想問一吓b們，每一次出街/食飯都俾囇？
因為有風度？面子？

我覺得

如果兩個都是學生 AA 一人一次冇咁樣衰

如果兩個都工作 就隨意 唔洗下下計

如果一個工作一個讀書 咁就返工果個請下囉

無分B/G

唉....我成日都好想"B一定要比曬" 呢樣野唔再係慣例....雖然我都知有D B覺得呢D叫風度, 又有D G老奉以此為B係咪疼自己的指標...但我覺得咁樣一方比曬, 唔駛儲$為自己/2人將來咩.....而且2個人都有工作的話, 就算個B搵多D, 都唔代表要人全包...

一個人比兩份人$都幾吃力吧

你估而家好多人老豆係李+*咩。
長貧難顧，早日學會節檢環保的消費模式吧。

我(B)同我ex(G)一齊o果陣係AA, 甚至佢會比多少少，因為佢揾得多過我。除左佢以前有個partner好堅持佢比埋我ex o果份之外，我ex話佢以前同其他人都係AA. 其實佢覺得大家都係女仔，點解要其中一方比哂咁奇怪。

就係因為大家都咁諗先會有B覺得呢D叫風度 G覺得呢樣係指標
我覺得只要自己覺得咁係唔岩既就唔好跟
G有用心既就會知道愛唔愛 同俾唔俾錢無關
至於B呢 冇錢冇得儲又辛苦冇將來 唔開心 咁要風度黎做咩?
請得起 先叫風度 我覺得 請唔起叫充闊佬

我都覺得咁相處最好 唔好話女女 男女都應該咁相處 因為社會已變男人不再是唯一bread winner 如今係公一份婆一份既社會

我諗同風度都有D關係，應該說是「禮貌」或「禮儀」??
唔係AA制唔好，但咁樣好似有D寒酸..-__-"
B只是負責俾食O個方面，
咁其他方面都可以G 負責，好似買衫買護膚品佢自己俾返，
咁咪唔會話儲唔到$$ LOR??

最緊要係心態，G唔好覺得係老馮，B 都唔好話因為面子而充「大頭」。

其實有d b好慘. 佢自己可能都唔夠使.
但同gf出街. gf老奉要佢畀咁.
佢講又驚對方會覺得佢好計較咁.

我覺得咁. 其實就算b要請. g要識得拒絕.
b們都唔好做到個感覺等d g覺得你地1定會畀.

但又唔係話要做到好計較.
可能你畀1次. 我畀1次is ok.

但除非另外個個有錢到可以包起你.
否則. 都係aa好d.

AA制很好呀，但型式可能不是真的去計數或是只比自己個餐
我以前都是輪流比的，或是自己主動付擔部分消費。
我覺得不管男女還是BG都一樣啦!!!
不該奉旨的!!!

樓主係咪最近睇左香港討論區既熱門話題有感而發?
我慣左AA / 你請我一餐我下次請返你一餐咁

多數AA制, 如果我出糧多了,我會請~
平時行行街買野飲,我可以請~ (視乎情況

[ 本帖最後由 Natalie黑鴨 於 2013-1-24 02:48 編輯 ]

有個肯AA制的女朋友其實都幾幸福

哈! 若到粘仔記吃雲吞麵就比曬，到麥x記吃就AA制，又或者去仕德福就比曬，到香格理拉就AA制會不會感覺好一點?

出街食飯多數係我俾，但女友間中都會俾或幫我買野。
我認為只要負擔得起，兩個人在一起唔需要計較太多。
而且身為b，總會希望可以take care到女友吧。

有就我比。。。如果我冇咪佢比囉。。。

我以前仲係同男仔拍拖時, 都有同其他直女研究過AA制呢個topic, 得出的結論係...

如果個女仔打算同個男仔有將來(長遠發展或成家立室之類), 出街食飯購物等會慳住男仔啲錢
相反, 如果個女仔只係打算拍下拖, 唔打算同對方有長遠計劃, 就會盡量使男仔錢
我哋發現老中青的女仔都出現以上情況

甚至聽聞有d女仔點解鍾意對方送手袋, 唔鍾意收有心思的手作仔禮物,
原因係分手後可以拎去賣換現金 (好有計劃 =_=")

以上資料只供參考

比多個有關AA制的事件:
曾經有位成熟的男士(中年、專業人士、有樓有跑車)講我知,
廿幾歲仔時試過比女朋友欺騙金錢(金額好似有六位數字), 好hurt~
之後佢都會在約會初期要求AA制, 如果對方唔肯或表現唔高興,
佢唔會考慮同對方拍拖, 因為佢想搵個唔貪錢的女朋友,
咁最後都比佢搵到

咁如果2個都係g~或者好似我咁~pp戀呢?!(純粹好奇~不喜勿插)
我地2個都係長髮~出街多數佢俾~因為佢負責管埋我個d~
我~~~係冇乜$的~

我都係PP