今日又同老細講起感情問題,
條友睇完<<我老公唔生性>>,
講起鄭伊健,佢執意話鄭伊健係有鍾意張歆藝,
我話唔覺得,如果真係咁鍾意,就唔會放佢走啦,
老細話, 有時愛情係唔需要佔有, 咁先偉大。
我話, 我明, 但係又有冇諗過個女仔需要d咩?
佢想留係你身邊, 覺得留係你身邊比一切黎得幸福,
如果你真係咁鍾意佢, 就會用盡一切努力去留住佢,
鄭伊健去叫張歆藝追求自己既理想,
只不過係冠冕堂皇既藉口,
講到底, 鄭伊健根本唔夠鍾意佢。
.......
講到呢度, 我突然諗起,
係愛情上, 無論拍拖, 定係分手,
好多時都會有人講:「我咁做,係為你好。」
就算冇講出口, 個心都可能係咁諗,
但係, 其實,你所謂對佢「好」, 係佢眼中係唔係真係「好」?
定係, 不過係一種更深既痛苦?
|