我呢兩年反多咗睇港聞版,多咗留意本地時事,
其實香港變成咁,係遲早嘅事,
因為一個地方政府,有各方面條件配合,都唔敢行多步,
以為憑著以往嘅優勢,不思進取,只著重單一產業,
妄想以為就咁就可以帶領香港走向世界....
而一班政府人員,驚死擦唔切鞋,人地俾你50年不變,
就自己要即刻將香港赤化,用盡一切辦法要你接受.
亦因為咁,香港最終成為中國嘅一個邊陲城市.

雖然我地真係唔可以做到D乜野,但係關心多D,
希望可以感染到下一代人努力,繼續守護我地生長嘅地方.

“呢D書真係好應該間唔中拎出黎幫自己心靈除下塵”，好認同哩句
其實哩類型既書幾時都適用，唔同年紀睇又可能會有另一番體會

我覺得越大好似越少朋友，冇咩途徑識到新朋友，舊朋友又日漸生疏
好多時候大家約出黎，都係食個飯吹下水，心靈交流近乎零
有時我唔知係自己唔識去維繫友情，定係長大後大家註定會越走越遠
又或者大個左，好多野都慣左獨自面對，好少會再出黎傾心事

自從畢業出黎做野後，時間過得好快，眨下眼一年又一年
社會既經歷令我地變得成熟，更能看透世間的種種
然後不自覺發現，之前定下來既目標已經達到了
又係時候定一些新目標，從新出發

搞成咁，其實由新班子上任時已經可以預計到
我地唔可以選擇既都算，但立會選舉後我覺得好失望
連最有力監察政府既地方，都同政府連成一線了
一盤各自為政的散沙，始終鬥唔過有系統的大組織
市民可以出黎捍衛到幾多次，已經要納稅俾班不代表自己既人
仲要下下花時間監察政府，香港唔退步都難

果班人個個有錢，唔係自己/老婆有外國國籍，就係仔女o係外國讀書
話之你香港搞成點，賺完你一筆錢，就風流快活咁say bye bye

而家唔似得細個時咁自由, 咁多時間去同朋友相處,
以前除左讀書無咩要應付, 心思都可以放晒o係朋友度,
大家關係又簡單, 無咩利益衝突, 自然更易熟絡更易交心,
未經歷過社會洗禮, 未有太多現實問題帶黎既挫折,
對人既戒心邊有而家咁重, 要去信任一個人變得越黎越難
唯有當係一個過程, 人總要學識堅強獨立, 自己照顧自己,
朋友會逐漸建立自己既家庭, 生活重點都圍繞住家庭呢個圈子,
能夠定時問候下, 間中見下面已經好好, 有D野在心中吧=]
識新朋友我都試過, 但可能我太懶, 好似大部分都KEEP唔長,
又或者大家太少時間去一齊經歷一D野, 個關係始終鞏固唔到,
如果LES圈子的話, 大多數係想搵PARTNER先識人, 知我無心就唔SO我XD

哈哈妳就好咁快要搵新目標, 我仲向住終極目標一步一步行緊...
人生有目標好重要, 有個生活重點提醒自己, 個人都有活力D

我都覺得做香港人好悲哀, 日日辛苦工作之餘仲要MON住個政府,
睇少佢一眼可能又跣左妳一鑊, 有親咩事都要走出黎抗爭先有用,
班政棍根本唔係真心為港, 個個淨係計住自己利益, 邊有團結可言,
呢方面應該向建制派學下野, 人地玩配票玩得幾叻, 輸票數贏議席!