早幾日, 因為hocc的事情,老細lunch個時同我討論,
從我既表現同回答,
佢突然問我既性取向係咩,

我冇答佢。

今晚, 同佢搭同一架小巴出旺角,
佢問:「你係咪男同女都ok?」
我覺得冇必要呃佢啦~就話:「我同過男仔一齊, 不過同女仔多d, 同有感覺好多。」
佢問:「男仔同女仔有咩分別?」
我答:「我覺得冇咩分別。」
佢問:「一定有。」
我答:「我唔覺得有wor! 你覺得會有咩分別?」
佢問:「唔....例如壓力啦!」
我答:「我冇壓力。」
佢問:「哦...唔....同女仔情緒比較波動!」
我答:「我覺得波唔波動,好講兩個人點相處, 不過我唔能夠否認, 女仔係比較小心眼!」

我老細話,點解佢會覺得lesbian係比較波動,
係因為佢都有d tb 朋友, 同佢以前都有同過biosexual既女仔一齊,
係佢觀察既得o黎既結論 (以我既觀察, 佢算係一個叫ok 觀察力強既人o黎o既~)

之後, 佢突然講起, 以前d女朋友既事,
佢話一生人, 總會有一個人,
你同佢最後唔會係埋一齊,
但係佢發生d咩事, 你都會永遠支持佢,
而佢亦都會一樣, 你需要佢既時候, 佢都會跑去你身邊,
佢都背住佢老婆, 有一個咁既人。

佢問我, 你有冇咁既人,
我話一班好朋友就有, 冇特別一個咁既人,
佢就好肯定咁講, 你遲d一定會遇到。

唔通, 人人都真係會有一個咁樣既人?

條問題咪等如男同女有沒有純友誼一樣。愛但一齊吾到咪擺系心一個重要位置，做她守護天使，互相稱為朋友。不過如果真係噤，點解吾盡最大努力爭取自己幸福？重要背住個老婆為另一個女人赴湯x火噤衰仔？

以個人想法，又未必人人都會遇到，始終有啲人可能唔會好似你老細咁做，因為正如你所講佢背住老婆有個咁嘅人，咁咪好似對老婆有隱瞞嗎？可能佢對嗰個人係出於關心，但唔知佢有無諗過，如果佢老婆知道之後嘅感受呢？有時就算曾經幾在乎嗰個人都好，但亦都唔可以忽略現在身邊嘅人吧！（只係我個人覺得）

我曾經有個老細 由我見工佢已經知道我係lesbian
後來相處耐左佢就好似一個好好既朋友
乜都傾 不過因為有誤會 所以離開左間公司
btw 我諗生活中正如lowbfung咁講
唔係人人都遇到 遇到既就多一份支持

我遇到了三個這樣的人, 有男有女,
有時也會想為甚麼自己會為他們仆心仆命, 隨傳隨到, 有求必應?
可能人怎遲鈍也能感應到那些一輩子都會是密友的人吧

其實, 我算係講錯o左~
佢唔算係背住佢老婆,
佢老婆係知有呢個人既,
不過我老細講到幾detail,
我都唔知了~

其實, 佢好鍚佢老婆, 成日都打電話報導,
同埋佢老婆係知有個咁既人既,(sorry~我講錯了~唔算係背住~)

佢老婆都好似一樣有一個咁既男人係佢生命裡面。

唔知呢~
又好似好多人遇到一樣,
同我地同車既一個女同事,
都有一個咁既人係身邊~

曾經都遇過一個咁既人, 但有一D原因已經無再聯絡, 亦唔認為以後會再遇到一個咁既人

總覺得同老細傾呢D話題有D奇怪...

我諗我老細講既, 唔係朋友個一種,
不過, 如果講朋友既話,
咁我都有一班, 如果佢地發生咩事, 我都會無條件支持佢地既~

我老細好鍾意吹水同分析,
真係天文地理,科學怪異既事,
咩都傾......

如果佢同佢老婆都同樣有一個咁嘅人的話，而佢哋兩方亦知情的當然不同了，若然只是其中一方有呢種情況時，最好考慮和另一半傾吓至少比對方知道，有個咁嘅人存在，雖然對方聽到之後或多或少可能會介意，但總好過被隱瞞嘛！如果有啲人真係遇到的話，算是他們幸運吧^^希望樓主有機會遇到^^

[ 本帖最後由 lowbfung 於 2012-11-17 02:29 編輯 ]

危險關係。。有。。就好似永遠有份誘惑

如果唔係指朋友，我諗我唔會容許自己有一個咁既人o係心中。。。
當然如果情人有這樣的一個人我冇辦法阻止佢啦，
我愛佢所以都唔會介意佢俾一個位置別人... 一齊得既就要信佢，我知道佢唔會亂來的~!

可是我不明白，也不理解，
就算女友知道有這樣的一個人存在，而她又允許partner 繼續去做那女生的守護者，
他們究竟是否真的最愛對方啊??...

如果真係想做佢既angel，我一定會好似time 所講，盡最大努力爭取幸福。。。

其實我唔係好明, 咁即係有冇出軌行為?
如果冇, 人生中有特別在乎既人, 我可以理解
但如果係美化婚外情既講法, 我覺得你老細教壞細路

我相信每個人心內面都會有1個咁既人.

對方對你黎講好重要. 你會關心佢. 重視佢.
但係. 種關係. 應該係友情之上. 戀人未滿.

唔識講. 點解會咁.

但有呢個人. 佢對我黎講. 會係情人以下.
如果情人同佢1齊出事. 我1定會顧左情人先.

好難兩個人可堅守唔做錯半步咁做一世朋友．．．
因為總要有一日大家要放過對方．．．．
朋友唔需要只為對方單獨見．．．

我覺得佢所講既係男人一般既籍口，好聽就話〔紅顏知己〕難聽啲嘛又係小三一名。十分同意樓上所講，好難兩個人可堅守唔做錯半步。

如果佢老婆知道又容許佢咁，加上自己又有一名〔藍顏知己〕。只正明一件事，佢地有一個 open marriage，可以各自 happy.  同嗰啲 swingers 分別不大

我覺得睇你點去turn個睇法~
好似我老細, 你唔怕你老婆同個男人有野, 你唔覺得唔應該要個咁既人係中間?
佢話:
由你唔相信佢一刻開始, 你地既愛情已經爛o左,
如果佢地真係會發生咩事,
都應該要怪自己唔夠吸引力留住佢,
而唔係怪佢~

其實呢個我都唔係好明,
我知道佢好愛佢老婆,
但係佢有幾渴望去照顧果個女人,
我就真係唔知了~

我覺得返而有d似
以前睇<<衝上雲霄>>,
sam and belle 既關係~