呢度有冇人30+都仲同屋企人住咖

其實30歲都同屋企人住, 有咩問題?
雖然我未到30歲,
但係如果冇partner, 同屋企人住都幾好呀,
好多o野都唔洗煩~~

咁我冇話有問題, 只係問下...

哦~咁我get錯你意思la~
因為你既"呢度有冇人30+都仲同屋企人住咖",
就好似:

8歲都仲要屋企人抱 / 12歲都仲要人餵你食飯

個d感覺~

sor!

我認識好多。 我估係香港要一個人住或同朋友夾都難。

我就快係其中一個"30+都仲同屋企人住"~

hi, 咁可能我咁講真係俾人咁o既感覺o既...hahhhahahaha
其實我自己已經30+, 仲同家人住... 但有時好矛盾, 因為唔想兩老冇人照顧, 所以會同佢地住, 但有時同老人家相處真係一個學問, 有時頂咀在所難免
一個家, 你想舒服平靜, 但如果返到屋企都覺得係壓力, 可以點呢...

唔一定係而家,
你從小到大都會頂屋企人咀O架LA~
呢個學問唔通你30年都學唔識?
學O左咁多年都覺得大壓力?

如果你幻想下, 你唔係仲有幾多日子去陪佢地, 去嗲佢地, 呢個"壓力"會唔會大D, 同重要D?

如果有partner, 可能組織家庭, 我覺得在所難免,
但係如果single, 返而應該選擇多d返屋企陪下佢地, 見下佢地~

就好似我爹地都已經60歲,
難聽d講句, 都唔知仲可以同佢相處得幾耐,
我真係恨不得佢快d退休, 同佢去多d旅行呀~
  

[ 本帖最後由 Casper 於 2013-1-1 02:51 編輯 ]

宜家冇話唔珍惜, 唔孝順佢地wor...
咩叫做30年都學唔識, 宜家先來覺得有壓力呢...
有d野, 唔了解, 其實唔應該咁評論人
宜家亦冇人話唔陪父母食飯, 周圍影相同去旅行bor!!
你係唔係又get錯左d咩呀.....
宜家只係講相見好, 同住難姐...

我是30++, 你有這個想法是好正常，也因為咁，上年我一個人MOVE了出來住。我想有自己的生活，人是要為自己而活，個心只想MOVE出來住一年，當完成自己這刻的心願!　（ 一年後的事，一年後再算。）


這一年，獨居有開心的也有不方便的，開心的係可以假日請朋友來家聚聚，可以幾點睡都可以，可以有安靜的環境，有自己的空間。

不方便的是，花去休息的時間做家務，要自己洗地，燙衫，煮飯，住遠了，覺得時間不夠用，錢花多了。。。夢追了過後，也因為現實(租金，樓價太貴) 也要低下頭來，因一個人搵錢養兩頭家都真不是容易，現在我也決定先回家住一年再算。。。

當然，樓主，也許你只是想想吧，但我也跟你一樣，不想一世跟著父母，想獨立，有人話，父母年紀大，要珍惜，但現在人口老化，有幸父母八十歲，到時我想你都五十，到時先獨立？唔好玩啦，都老啦，情景不再！　...我想，你可以現實D 去計計自己是否真的有能力MOVE出來住，有能力的話，WHY　ＮＯＴ？！人生苦短！

＂親＂父母還可以自己照顧自己，仲等乜，當父母真的要你照顧時，便一定要回家！

有些事，總要行過先能体會，好好完成自己的夢吧！　夢醒後，你看到的事物會變得不一樣！

多謝你~
其實可能自己有太多o既concern... 唔單只父母, 仲有小狗...
搬出來住, 租O既地方未必俾養狗... 就算俾養, 又會擔心小狗係我返工時冇人照顧會好悶...
亦認同你的講法, 搬出來住, 要養兩頭家, 洗費大好多...
最理想O既, 可能係有朋友可以WEEKEND俾我暫住, 等自己有個獨處空間~
哈哈~~

其實我諗我唔係get錯, 而係你自己好negative去諗人地既說話lor~
我都唔係教訓你,
只係「相見好, 同住難」, 都唔係而家先有既事啦!
點解而家先有呢個想法,
之前有冇諗過(費時用"冇諗過"啦, 一陣你又話"我又話冇諗過wor!)點去change下自己既心態?

同埋好似你上面咁講,
等有朋友可以俾你WEEKEND俾你暫住一下,
坦白講,如果30+ ,而自己出黎住, 有一部分係可能同partner組織家庭既,
咁得閒你就上去住一陣, 其實係幾唔方便同難既事,

或者你可以試下搵諗諗搵1至2個單身朋友一起share house,
share 租金,又有私人空間。

[ 本帖最後由 Casper 於 2013-1-3 01:03 編輯 ]

多謝用心同我分享的happyking, 印度人, snoopy, 撒爾達
pm左你地, 做個朋友呀 ^^

我未30,(這樣插入真不好意思),grad 後搬左出來,但在未來一兩年應該會搬回去陪他們走最後一段路。我也好怕, 當年搬出來就是因為相處不來, 希望盡量遷就他們,盡些微兒女的責任。
共勉之~

you are welcome!! ^^
遷就, 包容... 好多野我都明白... 只係, 有時工作真係都會有壓力, 工作受左氣, 返到屋企一d無形o既壓力, 我都盡量舒解緊...
唔係唔可以搬, 只係個心始終會掛住.
矛盾的心, 我相信你同snoopy都好明白~~

Casper: "或者你可以試下搵諗諗搵1至2個單身朋友一起share house,
share 租金,又有私人空間。 "

Casper, 你的提議都好好，不過未必可行，現在屯門元郎都要七八千一個月，幾個人甲又未必夠大，讓每個人都有各自的空間。

我之前有想過租工業大廈，但有好多限制。。。

可能改變自己的心態來得更有經濟效益!

如果七八千一個月, 1個人自己住都ok (當然睇返自己本身既經濟能力),
返而有冇心去搵地方就最好重要~

而家好似度度都好貴,
但係之前朋友細心搵地方,
搵到觀塘700呎唐7, 只係$5000, 就同另1個朋友夾黎租住,
各有1房, 仲有大廳 (唔知有冇鬼)~~

anyway, 好多謝你真係用心了解我講咩

[ 本帖最後由 Casper 於 2013-1-4 01:30 編輯 ]

五千? 好WOR ，幾時的事? 現在還可以嗎? PM 我分享下!

弄個"六樓後座" 都好正!

都有9個月之前既事了~
我聽落都覺得好正~
問佢係唔係有鬼, 佢話應該平係因為要行7層樓,
而家就真係唔知仲有冇了,
因為那個朋友唔係成日見,
下次可以問下佢~

不過, 佢有講過, 搵觀塘之前, 都有搵過沙田,
佢朋友村屋出租, $3500 朋友價, 700呎,
就算唔係朋友價, 都好似唔係好貴~

haha~~我都好想重係同屋企人住呀~~
好幾年我就搬走左嚕,不過我同屋企人關係都ok既,
除左媽咪成日都問家用 ,我地都成日見,
好多family gathering,
其實有得係屋企住都幾好,出面d租好貴呀