+琴日睇O左<愈傷愈愛>,整晚, 都重覆去問一個自己,探索左好耐既問題,
「愛, 究竟係咩?」
愛一個人, 係唔係應該要愛到,
就算佢變得另一個性別,都可以繼續愛佢?
又或者, 如果佢毀容呢? 佢失去O左一雙手, 一對腳,
又係唔係可以愛佢如最初?
今日同老細講起,
我問佢, 如果佢老婆要變成個男人,你仲可唔可以愛佢?
老細:
「可以, 我會支持佢, 同愛佢, 但係唔會愛佢既身體囉!」
我老細話, 因為佢同佢老婆之間, 唔係「純愛情」,
我初初唔明,
老細話:
「大部分人都係純愛情, 所以當冇O左愛情,冇O左感覺, 會分手, 會離婚;
但係當兩個人之間唔係單純只係愛情, 有親情, 有難以取締既感覺,
就算佢變成點, 你就永遠唔會離開佢, 會永遠愛佢;
同時, 另一方亦都唔會介意對方愛唔愛你, 唔介紹佢愛唔愛其他人,
因為親人, 係永遠唔會分開。」
雖然, 我覺得佢講既O野, 有部分係歪理,
不過, 亦令我深思。
[ 本帖最後由 Casper 於 2013-2-1 22:48 編輯 ]
|