本身家人已睇緊精神科約4個月(私家)食緊藥, 但情況一直未見有好轉,
只係短暫解決失眠同緊張, 而且每次覆診, 見個醫生唔夠10分鐘就走得,
如果唔係我陪家人覆診, 真係5分鐘就走得......

聽聞食藥加上行為治療係較好, 上網搵資料搵到香港健康情緒中心,
想問下有冇人有睇過裡面既心理醫生?
又或者有冇其他渠道睇心理醫生?

我唔介意價錢, 只係想家人盡快康復!

係你定家人有病？

佢話陪家人睇，同埋希望家人盡快康復，所以理應是家人。

回覆返先。
精神科方面最好check返係咪新藥，因為舊藥副作用比較多，可能會令你家人難受。
行為治療有無用都仲好大爭議，但要病者都樂意合作同埋相信醫生先可以達成功效。加上行為治療都相當貴下(香港健康情緒中心- 每星期一節，每節45分鐘 整個療程大約12-16節, 每節 $900-$1,200!!)
我相信公立醫院會有相關服務(我聽講有人睇過)，但要用咩途徑去點refer可能就要問下，睇下你家人本身睇緊ge精神科醫生能否轉介...
希望幫到你啦

首先我認為如果你同你家人唔係無所不談既
咁你屋企人去搵心理醫生幫手係無問題 但首要係你屋企人自己發覺佢呢個問題係一個問題
如果一直有睇開既而未見有好轉 有可能係佢（你家人）的心理醫生幫唔到佢解開心中困惑或屈結 或者你屋企人已經由A問題變到B問題OR 更多更多憂慮
可能一個耐心的導道員可以幫到你屋企人
ANYWAY 希望呢到有朋友可以幫到你啦
祝你家人快D 開心番∼∼

其實食藥係輔助，最重要係自己，同埋精神科藥物嘅副作用其實好大，如非必要真係唔建議食。至於心理醫生可以一試，但都係人夾人。其實樓主嘅家人患病成因係咩？

[ 本帖最後由 monnyhk 於 2012-11-22 08:29 編輯 ]

UM...係唔係真係依足時間食藥?
邊隻焦慮症?
解決到失眠同緊張..禁點樣未見有好轉呢?
如果焦慮症只食藥...好難好嫁wor???

多謝咁多位回覆, 恕我有d問題唔逐一答覆喇,

我唔識判斷佢屬於邊隻焦慮症, 佢知自己患病既, 亦都願意聽我意見去嘗試睇心理醫生, 最近睇左本書係講焦慮症既, 叫"見焦拆焦", 作者就係香港健康情緒中心既李誠醫生, 書入面講話好多個案都係食藥加行為治療先醫得好, 佢有依足時間食藥, 但有時唔定時覆診會俾醫生鬧, 至於點解我覺得佢未好轉, 係因為佢重成日將"擔心"掛係口邊......

l_soul  : 點解行為治療有無用都仲好大爭議呢? 其實價錢唔係問題, 最緊要係對佢有幫助, 重想問香港健康情緒中心裡面既醫生可否自己揀定係要中心指示?

咁唔準時俾人話就好平常姐 唔好太介懷
基本上就你所講佢將全部精神花係擔心上
令你都憂慮起黎
其實我相信如果你屋企人能用多出黎的錢選擇一d適合佢羣體活動eg打麻雀游水或者會更能將病情減輕家人有時間進行開解都不失為好辦法(大前題係要耐心聆聽佢)

[ 本帖最後由 ganjai 於 2012-11-23 01:16 編輯 ]

我覺得一定要解開心中個個結先至得呀
有得焦慮都係心裡面有d野自己係想唔通屈埋屈埋....
食藥都係冶標不冶本....

同多d人講野 出多d街做多d其他野
會好好多！最緊要有人陪住
同多d人講野無唸咁多無謂野呀

哈哈其實我唔太識架，只係做過相關既工作，見過身邊有類似事而累積少少經驗
只可以話如果你想搵精神科醫生的話，可以試試陳嘉璐醫生，陪過朋友睇佢(後來都好得返)，收費唔平但效果真係明顯。
講返正題先，行為治療要病者肯充份合作先可以，我見過一個case, 一個人不斷咁偷野，睇完精神科又見埋心理醫生，但佢堅持唔覺得自己"偷野"呢個舉動有問題，所以治療起上黎會好吃力，而認知行為治療在佢身上發揮效力也不大。

至於你講果間香港健康情緒中心，我實在唔知啦，不過你可以打去問下拎d information先，再搵多幾間compare下，希望你家人早日康復啦!

little sharing with you 以一個康復者角度嘅自身經歷

我去年就係因為躁狂抑鬱症停學一年, 今年重讀 f5 識新朋友 , 下年考入U
好簡單簡介下 我點知自己有病啦
我今年快18歲 3個月大開始本身嘅家庭背景令我好自卑
早係7年前6年班時 , 我屋企人同我講返當年嘅真相
自此我已經性格變得好奇怪 , 雖然好鐘意動物好錫佢地 但嚴重潔癖
之後幾年由於生活好穩定 , 身邊朋友又令到我好安心好開心 , 所以好快就似返正常人嘅生活
2年前開始養了兩隻寵物 , 認識了現任大我12年當時結了婚女朋友 , 發生了一些事 , 對我衝擊實在太大啦 所以我情况一下子變得好差 , 有嘗試過同過屋企人講我想睇 dr , 不過佢地當我 attension seeking , 直到有一晚 , 我不停無原因大叫了半個鐘 , 嚇親在電話另一旁嘅女朋友同係廳嘅媽媽 , 果晚我女朋友過了黎我屋企陪我 之後果日就去睇 精神科 到宜家完全好返晒 似一個正常人咁生活

d藥係要d時間去適應 , 身體慢慢去配合先發揮到作用 唔似傷風感冒食完第二日就可以乜事都無 , 剛開始食可能有side effect , 但隨住時間慢慢過去就會無事 好睇你體質

其間屋企人同我睇過香港健康情緒中心 , 睇一睇佢地一次都雖然要千幾二千蚊 真係好貴 , 但其實都幾好嘅有個人同你傾下計 , 不過後來就無再睇啦 . 其實 , 做家人嘅 都可以嘗試支持下佢 , 盡量比佢開心d , a little to you means a lot to her    anyway 希望幫到你 , 有咩唔明再問我啦

精神健康綜合社區中心, 有社工, 有心理學家, 費用全免

我同我媽都有抑鬱症。

我媽一直keep住食藥，但side effect太多，而且不見得食完病情有好轉。

而我大約6年前開始發病，當時有睇過政府精神科醫生，見過社工，但感覺佢地似係"打份工"，見完開藥畀我就算。就算食藥都無效，副作用仲會令人好眼訓，無精神。
之後過了1年多轉了新環境，情況就好了好多。不過之後幾年直到依家都會間唔中發病。

所以我覺得依d病永遠都唔會真係完全康復，情況好轉的時候大慨只不過係暫時既平靜。總不能夠成世睇醫生/食藥吧。

有時見到d人信神之後有個心寧既寄托我都會覺得未嚐唔係一個好既方法。
而我近來看了一點有關佛學的書，雖然未能立即有茅塞頓開心境澄明的效果，但相信總會有點幫助吧。

祝你家人早日康服

食藥只係輔助 最重要係放低唔開心既事 放唔低食幾多藥都無用
我有焦慮抑鬱 無食過藥 靠自己好翻 復發機會好大但至少唔洗承受副作用
Bless your family and you

多謝你地既回覆同意見！感激！

其實醫生都話情緒病有遺傳，慶幸我還可以，係擔心屋企人多d，勸佢睇心理醫生都唔易，因為佢擔心錢方面，但我認為身體快d好番要搵番錢唔難，身體先係最寶貴財富。好彩佢都聽我講，而家約左睇心理醫生了。

我都希望各位身體健康快樂吧！

我本身由小至大快樂時間瘳瘳可數，少時沒資源、沒協助無奈捱過，出來工作時勢極差、負擔重，未有開心過，可發展，可重建自我的興趣心願被打碎就長期抑鬱，常懷怨怒，加上那群可恨的人們一直暗中攪破壞，情緒在夜闌人靜看書時才能得到舒緩，我沒有服藥，在公立醫院都是急症室或門診轉介看精神專科，那裡的醫生十分忙碌，病人實在太多，香港社會壓力太大，看醫生根本不是什麼大不了的事情，病人不是有情緒困擾，就是長期精神緊張，見最多是十多分鐘，若有職業技能上有需要，可轉介職業治療師，不過「 心病還需心藥醫!」，所以醫生都是勸你放下，不會隨便開藥。著名精神科醫生是曾繁光和陳仲謀( 以我記得)，曾醫生在週六夜晚十二時電台一台有節目，你不妨收聽，有時都有獲益。

[ 本帖最後由 little 於 2012-11-25 21:16 編輯 ]

算啦!好醫生可遇不可求，另外，他們真的很忙，有的真的有心及有耐性，有的就真是打份工，又見有的醫護人員面上有流露不屑的目光，看你彩數!