我真係想知如何讓對方有安全感，可以依賴歡迎所有B分享，亦請G告訴我你們的想法！

[ 本帖最後由 tigger_audi 於 2013-3-6 01:09 編輯 ]

對自己專一同一齊生活就夠
其他野我黎都無所謂架啦
Pure

安全感我覺得可以分兩方面
生活上既就最好有份穩定工作同收入, 無不良嗜好, 仲要唔會狂碌咭
感情上既就只要坦坦白白, 事事以對方為首, 就自然無猜疑啦~

我自己曾經打過既:
"安全感"，很多人問點先比到對方，其實問係無用，因為因人而異。
基本上，比對方知道佢係你心目中係好重要、當對方需要你時會搵到你、你係好重視關心對方。做到，就會慢慢建立到安全感，但方法就個個唔同。
極度欠缺安全感既人，自我保護意識都好強，因為她們明白，更多的安全感，是要自己給予自己。

安全感人人都要, 唔係B一定做比安全感果個/G一定只係受果個

對方重視關係, 唔會左顧右盼, 唔會比你覺得大難臨頭即閃或者佢好景時就一腳伸開你, 係一種安全感來架

嚴重無安全感嘅人, 你幾努力都好, 佢都係多多懷疑. 就要著手幫佢一齊搵出為咩佢無安全感....咁呢D野好多時又同童年有關, 同埋佢人生中遇到咩唔好的人和事

安全感好好好好重要!
係你人生最無助既時候會幫你....支持你!~~~~~

這個是最理想啦!

QUOTE:

嘻嘻! 身同感受!

多謝回覆...

其實我係唔知㸃解對方對我一點信心都冇,永遠都沒有安全感.  我係建築師, 有穩定工作, 有自己生意, 沒有不良嗜好.  我將對方生命中最為重要的一部份.

真的想知那裡做得唔好??

安全感同你以上說的如工作、收入、無不良嗜好等原則上可以全完無關，
如果你個人比對方感覺係唔安全，咁有呢D外在野又點？佢咪又係冇乜安全感？

條件太好!?

我真係唔知, 我為大家的將來打算都唔啱?  因為想對佢有多啲保障, 又唔啱?  我真係唔了解佢需要什麼.  

我想保護佢,照顧佢, 但佢又覺得唔實在, 覺得我寵壞佢.  關心佢, 又話我過度緊張.

寵又唔啱,唔寵又唔啱; 關心又唔啱,唔關心又唔啱.......  

我可以點做?

其實她有沒有誠意跟你長遠走下去?你不如跟她溝通，看看有什麼心結要解，免得自己乾急，內心七上八下影響工作，對你和她又有何好處?

我條件唔算好, 因為佢條件更好, 佢係工程師, 又讀完master.  佢一直讀書都叻過我.  其實我更怕失去佢, 所以我先更加努力.  

導致問題的原因，首先尋找根源所在。
如果雙方跟本不合適，其他都是空談。
如果能夠磨合，我不認為會缺了什麼安全感。
歸根究底沒有安全感是不完全滿足到需要時或多或少產生出來。
樓主再認真問自己對安全感的定位吧。

是你主動追求她嗎? 你們是正式伴侶關係嗎? 既然她是叨女，一定有自己主見和野心，不會輕易受人擺佈，可能她的心中對你仍在觀察及考慮中，理智大於感情，便不輕易承認及投入什麼。

如果佢話我太有計劃, 而佢又係唔多鐘意計劃的人.  由第一日識佢, 就已經知道佢係一個隨著心情而走, 不會計劃....  
說真的, 我怕佢離開我, 只是我沒有說過...  我沒太多的經驗, 但當我真的愛上一個人, 我就很難放手....  我自問不是一個玩家....

問題可能係我, 因為最初佢很在乎我, 但我沒有珍惜.  到我想珍惜的時候, 佢就開始覺得沒有安全感, 無論我幾努力證明我在乎, 佢都話唔知我幾時又會放手...  我就是無法證明我不會再離開....

我其實從頭到尾都冇說過我愛她...  剛䦕始, 我覺得她條件太好, 所以不敢認真, 就算我一開始已經係很愛她, 並不止是一般的喜歡... 我也不敢完全投入...  只敢用不在乎的態度對她, 直至我覺得她真的在乎我, 我才認真珍惜...

大家都是聰明、愛面子的人，又不肯先付出許多，你猜我度，最後的誤解也是免不了。你是TB嗎?你若真的愛上了她就要盡力爭取(反正TB 都是被認定要多犧牲一點)。唯有用精誠所致，金石為開，希望人心肉做，你始終沒有做出一些叫人不能釋懷，極度損人尊嚴的事，真的不要再扭來扭去，否則你不如忘記她了，你會放棄她嗎?

[ 本帖最後由 little 於 2013-3-6 23:11 編輯 ]