昨晚睡唔著，就想想情侶和知己的分別。
我個人覺得其實好難分別同時又好易介定。

見過唔少人說情侶和知己的分別是接吻，拖手，性行為。但我覺得呢D不太能表達這就是情侶，情侶是由感覺引發，當然接吻，拖手，性行為都是由感覺驅使。

我想大家分享一下感覺上的分別

我個人睇法:

朋友知己是沒有佔有欲的, 但情侶卻是很私有化的, 感情只屬對方的.會把自己和對方視為一個單位. 互相不能負對方的.

對情侶係埋一齊時係好易發生互相依賴既情況,但係有d人又會可能係因為愛對方而唔想對方擔心或知道而唔會講,變得收收埋埋,大家就會互相猜測,甚至會演變成誤會,呢樣係唔係太好。

基本上唔會對另一半說她的壞處，除非真的接受不了，唔係都會包容她的一切。

一對情侶好傾d咩,係睇大家既相愛情度,談既會傾一d好似朋友間傾既野,深既會傾會想知對方既每刻每秒做緊d咩野!


對住知己什麼都會說，知己會知道比情侶更多的事(有時有點事不會想另一半知道)，你可以講下別一半/知己/自己的好和不好，不需要太多顧慮。

PS:我睇知己仲重過情人

唔怪得你頭先問。我轉頭再詳細答。

================================

ok. 係我角度. 情人可以同時做埋知己. 但知己就只會係知己.

對情人個種感覺. 係想將佢私有化. 有好多野只有你同佢可以做.
包括. 拖手. 抱抱. 攬攬. 親吻. 親密行為.

咁當然. 知己都可以做部份. 但個種感覺唔同既.
如果你話你同你知己 係伸哂利好sweet既...我都無野好講xddd

有人話情人同朋友/知己地位1樣 . 甚至朋友/知己更重要.
咁每個人定義每種感情既位置唔同. 無得講.
但係. 另1半. 係1個會同你共同生活. 分擔分享所有.
我覺得. 情人既位置點都重d呱...
如果情人比朋友位置更低. 咁不如做朋友算啦.

但有時. 我覺得. 知己某d情況會over左.
可能. 其實佢對對方唔止知己既感情. 但佢自己都唔知.

當知己以上. 情人以下. 個種感情. 個條界線就會好模糊.

[ 本帖最後由 J__ 於 2012-11-8 17:09 編輯 ]

咁人人唔同麻~我又好奇

我有時好想將d 朋友私有化...

知己同情人, 兩者都珍貴,
不過我覺得知己同情人最大0既分別,
係知己間0既情誼係友情, 情侶間則係愛情,
情人可以係知己, 知己唔可以係情人,
情侶間可以一齊組織家庭共同生活, 共同承擔, 共同前進, 佢最關心0既人只有你, 因為二人世界裡面, 情侶係「一對一」0既關系
知己雖然都會互相關心, 但始終會成立自己0既家庭同自己0既生活, 佢最關心0既人唔會只得你

其實情侶間應該坦誠相處, 咩都可以講, 有問題同不滿就講出黎商量同改善 (當然要視乎情況, 時機同埋說話技巧) , 一齊面對, 共同處理, 呢段關系先會健康成長

spooky....