聽過嘅損友行為之一:
ABCD係宿友. A同B一間房. C同D一間房. A同B唔夾, C同D好FD
B同C學長笛, 之後A同D又想學. A想問C借笛, C話自己借比D, 出主意叫A問B借
B就焗住借比A. 借果刻已經有D心知不妙. 事後見無曬聲氣, 就追問A還笛. A一直都支支吾吾. 拖得就拖. C知道之後就講到好為B不值.
A同B無一齊住宿之後, 已經無咩幾句. 畢業之後A厚臉皮搵B, B就直接叫佢如果還唔到笛, 就比番$. A竟然話自己好多卡數, 還不到住. 大家咁醒一定知道, B無咗支笛, 亦攞唔番$
損友行為之二:
有D人好標榜自己大把朋友, 朋友圈之間唔會重疊, 係心中各有功能
E君就係喇. 搵$唔多, 但同班班朋友都好似中產生活咁. 而表面上班班朋友都好似好比面佢, 比唔少好處佢咁
但E係咪真係咁良友呢? 又未必. 可能佢D朋友唔知道, 又或者怕了佢BIG MOUTH, 做無間道係唔同FD圈之間游來游去, 將自己朋友D野周圍講. 自己野就對唔同人講唔同野, 同一件事可以幾個版本.
最利害係周圍搵好處, 有咩要人幫就打曬鑼, 邊個唔幫就唱行佢; 邊個比得起$飲飲食食, 就同果D人去食貴野, 夾$食, 再唔係就臉不紅心不跳要人請. 以小博大
到自己可能要請番人時(如生日), 就出口術, 等人地唔好意思. 到佢生日就食人隻車
邊個想甩身唔再同佢FD, 就厚臉皮扮無知, 人地就唔理佢, 亦有人試過直接講原因, 都仲可以扮INNOCENT