標題: [愛情] 無意中讀到,大家點睇 [打印本頁]
作者:
spolaw 時間: 2012-8-17 17:16 標題: 無意中讀到,大家點睇
恨也講資格 – 覆愛過的人
貽興︰
我是你的師妹,請別嫌我太贅長的問題︰
我和她在大學時相識(我們都是女孩),然後同居,在一起七年了。一直,她對我無微不至,連大聲和我說話也未試過,畢業後,我只做一些悠閒的兼職,所有支出都是她負責的。
前年,她和我提出分手,原因是我太管束她,令她沒有了自己,說我未夠成熟,和她分享心靈,我當然知道,分手的理由有一百個,但真的很愛她,我求她等我,讓我努力找工作,也不再控制、依賴她,結果當然是失敗。我讓她把我倆養的寵物帶走,不想看著傷心,然後搬回家住,她也搬走了。
分手後,我努力站起來,也找到了穏定的工作,最開頭的半年間,我有寫過數次信給她,但她完全沒有回音,後來,我有了男朋友,也就不便再找她。
年多了,到了最近,我和男友分手了。有一天,她發訊息給我,說小寵物死了。我們分手一年多後第一次重聚。她有了新的女朋友,我不確定這個是不是我們當時的第三者,還是分手後才認識的。安排火葬時,我們大致談話內容如下︰
她說分手的原因是覺得當時我們不適合在一起。
她說分手後不回信是因為她十分難過,回信會更難過,也不想我難過。她說本打算等多些日子她能不為我傷心時才回信。
她告訴我別太見外,我們的愛情昇華了,她將我視為親人。
她說一切只看天意安排,我知道她暫不想有改變。
她說她現在是開心的,也只想開開心心過每一天,她說我對愛情太著緊了。
我問她最愛的是誰,她說是我。
她說若我或我家人有什麼困難,要第一時間找她。我說︰「你望都望我找到個好男人幫我,唔使找你啦。」她說「嗯,我也想喝你的喜酒。」
她說我堅強了很多。
她說這七年間我對她的影響很大,她的生活也帶了我的影子。
直至我們再見面,我才發現自己原來或多或少對她帶著恨意。我不再完全信賴她,而是對她的話半信半疑,分手時的痛苦對我來說是畢生難忘的,現在想起還是痛的。
火葬後我們沒有往來,但每星期都會各自去探望寵物。最近她傳了簡訊叫我小心身體。
到底我,情何以堪?一生中最愛,就讓她從生命中淡出,留作回憶?還是努力爭取?
我知道,只有不再痛不再恨的時候,只有做個重新的人,我們才有在一起的可能,朋友也好,情人也好,但可以嗎?到現在我還是很痛。
愛過的人
愛過的人:
來信累贅不妨,但別讓自己的愛情太累贅冗長,該完結的時候,就別繼續拖拉糾纏了。
你是被豢養的寵物,一直享受被豢養的悠閒與樂趣,有天你的主人覺得你太煩人,太黏,影響她的生活,所以就拋棄你,呼吸外邊新鮮空氣。你沒有話事權,所以,整段關係由開始到如今,結束之後,你還是一直被動,因為,由始至終,你都是比較著緊,比較放不下那一個。
對主人來說,棄掉這隻寵物,只要願意付出相同的時間、心機和金錢,他還可以養另一隻寵物,然而對寵物來說,要另找主人,卻始終難褪之前烙印,你現在不妨看看自己的腳丫,是不是仍然刻著之前那個她的名字?
其實你們如今已經是最好的結局了,至少還能平心靜氣坐下來聊天。姑勿論她是因為跟現任的感情怠倦還是身痕想撩你,你也別輕易泛起漣漪了,一來以你的水平你真的玩不起,即使有過什麼她可以拍拍屁股輕鬆離去,跪坐原地又哭又罵的卻一定是你,何必?
恨是必然的。有多愛,就有多恨。不恨,也許是因為已經過了恨的階段,心裡只餘下淡淡的影子,又也許,是因為當初根本沒有很愛……至少現在已經不再愛了。一個不愛你的人,即使你再愛又如何?你愛她愛到願意再把狗帶圈在自己頸上,或者恨她恨到把她咬到同歸於盡,她的心還是不屬於你,即使曾經,你們是世上彼此的唯一。
你倆一起養的小寵物已經離開了,且讓你們的關係也隨著一併離去,火化掉吧。你們因著這小寵物曾經有過的甜蜜溫馨家常片段早隨小寵物死掉而不復再,偶爾重溫不妨,但想舊調重彈,卻是痴人說夢了。
盡情恨吧,恨完,就得好好繼續生活。你要愛的人,不是你要的那個人。
祝 恨也講資格
貽興
作者:
J__ 時間: 2012-8-17 18:07
愛過. 就有資格恨吧?
我又想起. 之前有姊妹提過的.
若果已成為親人. 你會和親人分手的嗎?
如果1段感情. 是主人和寵物.
那這...還是愛情嗎?
(我知是1個比喻. 我意思是若2個人的關係是如此. 這還是愛情嗎?)
作者:
siukit 時間: 2012-8-17 19:02
愛過就能恨嗎???
真正既愛情會怨恨對方嗎???
作者:
小馬 時間: 2012-8-17 20:48
無論多愛多痛多恨都好,經過了哭了怨了,最後要好好向前,好好過自己的生活!因為”你要愛的人,不是你要的那個人”!
作者:
J__ 時間: 2012-8-17 21:14
原帖由 siukit 於 2012-8-17 19:02 發表
愛過就能恨嗎???
真正既愛情會怨恨對方嗎???
我相信這種恨是出於愛.
因為太深愛. 就寧可用恨去蓋過.
去說服自己不要愛這個人.
當有1天. 她不再恨. 也就不再愛.
作者:
little 時間: 2012-8-17 22:13
愛恨相隨,千古不變。恨的背後是深深思念,尤其是得不到那一方,不過時間始終會淡化傷痕,至於能不能真正放下,就要視乎個人性格,而隨後遇到的人和事都有極大影響。忘記背後,努力面前,或許是最好的自我安慰。
作者:
sosad 時間: 2012-8-17 22:52
她們兩人都是大學畢業
因為有人養就做悠閒的工作
花了七年時間一起便被拋棄
真可惜因為愛情而失去了事業心
七年的工作奮鬥可以建立到很多
這個故事教訓G們不要被這句說話誘惑 "老婆! 我養你吾洗你做野!"
無論對方點樣當你公主
總有天都會厭倦
都希望有番王子
想倒過來被灰姑娘寵愛
兩人的關係、能力、付出等都能平等
愛情才能穩固長久
作者:
vivianyan 時間: 2012-8-17 23:52
有同感。
友人問我對她還有感覺嗎?
我總答有,我非常非常恨她。因為我曾經非常非常愛她。
我恨她能夠不費吹灰之力傷我至體無完膚,自己仍能風流快活遊玩人間。
我恨她對我批評多多,自動略過我所付出的一切一切。
我恨她用鋒利的言詞把我形容得一無是處。
我恨她的自我中心,她的無法體諒,她的壞脾氣。
所以我要活得比她好。我要讓她知道我是打不死的小強,放棄我是你的損失。
[ 本帖最後由 vivianyan 於 2012-8-17 23:54 編輯 ]
作者:
carcar 時間: 2012-8-18 02:38
如果我知道同一個人係再無可能,我想,我不會浪費時間去恨
作者:
hattricks16 時間: 2012-8-18 13:17
原帖由 carcar 於 2012-8-18 02:38 發表
如果我知道同一個人係再無可能,我想,我不會浪費時間去恨
絕對同意!
其實愛既反面唔一定係恨,當愛黎既時喺埋一齊,愛淡就回分開,people sometimes just grow apart.
好似我當年俾人飛咁,佢同我分手係覺得我不思進取。當年既對話係:
她:我以為妳係可造之材,點知係廢柴
我:咁係妳有眼無珠,遇人不淑
她:妳真係冷血,分手可以咁冷靜,我wonder 妳有冇付出過感情
我:huh? you are the dumper, you are dumping me
她:妳完全都冇 try to save the relationship
我:我地一齊咁耐,妳應該知道我為人,if you're looking for 一哭,二鬧,三上吊,it ain't gonna happen
她:well, 係我飛妳!
我:I know
老實講,分手之後,有少少惆悵,亦都有鬆咗啖氣既感覺。我確實冇恨過佢,之後喺茶樓撞過幾次,我好大方咁行埋去同佢打招呼,佢就好唔自然咁應我。
作者:
fee 時間: 2012-8-18 13:54
Well i thk i am just a pet, she is my master.
really.
And i really hate myself like this
作者:
JEFF 時間: 2012-8-19 03:40
原帖由 hattricks16 於 2012-8-18 13:17 發表
絕對同意!
其實愛既反面唔一定係恨,當愛黎既時喺埋一齊,愛淡就回分開,people sometimes just grow apart.
好似我當年俾人飛咁,佢同我分手係覺得我不思進取。當年既對話係:
她:我以 ...
你真係好豁達, 大方,,,
我跟她分開了. 仍然是好朋友, 但大家都會刻意保持住距離
其實我不肯定自己是否還愛著,但真的很恨她, 有時會覺得她很煩
分開是因為性格不合 而且沒有了以前那份堅持去維繫
我自問為她付出了很多, 但她卻沒有感激, 甚至會覺得理所當然
可以被寵壞了..
可能是我心有不甘 變成了恨!
作者:
carcar 時間: 2012-8-19 04:42
原帖由 hattricks16 於 2012-8-18 13:17 發表
絕對同意!
其實愛既反面唔一定係恨,當愛黎既時喺埋一齊,愛淡就回分開,people sometimes just grow apart.
好似我當年俾人飛咁,佢同我分手係覺得我不思進取。當年既對話係:
她:我以 ...
佢可以用一d 咁 mean 既字眼,段關係已經失去專重,她放生了妳了
作者:
hattricks16 時間: 2012-8-19 05:11
原帖由 JEFF 於 2012-8-19 03:40 發表
你真係好豁達, 大方,,,
我跟她分開了. 仍然是好朋友, 但大家都會刻意保持住距離
其實我不肯定自己是否還愛著,但真的很恨她, 有時會覺得她很煩
分開是因為性格不合 而且沒有了以前那份堅持去維繫 ...
其實我係個好執著既人,做事好講原則,自己既原則。
佢係個辦事能力高,霸氣十足既人
當初我就係為佢既霸氣著迷
甚麼事都是佢揸住意,我樂得唔駛費神
佢要我闖高峰,我同佢話高處不勝寒
佢覺得我冇用,我覺得佢太過壓力煲
到最後係因性格不合而分開
但因為佢係一姐,所以要做飛人嗰個
在我黎講邊個飛邊個無關重要
最終結局係分開
我唔恨佢係因為係佢幫我走出我以前女友過世既情傷
係佢令我有返笑容,為我做過好多
我亦為佢做過唔少
恨一個人要用好多精力,太累啦
作者:
hattricks16 時間: 2012-8-19 05:23
原帖由
carcar 於 2012-8-19 04:42 發表
佢可以用一d 咁 mean 既字眼,段關係已經失去專重,她放生了妳了
謝謝
其實,我識佢嗰時已經知佢係啲講說話不留情面既人,所以我冇怪佢
我成日同佢講,做人留一線,日後好相見,佢不認同
辦事能力,我確實不如佢
可能佢覺得係佢逃出生天
不過我唔明既係,撞返既時候,佢身邊有位不錯既伴侶
反而我係小姑獨處
我可以落落大方同佢打招呼,而佢表現得好唔自然
btw 我地係 BB 戀
作者:
carcar 時間: 2012-8-19 06:24
原帖由
hattricks16 於 2012-8-19 05:23 發表
謝謝
其實,我識佢嗰時已經知佢係啲講說話不留情面既人,所以我冇怪佢
我成日同佢講,做人留一線,日後好相見,佢不認同
辦事能力,我確實不如佢
可能佢覺得係佢逃出生天 : ...
咪因為對妳仍有恨呢!
btw, 女女戀,又係真心相愛,咩野label 我都真心覺得無問題,支持!
作者:
hattricks16 時間: 2012-8-19 13:54
原帖由 carcar 於 2012-8-19 06:24 發表
咪因為對妳仍有恨呢!
btw, 女女戀,又係真心相愛,咩野label 我都真心覺得無問題,支持!
噢,呢樣我有冇諗到
可能佢真係恨我浪費咗佢啲時間
作者:
WhiskyOnRock 時間: 2012-8-19 19:03
嘩,睇倒呢篇野,覺得自己曾經都係過來人,
不過幸好我沒有像當事人,花長時間去看淡一段死去的愛情。
貽興講得幾好,有 D 野真係唔係個個玩得起,
入得去呢個戰場,一係就「拎得起,放得低」,
一係就唔好入場,要知道唔係個個人都能擁有天荒地老的愛情,可能係命運。
我自己覺得愛情、親情同寵物之情係三個層次、三個不同種類既愛...
無謂互相比較,即係有人愛寵物多過愛人,有人愛家人多過情人,
有人同情人幸福一世但可以唔想理屋企人,老套講句,任何關係都係緣份!
緣來緣去,何必強求~
唔開心就梗有,但有 D 野明明死左,固執地令佢死灰復燃都係自欺欺人。
就算恨一個人,都係當下情緒發洩姐,時間會令恨淡化,
我就唔信有人可以咁勁恨一個人一世,咁辛苦,倒不如學習忘記。
作者:
Trespasser 時間: 2012-8-20 01:07
唔知大家會唔會覺得我係講亂up....
只覺得一段感情完結後有恨既存在係因為當時人放不低, 放低左就唔會再有, 每個人都有恨既權利, 只睇你會唔會行使呢個令人辛苦既權利
作者:
nicolepig 時間: 2012-8-21 21:38
盡情恨吧,恨完,就得好好繼續生活。你要愛的人,不是你要的那個人。
祝 恨也講資格 <<<<一開頭就已說有愛才有恨....有恨的資格....就是我也真心愛過...
我覺得愛過後是可以恨的....因為要放下愛....先要將愛轉化為恨.....要在短時間內收恨並送上祝福........埋葬好完結的愛情.....
在從新起來後.....來能好好愛下一個......否則本身都唔夠況態大勇....如何有一段有質素的感情.....
好似講到好亂.....希望有人明我講咩
作者:
JenniifaC 時間: 2012-8-28 22:04
王貽興還是我當初欣賞的那個他..感動..
唔主張食回頭草
畢竟呢株草,牽扯到既實在太多
無謂再令自己受傷,反正已經勇敢咁向前走了..
作者:
小琳 時間: 2012-8-30 05:01
我想...
看完後, 突然總結了...
愛的反面不一定是恨, 不一定不愛了就會恨,
但恨, 不能說一定還愛, 但是是還放不下吧...
到一天你對一個人沒感覺了, 或者不可置否了,
就是過去了.
不一定要恨完才能繼續好好戀愛,好好生活,
但一定要恨時也好好愛自己,好好生活...
作者:
小久 時間: 2012-8-30 10:03
D人永遠只會向後望,唔識向前看
"我問她最愛的是誰,她說是我。"真係真心登人地個女朋友慘
都分左手,講咩家人姐,一齊果陣認你做老婆添啦,分左手就咩都唔係
o係我眼中除非有血緣如果唔係點都唔會係家人
我一直相信結婚都可以離婚,唯有家人就算斷絕關係佢地都仍然同你有血緣
果d仍然關心ex,又話當ex係家人既人,係永遠都咁自私
有無諗過現任感受?!
呢d咁既說話,完全唔係正路"朋友關係"會講既野
既然內容都唔似朋友,就根本唔適合做朋友,唔好話咩家人朋友咁虛偽啦...唔純潔既友誼完全唔係友誼
作者:
spolaw 時間: 2012-8-30 19:02
原帖由 小久 於 2012-8-30 10:03 發表
D人永遠只會向後望,唔識向前看
"我問她最愛的是誰,她說是我。"真係真心登人地個女朋友慘
都分左手,講咩家人姐,一齊果陣認你做老婆添啦,分左手就咩都唔係
o係我眼中除非有血緣如果唔係點都唔會 ...
我覺得, 已經有女友又同EX講最愛是EX, 無非都係想偷食/將EX變二奶
總之, 就是動機不純正
歡迎光臨 Blur-F (reconstructed) (http://blur-f.freebbs.tw/) |
Powered by Discuz! 5.0.0 |