首先好多謝大家既回覆
自己都有興趣想知有幾多個係去到家人可以完全接受到既階段所以先開個POST想分享一下呢方面的事.mui's
其實come out的事很個人的, 亦都係個人選擇. 有D人可能到左幾十歲都冇呢個需要, 亦打後都吾諗住come out 因為本身同家人朋友相處方面都ok, 而覺得冇需要去透露自己呢方面. 想come out 其實都要時間, 係一個過程而唔係一個結局, 慢慢來啦 =)
WAYNE
同我情況差吾多應該
breakfasttea
come out 係分階段最理想(吾講被撞破, 突然情況下得知既時候), 等大家心都有心理準備開始接受呢個過程. 我自己個想法吾係pro come out 既, 因為明白事情很個人, 每個情況都不一樣. 只要自己搵到一個平衡相處得舒服既話, 就ok.
denial 不論係initially自我認知個方面定對家人朋友, 都係一個self defence mechanism來, 出發點可能吾止一樣. 就算你接受到自己性向你對家人去deny呢一樣都吾出奇, 因為表明立場後可能面對既仲多. 除左睇你自己ready 講出來仲要睇對方係吾係都ready去接收你既訊息, 所以過程都可以好漫長.
我既情況同wayne差吾多. 自己都會有試探過或被試探過性向, 就係了解對方對同性戀既睇法而定自己講幾多. 當然大部份家人都知道所以吾會再問拍拖等等既問題, 處於一個大家心照情況, 冇支持亦冇過份反對.
家人完全接受應該係最完美最理想既結局, 我就係想搵經過過程後, 到左呢個階段既人. 雖然難, 但總應該有呢D情況既人.
-hazel-
介吾介意我問, 佢地係咩情況下知你係中意女仔? 你家人知道你EX係你女朋友定只係當朋友仔?
Zephyr
我明白, 始終都係一件敏感既事情, 亦好證明有時come out 係一個持久戰, 需要好長時間同埋好多溝通既一個過程.
--------------------------------------------------------------
我自己其實覺得應該有多D 資源可以幫到LGBT既社群. 尤其係同性戀者既家人或朋友, 因為係你接受左自己係同性戀後而去come out 同時間家人朋友都可能都吾知點面對, 所以都係相方面的事. 係你諗come out 既事情, 同樣如果有hint到自己取向既話, 家人朋友都可能同時都諗緊, 打吾打開你既櫃好?
我覺得呢方面香港對LGBT家人既suport都唔太夠.
|