<<今時今日嘅「同性婚姻」真係令我好難接受,請睇完先好比反應!!今日太有感而發喇>>
其實科學(精神科)一早(廿年前左右)就講左同性戀唔係病態,係自然不過嘅事,真係唔明好多人嘅科學係邊科?
其實大家唔需要歧視嚟歧視去,dna mutation(病變)係正常不過嘅事,如果dna無法去改,咁就只可接受大家嘅存在,dna令你生得比人醜或太靚或太高太矮,同對與錯並無關係,唔需要指鹿為馬咁無謂,亦無必要克意去改變人地。
如果有弱智係dna出錯,令啲人變得個樣同一般人有別,令呢啲人思考上不及正常人,咁你會點教你嘅小朋友去對待佢地?我會講:人人有別,dna有時會出錯,我地應該多加包容,佢地都唔想同其他人有別。
無人要大眾幫同性戀者做啲咩,只係想大眾接納並認同呢堆小數人無錯,唔好再用歧視眼光對待
有啲人強迫呢種”無錯嘅人、有錯嘅dna”去改,去變岩(異性戀),咁唔係好無謂嘛?等同於你教弱智人士去變牛頓一樣諷刺。
其實諗深一陣,有人會擔心教識左下一代同性戀係社會無可避免嘅事,小朋友就會學就會跟,其實有啲矛盾,因為你諗下:我地嘅社會教我地異性戀先岩,常識書教我地男女交配先叫正常先叫性愛,咁同性戀喺邊度學返嚟?佢地無理由變同性戀嫁?擺明就唔係教出嚟嫁啦!我可以教我嘅小朋友弱智係唔正常,但我無可能話弱智嘅存在係無可避免嘅+我地應該互相尊重,跟住我嘅小朋友會變埋弱智嫁嘛,係咪?
再講,「正常」呢兩字喺精神科角度講就包含在「大眾、大部分」嘅意思,所以我地可以講同性戀的確係唔正常,但唔代表咁叫錯。有好多人鍾意食朱古力(叫正常),但又有D人好唔鍾意食朱古力,只喜歡食臭嘅野,例如臭豆腐同榴槤等,如果事實上後者人數係比較少,我地又走過去話人地形響自己,唔應該O係街食,一定要人返屋企衣櫃裡先食得?然後話呢班人係病態,係唔正常?係人都知科學角度,人類係鍾意香嘅野係正常,人會有覺得難聞嘅時候係個天送比我地嘅一種特質,一種專長嚟介定危險物品,咁如果我地食得多或聞得多臭嘅野,我地就會有可能慢慢地無法分析氣味嘅香臭與善惡,咁算係反天意,逆天而行嘛?
用神學嚟講,全能嘅神嘅所作所為都有神嘅意思,dna可以出錯,神無可能有錯,假設某部份嘅同性戀者係天生嘅,咁會唔會係神嘅意旨,同對錯無關?
今日睇左段新聞,有個男同志同左個異性戀嘅女人結左婚,之後半年後佢覺得唔應該再扼自己、再扼佢嘅太太,佢決定講比佢太太聽,點知佢太太諗唔開去左自殺死左,你有咩睇法?其實社會上有好多隱形同志入侵左大家所謂嘅正常家庭,為左大眾而去嘗試結婚生仔係唔正常唔岩嫁,咁樣會做成更多慘劇,點解要迫弱智變牛頓,點解就唔可以好好地共存,唉⋯
道德係究竟係咩?如果你嘅另一半,用左佢一生嚟同你結婚生仔,最後死嗰刻先話你知佢其實係同志,從來對你只有責任而無愛,佢嘅一生未試過同相愛嘅人一齊,佢騙婚只係為社會做「有道德同正常嘅事」,扮演你嘅伴侶係因為種種嘅"應該",你會有咩感受?你會覺得佢做對了嗎?你為佢、為自己嘅呢個人生開心嗎?
我自己覺得立法與否都係由個天決定,歧視同性嘅人唔講出口唔代表無歧視,咁為咩去爭取立法呢?個腦生O係人地度係咪先?把口又係人地嘅你話岩唔岩?如果話呢個會係多一份搵工嘅保障,不如話人地只會搵另一個藉口去唔揀你?係歧視嘅人始終係唔會變,係唔歧視嘅亦都唔會突然改變立場!你諗下種族歧視出左幾耐?我話呢家無晒人種族歧視呀,你信唔信吖?我想講嘅係同志唔應該太大期望O係爭取呢樣野度,有同無立法講到底都係表面嘅文字遊戲,並無幾多好處可言,多一事不如少一事啦,你覺得自己岩嘅就企出嚟,連自己都覺得自己影響市容,覺得自己不道德嘅咪收埋D囉!至於異性戀者喇喎,想提醒下,你愈將呢個TOPIC收收埋埋,愈有更多問題出現,就好似我講嘅"同性婚姻"事件,你估第一次發生呀?搵多D資料睇下,你會發現呢班無得改變嘅不道德人士(你認為嘅)所做嘅"道德行為"而做成左對異性嘅最不道德傷害喇....係咪應該做多D諮詢去保障唔同性取向嘅人,大家應該冷靜考慮,唔好一味話反對,因為下個受傷嘅異性戀者可能會係你或你嘅親朋好友,真係想攪成咁先再去睇得開嘛?
P.S.呢篇野其實係我想O係YAHOO新聞區度回應人地嫁(有人話科學證實同性戀係有錯),但唔知係咪長得滯,死都UPLOAD唔到,所以只好放O係度講下自己睇法...你地又點睇?有無野想發表?
[ 本帖最後由 ml067 於 2013-1-17 13:39 編輯 ]
|