呢個世界咩人都有
身邊好多朋友就算分手後
都唔會一個接一個  搵水泡黎填補自己空窗期既lonely
自問自己都未試過，因為覺得大家有個共識要一齊的話就一定係以認真穩定作前題

但最近，身邊有個朋友就係咁，因為同伴侶有感情的問題，對方鬧分手
結果朋友就好就手咁同左個放不下前度的人一齊左，話當大家係水泡喎
大家同樣心裡都有第二個，單純在找個寄託?
當我知道時，我真係諗爆頭都唔明點解佢要咁做

不過 發現 到自己的時候，我真心講我之前並唔會係咁既人
但 最近 自己又係有感情問題，發現原來 真係會想搵個人寄託下
唔係真係要一齊，但flirt下都開心啦

對於水泡同一個接一個的伴侶，大家有咩睇法?

(順便搵下人互相寄託下, flirt下都開心, 不過就算唔flirt都想識下朋友!
PM我啦!!!!!!!!!!!! )

我有個朋友,同佢都識左5年有多啦
眼見佢一個接一個,中間可能只係差兩三日
有次我真係忍唔住問佢,點解可以換得咁快
對之前果個可以忘記得咁快?
佢俾我ge答案係"我唔拍拖會死,就算一開始係水泡之後都會鐘意ga na,有咩所謂"
我只可以無言-_-

可能呢個係某一堆人ge"態度"同"習慣"
而我地唔明xox

一個接一個真係覺得咁樣好攰，同真係會盲目
有時更可能因為咁而無左真愛
「唔拍拖會死」，要怕寂寞吧?
其實寂寞又唔會死既哈哈!! 係悶左dd姐haha!!!

你有難，我作為朋友付出關心，就算要隨傳隨到，花去時間精力，若可使你脫離陰影，重新振作上路是值得的，但我們絕不會做情人之間的行為例如擁吻、愛撫對方身體重要部分、上床，分寸是自己拿定，所以以我自己的價值觀就根本不存在找水泡的問題。
當然，你自問大家玩得起，對方都是同意就無話可說 ╴總之不讓大家在過程中有受騙及受傷害的感覺最重要，自己的事自己負責啦!

都要有FEEL先食得落LA.In the past我就系li種人.but我系想打發時間等自己忘記她.最後個人會由好刺激覺得好好玩到好空虛.因為一直只系鍾意原本個她.當有一日玩到唔想玩li type人就會死ga la.

我以前都會咁...不過後尾發現其實唔拍拖是不會死的 仲有其他更有意義既嘢我可以去做 不過講到底唔好太過火啦 take responsibility

佢地跟本唔知咩叫愛情, 想搵一個人陪, 無論對象係豬牛雞羊都無所謂.
佢地唔係鍾意個人, 只係鍾意個感覺.
有時候, 一個人更加好. 只係啲無生活方向既人自己一個人好似咩都做唔到咁啫.
一個接一個, 接客咩. 自己諗下啦.

認同!

大概係喜歡戀愛吧
就萛有好多朋友陪住都總唔及擁有一個同妳有愛情關係既人
我都好同意最緊要大家知道對方位置係咩，未必有將來同無欺騙
因為人在迷惘時 總需要一d帶有關懷又唔使負責任既關係

總有人唔習慣自己一人，中意搵個伴晌身邊，儘管知道果個唔係自己嘅Ms rite都無所謂，怕寂寞。

諗起一首舊歌 : 趙學而 - 尋開心

有D 人好怕寂寞的, 總之就要有個人圍住佢轉 同 比佢圍佢先安樂既...
佢地根本就需要靠拍拖既感覺黎比養份自己..
我有個朋友又係唔拍拖會死既, 每次佢失戀果陣我就係比佢圍既目標, 到佢搵到新target 我就功成身退架啦..
不過講到底, 呢個世界咩人都有, 睇開d

樓上位朋友好好心祥啊!

怕寂寞都唔緊要, 但我好怕一類人要周圍既人圍住佢一個轉, 失戀唔係大哂嘛

flirt無疑係幾開心既一件事, 以前會享受, 但而家好謹慎喇

好認同大家睇法。
睇返上面，明白到原來是怕寂寞，唔知自己想點，混亂迷茫..
唔通有人愛真係咁重要？一班人圍住疼自己就開心？

[ 本帖最後由 魚仔1號 於 2012-10-24 23:47 編輯 ]

如果雙方都ok. 知道大家既位置/諗法. 就ok.
但如果1個想長久. 1個搵水泡. 咁就出事喇.

見唔少人拍拖一個接一個, 模式亦一模一樣. 基本上果個人物係咩人, 都好似分別唔大

而呢D人有部份人係女友就無朋友, 無女友就周圍搵朋友

一生之中拍拖係原動力, 自信之源, 同水/食物/空氣一樣

係慾, 唔入心的(佢地會自認為好入心). 而呢樣野同年齡無關, 唔少年齡成熟心智仲15/16

不過咁, 佢地好難搵人長久, 因為佢地唔會花時間去睇清對方, 亦唔會好心靈交流, 所以好易識埋D唔可以長久的女仔. 之後又喊苦喊忽又周圍搵新目標

死啦我覺得妳似講緊生肖 XDDDDDDD
anyway, 我覺得其實呢樣野係唔值得鼓勵既, 如果發生系我朋友身上我會勸佢地唔好玩女(男)人...我自己就唔會係咁搵水泡, 我覺得好唔啱...可能因為自己做過掛...

(但係如果兩個都係玩既咁我都冇野講 ^^")

[ 本帖最後由 wleey2500 於 2012-10-15 16:17 編輯 ]

我又覺得咁, 搵水泡的唔一定唔認真, 只係佢地其實同咩人拍拖都認真架, 總之一拍拖就充電, 就勇字當頭, 總之唔駛單身就得

由於佢地唔帶眼識人, 所以成日做悲劇主角, 但佢地只以為自己係"好人"行衰運, 唔知道自己有幾濫情, 仲以為呢D叫情聖 XDDD