HEY 想開POST就開吧! 唔使顧慮太多 ;]
btw, 我都係OP FANS

星座有佢既參考性(都算係統計學), 而且娛樂性豐富;D

so sad , 若一腳踏兩船就不用恨了，襯年輕有得選，搵個Mr. Right，愛情面前人人自私，心胸一定窄，真心的關係絕不希望有其他人來插旗分享，但人到了齒搖髮落時 (你超有錢另計)，選擇機會就會少，除非你打算獨身啦!
一是俾機會大家重新開始，一是你不阻她風流快活，當放生自己。

好似成日都會聽到“一代不如一代”哩句話
以前爸爸媽媽會咁講，而家我都開始對90後有咁既諗法 (我老了><)
有時我會諗，每一代在不同環境下成長，好難去比較
上一代相信知識可以改變命運，靠自己努力出人頭地，又冇而家咁多消閒娛樂
我哩一代，小學時開始流行課外活動，中學時開始流行上網/手提電話
出國旅遊/留學開始普及化，算係經歷左一個時代的變遷
論書本上的知識，可能未必及上一代，但對世界的認識/見聞，應該比上一代豐富
相信現實中，大家都唔會亂講野去損毀自己的名聲或去得罪人
只怪internet本身是一個虛擬世界，你可以創造不同的身份
又不用為那個身份的言行而負責，可以隨意發言
我相信如果別人知道真實的你是誰，網上很多無聊或攻擊人的留言都不會存在
除非我知道對方是誰，否則不會太在意虛擬世界裡的說話

愛情呢樣野我已經睇得好開, 咩條件呀機會呀收穫呀都唔想理,
唔似得細個時咁熱中於拍拖, 亦唔想浪費人地時間, 單身生活都幾舒服自在=]

"一代不如一代" 呢句說話我成日用黎警惕自己,
可能我比較多關注文化面貌方面, 覺得大體上係衰落緊...
又或者好似 "MIDNIGHT IN PARIS" 個主角咁, 只係對過去抱持住一份單純既嚮往~
我係80後, 眼見90後既普遍生活態度/處世價值觀都開始有點慨嘆...
智商方面的確係一個世代比一個世代咁提升 (好多研究報告都咁講),
但道德品格方面好似反而愈見墮落, 物質享受令人既靈魂不斷沉淪,
心理抗壓力低得可憐, 經唔起小小既風浪, 特別都市人容易迷失自我,
智商同智慧完全係兩回事, 上一代人經歷既逆境比較多, 思想既強度自然不能相比,
呢一代人唯一最明顯優點就係轉數快, 但其他各方面都非常有待改善...
資訊過分流通係好事亦係壞事, 人與人之間既溝通方便左, 但距離又遠左,
哎呀我都講得遠左啦=p

完全同意你的觀點，你說的是負的一面，而cheuk說的就是正的一面，希望新一代有批判思考之餘，也能欣賞及維持傳統良好核心價值，社會才會持續穩定發展。

哈哈，我都係80後，有趣既話題唔怕講得遠喎 ^^
時光飛逝，十年前我地仲係年輕一輩，而家已經同90後有代溝 >_<
我都認同時下年輕人有好多地方有待改善，不過佢地有既本錢係青春
相信在跌跌碰碰既過程中，佢地會慢慢成長，十年後又會有所不同  

反而我覺得家長都有需要改善既地方
小朋友一開始只係一張白紙，良好既教育/生活背景好影響佢地既成長
要培育小朋友，唔係幫佢舖好晒路，用所謂既“成功方程式”就得
需要樹立好榜樣，教曉子女正確既人生觀，要子女習慣凡事靠自己爭取的道理
適當既時候又該學會放手，讓子女學懂承受挫敗，咁樣小朋友先會成長

樂觀d去睇，其實我既圈子裡都有好多不比上一代遜色既80後
而且值得欣慰是，工作上都教過一些90後暑期工
無論係成績/工作表現/學習態度都非常好，足以擔當未來社會既楝樑

[ 本帖最後由 cheuk 於 2012-10-14 23:20 編輯 ]

呢D或者係每一代人都有過既迷思, 總覺得新一代既小朋友唔多似樣,
細時成日俾大人話, 到自己大左又掉轉頭話返D細既=p
哈哈我知自己睇到既只係事實既一部分, 唔應該太主觀判斷,
但人大左好似多左種責任感, 見到D細路做錯野就想指正/想佢地改,
見到佢地唔爭氣就會火起想鬧兩句, 其實講到底都係出於關心...
而家社會環境複雜過以前, 年輕人面對既問題可能比我地多,
我留意到好多90後傾向三種特性, 一係溫室小花過度受保護下成長,
完全唔識保護/照顧自己, 心靈脆弱又唔識面對/處理問題,
另一種係由細已被灌輸 "世界是很殘酷的" 既極現實主義者,
讀書/做野甚至搵對象, 所有都係向錢看, 夢想就係中六合彩發達買樓,
佢地有時仲功利過好多大人, 或者係香港呢個環境教識佢地咩叫人不為己...
仲有一種係比較聰明比較有個性, 但除左吃喝玩樂令自己開心之外無咩會理,
好努力同社會保持距離, 覺得人生得意需盡歡, 懶得去認真思考人生課題~
我同意好多父母根本連自己都未顧得掂又要去生, 生完又唔識教,
教唔好又懶老師懶學校, 歸根究底個問題係出於自身而不自知...

哈哈，某程度上，我同你形容既人有d相似喎
我父母以前都有同我講過"世界是很殘酷的"
叫我一定要讀多d書，出黎做野最好做專業人士先有保障
以前我都冇在意，但踏入社會後發現哩句係真既，佢地冇講錯
香港社會可悲既係職業唔夠多元化，理想唔可以當飯食
在資本主義既社會裡，世襲同貧富懸殊既問題只會越來越大
有時候唔係向錢看，而係你冇錢的話，就連最基本既“安居”都做唔到
而且有時候唔係你想同社會保持距離，而係香港社會同你保持距離
就好似你其實好鍾意個女仔，但你做乜個女仔都不為所動，又唔同你溝通
咁久而久之你都會開始心淡，開始唔理佢，另覓目標等等

哈哈，同埋而家大個左，先發現為人父母真係唔容易
我個人都好鍾意講道理，對自己同對人既要求都好高
有好認真咁諗過，如果我有得生小朋友，我應該都唔會生
我可以不停咁鞭策自己，女朋友或物品可以選擇
但小朋友冇得揀，一諗起如果生個小朋友出黎
如果佢達唔到我心目中既標準，教佢又唔聽，仲成日做d野令我擔心傷心
諗起都覺得可怕，我諗會崩潰，做父母真係要好有愛先可以包容子女既一切

我個人偏向理想主義, 細時就成日發埋D不設實際既夢,
加上屋企問題, 可以講係完全無人管無人理既環境下成長,
所有是非對錯都係自己從經驗中學習, 幸好我無學壞=p
出到社會都吃左好多虧先慢慢識得點應付所謂既生活,
有試過跟大眾標準去定目標定計劃, 但原來根本投入唔到,
物質唔係我追求既野, 得到幾多都無法填滿我內心既空洞,
所以越來越唔喜歡香港呢個功利主義社會, 太刻板太無聊...
身處其中既人成為無夢想既鹹魚, 人與人既關係既冷漠又疏離,
城市面貌亦一樣, 建築物唔追求美感質感, 只求功能性實用性,
古跡拆完一處又一處, 商場多過士多, 去到邊都係一式一樣既鋪頭...
的確有時會有種無力感, 想關心社會但又無法令社會改變,
睇住D既得利益者繼續壟斷繼續剝削, 勞動階層繼續做奴隸,
在上位者又麻木不仁視而不見, 官員厚顏無恥做走狗助紂為虐...
唉, 除左做好自己同關心身邊人外, 希望有日能夠離開呢個地方!

我好鍾意小朋友, 以前有一段時間做過小組補習導師,
日日對住佢地真係好開心, 雖然有D會唔聽話(多數男仔), 但其他都好乖^^
自己都有諗過想生小朋友, 但實在無法為左呢個原因而同男仔一齊...
同埋考慮到教與養既問題, 做父母責任太重大, 唔係想像中咁簡單,
所以基本上已經放棄左呢個念頭, 香港社會無可能容納到同性伴侶有小朋友...

我諗每個人成長環境都唔同，最重要係長大後成為怎樣的人吧
以前我屋企管得好嚴，不過我十幾歲就出國讀書
那時候開始，我都進入左無枉管狀態，反而冇左父母既壓力
我在待人處世方面進步左好多，返到黎連父母都覺得我變好左
當然我都睇到好多留學生變壞，有時會唔會學壞，只差一線

睇見香港變得越來越差，身為香港人真係幾心痛
雖然我有外國國籍，工作亦有mobility，但如非必要都想留o係香港
講到哩樣，我幾欣賞鄰近既台灣，好鍾意佢地面對工作/生活既態度
講真，政府/高官我地又冇得投票揀，而且好多野根本唔係佢地話事
佢地難免會抱住多一事不如少一事，僥幸既心態做事
只係扮聾扮啞就袋十幾廿萬一個月，俾你做唔做

我發覺只係我地兩個o係度滔滔不絕，但大家好似對哩d話題冇興趣

同你相反，我唔鍾意小朋友，可能我冇耐性啦
乖既我都會有心機教，唔聽話既我應該會俾佢地激死
至於同性戀生小朋友，其實我個人係唔多贊成
大人面對既難題，無謂帶俾小朋友，令佢地既成長變得複雜
或者可以養貓貓狗狗，咁都幾開心丫

你們兩個都是心思細膩又對社會今況觀察入微的人，儘管每人背景及位置不同，只要各守其份，也能成為對社會有貢獻的人。

我自己雖然很喜歡小朋友，但自己童年的圚乏不快樂經歷，知道一個家是每一個人成長的最重要一環，小朋友生長在同性家庭特別容易產生性別認知混淆和障礙，不利他們發展健全的身心，我更不贊同像西方同性夫婦借種懷孕或試管生殖，同性戀不是主流，自己行為自己受，無謂要小朋友面對外界社會巨大的壓力、歧視和潛在傷害實在無法計算，不要因滿足自己的私慾而害了下一代的人生。

其實你是否有辦法把所謂「不設實際既夢 ( 當然不只是天馬行空 ) 」變成可以實踐的理想，中途可能遇到困難和挫折，實現可能是一個偶然，有時更是天時地利人和結果。更重要目標正確，努力不懈，只要一次成功，就會把以往失去全數拿回。
若你是一個會重視精神層面的人，除了物慾滿足外，心靈和精神上滿足才是人最大的快樂泉源，否則只是一具沒有靈魂的行屍，我常會自問生命意義是什麼，生存為何?

哈哈，失敬失敬
對社會有冇貢獻就唔敢當，只希望做好自己
我對哩d話題本身幾有興趣，難得遇上expresso一齊討論

哈哈我諗妳係比較懂得自制/自我教育既人,
我相信人係有種本性存在, 視乎身處咩環境就以咩方式展現,
身邊識既人過左外國之後大多變左玩樂主義, 而且唔願返香港,
可能香港生活真係太多壓抑, 一旦離開左就好似重生咁xdd
我地有自由意志, 可以隨心之所願改變形態左右未來,
生命旅途中一個巧合或錯失都影響深遠, 好似 "Butterfly Effect" 既寓意咁,
越聽得多人地既故事就越感覺生命無常, 會識得放低無謂既執著=)
香港始終係我成長既地方, 一日情況未去到最壞我都唔會計劃走,
呢度一事一物都充滿回憶, 應該要守護到底, 唔係由得佢變到面目全非~

好少有人咁認真同我傾計, 我都幾surprised! =D