唔知係人大左？思維複雜左？硬係覺得同身邊既朋友
無咁岩傾..好多時都講唔到深入既野..多以關心同近況為題連繫感情
大家覺唔覺？

[ 本帖最後由 Sunniew 於 2012-12-6 23:57 編輯 ]

覺啊，以前乜都可以傾
而家傾多少少可能又發覺大家有D唔同左，
好似愈黎愈陌生咁

有時仲要衰到，
傾傾下都唔知點應佢，唯有笑兩下當比左反應
咁樣既相處，都唔知仲算唔算係朋友喇……

如你講如何發達，如何買股票、買樓，如何找著數，飲飲食食、風花雪月會比較受人歡迎，太嚴肅的話題要找對人: 例如宗教、政治，人生觀，價值觀等爭議性太又容易得罪人的話題就要見好即收，點到即止，否則為損害大家感情就不好了!

最怕由好熟變到嚴重溝通唔到。一出社會認識唔同既人，處身唔同既環境，個個變化都好大，好難keep!

真係要點到即止..過左火，朋友都做唔到

人大左，但包容同耐性都少左。

最近我既朋友一個接一個結婚，其實慢慢feel到當中出現一條鴻溝，由佢地開始籌備結婚已經feel到大家既focus唔同曬，異性戀世界買樓結婚生仔，大家開始行唔同既路。我可以想像幾年後或者自己冇小朋友，同佢地既話題可能更少，又不時會諗是否應該識多d les既朋友....我依家對d婚宴真係ok厭惡，無錯結婚係一生人一次，但朋友第日要返工都要人地晨早五點起身去spare更多時間玩新郎呢d我真係覺得un頂able....
公司同學業最忙既一星期要接連為兩單喜事付出時間，真係有d無奈。

[ 本帖最後由 secretkidult 於 2012-12-7 01:08 編輯 ]

同感 不過有時覺得唔岩就算啦 冇得勉強
開始疏遠
但係後來發覺 無論係關心一兩句定傾得深入, 那只是唔同形式
朋友 可以係生活上互相學習 互相支持 陪自己走過一段路 都係好貼心既
唔使太介懷傾既係咩內容 也要懂得包容


PS想傾得深入 溝通既技巧值得你去探討=]

[ 本帖最後由 Erika 於 2012-12-7 02:04 編輯 ]

兄台。其實係你本身個台同常人唔同。先難溝通。認真。
但人越大。城府越深。越難交心都係事實。

其實深入既野係指....??
我睇法係，想同人岩channel，首先要對人講既野有興趣lor....

可能因為每個人長大行o個條路唔同，經歷同閱歷都唔同，價值觀既分歧愈大...
以前細個，識既野冇而家咁多，話題都係不外乎學習上的問題､漫畫､名星，又或係講下d同學仔是非

大家畢左業出黎社會，大家都有好多人生經驗，話題其實可以比小時候更多，但點解會話唔岩CHANNEL呢??
可能聽o個個覺得自己因為某方面知識唔夠人豐富唔敢講怕俾人笑，
又或是講o個個又覺得自己講既野人地唔明而唔想解釋咁多...又或者，睇唔起人地。
講到尾，其實唔係channel 唔岩，而係d人唔肯花時間o係自己無興趣既野(或人)上....


un頂able，妳係咪80後?? 我都有同感，而家公司d人一坐埋都係講結婚生仔...我都已經覺得悶到想死了...
所以我通常都係做聽O個個好少出聲...

[ 本帖最後由 K.Y. 於 2012-12-7 09:43 編輯 ]

我又唔覺得有呢個問題，只係睇你點同朋友相處唧~
我同自己最close既朋友，都唔會講深入野，感情事都少講，
反而好似中學咁，講埋啲無聊嘢仲開心~
反而深入嘢，會搵其他一啲唔叫太熟既人傾~

而家佢地陸陸續續結婚，
我反而好為佢地得到幸福而開心，
Shooting,operation 又幫佢地搞，
自己仲感動過佢地~

因為佢地已經到左另外一個LIFE CIRCLE..階段唔同左,的確少左野講

係,我都同意,我會好好探究下

薯!!MIMI黎嫁

UMMM..我係指價值觀..不過依家諗番要搵個同自己大約相同價值觀既朋友的確好難
你講得好岩,搵岩人傾同大家肯花時間維繫的確好重要

哈哈,睇完你講既野,立即諗起一個識左10年既老友以前學校生活既片斷,佢過2日就番香港,真係要會爆佢

係Wow, 我係80後，依家身邊就係趕30歲前結婚既朋友/舊同學，係咁俾人Facebook洗版，日日都係婚紗相，婚宴照~
依家都係覺得同單身貴族Or冇結婚打算Or les既朋友最啱傾~