|
其實係一個好小既誤會...
係朋友 whatsapp group中,
有個朋友講返之前, 因為屋企白事而去唔到另一個朋友既婚禮,
之後我地group中唯一一個男性朋友,
就講o左一句:
「人人有份」
我本來覺得, 佢只係講笑同睇得開, 但係始終好大吉利是,
我就話佢好賤, 好大吉利是,
點知, 佢就一輪嘴係咁話我「攻擊佢人格」、「低能」、「話我屈佢」
因為,佢句說話原因係回覆返再之前既對話,
咁都有另一個朋友話, 係一場誤會啦
但係個男仔仲係一輪嘴係咁話,
之後我退出個group, 但係我其實仲有另一個電話number係group裡中,
我用另一個電話去睇返個group,
我見到個男仔仲要單單打打, 講咩「公道自在人心」,「我仲可以嘈多一次o架!」
其實我一直好知呢個人口不擇言,
但係我介意既係, 我班朋友, 只係一味話一場誤會, 唔好傷和氣,
但係冇人在意過我被傷害,
我知道佢地都係鍾意以和為貴,
覺得時間可以淡化一切,
我知道佢地手掌係肉, 手背係肉,
但係, 我覺得最委屈同難過既係,
佢地冇主動去whatsapp過我, 了解過我既感受,
只係我係facebook 講返自己既感受,
佢地先話好錫我同果個男仔, 就係因為都好錫大家, 先唔表明立場。
但係, 我真係好心淡,
點解睇住我被人咁去傷害, 都冇幫我。
我知道, 我唔應該咁執著,
但係就因為我在乎, 我先會覺得委屈同難過。
|
