雖然係招妃, 但唔代表ADD你嘅人自動當選為妃架.

你唔係第一個問攞相嘅B, 我明人人都想睇下樣先. 不過我估唔到你收咗相之後, 係我同你都無咩太深入嘅交談嘅時候, 就當正自己男朋友咁款. 我幾時有比過錯誤訊息你? 你都明知架啦, 仲要話到自己唔會放棄, 就算我咩態度都.....

本來都算啦, 我都唔想比太多反應, 夠膽死除夕SEND個I LOVE U 比我.

你未見過人都可以網戀, 係你嘅事. 唔好好似情聖咁講到咩等我一個啦.

好啦我見到咁真係唔BLOCK唔得, 仲要PM我問點解, 問我係咪玩你

我BLOCK咩人, 我玩唔玩LINE都要交代?? 你係我邊位

你自己得罪人多心虛, 就唔好咁高調識人吧. 仲有, 你果個什麼家姐懷疑我身份, 你地懷疑我係呢個網嘅某個會員派來嘅人. 我真係想講, 唔好咁無聊幼稚啦.

如果唔係我一早收到一個我唔識嘅人嘅LINE, 而果個名又同你FB個名一字之差, 我都唔會咁嬲.

如果唔係你D PM, 我都唔想公開講出來

你都識講我選妃
對你好D就話我當自已係你男友
你一日未答應過我
我自已都好清楚我既身份係追求者
我想講SEND句 I LOVE U都有問題?
我都係想講我心裡面想講既野姐都有錯？你唔受唔緊要喎
係人都知我擺愛情係第一位架喇你係我追既對象我唔擺第一位擺係邊??
如果我係情聖的話就唔會講D咁既野喇你唔得可以下一個唔洗浪費咁多時間呢
我一開始已經講過唔想做朋友唔洗勉強同我做
你講一句聲就得喇
網友講得咁好聽?
問多你一句就叫心虛?如果我心虛就唔會開POST招女喇開得POST預左有人講=]
仲有我唔明點解你知我FB
你玩起底？同我同名就係我？
係你要BLOCK邊個DEL邊個我無權管
係我唔係你邊個
你嬲就要搵我發洩?
將我同你之間既野搬出黎呢度講？
隨得你喇時間證明一切
PS : 你覺得我係玩家就係玩家喇

你選妃, 唔代表ADD你的人自動係"妃的候選人"
如果你覺得對人好, 就等於講幾句凍著多件衫的話, 可能大家對於"好"的定義太唔同
我從來無當你係追求者. 大家素未謀面, 你自己當自己追求者, 我的確無法.
你覺得自己想點就點, 唔理對方受唔受, 你自己講出來舒服就行咁, 你都唔太理人感受吧
好似你鍾意人, 人地唔受都要硬食你講的所有野. 連唔想聽都唔得? 我已經好比面你, 之前你講幾多都好, 我有無話過你一句? 每個人有底線, 你有你尊嚴, 唔代表人地無. 做人成熟D啦, 唔好咁自我中心好.
係人都知你愛情第一, 我唔知道喎, 我都唔識你. 還有, 呢D叫愛情? 可能大家對愛情睇法太唔同, 層次有異
我刪除邊個, 我唔想同邊個講野, 唔想被D咩人煩, 我覺得我有自由去選擇令自己耳根清靜
網友呢個名有幾好聽? 你覺得你唔係網友咩? 咁你覺得你係我邊個?
時間證明一切. 係架, 你可以成世都拒絕成長架, 時間可以證明究竟你一生中有幾多個EX, 有幾多個可以留得住, 有幾多個真心真意.
你FB係公開的, 係人都可以SEARCH出來. 如果你咁注意私隱咁怕人起底, 你可以SET高D你個PRIVACY
你話你出POST預了比人話, 係你以為自己好叻唔驚死, 得罪人就當自己有膽識. 不過如果係咁, 你又點解要怕我係某個人嘅探子呢?

我同你之間, 無咩唔見得光. 只係你無想過我會公開覆你POST.

你唔係玩家, 你未有資格, 你只係一個周圍撩女嘅B, 以為自己好識講野令女仔感動. 我就覺得真係爛到不行了. 小朋友的招數. 你可以自問以你條件同心理質素, 可以搵到咩人同你一齊.

仲有, 唔好以為因為我之前開POST講十天經歷, 就以為我因為咁對人太小心. 就以為自己咩問題都無.

我從來都無怕過你係某人既探子
你有當過我係網友嗎？我只可以話你只不過當我係正一個陌生人
你覺得係度講會好好？
我錯哂我無理過您感受好對唔住

交友post都可以有罵戰.. 勁!

人地要係度公開話
唔通我唔俾佢話

網友不就是陌生人嘛?

網友是陌生人來的, 只係有D人講好多野比人知, 又比埋相人睇. 咁感覺上就唔似陌生人了

咁都要王子佢有本事令人公開同佢傾傾計

呀王子都唔想個post沉. 梗係要幫佢推返高佢啦.

王子出事, 皇親國戚去曬邊

熱烈地彈琴. 熱烈地唱. 歌聲多奔放. 個個喜氣洋洋.
飲多杯醒既. 個個都開心. 歡暢. 喜氣洋洋. 揚溢4方.

點解樓主唔回應既?

我之前一開始見到樓主開呢個po已經覺得奇怪
奇怪在自稱皇室成員同認定有興趣同你講野既人都係想做你'妃子'

睇完四頁comment之後 不論誰對誰錯
我靜係覺得 呢個圈真係光怪陸離
好彩我識既圈內人唔多唔洗趕呢潭渾水lol

呢個圈真係乜都有
識女仔各出奇謀, 無可厚非. 同一時間撩幾條女然後話自己無識其他人, 都係人之常情
一日唔死一日都仲有新鮮見識
而通常D娛樂性豐富嘅人物係好似小強咁打不死
我地應該佩服佢地嘅厚臉皮. 要知道小強呢種遠古生物今時今日仲滋擾緊我地

唔好以為b先用呢啲招。g and p 1樣有呢啲人。
你篤爆佢地。佢地仲可以兜。比一百個理由你。
再加一句：我無厄你架。

唔知貴族係咪又覺得自己被人誤會被人玩, 自己無錯呢

點解王宮唔派人出黎開個記者會既.

睇晒d comment...沒有誰對誰錯
感覺上只係一個人純粹係坦然自己心唸既野，鍾意既可以reply，唔鐘意既可以略過
同埋人同人之間總係互動，唔會單方面對對方持續表示好感吧...
但有時將說話講到咁盡好hurt當時人

版主，你講到好似暗示我比過王子錯誤訊息？還是你未遇過有網友鍾情妄想？

你的留言偏幫王子？不過都知呢到的版主主觀。她坦然講心果句，我都坦然講D野出來。都無謂將所有野揚出來，單單有人未知我公開係到講之前的pm仲好大方已夠有趣