原帖由 YUKG 於 2013-1-22 23:00 發表
明白咁大個先學一樣樂器係好大挑戰 要好大動力,呢個係主因?
我初初學小提琴唔係為左治療失戀的, 依個係我學緊既時候先發現既好處.
我小時候係有學音樂的, 不過係木管樂器, 而當時既我比較鐘意木管樂, 唔太識欣賞string;
但係唔知點解, 係我人生入面, 我成日都會遇到拉提琴既女孩.
係我十七歲o果陣, 我愛上左一個好朋友,
佢係拉大提琴的,
佢個人平日傻o下傻o下, 但係當佢拉大提琴o果陣, 佢實在好型
我有時會去睇佢教d師妹琴, 打理學校個string orchestra,
而亦都因為佢, 我開始欣賞string.
到我之前個ex, 佢一直都好想學小提琴, 但係一直都無機會;
到我地分左手之後三個月, 我無意中見到有個令我好想買佢返屋企既小提琴,
於是我就買左返屋企了.
學小提琴係我紀念依段感情既方式, 同時亦讓我了解一下點解我過去遇到既女孩會對提琴如此著迷.