在的心態
我的意見係吾理你咩年紀
當你覺得生活不開心就要求變
為自己的生活增添色彩
就要大膽求變和勇敢嘗試新事物
[ 本帖最後由 sosad 於 2012-8-17 22:31 編輯 ]
作者:
eggtart 時間: 2012-8-18 01:05
this post is so meaningful, give us some inspiration about how we could make our life
more colorful
作者:
carcar 時間: 2012-8-18 02:35
原帖由 espresso 於 2012-8-17 15:35 發表
細個 --> 怕寂寞/唔知自己想要咩 --> 咩人都會approach下 --> 多朋友
大個 --> 有自己世界/開始知自己想要咩 --> 唔想浪費時間同無聊人打交道 --> 少朋友
(呢個係我既case)
朋友多寡我覺 ...
"要我對住班無聊人廢up我寧願一個人靜靜地做下自己野仲舒服
我同d識左10年以上既直朋友已經越黎越少聚頭 但我又唔會覺得好sad
人總要成長, 唔同階段自然有唔同既生活方式, 無理由成世人keep住一個mode
最重要搵到自己方向, 唔係大多數人行去邊妳就行去邊, 軟弱/附和只會迷失自我
仲有千祈唔好同人比較, 要比就同自己比, 今日的我勝過昨日的我就夠=) "
can't agree more!
作者:
小熊子 時間: 2012-8-18 05:11
原帖由 siukit 於 2012-8-17 19:16 發表
有時我都會諗老左點算好呢...
會唔會得自己一個終老....
另一伴唔係唔好...佢對我好好....
但係佢依家仲細..得個廿頭...過多幾年又唔知佢點諗....
佢條件唔算差...都有好多仔追佢嫁...
佢又好鍾意小朋友.. ...
你同我都差唔多,另一半都係細同埋鍾意小朋友
之前都有成日諗D負面嘢,不過隨著時間過去,
反為我諗擔心咁多,不如諗下點樣可以更加開心過日子仲好.
作者:
小熊子 時間: 2012-8-18 05:24
版主,照你咁講,D 老B仲有市場??
不過,實在,人年紀大咗,的確會較保護自己,
唔會好似後生果陣咁勇,見到喜歡嘅都會去追,
隨住年紀增長,體會到好多野唔一定要得到,反而更懂得欣賞同珍惜.
作者:
sosad 時間: 2012-8-18 08:35
原帖由
小熊子 於 2012-8-18 05:24 發表
版主,照你咁講,D 老B仲有市場??
不過,實在,人年紀大咗,的確會較保護自己,
唔會好似後生果陣咁勇,見到喜歡嘅都會去追,
隨住年紀增長,體會到好多野唔一定要得到,反而更懂得欣賞同珍惜.
大年紀的B 吾會無市場
外表保養得好一樣會有人要
而且思想和性格成熟
又有經濟基礎
直頭係筍盤
反而係她們有過經歷知道自己想要什麼
先很難搵伴
就算她們追求G
一發現對方不適合便很快抽身
她們比細年紀的B 理智很多
所以她們便覺得沒年青時容易搵伴
其實係心態改變左沒有當年勇
作者:
Guten_Morgen 時間: 2012-8-18 10:23 標題: 回復 #10 撒爾達 的帖子
撒爾達，謝謝你的分享，很感動、很真實！
作者:
raeho 時間: 2012-8-18 23:08
真係人愈大同d直的朋友愈無話題
結婚生仔話題都真係好難搭嘴..又唔想唔比反應..
樓主講既全都很中point haha
好彩仲有人話d 大少少既b 有吸引
作者:
羽_嘉 時間: 2012-8-19 20:57
我再過多一年先20, 可能對於各位黎講我只不過係個小朋友
最近我發現我同朋友之間ge關係, 最長唔會超過十年
至於原因, 我都唔知點解- -
十年, 咁長時間都keep唔到關係, 我諗佢地都唔想同我做朋友....
不過依家我有新同伴, 希望今次依兩個新同伴能夠有長遠關係=]
有人同我講過佢想像唔到我有partner ge時候會係點
其實講真, 我自己都想像唔到xd
畢竟我仲未拍過拖, 我唔知自己會點對另一半
而且我係一個冷淡ge人, 同我唔熟個d會覺得我有距離感,
但熟我ge人就會知道, 其實我只係睇人而選擇對唔對佢熱情
有時係度識到網友, 我無理由用d好冷淡ge語氣同佢地傾計
而且文字同真實相處始終係兩回事, 所以我同人wtsapp / line等等,
其實都係好友善架XDD
嗯...有d離題@@
其實就算係年輕還是老都好, 無論邊一個年齡層,
les market都係一樣, 老左無勇氣去追, 係因為自己傷唔起, 或玩唔起,
年輕有膽去追, 只係因為佢地玩得起, 傷得起
我自問我都算年輕(仲未20 XDD)我都無膽去追, 因為我都玩唔起
遇過鍾意ge人我都係收係心入面, 係側邊睇住佢開心就夠, 有時同佢sms都好開心,
唔話佢聽係因為知道自己同佢無可能, 而且佢係直, 同佢講左驚連朋友都無得做,
淨係依度我已經承受唔到/_\
所以, 其實無論邊一個年齡層, 都有佢唔碰得ge地方
由我有記憶開始, 我就知道自己想要乜野,
屋企人好錫我, 不過全家得我哥知我係les, 而佢都唔介意, 而且佢一直都覺得我係- - 所以都無訝異, 我一直覺得我有依個哥係上帝俾我ge禮物, 所以我同我哥關係一直都好好=]
我一直都有個希望, 就係我希望我會戀愛一次, 一生一世
(不過我知都無咩可能=_=!!)
作者:
carcar 時間: 2012-8-20 02:59
原帖由
小熊子 於 2012-8-18 05:24 發表
版主,照你咁講,D 老B仲有市場??
不過,實在,人年紀大咗,的確會較保護自己,
唔會好似後生果陣咁勇,見到喜歡嘅都會去追,
隨住年紀增長,體會到好多野唔一定要得到,反而更懂得欣賞同珍惜.
係嫁~我一直覺得係
只不過大部份鍾意柄埋自己咋嗎~
作者:
happygrass 時間: 2012-8-31 16:24
原帖由 小久 於 2012-8-17 09:42 發表
嗯,我覺得自己都唔係小朋友喇,但都經歷緊你講既問題
你呢個POST最講中我生活既,係身邊朋友個個結晒婚,生晒仔,大家根本完全無話題...呢下係好無奈
唔想俾D直人朋友知自己係LES,但佢地就會不停同你講搵返個 ...
我都好有同感，有時見人一家大細，會自己係咪都應該找個男人。。。但諗到同男人就有啲唔自在
作者:
G_P 時間: 2012-8-31 16:41
我都覺,當分左手再識個另一個時間需要好幾倍!
我身邊朋友都好多結灑婚,仔都有埋,感覺自己仲原地緊-0-
作者:
RaeRae 時間: 2012-9-1 14:29
好身同感受。。。
我諗過呢個問題好耐。。。千百萬次
大個好難再識到g，
個個女仔到26，27就想結婚。。。
唉。。。我都失去信心。。
唔知可以點樣再識到另一個架。。
作者:
KUB 時間: 2012-9-1 23:09
好有同感!!!!
我成日都會諗呢個問題
出左黎做野圈子都細左
其實好怕自己嘅另一半最後都因為結婚而離開
有時都好灰
其實我都煩左好耐
搞到有時令女朋友都好辛苦...
| 歡迎光臨 Blur-F (reconstructed) (http://blur-f.freebbs.tw/) |
Powered by Discuz! 5.0.0 |