作為一名將近畢業的大學生，準備投身在傳統行業
在工作環境上深怕同事、前輩發現性取向
無論任何時候都不容易轉換工作環境
自己亦在傳統家庭長大，不容易向家人出櫃
身邊朋友全是直人，連交過的女朋友也是直人

但作為TB總是有份自卑感
覺得無論表現有多出色，也得不到前輩的認同
亦怕前途會因而受影響
想過因為工作關係而改變自己，但這應該是不可能的事吧
又怕有天會被發現，而影響工作前境

目前有一段漸趨穩定的感情，無奈女友也是直人
前女友亦曾因要找男朋友的關係而離開
這給我很大的不安全感
有時會覺得自己無法給予女友平凡幸福的生活
亦會連累她去面對同性戀的障礙
如果她交的是男朋友或我不是女生，就不會那麼辛苦

這些問題一直纏繞在我身邊
怕遭人冷眼，怕被同事發現，怕家人傷心
也怕女友離開，怕她辛苦
作為TB總是很矛盾，我很希望我只是一個平凡人

[ 本帖最後由 kaze 於 2012-9-28 01:41 編輯 ]

TB又未至於不是凡人
只是並非現今社會主流的人而已
我諗你ge情況好多B都好明白
(我畀人當我係B, 所以都明)

我睇到「女友係直人」呢個真係cannot agree anymore!!!
唉, 真係好灰ga
會好冇安全感

有d好奇, 傳統行業是甚麼? 老師?

我都係傳統行業，好在身邊有不少開始明ga朋友同師兄姐，令我係工作環境上所面對ga壓力較少，當然面對容人時所受到ga挑戰更大，我唯有更加做好自己份內工作！

加油吧！別灰心

其實咩叫傳統行業?
我覺得我直頭係夕陽工業........
過多廿年應該會摺得tim
公司都好多恐同人
因為都係上年紀的老派

唔使同全世界講. 搵到個明白你既人就可以.
就算男同女1樣會有壓力. 咁當然同性會更大啦.
睇你地自己識唔識點開解自己用解決.

工作上. 如果b look. 有d人會好反感.
咁睇下你可唔可以. 搵返個中間點. 唔係叫你超女人.
但搵個look係你又舒服. 人地又覺得你中性d.

做人既野就係咁. 接受不能改變的. 改變不能接受的.

TB都係人
我都明白你
直女係無安全感,個心一定會時不時諗佢幾時會同返男仔一齊
至於其他人點睇你我又覺得唔洗理咁多
自已做好自已就OK LA
我都係傳統既家庭長大
但講真真心既人會明白你同體諒你
努力加油哇

直女是覺得將來就是要結婚生小孩。
我就被說過妳又不是男的，這麼生啊！唉
傳統行業幾乎很多是老派的。不過其他行業也是，做好自己份內的事情就好了

在工作環境可以做點微調, 言行打扮方面修飾下就OK
家人朋友呢D我會選擇性披露, 畢竟無必要同全世界交代
情人呢PART最重要, 如果佢自己都搖擺不定, 大家點行落去
我相信只要兩個人既心夠堅定, 無咩問題會解決唔到

作為一個畢左業幾年ge B, 同你做少少分享
我返一份full-time ge時候, 我刻意留長頭髮, 著女仔衫同化妝
結果真係無咩同事知我係LES

而家轉左幾份工, 我通常都係去interview ge時候會化妝著裙
返工初期(試用期期間)都係會化妝著女仔d
之後就完全素顏, D頭髮越剪越短,
到而家我係完全B look返工 (裇衫斜布褲, 剷短又gel頭, 粗框眼見)
我個manager都仲唔會知道我係B, 因為佢同我傾偈ge時候都係會話我遲D會搵到男朋友

我ge心態係, 我當去interview/ 試用期係好似以前返學要著校服/ 要上台做drama咁
要化妝同著女仔衫
同埋HOCC咁型都會化妝同埋著裙啦
只要我越爬越上, 做到高層GE時候, 就唔會有人管住我點著
花小小心機響一開始掩飾一下, 都值得呀

至於女朋友方面, 我俾唔到好多意見
不過不論佢本身係直係LES, 要走GE始終要走
咩原因都可能係藉口

保持自信係幫助到事業同感情運GE, 樓主, 加油呀!

睇邊行吧?

我自己由畢業之後起, 見工都真係B LOOK.

不過我又從來唔會將見工失敗歸咎於人地可能歧視自己, 而係覺得自己見工技巧未OK/自己的確唔適合/MIS MATCH

我相信歧視一定存在, 但如果下下將所有野唔如意自行認為是被人歧視, 做人好辛苦的

我都係咁諗
既然選擇走哩條路，開心同唔開心都係咁樣過
不如放下煩惱，樂觀地生活下去吧
如果你覺得日常生活中，成日要收埋自己太辛苦
可以識多d les fd，或o係度多d同“自己人”傾下計

其實所謂「直女」, 我覺得響佢同你開始一齊既果刻, 已經唔算直女喇
有D自信心好過啦, 人地簡得你, 實係你身上有D野令佢欣賞, 唔好諗太多, 變左self-fulfilling prophecy 就唔好啦

工作有成績又幫公司搵到錢，令到公司無左你唔得，就算幾傳統的行業都會好，公司都會尊重你，都唔會理你係TB定CD~~

QUOTE:

我想我應該是人們所認為的Pure 。沒有太多TB所存在的負擔。不過真的很喜歡格仔、條子和碎花衫。中性可以，女女可以，只要工作有空間就必定會回復本性，隨心而行。
你是一個理性、聰明的人，又慬得審視度勢，若再加上人脈好，相信你在事業上必定比較容易成功。我就相對固執，我都想好像你一樣靈活，不過性格使然 ，可能工作路上不理好醜凡事初頭跟大隊，真的易行好多。

[ 本帖最後由 little 於 2012-9-28 23:35 編輯 ]

I wish you all the best. But remember, your career is the most important. Especially at your young age. Any girlfriends you have now are unlikely to last long anyway. Do the best you can for society!

我不相信也排斥直女，好像關菊英說，「最緊要有人對她好」，她真的愛上Ms Chow? 一般人都應為她的伴侶是超有錢，反正大家都到了不惑之年﹒必須要有成熟穩定的自覺，否則年輕的直女真的有信心跟你過下輩子，我討厭做人水泡、後備，更不想付出的愛和心血只是為她人作嫁，而直女中途跳船機會甚大，我可能一病難起，直女是blacklist 。年輕的直女更是愛情拒絕往來戶。

幾年前係B GE我~試過俾同事話唔正常~不過係背後講~我不在乎~
反正我就是我~而愛情~~我依家同緊個結過婚~岩岩離左婚GE女仔一齊~
所以冇話冇可能GE

我自中學之後便沒有著過裙呢
因為我一個禮拜都打2-3日波, 成日著運動裝, 唔打波果日就恤衫牛仔褲CONS
返佐幾年都無人過問

其實所謂「直女」, 我覺得響佢同你開始一齊既果刻, 已經唔算直女喇!

非常同意 ! 當然大家都是女仔，會比較明白女仔的思想!
女仔選擇一個伴侶，應會比男人想得更清楚! 同得你一起，一定有"口及"引對方的特點!
但人在不同STAGE都有不同須要，可能對方真的想生小朋友，這點我想我們真的辦不到!
.... 但當再成熟D去想，女人最終都是想找 一個愛她的人，可以TAKE CARE 到她!

我覺得，身為LES的我們， 應有自信點，在多方面讓對方更覺安全感!
我相信我們不比任何一個男人差!

QUOTE:

原帖由 mocha12 於 2012-9-28 11:43 發表
作為一個畢左業幾年ge B, 同你做少少分享
我返一份full-time ge時候, 我刻意留長頭髮, 著女仔衫同化妝
結果真係無咩同事知我係LES

而家轉左幾份工, 我通常都係去interview ge時候會化妝著裙
返工初期(試用 ...

同意，我出左黎做野都係幾年，ineterview o個時雖然無你所說既化晒妝穿埋裙，
但都唔會穿晒男裝咁b　look，我都係認為等d同事or 上司同你fd 左，
到時你b 唔b look 都冇人會理既...

至於樓主所講既自卑同無奈，我年輕時都有咁既想法，
但人大左你就慢慢會明白唔需要去諗人地點睇你，工作上既表現根本唔關性取向事，
做到野既人地根本唔會理你咩外表(當然唔係叫你唔理自己個儀容，整潔點就好了)。
我反而覺得同直女拍拖先係問題，因為的確係會有種不安感，但好多野都唔到你去control，
做好自己本分，佢要走都冇辦法，
但一起既時候就千萬唔好成日諗佢幾時走...幾時會搵番男仔...
如果一開始覺得自己只係水泡，就唔應該同佢一齊...  要respect 呢段感情...

正如cheuk所講: 「既然選擇走哩條路，開心同唔開心都係咁樣過
不如放下煩惱，樂觀地生活下去吧 」 that's true...