我拖都未拍過就咁講，真係有d誇張。
但唔知點解有le種預感。


中四既時候喜歡上坐隔離既一個少少男孩氣既女仔，一直到宜家
從一開始，我就知道無望。
同對方性格不合，佢又似直，我校又極度保守，
所以我一直收收埋埋，唔主動接近佢，best fri 都唔知道
我一直以為只要畢業，
入U le 個花花世界，又唔駛日日見；我重較左fb news feed唔出現佢d post
希望好快會唔記得。

點知入左U，明明經常見到好多靚B/靚女/靚仔
（我都未sure自己取向，so sad）
我發覺自己睇B完全係將佢 compare
可能氣場似、小動作似之類，
我根本係追緊佢既影子。。

問題係，當我偶然在fb佢既相 or字（人地個post有佢既野個種），
or打氣既話說，足以讓我熱淚盈眶

其實宜家同當年既感覺無變過，問題係連見佢都見唔到。
由苦樂摻半，變做全苦。

點算？

[ 本帖最後由 雨花 於 2012-10-20 21:18 編輯 ]

畀個機會人,比個機會自己

只係暫時性嘅啫,
放開下自己心境,

或者嘗試轉個方式去關注佢,
純粹用欣賞角度,
睇下會唔會好D.

不過大前提你要夜開心境先得

其實有可能您未曾擁有過..對佢一直存有憧憬...可能您地相處過之後...佢並唔係您想要嘅嘢呢~學識放低..佢~~~加油振作.......您得架

我諗你哩種似係迷戀，就好似fans迷戀偶像咁
你同佢保持住一段距離，只係遠觀不敢褻玩
因為對佢了解不深，難免會對佢存有好多美好既幻想
但如果俾你真係同到佢一齊，又會發現佢未必係你想象中咁吸引

唉, 睇到妳個POST, 令我諗起一個收埋o係心裡面好多年既人...
我成個中學生涯都同佢同班, 幾乎係由第一次既眼神接觸開始就喜歡佢,
從來唔知道喜歡人既感覺係點, 直至佢出現, 如果暗戀都計咁佢就係我初戀
每日返學見到佢就覺得好開心好滿足, 無諗過俾佢知我心意, 亦無諗過同佢會有任何發展
往後遇到一D同佢氣質相近或輪廓相似既人, 都特別容易產生好感,
正如妳所講, 自己不知不覺間o係度追逐緊佢既影子...
單單見到佢既相我都依然有種隱隱約約難以言喻, 心有戚戚然既感覺
我知道佢永遠都會o係我記憶中思想裡, 再見面既機會唔大, 我亦覺得無必要再見

放心, 妳一定會再遇到令妳心動既人, 但首先妳要控制到自己唔再接觸任何同佢有關既野
等佢既身影慢慢淡出妳既生活, 令佢變成一個回憶既代名詞

太執著只會苦了自己. Let her go and let yourself go

我中五個年都暗戀左一個人, 不過佢係高我一個年級,
我係因為年宵而識佢, 仲同佢日對夜對, 對足左六日
後尾有埋佢電話, 年宵個時問人拎電話好易, 又唔會顯得太過突兀XDD
然後就好自然咁同佢日日sms, 我用左半年時間先走到入佢個心
係sms個段時間我有問過佢對les ge睇法, 當然用另一種方法問~~
佢唔會介意, 但佢唔會鍾意女仔,
之後我都仲keep住同sms, 今年情人節我仲有送禮物俾佢

然後就到dse, 我係考dse個段時間決定要脫離佢,
我無再搵佢sms, 再無特登留意佢fb,
但我考dse個排都有搵過下佢,
因為佢都考緊AL, 畢竟係鍾意過ge人, 所以都想為佢打打氣

然後, 我就脫離左佢了!!
可能我決心大, 而且又岩時候,
考dse唔會見到面, 以前返學日日都會見到, 就算唔同年級都會見到,
因為我成日都要係學校走黎走去, 好忙XDD
日日見真係好難放低, 但唔再見個陣就會好d
所以決定放低佢ge時間真係好重要

早排佢約我出黎lunch, 再見返佢,
再無個時ge心動, 不過緊張仍然有, 始終都係鍾意過

所以你都要加油!!!
要俾大d ge決心自己先得!!
我都同你一樣都未拍過拖
但我覺得咁快就累了倦了, 就太過悲哀了
人始終唔可以只圍住一個人轉
要學識放低。

見唔到對方可能係一件好事

我覺得你係因為一種"未得到"既感覺令自己放唔低, 呢個感覺你唔自己主動將佢放低既話係可以跟你一世, 我自己都試過, 如果唔知點放手既不如問下自己, 用一世既時間去記住一個回憶係唔係值得.... 特別係身邊有一D對你好既人出現時

就係因為你未拍過拖, 先會將呢種好夢幻既感覺無限發大, 試下將個焦點放響身邊既人同事, 可能會令你有唔同諗法

其實正正因為你唔係成日接觸所以先有尼種感覺
因為唔係成日接觸,你就會將個樣野理想化左
愈理想化個樣野就愈乎合自己
咁樣當然無人能及啦...
可能你再多D認識佢既時候會慢慢發覺其實都唔係好似想像中咁好姐...

有無聯絡? 有聯絡咪溝通下. 試下有無機會囉. 諗無用架啵.

有時不用太刻意去放低，當你找到新的，那個他便會漸漸忘記!

有時太刻意卻忘不了!

路過...
有時傷得太多, 痛得太勁, 真係怕痛, 唔想再受傷, 唔想再去愛, 因為怕痛....怕失敗, 怕連朋友都無得做...好累.....

記住，幻想並唔係真實既愛情，暗戀 / 單戀苦澀得黎好美好，但呢種美好某程度上係來自你自己幻想，並唔係真正既對方，當你接近對方、了解對方、看到對方不好一面之後仍然堅持，你先有機會得到真正既愛情。

覺得無可能就hide 晒佢d野... 這是唯一、最好的方法
覺得有可能就準備好再搵佢囉~