話說所住的大廈有部升降機壞左，事源上星期樓下商場爆大屎渠，有些水入左升降機糟裡面。

壞左成個禮拜都未整返好，其實都唔知幾時整返好，應該好嚴重。

咁清潔姐姐都已經倒垃圾倒左起碼廿年有多，基本上佢係睇住我大啦，見到面會打招呼。(不過唔重要。)

咁而家返兩部可以用，一部單層，一部雙層咁。其實全世界都好唔方便。

但係有屎忽痕的鄰居就嫌清潔姐姐在晚上倒垃圾的時間「霸」住成架升降機，又話叫投訴到管理處，o係度遷怒清潔姐姐。

而家又唔係得你一個無得用，清潔姐姐做野都辛苦啦，平日做野一架就可以做，而家要分開兩架分層咁倒。

都唔識體諒下人。個鄰居仲要係成五十幾歲人，真係以為自己俾左錢就大晒咩。

見到呢d咁既人真係想打佢一身

個啊姐有無比管理處個邊鬧?
明明自己無錯都比人鬧, 而自己又做唔到d乜會好唔開心, 如果見到個啊姐你可以安慰下佢等佢知道自己既工作都有人會欣賞/明白

我以前住個度ｄ人仲搞笑…
明明每層都有垃圾糟，可以直接係每層既垃圾房倒ｄ垃圾落地下，點知就有人話咁倒好嘈，話自己有心臟病唔嚇得喎。
最後要清潔阿姐逐層收垃圾搭lift落地下，收完仲要清潔返部lift。
真係冇野搵野黎搞。

香港太迫太多人喇，撞到自私奇怪既人既機率都大好多…

香港地實在有太多食飽飯無野做既人。。。。

這件就係小事啦，但之前女記者被掌摑而無人出手的事就真係香港之恥。

香港已經唔係以前既香港喇…
七百幾萬人當中，仲有幾多個真係土生土長既香港人丫…

其實當時個到d人會唔會都係水客, 所以無人出手幫個女記....



[ 本帖最後由 3539ws 於 2013-3-7 22:52 編輯 ]

事实又好似係咁，，，，唉

咁我又覺得"土生土長"都唔一定有公德架....我見唔少"土生土長"的都好不知所謂
同埋...其實好多香港人的父母(包括我)都是60 70年代從大陸來的, 只係當時香港人口好少, 容納到佢地作為勞動人口+人道理由+香港人同根生心態+國民黨人好支持佢地走來香港...香港有之後的繁榮都係同佢地好大關係
當然有人可能又會話, 果時D大陸人質素唔同D
現在好似咩衰野都賴係"非土生土長"的人到.....唔係一件好事
話時話土生土長係咪新界果班友(圍村), 今時今日搵大清律例響朵果D友仔????

真係唔知可以讲D咩，從事記者行業既人要團结加油，事事小心！

樓主講的大嬸會唔會係果D中產業主呀 XDDD

令我想起有屋企人租港島樓住, 一入去就一肚火, 冷氣機滴水嚴重. 自然叫管理處同樓上傾傾. 樓上果位高貴的女業主滿口英文扮曬野, 唔想處理滴水問題, 就搵個律師親戚上門兇我家人 XDDDD 好在家人都唔弱, 都據理力爭. 最後個女人先條氣唔順咁攪番好佢個冷氣機

如果做服務業, 最喜歡投訴投訴到你工都無嘅, 都係D學歷唔錯嘅人兄. 寫英文信來嘈. 佢地覺得寫英文就好似POWERFUL D, 而D公司又真係見係英文信就驚咁....XDDDDD 如果真係服務唔好, 投訴都好正常, 但下下都想人飯碗不保咁就真係好MEAN

佢用英文扮野，你嘛用英文剷佢囉！
在我蒞講，佢同我講英仲啱
佢講中文的話，我可能講佢唔贏

可能到時見到你, 即收口, 或忽然又轉廣東話 XDDDDD

高貴的女業主滿口英文扮曬野<--呢D人我都識唔少,個D人個腦不知所謂,刻薄成家.....最中意指住D家庸,低收入,基層工人咆哮.....

比人告到沒位入個時,就扮死狗,炸死.......

有D仲要係滿口耶穌, 佢地唔驚耶穌想打9(唔係救)佢

妖，我個表姐個工人收得一份人工，要分別做阿媽個頭住家同佢自己個頭住家的工人。

haha, 話時話，記得當年同女友返香港 stay 喺佢父母屋企。唔記得 exactly 咩事，somehow 同樓上個英國婆有抝撬。個鬼婆 gee lee goo loo, 又上帝，又耶穌咁。我女友媽咪係識講英文既，但係俾佢一輪嘴，嚇窒咗。我見到就平心靜氣同個鬼婆講 just curious, where did you trade in your "w" for a "b"?  You better calm down or you gonna blow your casket and we have to clean up after you, seriously lady, if you wanna cloak, don't do it on our expense.  哈！佢聽完竟然用廣東話同我女友媽咪講話我係乜水，講嘢冇大冇細 @_@

呢D咁既人，自取其辱，根本唔洗怕佢！