(版主~其實我都唔知呢篇應該放係健康性事區定呢邊．．．)

琴日又同老細食lunch，講起佢同班朋友傾計，
傾起如果同一個有心發展既女仔一齊，
識幾耐先提出上床好。

我老細就問我啦，
雖然佢知道我我係鍾意女仔，
我又應該要以自身既經驗回答，
但係唔知做咩，果個ｍｏｍｅｎｔ突然轉ｏ左為一個異性戀者既身份去答佢：
半年啦！

我老細就話我保守，
佢話佢會一至兩日就提出，
我話，上床唔同錫嘴仔囉，女仔係需要一ｄ時間去考慮，
你係唔係一個可以長遠發展既人，先會同你上床！
老細又立即歪理連連，
話如果心水清，一兩日已經可以建立信任啦，
你同得佢拍拖就已經係信任佢先拍拖Ｏ架啦！
（頂！真心比佢吹脤！）
－－－－－
其實，雖然我口就話半年，
但係自己都真係唔會等咁耐，
甚至，坦白講，自己都幾速戰速決，
而呢個情況，其實係LES界都幾普遍。


半年？我諗3個月都已經太長，
聽唔少係識既頭一個星期,甚至曖昧中已可成事，
或者，可能同性向來都比較親密一Ｄ，
甚至，唔洗擔心仲有1%有機會有BB，
可以隨心所欲，
但係正因為咁，
好多人都好似忘記o左呢一件,
其實真係唔係拖手、鍚嘴仔咁簡單既事。

[ 本帖最後由 Casper 於 2013-1-5 02:37 編輯 ]

一晚　　　　

咁我都係保守派, 但好想俾個 Like 你！
我覺得人人都要對自己負責任, 雖然有人認為拍拖一兩日就可以上床, 咁我想講, 如果轉個頭真係散左, 都無得話自己係俾人呃云云, 因為自己都隨便對待, 人地當然就隨便對待~ 但有時真係經一事先長一智~

其實拖手、鍚嘴仔等我已經覺得唔係隨便o既動作, 但有時女仔之間就係無咁避忌, 所以好難界定, 我同 d 姊妹都會手拖手, 不過真係純友誼~ 我覺得如果 feel 到唔對路要大方講出口互相溝通~

拍拖半年先上床我覺得好理想, 對女仔黎講, 有 d 野係需要時間去證明同取得信任~ 不過理想同現實總係有距離, 因為人如果下下都咁清晰就唔使拍拖, 情到濃時又真係會充昏頭腦, 不過都係果句, 睇下自己感覺如何, 認清對方為人幾時都最重要~

差遠少少。

講開拖手/身體接觸。我覺得。就算兩個女仔幾熟/咩關係都好。其實當中有分別。有啲接觸係知道純友誼。無其他。但有時有啲接觸係帶曖昧及訊息。我覺得係會感覺到當中的分別。

正題：遇岩。識左/一齊時間長短唔係問題。

唯一講倒ge 經驗係: 識咗~4年, 一齊咗一個月
不過我覺得都係快咗D, 但係呢...... 都係o個句, 情到濃時.......

你老细摆明点你，你问下佢摆得屋个件係唔係咁豪情先讲啦，淫人妻女个D人，个个都厌人地”慢手慢脚”架啦

贊成!

我記得岩岩一齊果時, 我個直既女仔朋友警告我一定要等3個月. 果時我心諗起碼一年啦, 點會咁快. 結果真係3個月. 可能因為響同一個地方返工返學日日見, 所以對我地黎講3個月唔算快.至於我果位直既朋友, 後來佢識左男朋友後, 一日就俾左 @___@

[ 本帖最後由 guardianangel 於 2013-1-5 13:17 編輯 ]

首先, 我係覺得佢係誇張o左o既, 不過佢都絕對可以係好速戰速決既人,
不過我好知道我老師唔係咩淫人妻女既人lor!
而且, 我老細係唔好點我既, 因為佢好清楚我唔係一個咁蠢, 比佢點到既人,
只係o係佢既思想中,
上床唔係豪放,
而家一個需要, 只係另一半信唔信佢唧,
佢都講過,佢提出, 唔表示人地會願意咁快,
佢都唔會因為人地唔願意, 又分手或者對人差。

係wor~
其實當情到濃時個陣,
真係咩都唔記得晒~~

有feel既第一晚已經可以

有feel既第一晚已經可以

有冇即上XD

即上 太誇啦=A= 同色狼有咩分別wor....真係咁鬼餓?

我...唔知la, 同ex一齊果時...好似半個月~1個月 食左 佢
就算我自己有幾餓都要忍住半個月多啦=_= 我唔會忍得到咁長時間

睇對方主唔主動吧
即晚試過，最耐就半年後先有sex

試過一個月 又試過即晚
係睇個人係咩stage嫁啫

睇時間 睇心情 睇地點 睇對手
唔會理一齊幾耐
真係重要咩?
真係唔想 ,再算

其實, 我既問題從來冇標準答案,
重唔重要, 只在於你點去睇上床既一回事,
有人視之為一個關係昇華既關鍵,
有人視之為單純既運動項目之一,

只不過, 我突然會諗起,
除O左曾經有一D年少冇知既朋友,
第一晚就比人TUM O左上床,
我有好多異性朋友, 都真係會考慮好清楚,
覺得可以同果個男人走落去先會選擇上床,

但係, 係我所認識既同性朋友, 真係情到濃時就會上床,
那怕只係一星期, 一日, 甚至未開始。

其實冇對錯,
只係同老細既對話中引伸既想法。

你地咁勁既........

=W=你說我?