今日,掛住一對黑眼圈,
從中南買完畫紙走出彌敦道,
行o左兩個街口,
竟然見到23歲時既果個ex,
佢同朋友等緊人,
突然有d緊張,
自然反應走入橫街。


估唔到咁多年冇見,
竟然係油麻地遇到,
我唔係一個可以同ex做返朋友既人,
所以, 我既緊張,
並唔係因為對佢仲有咩特別感覺,
而係, 好怕刻意走過去, 又或者比佢見到,
點下頭, 問候下, 然後唔知講咩好,
最怕呢d咁尷尬既場面。


向旺角方向走,
腦海的確浮起有關呢個人既回憶,
咁多年之後,
我地早已經係陌生人了。

[ 本帖最後由 Casper 於 2013-1-29 23:48 編輯 ]

咦。。。你會唔會成日行中南

我都有一個已經變成陌生人既EX..
試過係街度撞到, 同你有一樣既感覺..
明明一早已經放低左,
突然勾起同佢既回憶..
有時諗返起, 曾經咁親密既兩個人,
點解會變成陌路人, 好可惜.

我都明...分左手真係做唔到朋友...
大家經歷左咁多野..除非感情升華到去屋企人..
唔係真係好難做到朋友..

呢種由陌生到熟悉,再由熟悉變番陌生ge感覺真係好令人心酸!

又唔係成日,
買文具畫紙就會去,
齊d ma~

其實, 我對佢都冇咁多回憶,
不過今晚諗返起,
當年佢都真係對我好好,
不過好並唔夠,
佢唔算好愛我, 我亦都太任性~

我知, 有好多多都可以再見亦是朋友,
但係我自己就做唔到,
曾經愛過, 我真係唔知點做返朋友~

好彩, 我冇咩呢種好心酸既感覺,
只係曾經咁親密, 到最後, 我連hi 佢都冇意慾去hi,
過客, 原來就係咁樣。

係...落差太大..我都唔會想做返朋友
再見不是朋友

我成個一月星期六日都番緊中南

這是常有的，不要說是前度，同事、同學和舊朋友都會走完一個又一個，不過你若覺得不舒服，就不要勉強相認好了，反正別人也不見得想招呼你，有時處之泰然還好。

有時徐非對方真的那麼「大方」，或是有求於你，或是你還有利用價值可keep，真的很少情侶能像謝賢和狄波拉，不竟愛過就知痛，心中一定有根剌，人有時很mean ，只會睇好唔睇醜。

如果做到朋友真係可能有一方對對方仲有情...
所以為左更好既將來都係放下前度…
btw我明係街上見到ex想避開…
even係同佢行過既地方都想繞路行

我上星期日才和家人吃飯，再次感覺到親人的重要性是不可代替，少一點心血和付出，也不能使「情人之間的感情昇華」。搵個對的人再努力吧!

「對對方仲有情...」既然大家當初是磨合好，就不會分手，你會再犯險嗎?


不要說情侶，我試過有舊同學是街坊，我是認得他，中學時已知他性格勢利，不會真心跟人做朋友，所以一直扮作陌路人，有一天，他竟走上來打招呼，我沒有太大反應，只有微笑，他說「可能你已忘記了」，過了不到一星期，遠處我已見他，但他竟繞路由後路進大廈(可能以八公性格向其他人收風看你現在的是否富貴)，另外，有的人受別人挑撥離間，對我有偏見，每次見我走過更皺起眉頭，驚死我會找他/她，麻煩他/她，我心充滿不屑和好笑。

有時我想既然是自己沒有做對不起別人的事，為什麼要辛苦自己走遠路，不去自己想去的地方?難道整條路他們霸晒?旺角，銅鑼灣，尖沙咀等旺區，遇到熟人的機會大増，你喜歡，覺得值得才喚，不要浪費大家的時間，時間久了，大家都會習慣對方的存在。也漸漸忘記對方的存在。

其實我係覺得，大家咁多年都冇做朋友，當初拍拖前都唔算叫咩朋友呀，
而家做咩朋友呀~~

我冇覺得好奇怪，又或者唔舒服既，
只係唔想打招呼，唔鐘意個一種明明已經好陌生，又要扮唔陌生，因為一向如是，就算係一個好耐冇見，又唔係特別想見既舊朋友或同事，都係一樣~~

原來呢度都有唔少人行中南. 我間中都會去行下睇下野.

btw. "彷彿將. 藏在下意識中黑盒揭起. 鎖起的. 舊愛記憶集體傾巢逃離."
無愛無恨. 但有時. 只想將當時既記憶保存著. 就算由它封塵. 都不想再碰.

[ 本帖最後由 J__ 於 2013-1-30 10:49 編輯 ]

無錯！屋企人真係好重要！
下次唔會再搵錯的人