唔知大家係幾時知名自己係LES呢?

而我係響小學的時候對一個女同學特別唔同
但係由於個時唔知咩係LES所以都冇諗咁多
之後去到中學知道咩係LES的時候
就更加清楚知道自己原來係中意女仔

同埋唔知咁多位姐妹能夠分享下
當你地知道自己係LES的時候有咩感覺嗎
因為我曾經聽過一D姐妹講過"冇可能,我點會係中意女仔,一定係錯覺""我有同男仔拍拖我又點會係LES?"
佢地後來都唔敢認自己係中意女仔
但係過多一段時間佢地就有女朋友,因為佢地知道一直咁呃自己係好痛苦

而我自己一開始知道時有D驚 ,好驚人地的眼光
因為個時的人未好似依家咁開始接受
另外都驚冇朋友

不過依家冇咁諗LU
因為同性戀也是愛,我們沒有罪,條路係自己,而唔係為人地的眼光而行的

廿歲左右. 先知原來女仔可以同女仔拍拖. 呢種叫LES.
可能我個人鍾意做咩就做咩. 無話驚鍾意左女仔點算.
就係咁喇.

小學4 年班時已覺like 女仔, 但無諗呢d叫les......
中學有喜歡過女仔, 由於都喜歡得幾明顯, 讀的是男女校根本無可能, 而且比人口頭歧視下咁lor 不過都好輕微, 但個feel 都唔係咁好........

中三左右, 鍾意咗個師姐

嘩你係咪住O係香港架...

我之前都試過
第一次同女仔拍拖
個時響MTR到拖手
點知俾人歧視
後來我EX接受唔到就分左手
個種感覺其實真係好差

初中開始對不同的男女性都有過超友誼的好感, 比例均等
中學畢業後一直只與男性拍拖, 其間有對女性心動但沒行動過
直至前年才遇上現任的她 = )

我都快三十了~

中三知道咩係les後 就鍾意女仔

小學讀男女校，四年級對班上某個女同學有感覺(連"好感"都未知係乜)
但當時沒有直和攣的概念，也從來唔覺得鍾意女仔有咩問題
因為鍾意照顧果個女仔既感覺
所以常常有意無意地份外照顧佢，幫佢解決困難

一次個女仔漏M，我即刻除左自己件冷外套俾佢遮住，堂都唔上帶佢去洗手間
佢叫我入廁格陪佢，背住佢企，但果下我勁想轉身....
先發現原來自己鍾意左佢
之後好安然咁接受左自己係Les, 一直到現在

[ 本帖最後由 Zephyr 於 2012-10-29 14:41 編輯 ]

"cute" 手應該d人會無咁留意, 拖手會覺眼d, 如果係tb+g 就更外眼

從來冇對過男仔有愛情上的好感 反而稱兄道弟多
直到小學知有LES呢個CONCEPT就知自己係一份子

一直冇特別諗
細個時亦會鍾意什麼打籃球好叻o個D人
知道可以同女仔一齊呢回事o個陣
咁啱識咗好友（係氣質好獨特o既人）
就開始留意女仔囉
亦因為行得太埋被迫分開不同班別（當全人類原班升上一級時）

對於感情認為只要鍾意就ok
不要因為"鍾意開女仔，好似鐘意男仔唔係幾好"而迫自己唔鍾意
只係真係冇咩感覺＋越長大更認識了解自己
所以就一直到現在了

我都有朋友試過
之前有個朋友係結婚後先發覺自己係中意女仔
所以個時佢都唔知點好
但最後佢選擇左放棄佢的丈夫...

見到你個句..勁想轉身...

我小學個時都試過一樣野,因為同一個女仔勁好,佢仲叫我陪佢睇3仔(佢屋企人的)
因為個時唔知呢D野..咁就陪佢睇...點知佢突然摸我,但係又冇話唔鐘意的感覺
之後我地做咩都會一起
每日一定要傾電話仲要拎住個電話訓
又送佢返屋企
但係個時只會覺得係因為特別好的朋友


[ 本帖最後由 小子木 於 2012-10-29 19:51 編輯 ]

我記得我小學得2個男同學的朋友仔
不過當自己知道係LES時
反而冇咩男的朋友仔
唔係咁想接觸佢地

個時個種感覺真係好難受
俾人望住之後又要俾人話
仲有係咁講話"GAY X "呢D
好似我地有罪咁

講得岩
如果迫自己做D唔想做的野
對自己好辛苦
憑自己的感覺就岩

我一直都無為意自己係les...
雖然小學鐘意過幾個Miss，但一直以為自己係祟拜，就無考究。
之後一共有過十幾個男朋友，
但最終都因為"爭d野"但我又講唔出係乜而同佢地分手...
最後識左個女仔，唔知點解好自然就一齊左。
到我回想返曾經，先知道自己係les。
對於曾經的男朋友，佢地只係係buddy唔係lover...

十幾個男朋友 勁
我中學個時都有中2過MISS
不過後黎佢結婚了

有幾勁啊...? 有時諗返起人地都好慘ga...無啦啦失戀